پولُسئے کاگد په رومیان 3
3
اِنسانئے بێوَپایی و هُدائے وَپاداری
1گڑا یَهودی بئیگئے پائِدگ چے اِنت و سُنّت بئیگئے اَرزش چے اِنت؟ 2هر پئیما که بچارئے باز اِنت. ائولی گپّ اِش اِنت که هُدایا وتی هبر یَهودیانی سپرده کرتگاَنت. 3بله اگن چه آیان لهتێن وَپادار نبوت، گڑا چے بیت؟ آیانی بێوَپایی هُدائے وَپاداریا هلاس و ناکارَ کنت؟ 4هچبر! بِلّ تُرے هر انسان درۆگَ بندیت، بله هُدا هروهد راستگۆ اِنت! اَنچُش که نِبیسگ بوتگ:
”پمێشکا، تئو که هبرَ کنئے، برهکّ ائے و
کَزاوَت که کنئے، پێرۆز ائے.“ # 3:4 زَبور 51:4.
5بله اگن مئے بدکاری هُدائے راستاوری و آدلیا زاهرَ کنت، گڑا چے بگوَشێن؟ همے بگوَشێن که هُدا نااِنساپ اِنت که آییئے کَهر و گَزب مئے سرا کپیت؟ (نون من اِنسانانی پئیما هبر کنگا آن.) 6هچبر! اگن هبر اِش اِنت گڑا هُدا چۆن دنیائے کَزاوَتا کنت؟ 7بلکێن کَسے بگوَشیت: ”اگن گۆن منی درۆگا هُدائے راستی گێشتر زاهرَ بیت و آییئے شان و شئوکت بُرزترَ بیت، گڑا چێا انگت منی سرا گُنهکاریئے مئیار لَڈّگَ بیت؟“ 8چێا مگوَشێن: ”بیاێت بدیَ کنێن که نێکی پێدا ببیت“؟ اَنچُش که لهتێن مردم مارا بُهتامَ جنت و گوَشیت که ما اے پئیما گوَشگا اێن. آیانی مئیاربار کنگ جائِز اِنت.
کَسّ راستاور نهاِنت
9گڑا چے بگوَشێن؟ مئے بزان یَهودیانی هال چه آ دگران گِهتر اِنت؟ نه، هچّ پئیما گهتر نهاِنت! چێا که ما اے هبر پێسرا کرتگ که سجّهێن مردم، یَهودی و درکئوم، گناهئے بندیگ اَنت. 10اَنچُش که نِبشته اِنت:
”کَسّ راستاور نهاِنت، هچکَس.
11 کَسّ سرپدَ نبیت، هچکَس هُدائے شۆهازا نهاِنت.
12 سجّهێنان چه راها تاب کرتگ،
هۆریگا سِلّ بوتگاَنت،
نێککارے نێست، یکّے هم نێست. # 3:12 زَبور 14:1-3؛ 53:1-3.
13 آیانی گُٹّ و گلو سَرپچێن کَبر اَنت و
وتی زبانا په چاپلوسی کارَ بندنت، # 3:13 زَبور 5:9.
چه آیانی لُنٹان سْیَهمارئے زَهرَ پِٹّیت و # 3:13 زَبور 140:3.
14 دپِش چه بددْوایی و جئور و کُچّلا سَررێچ اَنت، # 3:14 زَبور 10:7.
15 کدَمِش په هۆنئے رێچگا تێز اَنت،
16 هر جاه که رئونت، تَباهی و بَزّگیَ کارنت،
17 سُهل و اێمنیئے راها نزاننت و # 3:17 اِشئیا نَبیئے کتاب 59:7-8.
18 آیانی دلا # 3:18 اَسلیگێن یونانی نبشتانکَ گوَشیت: ”آیانی چمّان“. هُدا تُرسی نێست.“#3:18 زبور 1:36.
19نون ما زانێن، شَریَت هرچے که گوَشیت، گۆن هما مردمانَ گوَشیت که شَریَتئے ساهگا اَنت، تانکه سجّهێن مردمانی دپ بند ببیت و سَرجمێن دنیا هُدائے بارگاها#3:19 بارگاه، بزان دێم، دَربار، هُزور. مئیاربار ببیت. 20پرچا که هچکَس چه شَریَتئے رندگیریا هُدائے دێما راستاور و بێمئیار هسابَ نبیت. شَریَت بسّ مردما سرپدَ کنت که گناه چێے.
هُدائے بَکشتگێن راستاوری
21بله نون بے شَریَتئے دارگا، هُدائے بکشاتگێن راستاوری و بێمئیاری زاهر بوتگ و شَریَت و نَبیان اے راستاوریئے گواهی داتگ. 22ایسّا مَسیهئے سرا باورمندی، اے راستاوریئے بَکشِشا په سجّهێن باورمندانَ رسێنیت. و هُدا هچّ پَرک و پێرَ#3:22 پرک و پێر، بزان ریا و رو، یکّێا شَرتر و یکّێا هَرابتر زانَگ. نکنت، 23پرچا که سجّهێنان گناه کرتگ و چه هُدائے شان و شئوکتا زِبَهر#3:23 زِبهر، بزان بێبهر. اَنت، 24بله گۆن هُدائے رَهمتئے نیامتا و هما مۆکگا#3:24 مۆکگئے مانا اِدا اِش اِنت که په کَسێئے جانئے رَکّێنگا گرانێن کیمتے دئیگ ببیت، پارسیا ”بازخرید“. که چه ایسّا مَسیهئے برکتا رسیت، راستاور و بێمئیار هسابَ بنت. 25هُدایا ایسّا اے دنیایا دێم دات تانکه آییئے هۆن هما کپارَت#3:25 کپارَتئے مانا سرپۆش اِنت. اِدا په گناهانی شۆدگ و سرپۆش کنگا کارمرز بوتگ. ببیت که چه ایمانئے راها گناهانَ شۆدیت. اے کاری په وتی راستاوری و آدلیئے پێش دارگا کرت، پرچا که گۆن وتی هُدایی سَبر و اۆپارا مردمانا پێسریگێن گناهانی سزایی نداتگاَت. 26هُدایا چُش کرت که مرۆچیگێن وهدا پێش بداریت که راستاور و آدل اِنت و گۆن وتی راستاوریا هما کَسا راستاور و بێمئیارَ کنت که ایسّائے سرا ایمانَ کاریت.
27گڑا چِه چیزّئے سرا پَهر ببندێن؟ په پَهر بندگا جاگهے نێست. کجام کانونئے بُنیادا اِشیا بزانێن؟ نێکێن کار و کردئے کانونئے بُنیادا؟ نه، ایمانئے کانونئے بُنیادا. 28چێا که ما زانێن که اِنسان چه باورمندیا راستاور هسابَ بیت، چه شَریَتئے کارانی کنگا نه. 29هُدا اێوَکا یَهودیانیگ اِنت؟ دَرکئومانی نهاِنت؟ بێشکّ آ دَرکئومانی هم هُدا اِنت، 30پرچا که هُدا یکّے و سُنّت کرتگێن و سُنّت نکرتگێنان چه یکّێن ایمانئے راها راستاورَ کنت. 31گڑا گۆن ایمانئے راهئے زورگا ما شَریَتا هَلاس و ناکارَ کنێن؟ هچبر! ما شَریَتا بَرجاهَ دارێن.
Currently Selected:
پولُسئے کاگد په رومیان 3: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
پولُسئے کاگد په رومیان 3
3
اِنسانئے بێوَپایی و هُدائے وَپاداری
1گڑا یَهودی بئیگئے پائِدگ چے اِنت و سُنّت بئیگئے اَرزش چے اِنت؟ 2هر پئیما که بچارئے باز اِنت. ائولی گپّ اِش اِنت که هُدایا وتی هبر یَهودیانی سپرده کرتگاَنت. 3بله اگن چه آیان لهتێن وَپادار نبوت، گڑا چے بیت؟ آیانی بێوَپایی هُدائے وَپاداریا هلاس و ناکارَ کنت؟ 4هچبر! بِلّ تُرے هر انسان درۆگَ بندیت، بله هُدا هروهد راستگۆ اِنت! اَنچُش که نِبیسگ بوتگ:
”پمێشکا، تئو که هبرَ کنئے، برهکّ ائے و
کَزاوَت که کنئے، پێرۆز ائے.“ # 3:4 زَبور 51:4.
5بله اگن مئے بدکاری هُدائے راستاوری و آدلیا زاهرَ کنت، گڑا چے بگوَشێن؟ همے بگوَشێن که هُدا نااِنساپ اِنت که آییئے کَهر و گَزب مئے سرا کپیت؟ (نون من اِنسانانی پئیما هبر کنگا آن.) 6هچبر! اگن هبر اِش اِنت گڑا هُدا چۆن دنیائے کَزاوَتا کنت؟ 7بلکێن کَسے بگوَشیت: ”اگن گۆن منی درۆگا هُدائے راستی گێشتر زاهرَ بیت و آییئے شان و شئوکت بُرزترَ بیت، گڑا چێا انگت منی سرا گُنهکاریئے مئیار لَڈّگَ بیت؟“ 8چێا مگوَشێن: ”بیاێت بدیَ کنێن که نێکی پێدا ببیت“؟ اَنچُش که لهتێن مردم مارا بُهتامَ جنت و گوَشیت که ما اے پئیما گوَشگا اێن. آیانی مئیاربار کنگ جائِز اِنت.
کَسّ راستاور نهاِنت
9گڑا چے بگوَشێن؟ مئے بزان یَهودیانی هال چه آ دگران گِهتر اِنت؟ نه، هچّ پئیما گهتر نهاِنت! چێا که ما اے هبر پێسرا کرتگ که سجّهێن مردم، یَهودی و درکئوم، گناهئے بندیگ اَنت. 10اَنچُش که نِبشته اِنت:
”کَسّ راستاور نهاِنت، هچکَس.
11 کَسّ سرپدَ نبیت، هچکَس هُدائے شۆهازا نهاِنت.
12 سجّهێنان چه راها تاب کرتگ،
هۆریگا سِلّ بوتگاَنت،
نێککارے نێست، یکّے هم نێست. # 3:12 زَبور 14:1-3؛ 53:1-3.
13 آیانی گُٹّ و گلو سَرپچێن کَبر اَنت و
وتی زبانا په چاپلوسی کارَ بندنت، # 3:13 زَبور 5:9.
چه آیانی لُنٹان سْیَهمارئے زَهرَ پِٹّیت و # 3:13 زَبور 140:3.
14 دپِش چه بددْوایی و جئور و کُچّلا سَررێچ اَنت، # 3:14 زَبور 10:7.
15 کدَمِش په هۆنئے رێچگا تێز اَنت،
16 هر جاه که رئونت، تَباهی و بَزّگیَ کارنت،
17 سُهل و اێمنیئے راها نزاننت و # 3:17 اِشئیا نَبیئے کتاب 59:7-8.
18 آیانی دلا # 3:18 اَسلیگێن یونانی نبشتانکَ گوَشیت: ”آیانی چمّان“. هُدا تُرسی نێست.“#3:18 زبور 1:36.
19نون ما زانێن، شَریَت هرچے که گوَشیت، گۆن هما مردمانَ گوَشیت که شَریَتئے ساهگا اَنت، تانکه سجّهێن مردمانی دپ بند ببیت و سَرجمێن دنیا هُدائے بارگاها#3:19 بارگاه، بزان دێم، دَربار، هُزور. مئیاربار ببیت. 20پرچا که هچکَس چه شَریَتئے رندگیریا هُدائے دێما راستاور و بێمئیار هسابَ نبیت. شَریَت بسّ مردما سرپدَ کنت که گناه چێے.
هُدائے بَکشتگێن راستاوری
21بله نون بے شَریَتئے دارگا، هُدائے بکشاتگێن راستاوری و بێمئیاری زاهر بوتگ و شَریَت و نَبیان اے راستاوریئے گواهی داتگ. 22ایسّا مَسیهئے سرا باورمندی، اے راستاوریئے بَکشِشا په سجّهێن باورمندانَ رسێنیت. و هُدا هچّ پَرک و پێرَ#3:22 پرک و پێر، بزان ریا و رو، یکّێا شَرتر و یکّێا هَرابتر زانَگ. نکنت، 23پرچا که سجّهێنان گناه کرتگ و چه هُدائے شان و شئوکتا زِبَهر#3:23 زِبهر، بزان بێبهر. اَنت، 24بله گۆن هُدائے رَهمتئے نیامتا و هما مۆکگا#3:24 مۆکگئے مانا اِدا اِش اِنت که په کَسێئے جانئے رَکّێنگا گرانێن کیمتے دئیگ ببیت، پارسیا ”بازخرید“. که چه ایسّا مَسیهئے برکتا رسیت، راستاور و بێمئیار هسابَ بنت. 25هُدایا ایسّا اے دنیایا دێم دات تانکه آییئے هۆن هما کپارَت#3:25 کپارَتئے مانا سرپۆش اِنت. اِدا په گناهانی شۆدگ و سرپۆش کنگا کارمرز بوتگ. ببیت که چه ایمانئے راها گناهانَ شۆدیت. اے کاری په وتی راستاوری و آدلیئے پێش دارگا کرت، پرچا که گۆن وتی هُدایی سَبر و اۆپارا مردمانا پێسریگێن گناهانی سزایی نداتگاَت. 26هُدایا چُش کرت که مرۆچیگێن وهدا پێش بداریت که راستاور و آدل اِنت و گۆن وتی راستاوریا هما کَسا راستاور و بێمئیارَ کنت که ایسّائے سرا ایمانَ کاریت.
27گڑا چِه چیزّئے سرا پَهر ببندێن؟ په پَهر بندگا جاگهے نێست. کجام کانونئے بُنیادا اِشیا بزانێن؟ نێکێن کار و کردئے کانونئے بُنیادا؟ نه، ایمانئے کانونئے بُنیادا. 28چێا که ما زانێن که اِنسان چه باورمندیا راستاور هسابَ بیت، چه شَریَتئے کارانی کنگا نه. 29هُدا اێوَکا یَهودیانیگ اِنت؟ دَرکئومانی نهاِنت؟ بێشکّ آ دَرکئومانی هم هُدا اِنت، 30پرچا که هُدا یکّے و سُنّت کرتگێن و سُنّت نکرتگێنان چه یکّێن ایمانئے راها راستاورَ کنت. 31گڑا گۆن ایمانئے راهئے زورگا ما شَریَتا هَلاس و ناکارَ کنێن؟ هچبر! ما شَریَتا بَرجاهَ دارێن.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.