Emibiri 9
9
Olugendo lwaSaula eDamasiki
1Nikwa Saula, iniakinahumulikana eriubahya neriita biga boMukama, mwaya oko muhereri mukulu; 2mwamusaba esyobarua oko manyumba awerihindanamo aweDamasiki ati, amalangira abeNzira eyo, abalume kutse abakali, inialetabo eYerusalema ibanabohire. 3Neryo abere akagenda asonda erihika eDamasiki, neryo-neryo ekyakakala erilwa elubula mokyamukoleryako. 4Neryo mwagwa ahisi mowa omulenge akabuga naye, ati, Saula, Saula, busana naki ukanyendereraya kwehi? 5Naye ati, Kuwendi Mukama kwehi? Naye, ati, Indi Yesu, oyu kendereraya; 6nikwa hangana wingire omo muyi, wasyabwirwa ebyo utolere erikola. 7Nabalume abagendanaya naye mobahangana bukutu, ibakowa omulenge, nikwa sibeta langira mundu. 8Neryo Saula mwalwa oko kitaka; abere alibula meso, mwatalola kuki; mobamusondolya omo byala mobamutwala eDamasiki. 9Noko biro bisatu mwabya butsira erilangira, kutse erirya kutse eripulya.
Saula na Anania
10Neryo habya omwiga eDamasiki oyu wahulawa mo Anania. OMukama mwabuga naye omunzoli, ati, Anania. Naye ati, Lebaya, Nandi hano Mukama. 11NoMukama mwa buga naye, ati, Hangana, ugende omu nzira ikahulawa mwi Tunganene, usondere omu nyumba ya Yuda omundu weTarso akahulawa mo Saula; kusangwa lebaya, anemosaba, 12iniabi rilola oko mundu oyu kahulawa mo Anania akingira nerimuhira kwe byala neribuga abane kandi erilangira.
13Nikwa Anania mwasubirya, ati, Mukama, nabiriowa engulu yomundu oyu uku bangi, ngoko abirikola ababuyirire bo nabi nyingi eYerusalema; 14na hano awite ehamuli ikalwa oko bahereri bakulu eriboha abosi abakabirikira oko rina ryawe. 15Nikwa Mukama mwabuga naye ati, Genda, ku sangwa mundu oyu ni kindu kyeriyisoga kyage eriheka erina ryage embere weBihanda nabami nabana baIsraeli; 16ku sangwa nasyamukangya ngoko asyagalwa busana nerina ryage. 17Neryo Anania mwalwaho mwingira omo nyumba, mwa muhira kwebyala biwe, ati, Saula, muli kyetu, oMukama Yesu oyo wakubutukira omo nzira wasiramo, abirinyituma ati utoke kandi eribana erilangira ryawe nerisulibwa neKirimu Kibuyi rire. 18Neryo-neryo ebindu biringe syonguku mobyatoga oko meso neryo mwaswabana erilangira. Neryo mwahangana mwa batisibwa: 19neryo mwarya karyo mwabana maka.
Mwikala nabiga ebiro bike eDamasiki. 20Neryo-neryo omo manyumba werihindana mwatula engulu ya Yesu, ati, Oyu ni Mugala woMungu. 21Nabosi bamowa mobasweka, bati, Oyu si yo mundu waheraya abahula erina eri eYerusalema kwehi? abiriasa eno busana nomwatsi oyu eritwalabo ibanabohire embere syabahereri bakulu. 22Nikwa Saula mwalabyaho eribya namaka, mwasinga baYuda ababya bikere eDamasiki erikangyabo ko Yesu yona Kristo.
Embita yabaYuda eriita Saulo
23Habere hahwa biro bingi abaYuda mobaya mbita yeri mwita, 24nikwa embita yabo moyaminyikala uku Saula. Mobategerya oko malimbo omwitungi nomo kiro, busana nerimwita; 25nikwa abiga biwe mobamutwala omo kiro mobamwandagalya omo kitiri oko luhimbo.
26Neryo abere ahika eYerusalema, mwalenga eriyihira oko biga; nabosi mubamubaha, mobatikirirya kwari mwiga. 27Nikwa Barunaba mwamwimya mwamuleta oko bakwenda, mwakaniryabo ngoko alola oko Mukama omo nzira, kandi kwabuga naye, kandi ngoko atula engulu omo rina rya Yesu butsira eriubaha oko Damasiki. 28Nibya mwabya nabo eYerusalema iniakasiba nabo eriingira nerihuluka, 29eritula engulu yowene omo rina rya Yesu butsira eriubaha; mwabuga nerikuba obuhaka nabaYuda ababya baGiriki; nikwa moba sonda erimwita. 30Nikwa balikyetu babere baminya, moba mutwala eKaisaria, mobamutuma eTarso.
31Nekanisa eYudea ehosi neGalilaya ne Samaria moyabya nobuholo moyahimbwa; nerilendera omubaha ryoMukama nomwisibikya ryeKirimu Kibuyirire moyatomekerwako.
Petero eLuda neYopa
32Nikwa Petero mwalendera ehosihosi omukati-kati kabo bosi, mwandagalira oko babuyirire ababya bikere eLuda. 33Neyo mweya mundu oyu kahulawa mo Ainea, oyo wabya inialwere omo ngingo yiwe emituta munane abya abasire. 34Petero mwabuga naye, ati, Ainea, Yesu Kristo akakulamaya; hangana usese engingo yawe. Nendambi eyo mwahangana. 35Nabosi babya bikere eLuda ne Saroni mobamulolako, mobabindukira oMukama.
Tabita mwalubukibwa
36Nikwa habya omwiga muguma eYopa, erina riwe Tabita, eribindula ambu Dorika, kutse Saswe: omukali oyo abya uswire nemibiri yowene yolwanzo. 37Oko biro ebyo mwalwala, mwahola; babere babimukosa, mobamuhira omwendata. 38Kusangwa Luda yabya hakuhi na Yopa, abiga mobowa ko Petero ariyo, mobamutumako abandu babiri erimugonga-gonga bati, Wase kwitwe, sulindirire. 39Neryo Petero mwahangana mwagenda nabo. Neryo abere ahikayo, mobamutwala omo nyumba mwendata. Nabakwakali bosi mobimana hakuhi naye ibanemurira nerimukangya esyokanzo nesyongimba esyo Dorika akakokotaya akine nabo. 40Nikwa mwahirabo bosi eyihya mwakukama mwasaba; neryo mwabindukira kinda ati, Tabita, hangana. Naye mwalibula meso, neryo abere alangira Petero mwayikukuma mwikala. 41Neryo mwamuha ebyala biwe mwamuhangania; abere abibirikira ababuyirire na bakwakali mwamukangyabo inianeho. 42Nekyo mokyaminyikala eYopa hosi, nabangi mobikirirya oMukama. 43Naye mwikala eYopa biro bingi omwa Simoni, mubambi.
Currently Selected:
Emibiri 9: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 9
9
Olugendo lwaSaula eDamasiki
1Nikwa Saula, iniakinahumulikana eriubahya neriita biga boMukama, mwaya oko muhereri mukulu; 2mwamusaba esyobarua oko manyumba awerihindanamo aweDamasiki ati, amalangira abeNzira eyo, abalume kutse abakali, inialetabo eYerusalema ibanabohire. 3Neryo abere akagenda asonda erihika eDamasiki, neryo-neryo ekyakakala erilwa elubula mokyamukoleryako. 4Neryo mwagwa ahisi mowa omulenge akabuga naye, ati, Saula, Saula, busana naki ukanyendereraya kwehi? 5Naye ati, Kuwendi Mukama kwehi? Naye, ati, Indi Yesu, oyu kendereraya; 6nikwa hangana wingire omo muyi, wasyabwirwa ebyo utolere erikola. 7Nabalume abagendanaya naye mobahangana bukutu, ibakowa omulenge, nikwa sibeta langira mundu. 8Neryo Saula mwalwa oko kitaka; abere alibula meso, mwatalola kuki; mobamusondolya omo byala mobamutwala eDamasiki. 9Noko biro bisatu mwabya butsira erilangira, kutse erirya kutse eripulya.
Saula na Anania
10Neryo habya omwiga eDamasiki oyu wahulawa mo Anania. OMukama mwabuga naye omunzoli, ati, Anania. Naye ati, Lebaya, Nandi hano Mukama. 11NoMukama mwa buga naye, ati, Hangana, ugende omu nzira ikahulawa mwi Tunganene, usondere omu nyumba ya Yuda omundu weTarso akahulawa mo Saula; kusangwa lebaya, anemosaba, 12iniabi rilola oko mundu oyu kahulawa mo Anania akingira nerimuhira kwe byala neribuga abane kandi erilangira.
13Nikwa Anania mwasubirya, ati, Mukama, nabiriowa engulu yomundu oyu uku bangi, ngoko abirikola ababuyirire bo nabi nyingi eYerusalema; 14na hano awite ehamuli ikalwa oko bahereri bakulu eriboha abosi abakabirikira oko rina ryawe. 15Nikwa Mukama mwabuga naye ati, Genda, ku sangwa mundu oyu ni kindu kyeriyisoga kyage eriheka erina ryage embere weBihanda nabami nabana baIsraeli; 16ku sangwa nasyamukangya ngoko asyagalwa busana nerina ryage. 17Neryo Anania mwalwaho mwingira omo nyumba, mwa muhira kwebyala biwe, ati, Saula, muli kyetu, oMukama Yesu oyo wakubutukira omo nzira wasiramo, abirinyituma ati utoke kandi eribana erilangira ryawe nerisulibwa neKirimu Kibuyi rire. 18Neryo-neryo ebindu biringe syonguku mobyatoga oko meso neryo mwaswabana erilangira. Neryo mwahangana mwa batisibwa: 19neryo mwarya karyo mwabana maka.
Mwikala nabiga ebiro bike eDamasiki. 20Neryo-neryo omo manyumba werihindana mwatula engulu ya Yesu, ati, Oyu ni Mugala woMungu. 21Nabosi bamowa mobasweka, bati, Oyu si yo mundu waheraya abahula erina eri eYerusalema kwehi? abiriasa eno busana nomwatsi oyu eritwalabo ibanabohire embere syabahereri bakulu. 22Nikwa Saula mwalabyaho eribya namaka, mwasinga baYuda ababya bikere eDamasiki erikangyabo ko Yesu yona Kristo.
Embita yabaYuda eriita Saulo
23Habere hahwa biro bingi abaYuda mobaya mbita yeri mwita, 24nikwa embita yabo moyaminyikala uku Saula. Mobategerya oko malimbo omwitungi nomo kiro, busana nerimwita; 25nikwa abiga biwe mobamutwala omo kiro mobamwandagalya omo kitiri oko luhimbo.
26Neryo abere ahika eYerusalema, mwalenga eriyihira oko biga; nabosi mubamubaha, mobatikirirya kwari mwiga. 27Nikwa Barunaba mwamwimya mwamuleta oko bakwenda, mwakaniryabo ngoko alola oko Mukama omo nzira, kandi kwabuga naye, kandi ngoko atula engulu omo rina rya Yesu butsira eriubaha oko Damasiki. 28Nibya mwabya nabo eYerusalema iniakasiba nabo eriingira nerihuluka, 29eritula engulu yowene omo rina rya Yesu butsira eriubaha; mwabuga nerikuba obuhaka nabaYuda ababya baGiriki; nikwa moba sonda erimwita. 30Nikwa balikyetu babere baminya, moba mutwala eKaisaria, mobamutuma eTarso.
31Nekanisa eYudea ehosi neGalilaya ne Samaria moyabya nobuholo moyahimbwa; nerilendera omubaha ryoMukama nomwisibikya ryeKirimu Kibuyirire moyatomekerwako.
Petero eLuda neYopa
32Nikwa Petero mwalendera ehosihosi omukati-kati kabo bosi, mwandagalira oko babuyirire ababya bikere eLuda. 33Neyo mweya mundu oyu kahulawa mo Ainea, oyo wabya inialwere omo ngingo yiwe emituta munane abya abasire. 34Petero mwabuga naye, ati, Ainea, Yesu Kristo akakulamaya; hangana usese engingo yawe. Nendambi eyo mwahangana. 35Nabosi babya bikere eLuda ne Saroni mobamulolako, mobabindukira oMukama.
Tabita mwalubukibwa
36Nikwa habya omwiga muguma eYopa, erina riwe Tabita, eribindula ambu Dorika, kutse Saswe: omukali oyo abya uswire nemibiri yowene yolwanzo. 37Oko biro ebyo mwalwala, mwahola; babere babimukosa, mobamuhira omwendata. 38Kusangwa Luda yabya hakuhi na Yopa, abiga mobowa ko Petero ariyo, mobamutumako abandu babiri erimugonga-gonga bati, Wase kwitwe, sulindirire. 39Neryo Petero mwahangana mwagenda nabo. Neryo abere ahikayo, mobamutwala omo nyumba mwendata. Nabakwakali bosi mobimana hakuhi naye ibanemurira nerimukangya esyokanzo nesyongimba esyo Dorika akakokotaya akine nabo. 40Nikwa mwahirabo bosi eyihya mwakukama mwasaba; neryo mwabindukira kinda ati, Tabita, hangana. Naye mwalibula meso, neryo abere alangira Petero mwayikukuma mwikala. 41Neryo mwamuha ebyala biwe mwamuhangania; abere abibirikira ababuyirire na bakwakali mwamukangyabo inianeho. 42Nekyo mokyaminyikala eYopa hosi, nabangi mobikirirya oMukama. 43Naye mwikala eYopa biro bingi omwa Simoni, mubambi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.