زَبور 41
41
او هُداوند! منی سرا رهم کن
په سازگر و وشآوازانی سالارا. داوودئے زَبور.
1بَهتاور هما اِنت که گریب و بزّگانی هئیالا اِنت،
هُداوند آییا بلاه و مسیبتانی رۆچا رَکّێنیت.
2هُداوند آییئے نگهپانیا کنت و زندگَ داریت،
آ، مُلکئے تها بَهتاورَ بیت.
تئو آییا دژمنانی واهگانی سرا یلهَ نکنئے.
3هُداوند آییا نادراهیئے وهدا زۆر و واکَ دنت،
چه ناجۆڑی و کمزۆریان آییا دْراهَ کنت.
4من گوَشت: ”او هُداوند! منی سرا رهم کن،
منا دْراه کن که تئیی گُنهکار آن.“
5دژمن په بدواهی منی بارئوا گوَشنت:
”کدێنَ مریت و نامی گارَ بیت؟“
6وهدے چه آیان یکّے منی دیدارا کئیت
دوزبانی هبرَ کنت و
دلا بدیَ رۆدێنیت،
ڈنّا که درَ کپیت، وتی دلئے هبرا کنت.
7سجّهێن دژمن منی هلاپا هلوت و سُکسُکَ کننت و
په منی تاوان دئیگا پندلَ سازنت.
8گوَشنت: ”سِلّێن نادراهیێا گپتگ،
چه وپتگێن جاها هچبر پاد آتکَ نکنت.“
9تنتنا منی نزّیکێن دۆست که چه آییا دلجم اتان،
هما که گۆن من همکاسگ اَت،
آییا هم منا درۆهتگ.#41:9 درۆهگ، بزان په رِپک رَد دئیگ. اربی و پارسیا ”خیانت“.
10بله تئو، او هُداوند! منی سرا رهم کن،
منا پاد کن تان وتی جُستانِش بکنان.
11چه اِشیا زانان که چه من وشنۆد ائے،
که دژمن منی سرا بالادست نبوتگاَنت.
12چه منی تَچکی و راستیا، تئو منی پُشت و پناه بوتگئے و
مُدام وتی بارگاها جاگهَ دئیئے.
13هُداوندا ستا بات، اِسراییلئے هُدایا،
چه اَزل تان اَبد.
اَنچش بات. آمین.
Currently Selected:
زَبور 41: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
زَبور 41
41
او هُداوند! منی سرا رهم کن
په سازگر و وشآوازانی سالارا. داوودئے زَبور.
1بَهتاور هما اِنت که گریب و بزّگانی هئیالا اِنت،
هُداوند آییا بلاه و مسیبتانی رۆچا رَکّێنیت.
2هُداوند آییئے نگهپانیا کنت و زندگَ داریت،
آ، مُلکئے تها بَهتاورَ بیت.
تئو آییا دژمنانی واهگانی سرا یلهَ نکنئے.
3هُداوند آییا نادراهیئے وهدا زۆر و واکَ دنت،
چه ناجۆڑی و کمزۆریان آییا دْراهَ کنت.
4من گوَشت: ”او هُداوند! منی سرا رهم کن،
منا دْراه کن که تئیی گُنهکار آن.“
5دژمن په بدواهی منی بارئوا گوَشنت:
”کدێنَ مریت و نامی گارَ بیت؟“
6وهدے چه آیان یکّے منی دیدارا کئیت
دوزبانی هبرَ کنت و
دلا بدیَ رۆدێنیت،
ڈنّا که درَ کپیت، وتی دلئے هبرا کنت.
7سجّهێن دژمن منی هلاپا هلوت و سُکسُکَ کننت و
په منی تاوان دئیگا پندلَ سازنت.
8گوَشنت: ”سِلّێن نادراهیێا گپتگ،
چه وپتگێن جاها هچبر پاد آتکَ نکنت.“
9تنتنا منی نزّیکێن دۆست که چه آییا دلجم اتان،
هما که گۆن من همکاسگ اَت،
آییا هم منا درۆهتگ.#41:9 درۆهگ، بزان په رِپک رَد دئیگ. اربی و پارسیا ”خیانت“.
10بله تئو، او هُداوند! منی سرا رهم کن،
منا پاد کن تان وتی جُستانِش بکنان.
11چه اِشیا زانان که چه من وشنۆد ائے،
که دژمن منی سرا بالادست نبوتگاَنت.
12چه منی تَچکی و راستیا، تئو منی پُشت و پناه بوتگئے و
مُدام وتی بارگاها جاگهَ دئیئے.
13هُداوندا ستا بات، اِسراییلئے هُدایا،
چه اَزل تان اَبد.
اَنچش بات. آمین.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.