Emibiri 7
7
Setefano emuliro wabakulu
1Nomuhereri mukulu mwamubulya, ati, Emyatsi eyi ne kwenene kwehi? 2Naye mwabuga ati, Abagala betunabotata muhulikirire: OMungu wolukengerwa mwabutukira tata wetu Abrahamu, omugulu abya eMesopotamia, abya isiariikala eHarani, 3mwamubwira, ati, Ulwe omo kihugo kyawe, nomo kihanda kyawe, wase omo kihugo ekyo nasyaku kangya. 4Neryo mwalwa omo kihugo kyeKaldea, mwikala eHarani: nerilwa eyo, ise aberebihola Mungu mwamuhumirya omo kihugo kino aho inywe mwikere lino: 5neryo mwatamuha omwandu mukyo, kutse naherihira ekisandu kiwe: kandi mwalaga erimuhakyo iniabya mwenyekyo, noko lubuto luwe isiariabuta mwana. 6NoMungu mwabuga ati, olubuto luwe lukandisyalendera omo kihugo kigeni, ibakandisyahirabo mo muliki nerikolabo nabi emituta amagana ani. 7Nekihanda ekyo ekikandisyahirabo mo muliki Mungu ati, nasyatswerakyo: nenyuma waho basyalwamo basyanyikolera hano. 8Neryo mwamuha erilagana ryeribania: nAbrahamu mwabuta Isaka, mwamubania omo kiro kyomunani; na Isaka mwabuta Yakobo, na Yakobo mwabuta abosokulu erikumi na babiri. 9Nabo sokulu busana nobuha uku Yosefu mobamugulya eMisiri: noMungu mwabya naye, 10nerimulamya omo malige wuwe gosi, kandi mwamuha erisimwa na menge embere syaFarao omwami weMisiri; kandi mwamuyira omutabali mukulu endata weMisiri nenyumba yiwe yosi. 11Neryo enzala moya hika eMisiri neKanana nobulige bunene: na botata wetu mobatabana ekyerirya. 12Nikwa omugulu Yakobo owa kohari akaryo eMisiri, mwatuma abotata wetu engendo yerimbere. 13Noko ngendo yakabiri Yosefu mwaminyikala ku bagala babo; nekitunga kyaYosefu mukyaminyikala ku Farao. 14Na Yosefu mwatumira kwise mwabirikira Yakobo ise wuwe, nekitunga kiwe, abandu makumi arinda nabatano. 15Na Yakobo mwa ndagarira eMisiri; mwahola, iye nabotata wetu; 16neryo mo babya bakahekerwa eSekemu mobahirwa omwisinda Abrahamu agula omo buguli bwesyofranka syekitsipa ku bagala baHamori eSekemu. 17Nikwa endambi yerilaga yasonda erihika eyo Mungu alahiriraya Abrahamu, abandu mobakanya mobabya bangi eMisiri, 18erihika aho ogundi mwami asyasingira eMisiri, oyu tasi Yosefu. 19Iye mwayira menge weriherya kitunga kyetu, mwayira abotata wetu bo nabi, ati baguse abana babo bahole. 20Noko mugulu oyo Musa mwabutwa ini mubuya kundu; mobamulembera omu nyumba yise emikera isatu: 21abere abiguswa, mwali waFarao mwamwimya, mwa mulembera eribya mugala wuwe. 22Na Musa mwakangiriribwa omo menge gosi wabanyaMisiri; mwayira maka omo binywa biwe nemibiri. 23Nikwa emituta yiwe yasonda eribya makumi ani, olukando molwingira omo mutima wuwe lweriyalola ku balikyabo abana beIsraeli. 24Nerilangira oko muguma akaga libwa buyira, mwamwimira, mwakisya oyo wabya akagalibwa, mwaswirya munyaMisiri: 25iniakaganiraya ati balikyabobangaminya ko Mungu akatongolayabo omo byala biwe; nikwa mobataminya batya. 26Nengyakya mwahuluka kubo ibakalwa, mwalenga erisanganiabo, ati, Bakama, mubutirwe haguma; busana naki mukakolana nabi kwehi? 27Nikwa oyo wakola muli kyabo yo nabi mwamukuna, ati, Nindi wakuyira mo murongani nomutsweri okwitwi kwehi? 28Wanzire erinyita ngoko wita omunyaMisiri muligolo kwehi? 29Musa abere abiowa eKinywa eki mwatibita mwabya mugendigendi omu kihugo kyeMidiana, mwabutirayo abagala babiri. 30Nomugulu emituta makumi ani yabere yabihwa, omulaika mwamubutukira omu kirimi kyomuliro omo kisaka omo mbwarara yoko kitwa kyaSinai. 31Na Musa abere alebyago, mwasweka erilola kugo: nomugulu asegera eriyitegererya, omulenge woMukama mwasa, ati, 32Ingye ndi Mungu wabotata wawe, Mungu wa Abrahamu, na Isaka, na Yakobo. Musa mwatitimana, mubaha erilangira. 33NoMukama mwabuga naye, ati, Lusaya esyo ngendero oko bisandu byawe: kusangwa aho uhangene ni kitaka kibuyirire. 34Nabirilangira kwenene amalige wabandu bage abari Misiri, nabiriowa erisimba ryabo, kandi nabirikima eri tongolyabo: na lino wase, ngakutuma eMisiri. 35Musa oyo bagana bati, Nindi wamakuyira mo murongani no mutsweri kwehi? Mungu atuma eribya murongani nomutongolya omu byala byomulaika oyo wamubutukira omo kisaka. 36Omundu oyo mwasondolobo, iniamabikola ebyeriswekera nebiminyikalo omo kihugo kyeMisiri, omo ngetsi yengula, nomo mbwarara emituta makumi ani. 37Oyo ni Musa, oyo wabuga na bana baIsraeli, ati, Mungu asyabahanganirya omuminyereri akalwa omukati-kati ka balikenyu, oyu ringa ngye. 38Oyo ni ye oyo wabya omo kanisa omo mbwarara haguma nomulaika oyo wabuga naye oko kitwa kyaSinai, haguma nabotata wetu: oyo wangirira amahano wengebe nerituhago: 39yoyo abotata wetu bagana eriowa, yobakuna erilwa kubo mobasuba eMisiri omo mitima yabo, 40mobabwira Haroni, bati, Utukokoteraye emiungu eyasyatusondolera: kusangwa Musa oyu watusondo lera erilwa omo kihugo kyeMisiri, sitwasi kwabere. 41Moba kokotya enyana yende oko biro ebyo, mobaleta obuhere oko lusumba olo, mobatsema omo mubiri webyala byabo. 42Nikwa Mungu mwabinduka, mwahabo erikolera emilondo yomokya nya; ngoko kisakiri omu kitabu kya baminyereri, kiti,
Enyumba ya Israeli
Momwanyiherera esyonyama esikerire namahere
Emituta amakumi ani omo mbwarara kwehi?
43Momwaheka ehema ya Moloki,
Nengununu yomungu Pafoni,
Nesisumba esyomwabumba erikukamira
Nage nasyabahumirya eyisirya yeBabeli hali.
44Abotata wetu babya bawite ehema yeritulago omo mbwarara, ngoko ategeka oyo wabuga na Musa ati akokotayeyo, ngomu sindo alolako. 45Abotata wetu nabo mobaletayo haguma na Yosua bamabihiga eBihanda ebyo Mungu akuna eyihya embere wabotata wetu erihika oko mugulu wa Dawidi, 46oyu wabana erisimwa omo meso woMungu, neryo mwabulya eribanira Mungu wa Yakobo aheriikala. 47Nikwa Solomono mwabya iyo wahimba enyumba busana naye. 48Nikwa owendata kutsibu siarikala mu manyumba akahimbawa mo byala; ngoko muminyereri akabuga, ati,
49Elubula ni kitumbi kyage kyobwami,
Ne kihugo ni kitumbi kyebisandu byage,
Enyumba yahi mwasyambimbira,
OMukama akabuga,
Kutse aheriluhukira hage ni hahi kwehi?
50Ebyala byage byobitakola ebi byosi kwehi?
51Inywe bandu bebikya bibasire, bomutima namatwi bita bwene, ebiro byosi mukalwa neKirimu Kibuyirire: ngoko abotata wenyu bakola, nenyu mukakola mutya. 52Nindi oko baminyereri oyo abotata wenyu batendireraya kwehi? Kandi mobita abatsuka eritulago oweriasa ryoyo Tunganene, oyo mwahotela neriita, 53inywe mwangirira amahano owaletawa nabalaika, nenyu momutateyago.
Erikwa rya Setefano omo mabwe
54Nikwa omugulu bowa emyatsi eyi mobahitana, moba mukegetera ameno wabo. 55Nikwa iye iniuswire neKirimu Kibuyirire, mwasamarira omo lubula mwalangira olukengerwa lwoMungu, na Yesu inanimene oko byala byamali byo Mungu; 56mwabuga, ati, Lebaya, namalebya olubula ilunakingwire, noMugala womundu ahangene oko byala byamali byo Mungu. 57Nikwa mobabuya olukanda nerisumba mirenge mobaliba matwi mobamugulukira igumaguma. 58Neryo mobamugusa eyihya oko muyi mobamwita omo mabwe; nabalangiri mobahira esyongimba syabo oko bisandu byomulwana oyu kahulawa mo Saulo. 59Nomugulu bita Setefano omo mabwe, mwasaba, ati, Mukama Yesu, angirira ekirimu kyage. 60Neryo mwaku kama mwabuga nomulenge munene, ati, Mukama, suganzire kubo kwe kibi eki. Abere abibuga eki mwagotsera.
Currently Selected:
Emibiri 7: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
Emibiri 7
7
Setefano emuliro wabakulu
1Nomuhereri mukulu mwamubulya, ati, Emyatsi eyi ne kwenene kwehi? 2Naye mwabuga ati, Abagala betunabotata muhulikirire: OMungu wolukengerwa mwabutukira tata wetu Abrahamu, omugulu abya eMesopotamia, abya isiariikala eHarani, 3mwamubwira, ati, Ulwe omo kihugo kyawe, nomo kihanda kyawe, wase omo kihugo ekyo nasyaku kangya. 4Neryo mwalwa omo kihugo kyeKaldea, mwikala eHarani: nerilwa eyo, ise aberebihola Mungu mwamuhumirya omo kihugo kino aho inywe mwikere lino: 5neryo mwatamuha omwandu mukyo, kutse naherihira ekisandu kiwe: kandi mwalaga erimuhakyo iniabya mwenyekyo, noko lubuto luwe isiariabuta mwana. 6NoMungu mwabuga ati, olubuto luwe lukandisyalendera omo kihugo kigeni, ibakandisyahirabo mo muliki nerikolabo nabi emituta amagana ani. 7Nekihanda ekyo ekikandisyahirabo mo muliki Mungu ati, nasyatswerakyo: nenyuma waho basyalwamo basyanyikolera hano. 8Neryo mwamuha erilagana ryeribania: nAbrahamu mwabuta Isaka, mwamubania omo kiro kyomunani; na Isaka mwabuta Yakobo, na Yakobo mwabuta abosokulu erikumi na babiri. 9Nabo sokulu busana nobuha uku Yosefu mobamugulya eMisiri: noMungu mwabya naye, 10nerimulamya omo malige wuwe gosi, kandi mwamuha erisimwa na menge embere syaFarao omwami weMisiri; kandi mwamuyira omutabali mukulu endata weMisiri nenyumba yiwe yosi. 11Neryo enzala moya hika eMisiri neKanana nobulige bunene: na botata wetu mobatabana ekyerirya. 12Nikwa omugulu Yakobo owa kohari akaryo eMisiri, mwatuma abotata wetu engendo yerimbere. 13Noko ngendo yakabiri Yosefu mwaminyikala ku bagala babo; nekitunga kyaYosefu mukyaminyikala ku Farao. 14Na Yosefu mwatumira kwise mwabirikira Yakobo ise wuwe, nekitunga kiwe, abandu makumi arinda nabatano. 15Na Yakobo mwa ndagarira eMisiri; mwahola, iye nabotata wetu; 16neryo mo babya bakahekerwa eSekemu mobahirwa omwisinda Abrahamu agula omo buguli bwesyofranka syekitsipa ku bagala baHamori eSekemu. 17Nikwa endambi yerilaga yasonda erihika eyo Mungu alahiriraya Abrahamu, abandu mobakanya mobabya bangi eMisiri, 18erihika aho ogundi mwami asyasingira eMisiri, oyu tasi Yosefu. 19Iye mwayira menge weriherya kitunga kyetu, mwayira abotata wetu bo nabi, ati baguse abana babo bahole. 20Noko mugulu oyo Musa mwabutwa ini mubuya kundu; mobamulembera omu nyumba yise emikera isatu: 21abere abiguswa, mwali waFarao mwamwimya, mwa mulembera eribya mugala wuwe. 22Na Musa mwakangiriribwa omo menge gosi wabanyaMisiri; mwayira maka omo binywa biwe nemibiri. 23Nikwa emituta yiwe yasonda eribya makumi ani, olukando molwingira omo mutima wuwe lweriyalola ku balikyabo abana beIsraeli. 24Nerilangira oko muguma akaga libwa buyira, mwamwimira, mwakisya oyo wabya akagalibwa, mwaswirya munyaMisiri: 25iniakaganiraya ati balikyabobangaminya ko Mungu akatongolayabo omo byala biwe; nikwa mobataminya batya. 26Nengyakya mwahuluka kubo ibakalwa, mwalenga erisanganiabo, ati, Bakama, mubutirwe haguma; busana naki mukakolana nabi kwehi? 27Nikwa oyo wakola muli kyabo yo nabi mwamukuna, ati, Nindi wakuyira mo murongani nomutsweri okwitwi kwehi? 28Wanzire erinyita ngoko wita omunyaMisiri muligolo kwehi? 29Musa abere abiowa eKinywa eki mwatibita mwabya mugendigendi omu kihugo kyeMidiana, mwabutirayo abagala babiri. 30Nomugulu emituta makumi ani yabere yabihwa, omulaika mwamubutukira omu kirimi kyomuliro omo kisaka omo mbwarara yoko kitwa kyaSinai. 31Na Musa abere alebyago, mwasweka erilola kugo: nomugulu asegera eriyitegererya, omulenge woMukama mwasa, ati, 32Ingye ndi Mungu wabotata wawe, Mungu wa Abrahamu, na Isaka, na Yakobo. Musa mwatitimana, mubaha erilangira. 33NoMukama mwabuga naye, ati, Lusaya esyo ngendero oko bisandu byawe: kusangwa aho uhangene ni kitaka kibuyirire. 34Nabirilangira kwenene amalige wabandu bage abari Misiri, nabiriowa erisimba ryabo, kandi nabirikima eri tongolyabo: na lino wase, ngakutuma eMisiri. 35Musa oyo bagana bati, Nindi wamakuyira mo murongani no mutsweri kwehi? Mungu atuma eribya murongani nomutongolya omu byala byomulaika oyo wamubutukira omo kisaka. 36Omundu oyo mwasondolobo, iniamabikola ebyeriswekera nebiminyikalo omo kihugo kyeMisiri, omo ngetsi yengula, nomo mbwarara emituta makumi ani. 37Oyo ni Musa, oyo wabuga na bana baIsraeli, ati, Mungu asyabahanganirya omuminyereri akalwa omukati-kati ka balikenyu, oyu ringa ngye. 38Oyo ni ye oyo wabya omo kanisa omo mbwarara haguma nomulaika oyo wabuga naye oko kitwa kyaSinai, haguma nabotata wetu: oyo wangirira amahano wengebe nerituhago: 39yoyo abotata wetu bagana eriowa, yobakuna erilwa kubo mobasuba eMisiri omo mitima yabo, 40mobabwira Haroni, bati, Utukokoteraye emiungu eyasyatusondolera: kusangwa Musa oyu watusondo lera erilwa omo kihugo kyeMisiri, sitwasi kwabere. 41Moba kokotya enyana yende oko biro ebyo, mobaleta obuhere oko lusumba olo, mobatsema omo mubiri webyala byabo. 42Nikwa Mungu mwabinduka, mwahabo erikolera emilondo yomokya nya; ngoko kisakiri omu kitabu kya baminyereri, kiti,
Enyumba ya Israeli
Momwanyiherera esyonyama esikerire namahere
Emituta amakumi ani omo mbwarara kwehi?
43Momwaheka ehema ya Moloki,
Nengununu yomungu Pafoni,
Nesisumba esyomwabumba erikukamira
Nage nasyabahumirya eyisirya yeBabeli hali.
44Abotata wetu babya bawite ehema yeritulago omo mbwarara, ngoko ategeka oyo wabuga na Musa ati akokotayeyo, ngomu sindo alolako. 45Abotata wetu nabo mobaletayo haguma na Yosua bamabihiga eBihanda ebyo Mungu akuna eyihya embere wabotata wetu erihika oko mugulu wa Dawidi, 46oyu wabana erisimwa omo meso woMungu, neryo mwabulya eribanira Mungu wa Yakobo aheriikala. 47Nikwa Solomono mwabya iyo wahimba enyumba busana naye. 48Nikwa owendata kutsibu siarikala mu manyumba akahimbawa mo byala; ngoko muminyereri akabuga, ati,
49Elubula ni kitumbi kyage kyobwami,
Ne kihugo ni kitumbi kyebisandu byage,
Enyumba yahi mwasyambimbira,
OMukama akabuga,
Kutse aheriluhukira hage ni hahi kwehi?
50Ebyala byage byobitakola ebi byosi kwehi?
51Inywe bandu bebikya bibasire, bomutima namatwi bita bwene, ebiro byosi mukalwa neKirimu Kibuyirire: ngoko abotata wenyu bakola, nenyu mukakola mutya. 52Nindi oko baminyereri oyo abotata wenyu batendireraya kwehi? Kandi mobita abatsuka eritulago oweriasa ryoyo Tunganene, oyo mwahotela neriita, 53inywe mwangirira amahano owaletawa nabalaika, nenyu momutateyago.
Erikwa rya Setefano omo mabwe
54Nikwa omugulu bowa emyatsi eyi mobahitana, moba mukegetera ameno wabo. 55Nikwa iye iniuswire neKirimu Kibuyirire, mwasamarira omo lubula mwalangira olukengerwa lwoMungu, na Yesu inanimene oko byala byamali byo Mungu; 56mwabuga, ati, Lebaya, namalebya olubula ilunakingwire, noMugala womundu ahangene oko byala byamali byo Mungu. 57Nikwa mobabuya olukanda nerisumba mirenge mobaliba matwi mobamugulukira igumaguma. 58Neryo mobamugusa eyihya oko muyi mobamwita omo mabwe; nabalangiri mobahira esyongimba syabo oko bisandu byomulwana oyu kahulawa mo Saulo. 59Nomugulu bita Setefano omo mabwe, mwasaba, ati, Mukama Yesu, angirira ekirimu kyage. 60Neryo mwaku kama mwabuga nomulenge munene, ati, Mukama, suganzire kubo kwe kibi eki. Abere abibuga eki mwagotsera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.