مَرکاس 1
1
پاکشۆدی دئیۆکێن یَهیائے کُلئو
(مَتّا 3:1–12؛ لوکا 3:1–18؛ یوهَنّا 1:19–28)
1ایسّا مَسیه، هُدائے چُکّئے وشّێن مِستاگئے#1:1 مِستاگ، بزان وشّێن هال، بشارت. بُنگێج#1:1 بُنگێج، بزان بِندات، شُرو..
2اَنچُش که اِشئیا نبیئے کتابا نبشته اِنت:
بچار، من وتی کاسِدا چه تئو پێسر راهَ دئیان
که تئیی راها تچک و هموارَ کنت.
3 گیابانا کَسے گْوانکَ جنت: # 1:3 گْوانک جنَگ، بزان تئوار کنگ، لۆٹاێنگ.
”هُداوندئے راها تئیار بکنێت،
هُداوندئے کِشکان راست و تچک بکنێت“. # 1:3 بند 2–3، بچار مَلاکی نبیئے کتاب 3:1؛ اِشئیا نبیئے کتاب 40:3.
4پاکشۆدی#1:4 پاکشۆدیئے لبز، یونانی زبانا ”بَپْتیسْمَه“ گوَشگَ بیت و اِشیئے مانا ”آپا بُکّ دئیگ“ یا ”گۆن آپا شۆدگ“ اِنت. دئیۆکێن یَهیا گیابانا آتک و گْوانکی جت: ”تئوبه بکنێت و پاکشۆدی بکنێت که شمئے گناه بَکشگ ببنت.“ 5چه یَهودیَهئے دمگئے سجّهێن مێتگ و کلّگان و چه اورشَلیمئے شهرا مردم آییئے کِرّا آتکنت، وتی گناهانی پشۆمانی‌اِش زاهرَ کرت و یَهیایا اُردُنئے کئورا آ پاکشۆدیَ داتنت. 6یَهیایا چه اُشترئے مودان گوَپتگێن پۆشاک گوَرا اَت و پۆستێن کمربندے لانکا بستگ‌اَتی. آییا، مَدَگ و گیابانی بێنگَ#1:6 بێنگ، بزان شَهد، اَسَل. وارت. 7یَهیایا جارَ جت و گوَشت: ”چه من و رَند، مردے کئیت که چه من زۆرمندتر اِنت و من اے کارئے لاهک هم نه‌آن که سْرێنا دوتَل بکنان و آییئے کئوشبندان#1:7 کئوشبند، بزان سْواس‌بند، سْواسئے بند. ببۆجان. 8من شمارا گۆن آپا پاکشۆدیَ دئیان، بله آ شمارا گۆن هُدائے پاکێن روها#1:8 هُدائے پاکێن روه، بزان روه‌اُلکُدُس. پاکشۆدیَ دنت.“
ایسّائے پاکشۆدی و چَکّاس
(مَتّا 3:13—4:11؛ لوکا 3:21–22؛ 4:1–13)
9آ رۆچان، ایسّا چه جَلیلئے دَمگئے شهر ناسِرَها آتک و اُردُنئے کئورا یَهیایا آ پاکشۆدی دات. 10اَنچُش که ایسّا چه آپا در آیگا اَت، دیستی که آسمانئے دپ پَچ بوت و پاکێن روه کپۆتێئے دْرۆشما#1:10 دْرۆشم، بزان شکل، سورت. اێر آتک و منی سرا نِشت. 11چه آسمانا اے تئوار آتک: ”تئو منی دۆستیگێن بَچّ ائے و من چه تئو سکّ وشّ و رَزا آن.“
12هما وهدا پاکێن روها ایسّا گیابانا رئوان دات. 13ایسّا، تان چِلّ رۆچا گیابانا مَنت و شئیتانا آ چَکّاست#1:13 چَکّاسگ، بزان آزمائِش کنگ، اِمتهان گِرگ.. ایسّا اۆدا جنگلی جانوَرانی نیاما#1:13 نیاما، بزان میانا، درنیاما، تها، تۆکا. اَت و پرێشتگان آییئے هئیالداریَ کرت.
چار ماهیگیرئے لۆٹاێنگ
(مَتّا 4:12–22؛ لوکا 4:14–15؛ 5:1–11)
14یَهیائے دزگیر بئیگا رَند، ایسّا جَلیلا شت و هُدائے وشّێن مِستاگئے جاری جت و 15گوَشتی: ”وهد آتکگ و رَستگ. هُدائے بادشاهی آتکگ و سر بوتگ. چه وتی گُناهان پشۆمان ببێت و تئوبه بکنێت و هُدائے وشّێن مِستاگئے سرا ایمان بیارێت.“
16ایسّا، جَلیلئے مَزَن‌گوَرمئے#1:16 مَزَن‌گوَرم، بزان دریاچه. لَمبا#1:16 لَمب، بزان دامن، کِرّ. رئوگا اَت که دو ماهیگیری دیست، شَمون و آییئے برات اَنْدْریاس که په ماهیگیریا وتی دام و ماهۆران گوَرما دئور دئیگا اَتنت. 17ایسّایا گۆن آیان گوَشت: ”بیاێت، منی رَندگیریا بکنێت. من شمارا اَنچُشَ کنان که ماهیگ گِرگئے بدلا، مردمانی دلان شکارَ کنێت.“#1:17 دلئے شکار کنگئے مکسد مردمان هُدائے راها آرگ اِنت. 18آیان هما دمانا وتی دام یله داتنت و آییئے همراه بوتنت. 19ایسّا که کمّے دێما شت زِبْدیئے چُکّ آکوب و آییئے برات یوهَنّایی دیستنت که بۆجیگا#1:19 بۆجیگ، بزان لانچ، کَشتی. نِشتگ‌اَتنت و وتی ماهۆران سْراچگ#1:19 سْراچگ، بزان دِرتگێن دۆچگ و اَڈّ کنگ. و شَرّ کنگا اَتنت. 20اَنچُش که ایسّایا آ دیستنت، گْوانکی جتنت. آیان وتی پت زِبْدی گۆن کارندهان#1:20 کارِنده، بزان کاردار، نئوکر. بۆجیگا یله دات و ایسّائے همراه بوتنت.
گنۆکێئے جِنّئے کَشّگ
(لوکا 4:31–37)
21ایسّا و آییئے مُرید کَپَرناهومئے شهرا شتنت. شَبَّتئے رۆچا#1:21 شَبَّتئے رۆچ، هما شمبِه اِنت، بزان یَهودیانی کار نکنگئے رۆچ. ایسّا کَنیسَها#1:21 کَنیسَه، بزان یَهودیانی پرستشگاه. شت و مردمی تالیم داتنت. 22مردم چه آییئے درس و تالیمان هئیران و هَبَکّه اَتنت، چێا که آییا شَریَتئے زانۆگرانی#1:22 شَریَتئے زانۆگر، بزان دینی آلِم و موسّائے شَریَتئے زانتکار. پئیما تالیم ندات، گۆن واک#1:22 واک، بزان زۆر، تاکت. و اِهتیارے#1:22 اِهتیار، بزان مَستری، کُدرَت، زۆر. تالیمی دات. 23همے وهدا، کَنیسَهئے تها مردێا کوکار کرت. اے مردا جِنّے پِر اَت. گوَشتی: 24”او ایسّا ناسِری! ترا گۆن ما چِه کار اِنت؟ آتکگئے که مارا گار و بێگواه بکنئے؟ منَ زانان تئو کئے ائے، تئو هُدائے گچێن کرتگێن هما پاکێن ائے.“ 25ایسّایا جِنّ هکّل دات و گوَشت: ”چُپّ کن و اے مردا یله دئے.“ 26جِنّا آ مرد سکّ ژامبلێنت#1:26 ژامبلێنگ، بزان چیزّێئے گِرگ و په تْرندی سُرێنگ و لَرزێنگ. و کوکّار کنانا چه آییا در آتک. 27سجّهێن مردمان په هئیرانی وت‌مان‌وتا گوَشت: ”اے چۆنێن هبرے؟ نۆکێن تالیمے. اے مَرد په واک و اِهتیارے جِنّان هم هُکمَ دنت و جِنّ اِشیئے هبرا گِرنت.“ 28دێر نگوَست که جَلیلئے سجّهێن کِرّ و گوَران، ایسّایا نام در آورت.
نادْراهانی دْرهبکشی
(مَتّا 8:14–17؛ لوکا 4:38–41)
29ایسّا، وهدے چه کَنیسَها در کپت، آکوب و یوهَنّائے همراهیا شَمون و اَنْدْریاسئے لۆگا شت. 30اۆدا، شَمونئے وَسّیگ تپیگ اَت و نِپادئے سرا وپتگ‌اَت. اَنچُش که ایسّا آیانی لۆگا پُترت، نادْراهئے هالِش دات. 31ایسّا نزّیکّا شت، آییئے دستی گپت و پادی کرت. تَپا یله دات. آ پاد آتک و آیانی هِزمت کنگا لگّت.
32مگرب‌تهارا مردمان وتی سجّهێن نادْراه و جِنّی گنۆک ایسّائے کِرّا آورتنت. 33شهرئے سجّهێن مردم، لۆگئے دپا مُچّ بوتنت. 34ایسّایا بازێنے که ڈئول ڈئولێن نادْراهیان گپتگ‌اَتنت، دْراه کرت و بازێن جِنّے کَشّتی بله آییا جِنّ په هبرا نه‌اِشتنت چێا که جِنّانَ زانت که آ کئے اِنت.
اِنجیلئے وشّێن مِستاگئے جار
(لوکا 4:42–44)
35سَباها ماهَلّه که اَنگت تهار اَت، ایسّا پاد آتک، چه لۆگا در کپت، گِستا#1:35 گِستا، بزان یکّ کِرّ، دور. و پناهێن جاگهێا شت و دْوایی کرت. 36شَمون و آییئے سنگت ایسّائے شۆهازا در کپتنت. 37وهدے ایسّااِش دیست، گۆن آییا گوَشتِش: ”سجّهێن مردم ترا شۆهاز کنگا اَنت.“ 38ایسّایا گوَشت: ”بیاێت دگه جاگهێا رئوێن، کِرّ و گوَرئے مێتگ و بازاران تانکه من اۆدا هم وشّێن مِستاگئے جارا بجنان، چێا که من په همے کارا آتکگان.“ 39گڑا، سجّهێن جَلیلا تَرّ و تابی کرت، کَنیسَهانی تها وشّێن مِستاگئے جاری جت و جِنّیانی جِنّی هم کَشّتنت.
گَرّئے نادراهێئے دْرهبکشی
(مَتّا 8:1–4؛ لوکا 5:12–16)
40یکّ مردێا گَرّ #1:40 اَسلیگێن یونانی زبانئے لبز په سُهربادا، بزان جزاما و په گرّ و بَگ و دگه تَهر تَهرێن پۆستی نادراهیان کار بندگ بوتگ. اَت. ایسّائے کِرّا آتک، کۆنڈان کپت، دَزبندی کرت و گوَشتی: ”اگن تئو بلۆٹئے، منا دْراه و پَلگار#1:40 پلگار، بزان ساپ و سَلّه، بێپۆلِنگ. کرتَ کنئے.“ 41ایسّایا آییئے سرا بَزّگ بوت، دستی شهارت و آ مردئے بدنی دست پِر مُشت و گوَشتی: ”منَ لۆٹان. وشّ و پَلگار ببئے.“ 42هما دمانا آ مرد چه گَرّا دْراه بوت. 43رُکست کنگئے وهدا، ایسّایا کَڈّن#1:43 کَڈَّن، بزان مُهرێن تاکید، هُکم. کرت و گوَشت: 44”بچار، هچکَسا چه اے هبر و هالا سَهیگ مکن بله برئو، وتا دینی پێشوایا پێش بدار و په وتی پاکی و پَلگاریا هما کُربانیگا هئیرات کن که موسّائے شَریَتا نبیسگ بوتگ، تانکه په آیان شاهدیے ببیت.“ 45بله آ مرد که چه اۆدا در آتک، هبرا لگّت و وتی کِسّهی شِنگ و تالانَ کنگ شرو کرت. اے سئوَبا، نون ایسّایا نتوانت هچّ شهرا وتا زاهر بکنت، ڈَنّا دور و گِستاێن جاگهانَ داشتی بله اَنگت مردم چه هر نێمگا آییئے کِرّا آتکنت.
Currently Selected:
مَرکاس 1: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
مَرکاس 1
1
پاکشۆدی دئیۆکێن یَهیائے کُلئو
(مَتّا 3:1–12؛ لوکا 3:1–18؛ یوهَنّا 1:19–28)
1ایسّا مَسیه، هُدائے چُکّئے وشّێن مِستاگئے#1:1 مِستاگ، بزان وشّێن هال، بشارت. بُنگێج#1:1 بُنگێج، بزان بِندات، شُرو..
2اَنچُش که اِشئیا نبیئے کتابا نبشته اِنت:
بچار، من وتی کاسِدا چه تئو پێسر راهَ دئیان
که تئیی راها تچک و هموارَ کنت.
3 گیابانا کَسے گْوانکَ جنت: # 1:3 گْوانک جنَگ، بزان تئوار کنگ، لۆٹاێنگ.
”هُداوندئے راها تئیار بکنێت،
هُداوندئے کِشکان راست و تچک بکنێت“. # 1:3 بند 2–3، بچار مَلاکی نبیئے کتاب 3:1؛ اِشئیا نبیئے کتاب 40:3.
4پاکشۆدی#1:4 پاکشۆدیئے لبز، یونانی زبانا ”بَپْتیسْمَه“ گوَشگَ بیت و اِشیئے مانا ”آپا بُکّ دئیگ“ یا ”گۆن آپا شۆدگ“ اِنت. دئیۆکێن یَهیا گیابانا آتک و گْوانکی جت: ”تئوبه بکنێت و پاکشۆدی بکنێت که شمئے گناه بَکشگ ببنت.“ 5چه یَهودیَهئے دمگئے سجّهێن مێتگ و کلّگان و چه اورشَلیمئے شهرا مردم آییئے کِرّا آتکنت، وتی گناهانی پشۆمانی‌اِش زاهرَ کرت و یَهیایا اُردُنئے کئورا آ پاکشۆدیَ داتنت. 6یَهیایا چه اُشترئے مودان گوَپتگێن پۆشاک گوَرا اَت و پۆستێن کمربندے لانکا بستگ‌اَتی. آییا، مَدَگ و گیابانی بێنگَ#1:6 بێنگ، بزان شَهد، اَسَل. وارت. 7یَهیایا جارَ جت و گوَشت: ”چه من و رَند، مردے کئیت که چه من زۆرمندتر اِنت و من اے کارئے لاهک هم نه‌آن که سْرێنا دوتَل بکنان و آییئے کئوشبندان#1:7 کئوشبند، بزان سْواس‌بند، سْواسئے بند. ببۆجان. 8من شمارا گۆن آپا پاکشۆدیَ دئیان، بله آ شمارا گۆن هُدائے پاکێن روها#1:8 هُدائے پاکێن روه، بزان روه‌اُلکُدُس. پاکشۆدیَ دنت.“
ایسّائے پاکشۆدی و چَکّاس
(مَتّا 3:13—4:11؛ لوکا 3:21–22؛ 4:1–13)
9آ رۆچان، ایسّا چه جَلیلئے دَمگئے شهر ناسِرَها آتک و اُردُنئے کئورا یَهیایا آ پاکشۆدی دات. 10اَنچُش که ایسّا چه آپا در آیگا اَت، دیستی که آسمانئے دپ پَچ بوت و پاکێن روه کپۆتێئے دْرۆشما#1:10 دْرۆشم، بزان شکل، سورت. اێر آتک و منی سرا نِشت. 11چه آسمانا اے تئوار آتک: ”تئو منی دۆستیگێن بَچّ ائے و من چه تئو سکّ وشّ و رَزا آن.“
12هما وهدا پاکێن روها ایسّا گیابانا رئوان دات. 13ایسّا، تان چِلّ رۆچا گیابانا مَنت و شئیتانا آ چَکّاست#1:13 چَکّاسگ، بزان آزمائِش کنگ، اِمتهان گِرگ.. ایسّا اۆدا جنگلی جانوَرانی نیاما#1:13 نیاما، بزان میانا، درنیاما، تها، تۆکا. اَت و پرێشتگان آییئے هئیالداریَ کرت.
چار ماهیگیرئے لۆٹاێنگ
(مَتّا 4:12–22؛ لوکا 4:14–15؛ 5:1–11)
14یَهیائے دزگیر بئیگا رَند، ایسّا جَلیلا شت و هُدائے وشّێن مِستاگئے جاری جت و 15گوَشتی: ”وهد آتکگ و رَستگ. هُدائے بادشاهی آتکگ و سر بوتگ. چه وتی گُناهان پشۆمان ببێت و تئوبه بکنێت و هُدائے وشّێن مِستاگئے سرا ایمان بیارێت.“
16ایسّا، جَلیلئے مَزَن‌گوَرمئے#1:16 مَزَن‌گوَرم، بزان دریاچه. لَمبا#1:16 لَمب، بزان دامن، کِرّ. رئوگا اَت که دو ماهیگیری دیست، شَمون و آییئے برات اَنْدْریاس که په ماهیگیریا وتی دام و ماهۆران گوَرما دئور دئیگا اَتنت. 17ایسّایا گۆن آیان گوَشت: ”بیاێت، منی رَندگیریا بکنێت. من شمارا اَنچُشَ کنان که ماهیگ گِرگئے بدلا، مردمانی دلان شکارَ کنێت.“#1:17 دلئے شکار کنگئے مکسد مردمان هُدائے راها آرگ اِنت. 18آیان هما دمانا وتی دام یله داتنت و آییئے همراه بوتنت. 19ایسّا که کمّے دێما شت زِبْدیئے چُکّ آکوب و آییئے برات یوهَنّایی دیستنت که بۆجیگا#1:19 بۆجیگ، بزان لانچ، کَشتی. نِشتگ‌اَتنت و وتی ماهۆران سْراچگ#1:19 سْراچگ، بزان دِرتگێن دۆچگ و اَڈّ کنگ. و شَرّ کنگا اَتنت. 20اَنچُش که ایسّایا آ دیستنت، گْوانکی جتنت. آیان وتی پت زِبْدی گۆن کارندهان#1:20 کارِنده، بزان کاردار، نئوکر. بۆجیگا یله دات و ایسّائے همراه بوتنت.
گنۆکێئے جِنّئے کَشّگ
(لوکا 4:31–37)
21ایسّا و آییئے مُرید کَپَرناهومئے شهرا شتنت. شَبَّتئے رۆچا#1:21 شَبَّتئے رۆچ، هما شمبِه اِنت، بزان یَهودیانی کار نکنگئے رۆچ. ایسّا کَنیسَها#1:21 کَنیسَه، بزان یَهودیانی پرستشگاه. شت و مردمی تالیم داتنت. 22مردم چه آییئے درس و تالیمان هئیران و هَبَکّه اَتنت، چێا که آییا شَریَتئے زانۆگرانی#1:22 شَریَتئے زانۆگر، بزان دینی آلِم و موسّائے شَریَتئے زانتکار. پئیما تالیم ندات، گۆن واک#1:22 واک، بزان زۆر، تاکت. و اِهتیارے#1:22 اِهتیار، بزان مَستری، کُدرَت، زۆر. تالیمی دات. 23همے وهدا، کَنیسَهئے تها مردێا کوکار کرت. اے مردا جِنّے پِر اَت. گوَشتی: 24”او ایسّا ناسِری! ترا گۆن ما چِه کار اِنت؟ آتکگئے که مارا گار و بێگواه بکنئے؟ منَ زانان تئو کئے ائے، تئو هُدائے گچێن کرتگێن هما پاکێن ائے.“ 25ایسّایا جِنّ هکّل دات و گوَشت: ”چُپّ کن و اے مردا یله دئے.“ 26جِنّا آ مرد سکّ ژامبلێنت#1:26 ژامبلێنگ، بزان چیزّێئے گِرگ و په تْرندی سُرێنگ و لَرزێنگ. و کوکّار کنانا چه آییا در آتک. 27سجّهێن مردمان په هئیرانی وت‌مان‌وتا گوَشت: ”اے چۆنێن هبرے؟ نۆکێن تالیمے. اے مَرد په واک و اِهتیارے جِنّان هم هُکمَ دنت و جِنّ اِشیئے هبرا گِرنت.“ 28دێر نگوَست که جَلیلئے سجّهێن کِرّ و گوَران، ایسّایا نام در آورت.
نادْراهانی دْرهبکشی
(مَتّا 8:14–17؛ لوکا 4:38–41)
29ایسّا، وهدے چه کَنیسَها در کپت، آکوب و یوهَنّائے همراهیا شَمون و اَنْدْریاسئے لۆگا شت. 30اۆدا، شَمونئے وَسّیگ تپیگ اَت و نِپادئے سرا وپتگ‌اَت. اَنچُش که ایسّا آیانی لۆگا پُترت، نادْراهئے هالِش دات. 31ایسّا نزّیکّا شت، آییئے دستی گپت و پادی کرت. تَپا یله دات. آ پاد آتک و آیانی هِزمت کنگا لگّت.
32مگرب‌تهارا مردمان وتی سجّهێن نادْراه و جِنّی گنۆک ایسّائے کِرّا آورتنت. 33شهرئے سجّهێن مردم، لۆگئے دپا مُچّ بوتنت. 34ایسّایا بازێنے که ڈئول ڈئولێن نادْراهیان گپتگ‌اَتنت، دْراه کرت و بازێن جِنّے کَشّتی بله آییا جِنّ په هبرا نه‌اِشتنت چێا که جِنّانَ زانت که آ کئے اِنت.
اِنجیلئے وشّێن مِستاگئے جار
(لوکا 4:42–44)
35سَباها ماهَلّه که اَنگت تهار اَت، ایسّا پاد آتک، چه لۆگا در کپت، گِستا#1:35 گِستا، بزان یکّ کِرّ، دور. و پناهێن جاگهێا شت و دْوایی کرت. 36شَمون و آییئے سنگت ایسّائے شۆهازا در کپتنت. 37وهدے ایسّااِش دیست، گۆن آییا گوَشتِش: ”سجّهێن مردم ترا شۆهاز کنگا اَنت.“ 38ایسّایا گوَشت: ”بیاێت دگه جاگهێا رئوێن، کِرّ و گوَرئے مێتگ و بازاران تانکه من اۆدا هم وشّێن مِستاگئے جارا بجنان، چێا که من په همے کارا آتکگان.“ 39گڑا، سجّهێن جَلیلا تَرّ و تابی کرت، کَنیسَهانی تها وشّێن مِستاگئے جاری جت و جِنّیانی جِنّی هم کَشّتنت.
گَرّئے نادراهێئے دْرهبکشی
(مَتّا 8:1–4؛ لوکا 5:12–16)
40یکّ مردێا گَرّ #1:40 اَسلیگێن یونانی زبانئے لبز په سُهربادا، بزان جزاما و په گرّ و بَگ و دگه تَهر تَهرێن پۆستی نادراهیان کار بندگ بوتگ. اَت. ایسّائے کِرّا آتک، کۆنڈان کپت، دَزبندی کرت و گوَشتی: ”اگن تئو بلۆٹئے، منا دْراه و پَلگار#1:40 پلگار، بزان ساپ و سَلّه، بێپۆلِنگ. کرتَ کنئے.“ 41ایسّایا آییئے سرا بَزّگ بوت، دستی شهارت و آ مردئے بدنی دست پِر مُشت و گوَشتی: ”منَ لۆٹان. وشّ و پَلگار ببئے.“ 42هما دمانا آ مرد چه گَرّا دْراه بوت. 43رُکست کنگئے وهدا، ایسّایا کَڈّن#1:43 کَڈَّن، بزان مُهرێن تاکید، هُکم. کرت و گوَشت: 44”بچار، هچکَسا چه اے هبر و هالا سَهیگ مکن بله برئو، وتا دینی پێشوایا پێش بدار و په وتی پاکی و پَلگاریا هما کُربانیگا هئیرات کن که موسّائے شَریَتا نبیسگ بوتگ، تانکه په آیان شاهدیے ببیت.“ 45بله آ مرد که چه اۆدا در آتک، هبرا لگّت و وتی کِسّهی شِنگ و تالانَ کنگ شرو کرت. اے سئوَبا، نون ایسّایا نتوانت هچّ شهرا وتا زاهر بکنت، ڈَنّا دور و گِستاێن جاگهانَ داشتی بله اَنگت مردم چه هر نێمگا آییئے کِرّا آتکنت.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.