Ba-Loma 8
8
1Lacin’eho, isanga iy’anayali eneyali Masiya Yesu balakoiyama lakina likambo. 2Lacina boeka bona Bolimo bona liiko eneyali Masiya Yesu bomombikola ena boeka bon’owe l’on’ewedi. 3Lacin’oka ekambwa enetakambisa basangya, lacina baho bayaaki bolu’olu lacin’ena yonge, Yakomba akambaki nk’eho. Atomaki bon’onande bona mpame en’ekolanya ena yonge lin’owe, lacin’en’owe, ko akoiyaki bowe ena yonge; 4lacin’eho mbongi en’asangya eilame eneyal’iso banafakende l’okotua bona yonge; toyakende l’okotua bon’olimo. 5Lacin’oka iy’anakila bokotua bona yonge bakanela nko baoyi bana yonge; koko iy’anakila bokotua bon’olimo bakanela nko baoyi ban’olimo. 6Lacin’oka nkanela ena yonge, bewedi nd’eho; ohonde nkanela ena bolimo eyali nko liiko ko la mwi. 7Lacina nkanela ena yonge eyali nko njoka ena Yakomba bowe; lacina eho efafike basangya bana Yakomba, ko efafikisa baho; 8ko iy’anayali ena lifoka lina yonge bafokyisa Yakomba ekiko. 9Koko ine bofayali ena lifoka lina yonge; yombo bolimo bona Yakomba atonga eneyal’ino litonga boyali eneyali Bolimo. Yombo boto afana Bolimo bona Masiya, afayali ona Masiya. 10Koko yombo Masiya ayali eneyal’ino yonge limowa lacin’en’owe; koko bolimo boyaike lacin’ena mbongi. 11Koko yombo Bolimo’onande onetolaki Yesu enek’anawaki atonga eneyal’ino litonga, ende onetolaki Masiya enek’anawaki angetola baonge’anino ban’ewedi nkoho lacina baike lacin’ena Bolimo’onande onoyali eneyal’ino.
12Lacin’eho, bifili, iso toyali l’esilo; beho befayali besilo bena yonge lacina tokile bokotua bona yonge; 13yomb’ino boyakile bokotua bona yonge bongowa; ohonde yombo boyaka bikambwa bina yonge la Bolimo, tumbe bongika. 14Lacina iy’analondama la bolimo bona Yakomba, baho bayali ban’ana Yakomba. 15Lacin’oka ino botatamba bolimo bona yombo lacin’eho boange lakina; botambaki nko bolimo bona lifoka lina bona, bonalolu’iso, is’ate Aba, Bafango. 16Bolimo mene aambana l’olimo’oniso ena yoi line, ate, iso toyali ban’ana Yakomba; 17ko yombo toyali bana, toyali basangoli; basangoli bana Yakomba, ko tambana la Yesu nko mbambana ena lisango; yombo ten’ino l’ende, lacin’eho tambane l’ende en’okonde’onande.
18Lacin’emi lakanel’oka bino bin’isik’ine bifakolana likolanyama l’okonde bonongenya lingu eneyal’iso. 19Lacin’oka bikambwa bininunolamaki biolengedya la mposa mene nk’enyelo ena ban’ana Yakomba. 20Lacina bikambwa bininunolamaki biilamaki ena yombo lina mbeha, ef’eneki bihoamene olangaka, ohonde lacin’enande onilaki biho; 21eneki’nd’olengedyaka lacina bikambwa mene bininunolamaki bitungwa linga ena yombo lina botuku eneyali etungwelo en’okonde bona ban’ana Yakomba. 22Lacin’iso tomey’oka bikambwa bininunolamaki biosaa, ko biyatate la lonwa laanda yengoko esik’ene. 23Koko efa yok’oho kei: isoamene banata bemamo ben’oso bona Bolimo, iso toyatate en’etem’eniso, toyalengedya eilamelo eneng’is’oilam’olo ena lifoka lina bana, nk’etungwelo ena yonge liniso. 24Lacin’oka tikaki la lolengedyo; ohonde ndengedya enenya efayali lacina ndengedya; ekambwa enen’oto, aut’olengedya eho lakina bosamb’oya? 25Koko yombo toyalengedya ekambwa enefen’iso, tolengedy’ebo la locinji mene.
26Nk’osamb’oho Bolimo aotokambya ena tongitongi toniso; lacin’iso tofeya bokotua bonong’is’oonda, nk’okotua bonakolana; ohonde Bolimo mene ayaonde lacin’eniso la besao benefatendamisa; 27ko ende onosisola betema ameya lokanyi lona Bolimo, lacin’ende ayaonde lacin’ena ban’oeka yoka bosamb’onoyali eango ena Yakomba. 28Koko iso tomey’oka baoyi bahatu baambana nko mbambana lacin’eho bakambe bikambwa bin’olotsi lacin’eniyo banoka Yakomba nganji, nk’iy’anelelama yoka bosamb’onoyali eango enande. 29Iyo banaki’nd’oeyak’ale en’oso, asonaki baho en’oso, lacin’eho bakolane l’ekolanya en’okotua bona Bon’onande’ona mpame, lacin’ende ayalame ngolo en’akune bike. 30Koko aelelaki iyo banaki’nd’osonak’oso, ko ayengolaki iy’anak’nd’oelelaka; ko baho banaki’nd’oyengolaka ailaki ena lifoka lin’okonde.
31Koko yoi linaling’is’otenda lacin’ena baoyi’ane lika nai? Yombo Yakomba ayali l’iso, onongotosimba oka nai? 32Ende onotasimbya Bon’onandamene bona mpame, ohonde aolekyaki lacin’en’isatu, afatof’iso l’ende toma tohatotu l’isei bosamb’oya? 33Ononge-kola banaki Yakomba osonaka oka nai? Onoyengola boyengo nko Yakomba; 34onongakoiya oka nai? Masiya kongoawaki, o, ko aetwaki lakina enek’anawaki, ko ayali en’ili bona likasa y’ome lina Yakomba, ko ayatoondel’iso. 35Onongotalanya la nganji enatooka Masiya oka nai? Yombo bino, yombo belingitano, yombo nyoma, yombo loci lona njala, yombo bolumbulumba, yombo mbolama l’ewedi, yombo lokula lon’ita?
36Yoka bosamb’onoyali yoi linalitengi,
Toyakama bina tu lacin’ena;
Totangama yoka mpate inikoli l’eyakelo.
37Ohonde toleki lilonga elonga en’aoyi’ane bahatu l’ende onotoka nganji. 38Laein’emi lakusa yimedy’oka bewedi, la liiko, la bikima bina loola, la bafoka bana locili, la mpamba, la baoyi banayali inanga, la baoyi banangoya lingu, 39la lisango, la lingunda, Lekambwa emoi enenunolama en’etaketaka; baho bahatu bafinya litalanya la nganji enatoka Yakomba eneyali eneyali Masiya Yesu Nkolo eniso.
Currently Selected:
Ba-Loma 8: BBY62
Highlight
Copy
Compare
Share
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
Ba-Loma 8
8
1Lacin’eho, isanga iy’anayali eneyali Masiya Yesu balakoiyama lakina likambo. 2Lacina boeka bona Bolimo bona liiko eneyali Masiya Yesu bomombikola ena boeka bon’owe l’on’ewedi. 3Lacin’oka ekambwa enetakambisa basangya, lacina baho bayaaki bolu’olu lacin’ena yonge, Yakomba akambaki nk’eho. Atomaki bon’onande bona mpame en’ekolanya ena yonge lin’owe, lacin’en’owe, ko akoiyaki bowe ena yonge; 4lacin’eho mbongi en’asangya eilame eneyal’iso banafakende l’okotua bona yonge; toyakende l’okotua bon’olimo. 5Lacin’oka iy’anakila bokotua bona yonge bakanela nko baoyi bana yonge; koko iy’anakila bokotua bon’olimo bakanela nko baoyi ban’olimo. 6Lacin’oka nkanela ena yonge, bewedi nd’eho; ohonde nkanela ena bolimo eyali nko liiko ko la mwi. 7Lacina nkanela ena yonge eyali nko njoka ena Yakomba bowe; lacina eho efafike basangya bana Yakomba, ko efafikisa baho; 8ko iy’anayali ena lifoka lina yonge bafokyisa Yakomba ekiko. 9Koko ine bofayali ena lifoka lina yonge; yombo bolimo bona Yakomba atonga eneyal’ino litonga boyali eneyali Bolimo. Yombo boto afana Bolimo bona Masiya, afayali ona Masiya. 10Koko yombo Masiya ayali eneyal’ino yonge limowa lacin’en’owe; koko bolimo boyaike lacin’ena mbongi. 11Koko yombo Bolimo’onande onetolaki Yesu enek’anawaki atonga eneyal’ino litonga, ende onetolaki Masiya enek’anawaki angetola baonge’anino ban’ewedi nkoho lacina baike lacin’ena Bolimo’onande onoyali eneyal’ino.
12Lacin’eho, bifili, iso toyali l’esilo; beho befayali besilo bena yonge lacina tokile bokotua bona yonge; 13yomb’ino boyakile bokotua bona yonge bongowa; ohonde yombo boyaka bikambwa bina yonge la Bolimo, tumbe bongika. 14Lacina iy’analondama la bolimo bona Yakomba, baho bayali ban’ana Yakomba. 15Lacin’oka ino botatamba bolimo bona yombo lacin’eho boange lakina; botambaki nko bolimo bona lifoka lina bona, bonalolu’iso, is’ate Aba, Bafango. 16Bolimo mene aambana l’olimo’oniso ena yoi line, ate, iso toyali ban’ana Yakomba; 17ko yombo toyali bana, toyali basangoli; basangoli bana Yakomba, ko tambana la Yesu nko mbambana ena lisango; yombo ten’ino l’ende, lacin’eho tambane l’ende en’okonde’onande.
18Lacin’emi lakanel’oka bino bin’isik’ine bifakolana likolanyama l’okonde bonongenya lingu eneyal’iso. 19Lacin’oka bikambwa bininunolamaki biolengedya la mposa mene nk’enyelo ena ban’ana Yakomba. 20Lacina bikambwa bininunolamaki biilamaki ena yombo lina mbeha, ef’eneki bihoamene olangaka, ohonde lacin’enande onilaki biho; 21eneki’nd’olengedyaka lacina bikambwa mene bininunolamaki bitungwa linga ena yombo lina botuku eneyali etungwelo en’okonde bona ban’ana Yakomba. 22Lacin’iso tomey’oka bikambwa bininunolamaki biosaa, ko biyatate la lonwa laanda yengoko esik’ene. 23Koko efa yok’oho kei: isoamene banata bemamo ben’oso bona Bolimo, iso toyatate en’etem’eniso, toyalengedya eilamelo eneng’is’oilam’olo ena lifoka lina bana, nk’etungwelo ena yonge liniso. 24Lacin’oka tikaki la lolengedyo; ohonde ndengedya enenya efayali lacina ndengedya; ekambwa enen’oto, aut’olengedya eho lakina bosamb’oya? 25Koko yombo toyalengedya ekambwa enefen’iso, tolengedy’ebo la locinji mene.
26Nk’osamb’oho Bolimo aotokambya ena tongitongi toniso; lacin’iso tofeya bokotua bonong’is’oonda, nk’okotua bonakolana; ohonde Bolimo mene ayaonde lacin’eniso la besao benefatendamisa; 27ko ende onosisola betema ameya lokanyi lona Bolimo, lacin’ende ayaonde lacin’ena ban’oeka yoka bosamb’onoyali eango ena Yakomba. 28Koko iso tomey’oka baoyi bahatu baambana nko mbambana lacin’eho bakambe bikambwa bin’olotsi lacin’eniyo banoka Yakomba nganji, nk’iy’anelelama yoka bosamb’onoyali eango enande. 29Iyo banaki’nd’oeyak’ale en’oso, asonaki baho en’oso, lacin’eho bakolane l’ekolanya en’okotua bona Bon’onande’ona mpame, lacin’ende ayalame ngolo en’akune bike. 30Koko aelelaki iyo banaki’nd’osonak’oso, ko ayengolaki iy’anak’nd’oelelaka; ko baho banaki’nd’oyengolaka ailaki ena lifoka lin’okonde.
31Koko yoi linaling’is’otenda lacin’ena baoyi’ane lika nai? Yombo Yakomba ayali l’iso, onongotosimba oka nai? 32Ende onotasimbya Bon’onandamene bona mpame, ohonde aolekyaki lacin’en’isatu, afatof’iso l’ende toma tohatotu l’isei bosamb’oya? 33Ononge-kola banaki Yakomba osonaka oka nai? Onoyengola boyengo nko Yakomba; 34onongakoiya oka nai? Masiya kongoawaki, o, ko aetwaki lakina enek’anawaki, ko ayali en’ili bona likasa y’ome lina Yakomba, ko ayatoondel’iso. 35Onongotalanya la nganji enatooka Masiya oka nai? Yombo bino, yombo belingitano, yombo nyoma, yombo loci lona njala, yombo bolumbulumba, yombo mbolama l’ewedi, yombo lokula lon’ita?
36Yoka bosamb’onoyali yoi linalitengi,
Toyakama bina tu lacin’ena;
Totangama yoka mpate inikoli l’eyakelo.
37Ohonde toleki lilonga elonga en’aoyi’ane bahatu l’ende onotoka nganji. 38Laein’emi lakusa yimedy’oka bewedi, la liiko, la bikima bina loola, la bafoka bana locili, la mpamba, la baoyi banayali inanga, la baoyi banangoya lingu, 39la lisango, la lingunda, Lekambwa emoi enenunolama en’etaketaka; baho bahatu bafinya litalanya la nganji enatoka Yakomba eneyali eneyali Masiya Yesu Nkolo eniso.
Bokanda Bona Yakomba Bon’ototo © Alliance Biblique de la R. D. Congo, 1962