پولُسئے کاگد په رومیان 6
6
چه گناها مَرک و چه مسیها زِند
1گڑا چے بگوَشێن؟ گناه کنان ببێن که رهمت گێش ببیت؟ 2هچبر! ما که چه گناها وتی بند سِستگ، اَنگت گناهانی تها چۆن زند گوازێنتَ کنێن؟ 3زانا شما نزانێت که وهدے ما سجّهێن پاکشۆدی دئیگ بوتێن و گۆن ایسّا مَسیها پئیوَست بوتێن، گڑا بزان گۆن آییئے مَرکا پئیوَست بوتێن؟ 4پمێشکا، ما پاکشۆدیئے وهدا مُرتێن و گۆن آییا کَبر کنگ بوتێن، تانکه هما پئیما که مَسیه، هُداێن پِتئے شان و شئوکتئے برکتا چه مُردگان زندگ کنگ بوت، همے ڈئولا ما هم نۆکێن زندے بگوازێنێن.
5اگن ما آییئے پئیمێن مَرکێا گۆن آییا پئیوَست بوتگێن، گڑا اَلّم آییئے پئیمێن جاه جنَگێا#6:5 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. هم گۆن آییا پئیوَستَ بێن. 6ما زانێن که مئے کوَهنێن زِند گۆن آییا سَلیبئے سرا دْرنجگ بوت تانکه هما بدن نێست و نابود ببیت که گناهئے گُلام اِنت و ما چه اِد و رند گناهئے گُلامیا مکنێن. 7پرچا که آ کَس که مُرتگ چه گناها آزات بوتگ. 8نون اگن ما گۆن مَسیها مُرتگێن، مارا یکین اِنت که گۆن آییا زِند هم گوازێنێن. 9ما زانێن، مَسیه که چه مُردگان زندگ کنگ بوتگ، نون هچبرَ نمریت و چه اِد و رَند مَرک آییئے سرا سرزۆرَ نبیت. 10آ گۆن وتی مَرکا، یکّێن رندا په مُدامی، په گناهئے پرۆش دئیگا مُرت و وتی انّوگێن زِندا، په هُدایا زِندگ اِنت. 11همے ڈئولا، شما هم وتا په گناه کنگا مُردگ بزانێت و چه ایسّا مَسیهئے برکتا وتا په هُدایا زِندگ بزانێت.
12گڑا گناها وتی هاکیێن بدنا بادشاهی کنگا مئیلێت تانکه شما جسمئے سِلّێن واهگانی گُلام مبێت. 13وتی بدنئے آزایان#6:13 آزا، بزان جسمئے هر بَهر و ونڈ چۆ که دست، پاد، چمّ و گۆش. گناهئے دستا مدئیێت تانکه بدکاریئے ائوزار مبنت. شما چه مَرکا دێم په زِندا آرگ بوتگێت، نون وتا هُدائے باهۆٹ بکنێت و وتی بدنئے آزایان هم هُدائے دستا بدئیێت تانکه راستکاریئے ائوزار ببنت. 14باید اِنت گناه شمئے سرا هاکمی مکنت، پرچا که شما شَریَتئے ساهگا نهاێت، رهمتئے ساهگا اێت.
راستاوَریئے راه
15گڑا چے؟ ما گناه کنان ببێن که شَریَتئے ساهگا نهاێن و رهمتئے ساهگا اێن؟ هچبر! 16وهدے شما پَرمانبردارێن گُلامانی پئیما وتا یکّێئے دستا دئیێت، گڑا هماییئے گُلامَ بێت که آییئے پرمانبرداریا کنێت. اے هبرا نزانێت؟ یا گناهئے گُلامَ بێت که دێم په مَرکا بارت یا پَرمانبرداریئے ”گُلام“ که دێم په راستاوری و بێمئیاریا بارت. 17بله هُدائے شُگر اِنت، هرچُنت که پێسرا گناهئے گُلام اتێت، نون شما په دل هما تَهرئے تالیمئے پَرمانبرداری کرتگ که شمارا دئیگ بوتگ. 18شما چه گناها آزات کنگ بوتگێت و نون راستاوریئے ”گُلام“ اێت. 19شمئے تها انسانی نِزۆری هست، پمێشکا من اے هبران گۆن اِنسانی مِسالێا کنان. هما پئیما که شما پێسرا وتی بدنئے آزا په ناپاکی و رۆچ په رۆچ گێشتر بئیۆکێن رَدکاریانی گُلامیا پێشَ کرت، نون آیان په راستاوریئے ”گُلامیا“ پێش بکنێت که آسر و آکبتی پاکی و پَلگاری اِنت.
20وهدے شما گناهئے گُلام اتێت، چه راستاوَری و بێمئیاریئے پابندیا آزات اتێت. 21گڑا شمارا چه آ کاران که نون چه آیان شرمندگ اێت، چِه پائِدگ رَسِت؟ آ کارانی آسر مَرک اِنت. 22بله نون که چه گناها آزات بوتگێت و هُدائے پابند اێت، هما پائِدگ که شمارا رسیت، پاکی و پَلگاری اِنت و آییئے آسر اَبدمانێن زِند اِنت. 23پرچا که گناهئے مُزّ مَرک اِنت، بله چه مئے هُداوندێن ایسّا مَسیهئے برکتا هُدائے داد و بَکشِش اَبدمانێن زِند اِنت.
Currently Selected:
پولُسئے کاگد په رومیان 6: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
پولُسئے کاگد په رومیان 6
6
چه گناها مَرک و چه مسیها زِند
1گڑا چے بگوَشێن؟ گناه کنان ببێن که رهمت گێش ببیت؟ 2هچبر! ما که چه گناها وتی بند سِستگ، اَنگت گناهانی تها چۆن زند گوازێنتَ کنێن؟ 3زانا شما نزانێت که وهدے ما سجّهێن پاکشۆدی دئیگ بوتێن و گۆن ایسّا مَسیها پئیوَست بوتێن، گڑا بزان گۆن آییئے مَرکا پئیوَست بوتێن؟ 4پمێشکا، ما پاکشۆدیئے وهدا مُرتێن و گۆن آییا کَبر کنگ بوتێن، تانکه هما پئیما که مَسیه، هُداێن پِتئے شان و شئوکتئے برکتا چه مُردگان زندگ کنگ بوت، همے ڈئولا ما هم نۆکێن زندے بگوازێنێن.
5اگن ما آییئے پئیمێن مَرکێا گۆن آییا پئیوَست بوتگێن، گڑا اَلّم آییئے پئیمێن جاه جنَگێا#6:5 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. هم گۆن آییا پئیوَستَ بێن. 6ما زانێن که مئے کوَهنێن زِند گۆن آییا سَلیبئے سرا دْرنجگ بوت تانکه هما بدن نێست و نابود ببیت که گناهئے گُلام اِنت و ما چه اِد و رند گناهئے گُلامیا مکنێن. 7پرچا که آ کَس که مُرتگ چه گناها آزات بوتگ. 8نون اگن ما گۆن مَسیها مُرتگێن، مارا یکین اِنت که گۆن آییا زِند هم گوازێنێن. 9ما زانێن، مَسیه که چه مُردگان زندگ کنگ بوتگ، نون هچبرَ نمریت و چه اِد و رَند مَرک آییئے سرا سرزۆرَ نبیت. 10آ گۆن وتی مَرکا، یکّێن رندا په مُدامی، په گناهئے پرۆش دئیگا مُرت و وتی انّوگێن زِندا، په هُدایا زِندگ اِنت. 11همے ڈئولا، شما هم وتا په گناه کنگا مُردگ بزانێت و چه ایسّا مَسیهئے برکتا وتا په هُدایا زِندگ بزانێت.
12گڑا گناها وتی هاکیێن بدنا بادشاهی کنگا مئیلێت تانکه شما جسمئے سِلّێن واهگانی گُلام مبێت. 13وتی بدنئے آزایان#6:13 آزا، بزان جسمئے هر بَهر و ونڈ چۆ که دست، پاد، چمّ و گۆش. گناهئے دستا مدئیێت تانکه بدکاریئے ائوزار مبنت. شما چه مَرکا دێم په زِندا آرگ بوتگێت، نون وتا هُدائے باهۆٹ بکنێت و وتی بدنئے آزایان هم هُدائے دستا بدئیێت تانکه راستکاریئے ائوزار ببنت. 14باید اِنت گناه شمئے سرا هاکمی مکنت، پرچا که شما شَریَتئے ساهگا نهاێت، رهمتئے ساهگا اێت.
راستاوَریئے راه
15گڑا چے؟ ما گناه کنان ببێن که شَریَتئے ساهگا نهاێن و رهمتئے ساهگا اێن؟ هچبر! 16وهدے شما پَرمانبردارێن گُلامانی پئیما وتا یکّێئے دستا دئیێت، گڑا هماییئے گُلامَ بێت که آییئے پرمانبرداریا کنێت. اے هبرا نزانێت؟ یا گناهئے گُلامَ بێت که دێم په مَرکا بارت یا پَرمانبرداریئے ”گُلام“ که دێم په راستاوری و بێمئیاریا بارت. 17بله هُدائے شُگر اِنت، هرچُنت که پێسرا گناهئے گُلام اتێت، نون شما په دل هما تَهرئے تالیمئے پَرمانبرداری کرتگ که شمارا دئیگ بوتگ. 18شما چه گناها آزات کنگ بوتگێت و نون راستاوریئے ”گُلام“ اێت. 19شمئے تها انسانی نِزۆری هست، پمێشکا من اے هبران گۆن اِنسانی مِسالێا کنان. هما پئیما که شما پێسرا وتی بدنئے آزا په ناپاکی و رۆچ په رۆچ گێشتر بئیۆکێن رَدکاریانی گُلامیا پێشَ کرت، نون آیان په راستاوریئے ”گُلامیا“ پێش بکنێت که آسر و آکبتی پاکی و پَلگاری اِنت.
20وهدے شما گناهئے گُلام اتێت، چه راستاوَری و بێمئیاریئے پابندیا آزات اتێت. 21گڑا شمارا چه آ کاران که نون چه آیان شرمندگ اێت، چِه پائِدگ رَسِت؟ آ کارانی آسر مَرک اِنت. 22بله نون که چه گناها آزات بوتگێت و هُدائے پابند اێت، هما پائِدگ که شمارا رسیت، پاکی و پَلگاری اِنت و آییئے آسر اَبدمانێن زِند اِنت. 23پرچا که گناهئے مُزّ مَرک اِنت، بله چه مئے هُداوندێن ایسّا مَسیهئے برکتا هُدائے داد و بَکشِش اَبدمانێن زِند اِنت.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.