Malako 12
12
1KO Yesu aang’oasangela la bisonganya. Bonto aonaki lisala ja bekoli bia vina, ko aosamanya liko la lobala, aocima lifoku j’eoka ea ntatoka ea bamuka, aotonga ilombe y’eliko, aosombya liko ele bafongi, ko aocwa nd’ese enkina. 2Aki emukelo okite, aotoma bokwala’okae el’afongi, wae ende ambe lim’ele bafongi liondo j’amuka ba lisala. 3Lolo baolokanda, baolokunda, baolouteya o mpampa. 4Lenkina aotom’omo; baolokota mpota nd’otsa, ko baolokela elenge ea nsoi mongo. 5Ko aotom’omo; ko baoloom’ende ci; la bam’auke o ngoko; baokund’amo, ko baoom’amo ci. 6Aki l’omo, wete bon’okae ow’eefe mongo; aolotoma el’iyo nd’afeka, aokela, Bifofika bona’okami. 7Lolo bafongi’ako baotefela l’iyo mongo, One wae bosangoli; loyaka, toome, ko lisango lifoyalema likiso. 8Ko baolokanda, baolooma ci, baolooza lima lisala ja bekoli bia vina. 9Bomongo lisala ifokela ngamo? Ifoya ko ifomelenganya bafongi’ako, ko ifosombya lisala ja bekoli bia vina ele bant’ankina. 10Inyo ntaloandaki nd’enkanda bia Nzakomba,
Ekenje eki batongi otonaka,
Eko eoyalema ea joso nda likono;
11Line joya lim’ele Yawe,
Ko joyalema ja nkakamwa nd’aiso’akiso.
12Iyo basaki wae bokande; lolo baoanga etukuluku; el’iyo baokotola wete atefelaki esonganya ene nd’eloko ekiyo; ko baolocika, baokenda.
13Baotom’el’ende Bafalusi bamo ko la ba-Elode, wae boong’ende jongo nd’aoyi’akae. 14Ak’iy’oyaka el’ende, baolokela, Bolaki, iso tea wae ole owa nsosolo, ofokanel’onto nye; nd’ewela ntoalaka mpifo e’onto, olak’anto mboka ea Nzakomba la nsosolo; Na, afut’iso Kaisala mpuci, joi liko leji, nkina lifeji? 15La tokaya, la tofokaya? Lolo Yesu aokotola bokakatano bokiyo, ko aolakela, Inyo lommek’emi lae? lonjele franc wae njene. 16Baoyel’eko. Ko aolakela, Efoya ene l’ekotelo ea na? Ko baolamba, Ea Kaisala. 17Ko Yesu aolakela, Lokaya Kaisala belemo bia Kaisala, ko lokaya Nzakomba belemo bia Nzakomba. Ko baokamwa l’ende o nkakamwa mongo.
18Ko Ba-Sadoke, wae iy’asanga wae ak’eetswelo lim’iwa, baoy’el’ende, ko baolouola, 19Bolaki, Mose aotokotela, Nga botomolo ow’onto aowa, ko waji aciki nd’afeka bakae, lolo nko bana, kela bokune’okae akole waji’oki’nde, kela aotele botomolo’okande bana. 20Baki eko baende nsambo botomolo l’akune, ko owa joso aokola waji, ko aowa ntaot’ana nye; 21ow’afe aokola waji’oko, lolo aowa, nko bana baki’nd’ocikaka; ko l’ow’asato o ngoko; 22ko iy’auma nsambo ntabacik’ana nye. Ko nd’afeka mongo bomot’oko aowa. 23Na, nd’eetswelo e’anto lim’iwa ende ayale waji owa na? nd’ewela ek’iyo nsambo boatak’ende waji. 24Yesu aolakela, Ncina eung’inyo efa wae lofea benkanda bia Nzakomba la mpamba ea Nzakomba? 25Ewela a iy’oetswa lim’iwa, bafokole baaji, ko bafolekya bana nda liala; lolo bayala ngole bikima nda loola. 26Lolo nda likambo j’awei, wete baetswa; inyo lotafoanda nd’onkanda wa Mose, nda nsango ea Botamba, eleng’eki Nzakomba otefelaka l’ende, Emi nde Nzakomba ea Abalayama, ko la Nzakomba ea Yisaka, ko la Nzakomba ea Yakoba? 27Ende afa Nzakomba ea bawei, lolo Nzakomba ea bayoike: inyo lounga o mbaunga mongo.
28Omo owa bakoci b’enkanda aoya, ko aki’nd’okaka bikoli bikiyo, aolena wae Yesu aolamba la wanya, aolouola, Bosise bondekola nda bisekyelo biuma bole na? 29Yesu aolamba, Wa joso wete, Ba-Yisalaele, lokoza; Yawe Nzakomba ekiso ale Yawe nk’omoko; 30ko oka Yawe Nzakomba ekawe eefe l’otema’okawe bouma, ko l’olimo’okawe bouma, ko la lokai lokawe louma, ko la mpamba ekawe euma. 31Bosise w’efe bole wae, Oka osingitana la we eefe elenge endoka we we mongo eefe. Nko bosise bomo bolekola bene. 32Bokoci ow’enkanda aolokela, Nsosolo, Bolaki, osanga wete bolotsi; Ende ale nk’omoko; nk’onkina, tu nk’ende; 33ayaka bonto aoloka Nzakomba eefe l’otema bouma, ko la njea euma, ko la mpamba euma, ko ayaka aoloka osingitana l’ende eefe elenge endok’ende ende mongo eefe, eleng’eko eolekola mbeka iuma ya ntatumba, ko la nganji iuma. 34Aki Yesu oene wae aolamba la wanya, aolokela, We of’esi la likulaka ja Nzakomba. Lim’ako nk’onto ondouolaki wuo bomo, ewela ek’iy’oangaka boangi.
35Aki Yesu olakaka nd’ilombe ya Nzakomba, aokela, Bakoci b’enkanda basanga wete Masiya ale bon’owa Dawidi ngamo? 36Ewela Dawidi mongo aokela la Bolimo w’olotsi,
Yawe aokela Nkolo ekami,
Kit’ase nda wiji wa likata likami j’elome,
Elaka nko ndile baini’akawe nd’ase b’akaka bake.
37Dawidi mongo aolotanga Nkolo, ayale bon’okae ngamo? Banyenga b’anto baolokoza l’osalangano.
38Nda lilako likae aotefela, aokela, Lofonga lolota elenge ea bakoci b’enkanda, iy’alanga wae balande l’enkoto bi’etale, ko balanga biuo bia nsambela nda totenela ta bisombe, 39la mbata ya joso nda basunagoga, la wiji wa joso nda bilambo, 40ko iy’afonola bamato ba bituka tolombe, ko bayoonde beondo bi’etale la bofombo; umbelo ea likambo ekiyo ifolekola o ndekola.
41Yesu aokit’ase wiji w’efongelo ea baumba, ko aalaki elenge eki banto oilaka nganji nd’efongelo ea baumba; ko banto b’aaci bauke baolila nganji iuke. 42Ko etuka emo e’oola aoya, ko aolila tokakota tofe, tokoka l’etei ea likota. 43Ko aoleta bakimi bakae el’ende, aolakela, Nsosolo, nsangel’inyo, Etuka ene e’oola aolila nganji endekola nganji ikiy’auma bandilaki nd’efongelo ea baumba. 44Ek’iy’auma oilaka lima bofula wa liaci likiyo; lolo ende ilaki lima boola bokae baumba baki’nde bauma, Wete liaci likae liuma.
Currently Selected:
Malako 12: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
Malako 12
12
1KO Yesu aang’oasangela la bisonganya. Bonto aonaki lisala ja bekoli bia vina, ko aosamanya liko la lobala, aocima lifoku j’eoka ea ntatoka ea bamuka, aotonga ilombe y’eliko, aosombya liko ele bafongi, ko aocwa nd’ese enkina. 2Aki emukelo okite, aotoma bokwala’okae el’afongi, wae ende ambe lim’ele bafongi liondo j’amuka ba lisala. 3Lolo baolokanda, baolokunda, baolouteya o mpampa. 4Lenkina aotom’omo; baolokota mpota nd’otsa, ko baolokela elenge ea nsoi mongo. 5Ko aotom’omo; ko baoloom’ende ci; la bam’auke o ngoko; baokund’amo, ko baoom’amo ci. 6Aki l’omo, wete bon’okae ow’eefe mongo; aolotoma el’iyo nd’afeka, aokela, Bifofika bona’okami. 7Lolo bafongi’ako baotefela l’iyo mongo, One wae bosangoli; loyaka, toome, ko lisango lifoyalema likiso. 8Ko baolokanda, baolooma ci, baolooza lima lisala ja bekoli bia vina. 9Bomongo lisala ifokela ngamo? Ifoya ko ifomelenganya bafongi’ako, ko ifosombya lisala ja bekoli bia vina ele bant’ankina. 10Inyo ntaloandaki nd’enkanda bia Nzakomba,
Ekenje eki batongi otonaka,
Eko eoyalema ea joso nda likono;
11Line joya lim’ele Yawe,
Ko joyalema ja nkakamwa nd’aiso’akiso.
12Iyo basaki wae bokande; lolo baoanga etukuluku; el’iyo baokotola wete atefelaki esonganya ene nd’eloko ekiyo; ko baolocika, baokenda.
13Baotom’el’ende Bafalusi bamo ko la ba-Elode, wae boong’ende jongo nd’aoyi’akae. 14Ak’iy’oyaka el’ende, baolokela, Bolaki, iso tea wae ole owa nsosolo, ofokanel’onto nye; nd’ewela ntoalaka mpifo e’onto, olak’anto mboka ea Nzakomba la nsosolo; Na, afut’iso Kaisala mpuci, joi liko leji, nkina lifeji? 15La tokaya, la tofokaya? Lolo Yesu aokotola bokakatano bokiyo, ko aolakela, Inyo lommek’emi lae? lonjele franc wae njene. 16Baoyel’eko. Ko aolakela, Efoya ene l’ekotelo ea na? Ko baolamba, Ea Kaisala. 17Ko Yesu aolakela, Lokaya Kaisala belemo bia Kaisala, ko lokaya Nzakomba belemo bia Nzakomba. Ko baokamwa l’ende o nkakamwa mongo.
18Ko Ba-Sadoke, wae iy’asanga wae ak’eetswelo lim’iwa, baoy’el’ende, ko baolouola, 19Bolaki, Mose aotokotela, Nga botomolo ow’onto aowa, ko waji aciki nd’afeka bakae, lolo nko bana, kela bokune’okae akole waji’oki’nde, kela aotele botomolo’okande bana. 20Baki eko baende nsambo botomolo l’akune, ko owa joso aokola waji, ko aowa ntaot’ana nye; 21ow’afe aokola waji’oko, lolo aowa, nko bana baki’nd’ocikaka; ko l’ow’asato o ngoko; 22ko iy’auma nsambo ntabacik’ana nye. Ko nd’afeka mongo bomot’oko aowa. 23Na, nd’eetswelo e’anto lim’iwa ende ayale waji owa na? nd’ewela ek’iyo nsambo boatak’ende waji. 24Yesu aolakela, Ncina eung’inyo efa wae lofea benkanda bia Nzakomba la mpamba ea Nzakomba? 25Ewela a iy’oetswa lim’iwa, bafokole baaji, ko bafolekya bana nda liala; lolo bayala ngole bikima nda loola. 26Lolo nda likambo j’awei, wete baetswa; inyo lotafoanda nd’onkanda wa Mose, nda nsango ea Botamba, eleng’eki Nzakomba otefelaka l’ende, Emi nde Nzakomba ea Abalayama, ko la Nzakomba ea Yisaka, ko la Nzakomba ea Yakoba? 27Ende afa Nzakomba ea bawei, lolo Nzakomba ea bayoike: inyo lounga o mbaunga mongo.
28Omo owa bakoci b’enkanda aoya, ko aki’nd’okaka bikoli bikiyo, aolena wae Yesu aolamba la wanya, aolouola, Bosise bondekola nda bisekyelo biuma bole na? 29Yesu aolamba, Wa joso wete, Ba-Yisalaele, lokoza; Yawe Nzakomba ekiso ale Yawe nk’omoko; 30ko oka Yawe Nzakomba ekawe eefe l’otema’okawe bouma, ko l’olimo’okawe bouma, ko la lokai lokawe louma, ko la mpamba ekawe euma. 31Bosise w’efe bole wae, Oka osingitana la we eefe elenge endoka we we mongo eefe. Nko bosise bomo bolekola bene. 32Bokoci ow’enkanda aolokela, Nsosolo, Bolaki, osanga wete bolotsi; Ende ale nk’omoko; nk’onkina, tu nk’ende; 33ayaka bonto aoloka Nzakomba eefe l’otema bouma, ko la njea euma, ko la mpamba euma, ko ayaka aoloka osingitana l’ende eefe elenge endok’ende ende mongo eefe, eleng’eko eolekola mbeka iuma ya ntatumba, ko la nganji iuma. 34Aki Yesu oene wae aolamba la wanya, aolokela, We of’esi la likulaka ja Nzakomba. Lim’ako nk’onto ondouolaki wuo bomo, ewela ek’iy’oangaka boangi.
35Aki Yesu olakaka nd’ilombe ya Nzakomba, aokela, Bakoci b’enkanda basanga wete Masiya ale bon’owa Dawidi ngamo? 36Ewela Dawidi mongo aokela la Bolimo w’olotsi,
Yawe aokela Nkolo ekami,
Kit’ase nda wiji wa likata likami j’elome,
Elaka nko ndile baini’akawe nd’ase b’akaka bake.
37Dawidi mongo aolotanga Nkolo, ayale bon’okae ngamo? Banyenga b’anto baolokoza l’osalangano.
38Nda lilako likae aotefela, aokela, Lofonga lolota elenge ea bakoci b’enkanda, iy’alanga wae balande l’enkoto bi’etale, ko balanga biuo bia nsambela nda totenela ta bisombe, 39la mbata ya joso nda basunagoga, la wiji wa joso nda bilambo, 40ko iy’afonola bamato ba bituka tolombe, ko bayoonde beondo bi’etale la bofombo; umbelo ea likambo ekiyo ifolekola o ndekola.
41Yesu aokit’ase wiji w’efongelo ea baumba, ko aalaki elenge eki banto oilaka nganji nd’efongelo ea baumba; ko banto b’aaci bauke baolila nganji iuke. 42Ko etuka emo e’oola aoya, ko aolila tokakota tofe, tokoka l’etei ea likota. 43Ko aoleta bakimi bakae el’ende, aolakela, Nsosolo, nsangel’inyo, Etuka ene e’oola aolila nganji endekola nganji ikiy’auma bandilaki nd’efongelo ea baumba. 44Ek’iy’auma oilaka lima bofula wa liaci likiyo; lolo ende ilaki lima boola bokae baumba baki’nde bauma, Wete liaci likae liuma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.