Piiligu 50

1Niŋi n na, Yisifu li n pa o ba niŋi, a kumi, ka mugisi u. 2Yisifu yeli o dokitesi, ni ba naa tiim niŋi o ba Yakubu, o da saami. Dokitesi maa niŋi lala, 3ba naa dapisinaasi tumi lala tuma, seema n daga. Ka Yijipiti dima maa naa dapisiyapoin kumi o kuuri.

4Jemanso kuuri kuminisim n ti baasi, Yisifu yeli naaba maa kpemba, “Ka ya n zo ma nimbaa, ya togsi naaba maa saani ti ma, ya yeli u, 5‘Poin ka m ba kpi, o ti ma digili noori maa, m pi u yi seela o n gbi o kaa, a yi Keenan paaligu. Jaande, ka m wa ti pi m ba, ka pori n chena.’” 6Naaba maa yeli u, “Wa ti pi e ba, a maa seema o n ti e digili noori la.”

7A zu, Yisifu gaa, o wa ti pi o ba. Nivudamta paag u gaa, Yijipiti naaba kpemba, a ni Yijipiti kpemba zaa, 8a ni Yisifu laanta dima zaa, a ni o beya, a ni o ba laanta zaa. Ama, ba biisi ni peeri, buusi, a ni naagi ko n daa che Goosin tiŋgbaŋŋu niŋi. 9Turukusi ni binduurigusi dima zaa n paag u gaari. Zamutintaa n daa pa o zu gaari.

10Ba n paa Atadi chibuura gbantali, a leeli Joodan mogiri, ba chaari kpeeŋutiri, a ni sufusaaŋu. Nisaaniŋi n na, Yisifu naa dabaayapoin kumi o ba kuuri. 11Keenan nivuseesi n ba niŋi maa, ka nye ba n kumina kuuri maa, a yi Atadi gbantali niŋi, ba yeli, “Yijipiti dima daankaari ni sufusaaŋu nimbirimoo kumsi n na la.” A zu n na, ba boona nisaaniŋi Yijipiti dima kuuri kumsi.

12Lala n na, Yakubu biisi niŋi seema ba ba n yeli ba. 13Ba zi u gaa Keenan tiŋgbaŋŋu niŋi, a wa ti pi u yi zovoori n ba Makipela tiŋgbaŋŋu niŋi, a leeli Mamiri, so Ibrahim n daa n da, o niriba piibu ziya, a yi Efuron n niŋi Hititi nira saani, a ni tiŋgbaŋŋu maa. 14Yisifu n pi o ba baasi, o ni o mabiisi ni seesi zaa n paa ba gaa la pori n gaa Yijipiti.

Yisifu che n paŋŋi o beya

15Ba ba kum nyaaŋa, Yisifu mabiisi la yeli taaba, “Saŋa, Yisifu ni chisi ti, a yo ti yabeseesi ti n daa n niŋi u la samini.” 16A zu, ba tumi nira Yisifu saani, a wa ti yeli u. “Seema e ba n yeli ti, ka kpi n ŋa, 17‘Ya yeli Yisifu n ŋa: M suusira i, e che n paŋŋi e mabiisaa, yabeseesi ni namsigu seesi zaa ba n daa n niŋi i la.’ A zu, jaande, che n paŋŋi e ba Naawunni gurunsi ba yabeeri.” Ba yatogiraa n paa Yisifu, o kumi.

18Niŋi n na, o mabiisi maa ti li n do o yiya, ka yeli u, “E daaba n niŋi ti.” 19Yisifu yeli ba, “Ya da zora dabeem, m bi niŋi Naawunni. 20Ya wune zani ya niŋi ma daaŋu, ama Naawunni wune naag u loobi binsuŋŋu, o ti niŋi bunso n niŋi moligirisim ti nivudamta nyevuya. 21Lala zu, ya da zora dabeem, m ni nyaasi ya ni ya biisi.” O togsi yatogsuma ti ba, a maa ba sufusi.

Yisifu kum yela

22Yisifu daa n zinni Yijipiti, o ni o ba biisi zaa. O daa n dini yuma koowa ni piiya. 23O zi n nye Efirem biisi ni yaŋsi. Ka Manaasi bii Makiya gba daa n dogi biisi, ba naa ba pa Yisifu noba niŋi.

24Niŋi n na, Yisifu yeli o mabiisi maa, “M kum jemani paaya. Ama, Naawunni ni paasi ya niŋi, a nyisi ya kpe gaa tiŋgbanso o n digili noori ti Ibrahim, Yisaaka ni Yakubu la niŋi.”

25Yisifu ti Yakubu biisi pe, a yeli maa, “Jemanso Naawunni n nyisi ya kpe, a wara tiŋgbaŋŋu maa niŋi, ya naa m koba yi kpe paasi n wara.” 26Lala jemani maa, Yisifu daa n dini yuma koowa ni piiya, ka kpi. Ba niŋi tiim sariga u, o da saami zu, ka naag u niŋi daka puu yi Yijipiti.

Currently Selected:

Piiligu 50: hag

Highlight

Copy

Compare