پولُسئے کاگد په رومیان 1
1
سلام و دْرۆت
1چه ایسّا مَسیهئے هِزمتکار،#1:1 اَسلیگێن یونانی نبشتانکَ گوَشیت: ”گُلام“. پولُسئے نێمگا منِ پولُس که په کاسِدیا گْوانک جنَگ#1:1 گْوانک جنَگ، بزان تئوار کنگ. و په هُدائے وشّێن مِستاگا#1:1 مستاگ، بزان وَشّێن هال، بَشارت. گِچێن کنگ بوتگان، 2هما وشّێن مِستاگ که هُدایا پێسرا وتی نَبیانی وَسیلها، پاکێن کتابانی تها اِشیئے وادَه کرتگاَت. 3-4اے مِستاگ آییئے چُکّ بزان مئے هُداوند ایسّا مَسیهئے بارئوا اِنت که جِسمی هسابا داوودئے پُشپَد اِنت. وهدے چه مُردگان جاهی جت، پاک و پلگار کنۆکێن روهئے برکتا هُدائے زۆرمندێن چُکّ زانگ و جار جنَگ بوت. 5مارا چه مسیهئے وسیلها اے رهمت و کاسِدیئے کار رَستگ که په هماییئے نامئیگی، سجّهێن دَرکئومانی تها اَنچێن پَرمانبرداریے بیارێن که چه ایمانا کئیت. 6آیانی تها شما هم گۆن اێت، شما که گْوانک جنَگ بوتگێت که ایسّا مَسیهئے ببێت.
7په رومئے هما سجّهێن مردمان که هُدایا دۆست اَنت و آییئے گْوانک جتگێن و پلگارتگێن#1:7 پَلگارتگێن، بزان هما مردم که گۆن ایسّا مَسیهئے هۆنا چه گناهان شۆدگ و پاک کنگ بوتگ و اے ڈئولا په هُدایا در چنَگ بوتگ. اَنت.
چه مئے هُداێن پت و هُداوندێن ایسّا مَسیهئے نێمگا شمارا رهمت و اێمنی سر بات.
په رومئے سپرا پولُسئے واهگ
8هر چیزّا پێسر، من ایسّا مَسیهئے برکتا په شما سجّهێنان وتی هُدائے شُگرا گران، چێا که شمئے ایمانئے هال سجّهێن دنیایا شِنگ بوتگ. 9هما هُدا که من په جان و دل، گۆن آییئے چُکّئے وشّێن مِستاگئے سر کنگا آییئے هِزمتا کنان، آ وت شاهد اِنت که من وتی دْوایانی تها مُدام شمارا یاتَ کنان. 10منی دْوا اِنت که گُڈسرا گۆن هُدائے رزایا شمئے کِرّا رسگا کامیاب ببان، 11چێا که په شمئے دیدارا مُرادیگ آن، تانکه شمارا چه پاکێن روهئے نێمگا نیامتے بدئیان که شمارا مُهر و مُهکم بکنت، 12بزان که ماشمارا چه یکدومیئے ایمانا دِلبڈّی#1:12 دِلبڈّی، بزان شاباش، سِکێن، تشویک. برسیت، چه منی و شمئے ایمانا.
13او براتان!#1:13 ”براتئے“ مانا هر باورمند اِنت، مردێن و جنێن. منَ لۆٹان شما بزانێت که من باز رَندا اِراده کرتگ که شمئے کِرّا بیایان بله یکّ نه یکّ مُشکلێا منا داشتگ. منی واهگ#1:13 واهگ، بزان لۆٹ، تلَب، هاجَت. اَت که منا چه شما هم بَر و سَمرے برسیت، هما پئیما که منا چه آ دگه دَرکئومان رستگ. 14من شهری و جنگلیانی،#1:14 اسلیگێن نبشتانکَ گوَشیت: ”یونانی و بَربَرانی“. یونانی شهری اَتنت، و بربر، بزان هما کئوم که یونانی زبانِش نزانتگ، آ جنگلی زانَگَ بوتنت. دانا و نادانانی وامدار آن. 15پمێشکا، منی دل بازَ لۆٹیت شمئے کرّا هم که روما نندۆک اێت، وشّێن مِستاگئے جارا بجنان. 16پرچا که چه وشّێن مِستاگا پَشل و شرمندگ نهآن، اے هُدائے زۆر و توان اِنت که هر ایمان آرۆکا نجاتَ دنت، ائولا یَهودی و رندا دَرکئومان. 17چێا که وشّێن مِستاگئے تها هُدائے راستاوری و آدلی زاهرَ بیت، هما راستاوری که ائوَلا تان آهِرا چه ایمانا رسیت، اَنچُش که نِبیسگ بوتگ: ”هما که چه ایمانئے برکتا راستاوَر و بێمئیار اِنت، هما زِندگَ مانیت.“#1:17 یا: ”راستاوَرێن مردم ایمانئے سرا زِندَ گوازێنیت“. هَبَکوک نَبیئے کتاب 2:4.
هُدائے کَهر و گَزب
18هُدائے کَهر و گَزب چه آسمانا زاهِرَ بیت و مردمانی سجّهێن هُداناپرمانی و بَدکاریانی سرا کپیت، چێا که مردم گۆن وتی رَدکاریان راستیا لَگَتمالَ کننت. 19پرچا که آ چیزّ که هُدائے بارئوا زانگَ بنت، په آیان زاهر اَنت. هُدایا آ چیزّ په آیان زاهر کرتگاَنت. 20چه دنیائے جۆڑ کنگا بگر تان انّون هُدائے چێر و اندێمێن#1:20 اَندێم، بزان چێر، پۆشیده. جئوهر، بزان آییئے اَبدمانێن زۆر و هُدایی تَب و سَرِشت#1:20 تَب و سَرِشت، بزان پێدائِشی تَب، زات، باتِن، جئوهر. چه آییئے جۆڑ کرتگێن چیزّان گِندگ و زانگَ بیت. نون مردمان نیمۆنے نێست. 21هرچُنت که آیان هُدا زانت، بله آییارا هُدایی اِزّتِشَ ندات و آییئے شُگرِشَ نگپت. اِشیئے بدلا، وتی ناهودگێن#1:21 ناهودگ، بزان بێپائِدگ. پِگر و هئیالانی تها گار بوتنت و آیانی ناسرپدێن دل تهاریا مان پۆشِت. 22هرچُنت که وتا دانااِشَ گوَشت، بله آیانی هۆڈی و اَهمکی رۆچ په رۆچ گێشَ بوت. 23نمیرانێن#1:23 نمیران، بزان هما که هچبرَ نَمِریت. هُدائے شان و شئوکتِش گۆن هما بُتان سئودا کرت که هاکیێن اِنسان و بالی مُرگ و چارپاد و لاپکَشّانی رنگ و دْرۆشما#1:23 دْرۆشم، بزان شِکل، سورت. اَتنت. 24پمێشکا هُدایا مردم آیانی دلئے سِلّ و بدێن واهگانی تها یله کرتنت که وتمانوتا گۆن ناپاکیا وتی جِسمان بےهُرمت بکننت. 25آیان هُدائے راستی گۆن درۆگا سئودا کرت و اَڈّ کنۆکئے بدلا، اَڈّ کرتگێنانی پرستش و هِزمتَ کرت، هما اَڈّ کنۆک که تان اَبد ستا و سنا کرزیت. آمین.
26پمێشکا هُدایا هم آیانی شرمناکێن هئوا و هئوسانی تها آ یله کرتنت. آیانی جنێنان وتی اَسلێن راه و رهبند یله دات و ناراهێن نزّیکّیئے نێمگا شتنت. 27همے پئیما، مردێنان گۆن وتی جنێنان راه و رَهبندێن نزّیکّی یله دات و وتمانوتا هئوا و هئوسانی آسا کپتنت، مردێنان گۆن مردێنان شرمناکێن کارَ کرت و اے گُمراهیئے اَلّمێن سِزا آیانی جندا رَست. 28اَنچُش که آیان هُدائے پَجّاه آرگ اَرزش ندات، همے پئیما هُدایا بێننگێن پِگر و هئیالانی تها یله کرتنت تانکه ناراهێن کارانی تها بکپنت. 29آ چه هر پئیمێن ردکاری، گَندگی، تَماه و بدنیّتیا سررێچ بوتگاَنت، چه هَسدّ و کُنّت، هۆن و کۆش، اَڑ و کُڑ، مکّاری و بدواهیا پُرّ، مردمانی باپُشتا هبر کنۆک، 30بُهتام جنۆک، چه هُدایا نپرت کنۆک، بےاَدب، گُروناک#1:30 گُروناک، بزان مَگرور، پُرکِبر.، بَٹاکی#1:30 بَٹاکی، بزان هما مردم که گُرّیت، کَسانێن کارے مزنَ کنت و پێشَ داریت، مزَنگَپّیَ کنت.، بدیئے سازۆک، پت و ماتئے ناپرمان، 31ناسرپد، بێوَپا، بێمِهر و بێرَهم اَنت. 32هرچُنت که آ چه هُدائے بَرهَکّێن هُکما سهیگ اَنت که چُشێن کارانی کنۆک مَرکئے هکدار اَنت، بله اَنگت نه تهنا آ وت همے کارانَ کننت، چُشێن کارانی تها دگرانی هم پُشتَ بنت.
Currently Selected:
پولُسئے کاگد په رومیان 1: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
پولُسئے کاگد په رومیان 1
1
سلام و دْرۆت
1چه ایسّا مَسیهئے هِزمتکار،#1:1 اَسلیگێن یونانی نبشتانکَ گوَشیت: ”گُلام“. پولُسئے نێمگا منِ پولُس که په کاسِدیا گْوانک جنَگ#1:1 گْوانک جنَگ، بزان تئوار کنگ. و په هُدائے وشّێن مِستاگا#1:1 مستاگ، بزان وَشّێن هال، بَشارت. گِچێن کنگ بوتگان، 2هما وشّێن مِستاگ که هُدایا پێسرا وتی نَبیانی وَسیلها، پاکێن کتابانی تها اِشیئے وادَه کرتگاَت. 3-4اے مِستاگ آییئے چُکّ بزان مئے هُداوند ایسّا مَسیهئے بارئوا اِنت که جِسمی هسابا داوودئے پُشپَد اِنت. وهدے چه مُردگان جاهی جت، پاک و پلگار کنۆکێن روهئے برکتا هُدائے زۆرمندێن چُکّ زانگ و جار جنَگ بوت. 5مارا چه مسیهئے وسیلها اے رهمت و کاسِدیئے کار رَستگ که په هماییئے نامئیگی، سجّهێن دَرکئومانی تها اَنچێن پَرمانبرداریے بیارێن که چه ایمانا کئیت. 6آیانی تها شما هم گۆن اێت، شما که گْوانک جنَگ بوتگێت که ایسّا مَسیهئے ببێت.
7په رومئے هما سجّهێن مردمان که هُدایا دۆست اَنت و آییئے گْوانک جتگێن و پلگارتگێن#1:7 پَلگارتگێن، بزان هما مردم که گۆن ایسّا مَسیهئے هۆنا چه گناهان شۆدگ و پاک کنگ بوتگ و اے ڈئولا په هُدایا در چنَگ بوتگ. اَنت.
چه مئے هُداێن پت و هُداوندێن ایسّا مَسیهئے نێمگا شمارا رهمت و اێمنی سر بات.
په رومئے سپرا پولُسئے واهگ
8هر چیزّا پێسر، من ایسّا مَسیهئے برکتا په شما سجّهێنان وتی هُدائے شُگرا گران، چێا که شمئے ایمانئے هال سجّهێن دنیایا شِنگ بوتگ. 9هما هُدا که من په جان و دل، گۆن آییئے چُکّئے وشّێن مِستاگئے سر کنگا آییئے هِزمتا کنان، آ وت شاهد اِنت که من وتی دْوایانی تها مُدام شمارا یاتَ کنان. 10منی دْوا اِنت که گُڈسرا گۆن هُدائے رزایا شمئے کِرّا رسگا کامیاب ببان، 11چێا که په شمئے دیدارا مُرادیگ آن، تانکه شمارا چه پاکێن روهئے نێمگا نیامتے بدئیان که شمارا مُهر و مُهکم بکنت، 12بزان که ماشمارا چه یکدومیئے ایمانا دِلبڈّی#1:12 دِلبڈّی، بزان شاباش، سِکێن، تشویک. برسیت، چه منی و شمئے ایمانا.
13او براتان!#1:13 ”براتئے“ مانا هر باورمند اِنت، مردێن و جنێن. منَ لۆٹان شما بزانێت که من باز رَندا اِراده کرتگ که شمئے کِرّا بیایان بله یکّ نه یکّ مُشکلێا منا داشتگ. منی واهگ#1:13 واهگ، بزان لۆٹ، تلَب، هاجَت. اَت که منا چه شما هم بَر و سَمرے برسیت، هما پئیما که منا چه آ دگه دَرکئومان رستگ. 14من شهری و جنگلیانی،#1:14 اسلیگێن نبشتانکَ گوَشیت: ”یونانی و بَربَرانی“. یونانی شهری اَتنت، و بربر، بزان هما کئوم که یونانی زبانِش نزانتگ، آ جنگلی زانَگَ بوتنت. دانا و نادانانی وامدار آن. 15پمێشکا، منی دل بازَ لۆٹیت شمئے کرّا هم که روما نندۆک اێت، وشّێن مِستاگئے جارا بجنان. 16پرچا که چه وشّێن مِستاگا پَشل و شرمندگ نهآن، اے هُدائے زۆر و توان اِنت که هر ایمان آرۆکا نجاتَ دنت، ائولا یَهودی و رندا دَرکئومان. 17چێا که وشّێن مِستاگئے تها هُدائے راستاوری و آدلی زاهرَ بیت، هما راستاوری که ائوَلا تان آهِرا چه ایمانا رسیت، اَنچُش که نِبیسگ بوتگ: ”هما که چه ایمانئے برکتا راستاوَر و بێمئیار اِنت، هما زِندگَ مانیت.“#1:17 یا: ”راستاوَرێن مردم ایمانئے سرا زِندَ گوازێنیت“. هَبَکوک نَبیئے کتاب 2:4.
هُدائے کَهر و گَزب
18هُدائے کَهر و گَزب چه آسمانا زاهِرَ بیت و مردمانی سجّهێن هُداناپرمانی و بَدکاریانی سرا کپیت، چێا که مردم گۆن وتی رَدکاریان راستیا لَگَتمالَ کننت. 19پرچا که آ چیزّ که هُدائے بارئوا زانگَ بنت، په آیان زاهر اَنت. هُدایا آ چیزّ په آیان زاهر کرتگاَنت. 20چه دنیائے جۆڑ کنگا بگر تان انّون هُدائے چێر و اندێمێن#1:20 اَندێم، بزان چێر، پۆشیده. جئوهر، بزان آییئے اَبدمانێن زۆر و هُدایی تَب و سَرِشت#1:20 تَب و سَرِشت، بزان پێدائِشی تَب، زات، باتِن، جئوهر. چه آییئے جۆڑ کرتگێن چیزّان گِندگ و زانگَ بیت. نون مردمان نیمۆنے نێست. 21هرچُنت که آیان هُدا زانت، بله آییارا هُدایی اِزّتِشَ ندات و آییئے شُگرِشَ نگپت. اِشیئے بدلا، وتی ناهودگێن#1:21 ناهودگ، بزان بێپائِدگ. پِگر و هئیالانی تها گار بوتنت و آیانی ناسرپدێن دل تهاریا مان پۆشِت. 22هرچُنت که وتا دانااِشَ گوَشت، بله آیانی هۆڈی و اَهمکی رۆچ په رۆچ گێشَ بوت. 23نمیرانێن#1:23 نمیران، بزان هما که هچبرَ نَمِریت. هُدائے شان و شئوکتِش گۆن هما بُتان سئودا کرت که هاکیێن اِنسان و بالی مُرگ و چارپاد و لاپکَشّانی رنگ و دْرۆشما#1:23 دْرۆشم، بزان شِکل، سورت. اَتنت. 24پمێشکا هُدایا مردم آیانی دلئے سِلّ و بدێن واهگانی تها یله کرتنت که وتمانوتا گۆن ناپاکیا وتی جِسمان بےهُرمت بکننت. 25آیان هُدائے راستی گۆن درۆگا سئودا کرت و اَڈّ کنۆکئے بدلا، اَڈّ کرتگێنانی پرستش و هِزمتَ کرت، هما اَڈّ کنۆک که تان اَبد ستا و سنا کرزیت. آمین.
26پمێشکا هُدایا هم آیانی شرمناکێن هئوا و هئوسانی تها آ یله کرتنت. آیانی جنێنان وتی اَسلێن راه و رهبند یله دات و ناراهێن نزّیکّیئے نێمگا شتنت. 27همے پئیما، مردێنان گۆن وتی جنێنان راه و رَهبندێن نزّیکّی یله دات و وتمانوتا هئوا و هئوسانی آسا کپتنت، مردێنان گۆن مردێنان شرمناکێن کارَ کرت و اے گُمراهیئے اَلّمێن سِزا آیانی جندا رَست. 28اَنچُش که آیان هُدائے پَجّاه آرگ اَرزش ندات، همے پئیما هُدایا بێننگێن پِگر و هئیالانی تها یله کرتنت تانکه ناراهێن کارانی تها بکپنت. 29آ چه هر پئیمێن ردکاری، گَندگی، تَماه و بدنیّتیا سررێچ بوتگاَنت، چه هَسدّ و کُنّت، هۆن و کۆش، اَڑ و کُڑ، مکّاری و بدواهیا پُرّ، مردمانی باپُشتا هبر کنۆک، 30بُهتام جنۆک، چه هُدایا نپرت کنۆک، بےاَدب، گُروناک#1:30 گُروناک، بزان مَگرور، پُرکِبر.، بَٹاکی#1:30 بَٹاکی، بزان هما مردم که گُرّیت، کَسانێن کارے مزنَ کنت و پێشَ داریت، مزَنگَپّیَ کنت.، بدیئے سازۆک، پت و ماتئے ناپرمان، 31ناسرپد، بێوَپا، بێمِهر و بێرَهم اَنت. 32هرچُنت که آ چه هُدائے بَرهَکّێن هُکما سهیگ اَنت که چُشێن کارانی کنۆک مَرکئے هکدار اَنت، بله اَنگت نه تهنا آ وت همے کارانَ کننت، چُشێن کارانی تها دگرانی هم پُشتَ بنت.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.