دَرگوَز 30
30
بۆسۆچی کُربانجاه
1په سۆچُکیئے چێر سۆچگا کُربانجاهے اَڈّ کن، چه چِگردئے دارا اَڈّی کن. 2چارکُنڈی کن، دْراجیا یکّ دَست ببیت، پْراهیا هم یکّ دَست و بُرزیا دو دَست. کانٹ و کُربانجاه هۆر اَڈّ ببنت، اے یَکٹُکُّر ببنت. 3کُربانجاهئے سرا و سجّهێن نێمگان و کانٹان گۆن زَگرێن تلاها سرپۆش کن و چَپّ و چاگردا تلاهێن پَٹّیے پِری کن. 4په کُربانجاها تلاهئے کَڑی اَڈّ کن و همے پَٹّیئے چێرا پِرِش کن. کُربانجاهئے دوێن کَشان دو دو کَڑی پِر کن که کُربانجاهئے چِست کنگئے وهدا گوَرباسکان بدارنت. 5گوَرباسکان چه چِگردئے دارا اَڈّ کن و گۆن تلاها سرپۆش کن. 6کُربانجاها هما پردهئے دێما اێر کن که شاهدیئے پێتیئے دێما اِنت، بزان کَپارَتئے سرپۆشئے دێما که شاهدیئے وانِکانی سربرا اِنت، هما جاگها که من گۆن تئو گِندُکَ کنان.
7هارون هر سُهب که چراگان چاریت و دلگۆشَ کنت، بۆسۆچی کُربانجاهئے سرا وشبۆێن سۆچُکی چێر بسۆچیت. 8مَگرِبتَهارا که هارون چراگان رۆکَ کنت، پدا سۆچُکی چێر بسۆچیت. اے هُداوندئے بارگاها دائِمی چێر سۆچَگی کُربانیگے، نَسلانی نَسل. 9اِشیئے سرا دگه پئیمێن سۆچُکی و سۆچَگی کُربانیگ یا دانئے کُربانیگ چێر مسۆچێت و اِشیئے سرا رێچَگی کُربانیگ مرێچێت. 10هارون سالے یکّ رندے اِشیئے کانٹانی سرا مهلوکئے گناهانی کَپارَتا بکنت. اے کَپارَت چه گناهانی کَپارَتئے هۆنا کنگ ببیت، سالے یکّ رندے، نَسلانی نَسل. اے په هُداوندا چه پاکا پاکتر اِنت.“
کَپارَتئے زَرّ
11هُداوندا گۆن موسّایا گوَشت: 12”وهدے په مَردمشُماریا اِسراییلیان هسابَ کنئے، هرکَسئے نام که نِبیسگَ بیت، په وتی زِندئے مۆکگا هُداوندا کَپارَت بدنت. گڑا نامنِبیسیئے وهدا وباے آیانی چَکّا نکپیت. 13هما مردم که نامِش نِبیسگَ بنت، نێم شِکِل#30:13 شِکِل، اِسراییلیانی کِرّا سَنگ و وزنے بوتگ. نێم شِکِل کِساس شَش گرام اِنت. بدئینت، پاکێن جاگهئے شِکِلئے#30:13 پاکێن جاگهئے شِکِل: شِکِلئے سَنگ و پارسَنگ دگه دگه بوتگاَنت. پاکێن جاگهئے شِکِل کِساس 12 گرام بوتگ. هسابا که شِکِلے بیست گێراه#30:13 گێراه، یکّ گێراهے کِساس نێم گرام بوتگ. اِنت. اے نێم شِکِل په هُداوندا شُگرانهے. 14هرکَس که اُمری بیست سال یا گێشتر اِنت، نامی نبیسگ ببیت و هُداوندئے شُگرانها بدنت. 15وهدے په وتی زِندئے مۆکگا هُداوندئے شُگرانها دئیێت، هستۆمند چه نێم شِکِلا گێشتر و نێزگار کمتر مدئینت. 16چه اِسراییلیان کَپارَتئے زرّان بگر و شاهدیئے تَمبوئے هِزمتی کارانی سرا هرچِش کن. هُداوندئے بارگاها اے، په اِسراییلیان وتی زندئے مۆکگئے کَپارَتئے یاتگێجے.“
شۆدگئے تْرَشت
17هُداوندا گۆن موسّایا گوَشت: 18”په شُشت و شۆدا بْرِنجئے تْرَشتے اَڈّ کن و پادَگی هم بْرِنجئے ببیت. شاهدیئے تَمبو و کُربانجاهئے نیاما اێری کن و آپی مان کن. 19هارون و آییئے مردێنچُکّ وتی دست و پادان گۆن همے آپان بشۆدنت. 20هر وهدا که تَمبوئے تها کاینت، وتا بشۆدنت که مَمِرَنت، هما وهدا هم وتا بشۆدنت که کُربانجاهئے نزّیکّا کاینت که هِزمت بکننت و په هُداوندا آسجَتێن کُربانیگ چێر بسۆچنت. 21وتی دست و پادان بشۆدنت که مَمِرَنت. اے په هارون و آییئے نَسل و پَدرێچا اَبدمانێن پرمانے، نَسلانی نَسل.“
پِر مُشَگی رۆگن
22هُداوندا گۆن موسّایا گوَشت: 23”اے شَرترێن وشبۆان بزور: پنچ سد شِکِل آپێن مُرّ، مُرّانی نێمئے کِساسا بزان دو سد و پنجاه شِکِلئے کِساسا وشبۆێن دارچینی، دو سد و پنجاه شِکِل وشبۆێن کانڈێل، 24پنچ سد شِکِل کاشیا#30:24 کاشیا درچکے. اِشیئے پُلّ و کُچَل وشّێن بۆے کننت.، سجّهێن پاکێن جاگهئے شِکِلئے هسابا ببنت، و چار سێر زئیتونئے ٹێل. 25اِشان بزور و پِر مُشَگی پاکێن رۆگنے اَڈّ کن، وشبۆێن رۆگنے. اِشان هما پئیما هئوار کن که اَترساز وشبۆ اَڈَّ کننت. اے پِر مُشَگی پاکێن رۆگنَ بیت. 26تَمبو و شاهدیئے پێتی و 27ٹێبَل و ٹێبَلئے سجّهێن سامان و چِراگدان و چِراگدانئے سامان و بۆسۆچی کُربانجاه و 28سۆچَگی کُربانیگانی کُربانجاه و آییئے سجّهێن سامان و تْرَشت و تْرَشتئے پادگا رۆگن پِر مُش. 29اِشان وَپْک کن که چه پاکا پاکتر ببنت. هر چیزّ که گۆن اِشان ڈُکّ بلگّیت، پاکَ بیت.
30هارون و آییئے چُکّان رۆگن پِر مُش و وَپْکِش کن که دینی پێشوا ببنت و منی هِزمتا بکننت. 31گۆن اِسراییلیان بگوَش: ’اے منی پِر مُشَگی پاکێن رۆگن اِنت، په شما، نَسلانی نَسل. 32اِشیا هرکَسا پِر مَمُشێت و اے سامانان اے ڈئولا هئوار مکنێت و دگه چُشێن رۆگن اَڈّ مکنێت. اے پاکێن رۆگنے، اِشیئے کَدرا بکنێت. 33هرکَسا اِشیئے پئیمێن وشبۆے اَڈّ کرت یا اَنچێن مردمێا پِری مُشت که دینی پێشواے نهاِنت، چه وتی مهلوکا سِندگَ بیت.‘“
سۆچُکی
34هُداوندا گۆن موسّایا گوَشت: ”اے چیزّان بزور و هئوار کن: درچکی شیرَگ، سَدَپ، گَلبَنوم#30:34 گَلبَنوم پُلّی شیرگے که په وشبۆئے اَڈّ کنگا کارمرزَ بیت. و زَگرێن کُندِرک، سجّهێنانی کَچّ و کِساس یکّ ببیت. 35هما پئیما هئوارِش کن و وشبۆێن سۆچُکیے اَڈّ کن که اَترساز وشبۆ اَڈَّ کنت. اے سۆچُکی وادۆک و زَگر و پاک ببیت. 36چه اِشان لهتێن بدْرُش و آرت کن و تَمبوا شاهدیئے پێتیئے دێما، اێر کن، همۆدا که من گۆن تئو گِندُکَ کنان. اِشیئے کَدرا بزانێت که چه پاکا پاکتر اِنت. 37په وتی جندا سۆچُکی اے پئیما اَڈّ مکنێت. هُداوندئے بارگاها اے پاکێن چیزّے، اِشیئے کَدرا بکنێت. 38هرکَسا په وتی دِلوَشّیا اے پئیمێن سۆچُکیے اَڈّ کرت، چه وتی مهلوکا سِندگَ بیت.“
Currently Selected:
دَرگوَز 30: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.
دَرگوَز 30
30
بۆسۆچی کُربانجاه
1په سۆچُکیئے چێر سۆچگا کُربانجاهے اَڈّ کن، چه چِگردئے دارا اَڈّی کن. 2چارکُنڈی کن، دْراجیا یکّ دَست ببیت، پْراهیا هم یکّ دَست و بُرزیا دو دَست. کانٹ و کُربانجاه هۆر اَڈّ ببنت، اے یَکٹُکُّر ببنت. 3کُربانجاهئے سرا و سجّهێن نێمگان و کانٹان گۆن زَگرێن تلاها سرپۆش کن و چَپّ و چاگردا تلاهێن پَٹّیے پِری کن. 4په کُربانجاها تلاهئے کَڑی اَڈّ کن و همے پَٹّیئے چێرا پِرِش کن. کُربانجاهئے دوێن کَشان دو دو کَڑی پِر کن که کُربانجاهئے چِست کنگئے وهدا گوَرباسکان بدارنت. 5گوَرباسکان چه چِگردئے دارا اَڈّ کن و گۆن تلاها سرپۆش کن. 6کُربانجاها هما پردهئے دێما اێر کن که شاهدیئے پێتیئے دێما اِنت، بزان کَپارَتئے سرپۆشئے دێما که شاهدیئے وانِکانی سربرا اِنت، هما جاگها که من گۆن تئو گِندُکَ کنان.
7هارون هر سُهب که چراگان چاریت و دلگۆشَ کنت، بۆسۆچی کُربانجاهئے سرا وشبۆێن سۆچُکی چێر بسۆچیت. 8مَگرِبتَهارا که هارون چراگان رۆکَ کنت، پدا سۆچُکی چێر بسۆچیت. اے هُداوندئے بارگاها دائِمی چێر سۆچَگی کُربانیگے، نَسلانی نَسل. 9اِشیئے سرا دگه پئیمێن سۆچُکی و سۆچَگی کُربانیگ یا دانئے کُربانیگ چێر مسۆچێت و اِشیئے سرا رێچَگی کُربانیگ مرێچێت. 10هارون سالے یکّ رندے اِشیئے کانٹانی سرا مهلوکئے گناهانی کَپارَتا بکنت. اے کَپارَت چه گناهانی کَپارَتئے هۆنا کنگ ببیت، سالے یکّ رندے، نَسلانی نَسل. اے په هُداوندا چه پاکا پاکتر اِنت.“
کَپارَتئے زَرّ
11هُداوندا گۆن موسّایا گوَشت: 12”وهدے په مَردمشُماریا اِسراییلیان هسابَ کنئے، هرکَسئے نام که نِبیسگَ بیت، په وتی زِندئے مۆکگا هُداوندا کَپارَت بدنت. گڑا نامنِبیسیئے وهدا وباے آیانی چَکّا نکپیت. 13هما مردم که نامِش نِبیسگَ بنت، نێم شِکِل#30:13 شِکِل، اِسراییلیانی کِرّا سَنگ و وزنے بوتگ. نێم شِکِل کِساس شَش گرام اِنت. بدئینت، پاکێن جاگهئے شِکِلئے#30:13 پاکێن جاگهئے شِکِل: شِکِلئے سَنگ و پارسَنگ دگه دگه بوتگاَنت. پاکێن جاگهئے شِکِل کِساس 12 گرام بوتگ. هسابا که شِکِلے بیست گێراه#30:13 گێراه، یکّ گێراهے کِساس نێم گرام بوتگ. اِنت. اے نێم شِکِل په هُداوندا شُگرانهے. 14هرکَس که اُمری بیست سال یا گێشتر اِنت، نامی نبیسگ ببیت و هُداوندئے شُگرانها بدنت. 15وهدے په وتی زِندئے مۆکگا هُداوندئے شُگرانها دئیێت، هستۆمند چه نێم شِکِلا گێشتر و نێزگار کمتر مدئینت. 16چه اِسراییلیان کَپارَتئے زرّان بگر و شاهدیئے تَمبوئے هِزمتی کارانی سرا هرچِش کن. هُداوندئے بارگاها اے، په اِسراییلیان وتی زندئے مۆکگئے کَپارَتئے یاتگێجے.“
شۆدگئے تْرَشت
17هُداوندا گۆن موسّایا گوَشت: 18”په شُشت و شۆدا بْرِنجئے تْرَشتے اَڈّ کن و پادَگی هم بْرِنجئے ببیت. شاهدیئے تَمبو و کُربانجاهئے نیاما اێری کن و آپی مان کن. 19هارون و آییئے مردێنچُکّ وتی دست و پادان گۆن همے آپان بشۆدنت. 20هر وهدا که تَمبوئے تها کاینت، وتا بشۆدنت که مَمِرَنت، هما وهدا هم وتا بشۆدنت که کُربانجاهئے نزّیکّا کاینت که هِزمت بکننت و په هُداوندا آسجَتێن کُربانیگ چێر بسۆچنت. 21وتی دست و پادان بشۆدنت که مَمِرَنت. اے په هارون و آییئے نَسل و پَدرێچا اَبدمانێن پرمانے، نَسلانی نَسل.“
پِر مُشَگی رۆگن
22هُداوندا گۆن موسّایا گوَشت: 23”اے شَرترێن وشبۆان بزور: پنچ سد شِکِل آپێن مُرّ، مُرّانی نێمئے کِساسا بزان دو سد و پنجاه شِکِلئے کِساسا وشبۆێن دارچینی، دو سد و پنجاه شِکِل وشبۆێن کانڈێل، 24پنچ سد شِکِل کاشیا#30:24 کاشیا درچکے. اِشیئے پُلّ و کُچَل وشّێن بۆے کننت.، سجّهێن پاکێن جاگهئے شِکِلئے هسابا ببنت، و چار سێر زئیتونئے ٹێل. 25اِشان بزور و پِر مُشَگی پاکێن رۆگنے اَڈّ کن، وشبۆێن رۆگنے. اِشان هما پئیما هئوار کن که اَترساز وشبۆ اَڈَّ کننت. اے پِر مُشَگی پاکێن رۆگنَ بیت. 26تَمبو و شاهدیئے پێتی و 27ٹێبَل و ٹێبَلئے سجّهێن سامان و چِراگدان و چِراگدانئے سامان و بۆسۆچی کُربانجاه و 28سۆچَگی کُربانیگانی کُربانجاه و آییئے سجّهێن سامان و تْرَشت و تْرَشتئے پادگا رۆگن پِر مُش. 29اِشان وَپْک کن که چه پاکا پاکتر ببنت. هر چیزّ که گۆن اِشان ڈُکّ بلگّیت، پاکَ بیت.
30هارون و آییئے چُکّان رۆگن پِر مُش و وَپْکِش کن که دینی پێشوا ببنت و منی هِزمتا بکننت. 31گۆن اِسراییلیان بگوَش: ’اے منی پِر مُشَگی پاکێن رۆگن اِنت، په شما، نَسلانی نَسل. 32اِشیا هرکَسا پِر مَمُشێت و اے سامانان اے ڈئولا هئوار مکنێت و دگه چُشێن رۆگن اَڈّ مکنێت. اے پاکێن رۆگنے، اِشیئے کَدرا بکنێت. 33هرکَسا اِشیئے پئیمێن وشبۆے اَڈّ کرت یا اَنچێن مردمێا پِری مُشت که دینی پێشواے نهاِنت، چه وتی مهلوکا سِندگَ بیت.‘“
سۆچُکی
34هُداوندا گۆن موسّایا گوَشت: ”اے چیزّان بزور و هئوار کن: درچکی شیرَگ، سَدَپ، گَلبَنوم#30:34 گَلبَنوم پُلّی شیرگے که په وشبۆئے اَڈّ کنگا کارمرزَ بیت. و زَگرێن کُندِرک، سجّهێنانی کَچّ و کِساس یکّ ببیت. 35هما پئیما هئوارِش کن و وشبۆێن سۆچُکیے اَڈّ کن که اَترساز وشبۆ اَڈَّ کنت. اے سۆچُکی وادۆک و زَگر و پاک ببیت. 36چه اِشان لهتێن بدْرُش و آرت کن و تَمبوا شاهدیئے پێتیئے دێما، اێر کن، همۆدا که من گۆن تئو گِندُکَ کنان. اِشیئے کَدرا بزانێت که چه پاکا پاکتر اِنت. 37په وتی جندا سۆچُکی اے پئیما اَڈّ مکنێت. هُداوندئے بارگاها اے پاکێن چیزّے، اِشیئے کَدرا بکنێت. 38هرکَسا په وتی دِلوَشّیا اے پئیمێن سۆچُکیے اَڈّ کرت، چه وتی مهلوکا سِندگَ بیت.“
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.