Loma 8
8
Mbedoso ikele ve kwa bau ya ikele mu Klisto
1Buna ntangu yai mbedoso ikele ve kwa bau ya ikele mu Klisto Yesu.
2Kadi nsiku ya Mpeve ya moyo mu Klisto Yesu, kangulaka mono tuka nsiku ya masumu ye ya lufwa.
3Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7
4na mambu ya nsiku lenda kulunga mu beto, ya tambula ve mu kinsuni kansi mpu Mpeve. Kolo. 1:22
5Kadi bau ya ikele mu kinsuni ikele na mabanza ya mambu ya nsuni, kansi bau ya ikele mu Mpeve ikele na mabanza ya mambu ya Mpeve.
6Kadi mabanza ya nsuni ikele lufwa, kansi mabanza ya Mpeve ikele moyo ye yenge,
7sambu na mabanza ya nsuni ikele kimbeni kwa Nzambi, kadi yo ikele kulemvuka nsiku ya Nzambi ve, mpe yo lenda kusala mpila yai ve.
8Bau ya ikele mu nsuni lenda kuyangidisa Nzambi ve.
9Kansi beno ikele mu nsuni ve, kansi mu Mpeve, kana yo ikele na Mpeve ya Nzambi ikele kuvanda mu beno. Kansi kana muntu konda Mpeve ya Klisto, yandi ikele ya yandi ve. Ngal. 4:6
10Kana Klisto ikele mu beno, nitu ikele kufwa sambu na masumu, kansi mpeve ikele na moyo sambu na lunungu.
11Kansi kana Mpeve ya yandi ya fulukisaka Yesu tuka bafwa ikele kuvanda mu beno, buna yandi ya fulukisaka Klisto tuka bafwa tapesa moyo mpe kwa banitu ya beno ya lufwa, sambu na Mpeve ya yandi ikele kuvanda mu beno. 1 Kol. 6:14; 2 Kol. 4:14
Beto pukumunwa kwa nsuni ve
12Buna, bampangi, beto ikele bantu ya mfuka kwa nsuni ve na beto tambula mu kinsuni. Lom. 6:18
13Kadi kana beno tambula mu kinsuni, beno fwiti kufwa, kansi kana beno kufwa bifu ya nitu mu Mpeve, beno tavanda na moyo. Kolo. 3:5
14Kadi bau yonso ya twadiswa mu Mpeve ya Nzambi, bau ikele bana ya Nzambi.
15Kadi beno bakaka ve mpeve ya kimpika na kuvanda na boma diaka, kansi beno bakaka Mpeve ya kimwana, ya beto ikele kuboka: Aba, Tata! 2 Tim. 1:7
16Mpeve kibeni tuba kitemo sikamosi na mpeve ya beto na beto ikele bana ya Nzambi. 2 Kol. 1:22; 5:5; Ef. 1:13; 4:30
17Kana beto ikele bana, buna beto ikele bamvingidi ya difwa mpe, bamvingidi ya difwa ya Nzambi, ye bamvingidi ya difwa sikamosi na Klisto; kana yo ikele na beto mona mpasi sikamosi na yandi, beto lenda kukembiswa sikamosi na yandi mpe. Bis. 14:22; Ngal. 4:7
Bima yonso ya Nzambi salaka takembiswa diaka
18Kadi mono banza na mpasi ya ntangu yai lunga ve kuteza na nkembo ya tazaikiswa kwa beto. Mat. 5:11; 2 Kol. 4:17; 1 Pet. 1:6; 4:13
19Kadi nsemono ikele kuvingila na vuvu mingi nzaikusu ya bana ya Nzambi.
20Kadi nsemono lemvukwa lulendo kansi na luzolo ya yo mosi ve, kansi mu mambu ya yandi ya lemvukaka yo mu vuvu,
21na nsemono, yo kibeni tavuluswa tuka kimpika ya mbivisu ye takwiza ku kimpwanza ya nkembo ya bana ya Nzambi.
22Kadi beto zaba nsemono yamvimba ikele kuvumuka ye kumona nsongo sikamosi ti ntangu yai.
Mpukumuni ya bana ya Nzambi
23Kaka yai ve, kansi beto kibeni mpe, ya ikele na mabundu ya ntete ya Mpeve, beto mpe ikele kuvumuka mu beto kibeni, bu beto ikele kuvingila kimwana, yo ikele nkudulu ya nitu ya beto.
24Kadi mu vuvu beto vuluswaka, kansi vuvu ya ikele kumonika ikele vuvu ve, kadi nani tatula vuvu na yina ya yandi ikele kumona ? Eb. 11:1
25Kansi kana beto tula vuvu na yina ya beto mona ve, buna beto ikele kuvingila yo mu mvibudulu.
26Mpilayai mpe, Mpeve sadisa lebakana ya beto, kadi beto zaba kulomba ve bonso beto fwiti kulomba, kansi Mpeve, yandi kibeni ikele kutubila beto mu mvumukunu ya lenda kutuba ve.
27Kansi yandi ya yunsa mintima zaba mabanza ya Mpeve, sambu na yandi ikele kutubila banlongo, bonso luzolo ya Nzambi. 1 Lus. 28:9
Kusola ya Nzambi
28Beto zaba, kwa bau ya zola Nzambi mambu yonso sala sikamosi ku mbote, yo ikele kwa bau ya bingwa bonso lukanu ya yandi.
29Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.
30Bau ya yandi solaka ntete, yandi bingaka bau mpe; ye bau ya yandi bingaka, yandi nungisaka bau mpe, ye bau ya yandi nungisaka, yandi kembisaka bau mpe.
Kima ikele ve ya lenda kukabisa nkwa lukwikilu tuka zola ya Klisto
31Buna beto tatuba nki sambu na mambu yai ? Kana Nzambi ikele na beto, nani lenda kuvanda na beto kimbeni. Nk. 56:11; 118:6
32Yandi ya buyaka ve Mwana mosi ya yandi, kansi pesaka yandi sambu na beto yonso, yandi lenda ve mu yandi kupesa beto mpe bima yonso ya matabisi ? Yoa. 3:16; Lom. 4:25; 5:6, 9
33Nani tafunda basolwa ya Nzambi ? Nzambi ikele kunungisa. Yes. 50:8; Lom. 3:26
34Nani ikele kubedisa ? Yo ikele Klisto Yesu, ya kufwaka ye fulukiswaka tuka bafwa mpe, yandi ikele na diboko ya kibakala ya Nzambi, ye ikele kutubila beto ? Eb. 1:3; 7:25; 1 Pet. 3:22
35Nani takaba beto tuka zola kwa Klisto ? Mpasi, keti ntantu, keti nzomono, keti nzala, keti kinkonga, keti mambu ya boma, keti mbele ya mvita ?
36Bonso yo ikele kusonama; Sambu na nge beto ikele kufwa lumbu yamvimba, beto ikele kutangwa bonso mameme ya ikele sambu na kufwa. 2 Kol. 4:11
37Mu mambu yai yonso, beto luta kununga mu yandi ya zolaka beto. 1 Kol. 15:57; 2 Kol. 2:14
38Kadi mono kwikidiswa na lufwa, keti moyo, keti banjo, keti bakimfumu, keti bima ya ikele, keti bima ya takwiza, keti ngolo,
39keti ya zulu, keti mudindu, keti konso nsemono lenda kukabisa beto ve tuka zola ya Nzambi, ya ikele mu Klisto Yesu, Mfumu ya beto.
Currently Selected:
Loma 8: NTK50
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Loma 8
8
Mbedoso ikele ve kwa bau ya ikele mu Klisto
1Buna ntangu yai mbedoso ikele ve kwa bau ya ikele mu Klisto Yesu.
2Kadi nsiku ya Mpeve ya moyo mu Klisto Yesu, kangulaka mono tuka nsiku ya masumu ye ya lufwa.
3Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7
4na mambu ya nsiku lenda kulunga mu beto, ya tambula ve mu kinsuni kansi mpu Mpeve. Kolo. 1:22
5Kadi bau ya ikele mu kinsuni ikele na mabanza ya mambu ya nsuni, kansi bau ya ikele mu Mpeve ikele na mabanza ya mambu ya Mpeve.
6Kadi mabanza ya nsuni ikele lufwa, kansi mabanza ya Mpeve ikele moyo ye yenge,
7sambu na mabanza ya nsuni ikele kimbeni kwa Nzambi, kadi yo ikele kulemvuka nsiku ya Nzambi ve, mpe yo lenda kusala mpila yai ve.
8Bau ya ikele mu nsuni lenda kuyangidisa Nzambi ve.
9Kansi beno ikele mu nsuni ve, kansi mu Mpeve, kana yo ikele na Mpeve ya Nzambi ikele kuvanda mu beno. Kansi kana muntu konda Mpeve ya Klisto, yandi ikele ya yandi ve. Ngal. 4:6
10Kana Klisto ikele mu beno, nitu ikele kufwa sambu na masumu, kansi mpeve ikele na moyo sambu na lunungu.
11Kansi kana Mpeve ya yandi ya fulukisaka Yesu tuka bafwa ikele kuvanda mu beno, buna yandi ya fulukisaka Klisto tuka bafwa tapesa moyo mpe kwa banitu ya beno ya lufwa, sambu na Mpeve ya yandi ikele kuvanda mu beno. 1 Kol. 6:14; 2 Kol. 4:14
Beto pukumunwa kwa nsuni ve
12Buna, bampangi, beto ikele bantu ya mfuka kwa nsuni ve na beto tambula mu kinsuni. Lom. 6:18
13Kadi kana beno tambula mu kinsuni, beno fwiti kufwa, kansi kana beno kufwa bifu ya nitu mu Mpeve, beno tavanda na moyo. Kolo. 3:5
14Kadi bau yonso ya twadiswa mu Mpeve ya Nzambi, bau ikele bana ya Nzambi.
15Kadi beno bakaka ve mpeve ya kimpika na kuvanda na boma diaka, kansi beno bakaka Mpeve ya kimwana, ya beto ikele kuboka: Aba, Tata! 2 Tim. 1:7
16Mpeve kibeni tuba kitemo sikamosi na mpeve ya beto na beto ikele bana ya Nzambi. 2 Kol. 1:22; 5:5; Ef. 1:13; 4:30
17Kana beto ikele bana, buna beto ikele bamvingidi ya difwa mpe, bamvingidi ya difwa ya Nzambi, ye bamvingidi ya difwa sikamosi na Klisto; kana yo ikele na beto mona mpasi sikamosi na yandi, beto lenda kukembiswa sikamosi na yandi mpe. Bis. 14:22; Ngal. 4:7
Bima yonso ya Nzambi salaka takembiswa diaka
18Kadi mono banza na mpasi ya ntangu yai lunga ve kuteza na nkembo ya tazaikiswa kwa beto. Mat. 5:11; 2 Kol. 4:17; 1 Pet. 1:6; 4:13
19Kadi nsemono ikele kuvingila na vuvu mingi nzaikusu ya bana ya Nzambi.
20Kadi nsemono lemvukwa lulendo kansi na luzolo ya yo mosi ve, kansi mu mambu ya yandi ya lemvukaka yo mu vuvu,
21na nsemono, yo kibeni tavuluswa tuka kimpika ya mbivisu ye takwiza ku kimpwanza ya nkembo ya bana ya Nzambi.
22Kadi beto zaba nsemono yamvimba ikele kuvumuka ye kumona nsongo sikamosi ti ntangu yai.
Mpukumuni ya bana ya Nzambi
23Kaka yai ve, kansi beto kibeni mpe, ya ikele na mabundu ya ntete ya Mpeve, beto mpe ikele kuvumuka mu beto kibeni, bu beto ikele kuvingila kimwana, yo ikele nkudulu ya nitu ya beto.
24Kadi mu vuvu beto vuluswaka, kansi vuvu ya ikele kumonika ikele vuvu ve, kadi nani tatula vuvu na yina ya yandi ikele kumona ? Eb. 11:1
25Kansi kana beto tula vuvu na yina ya beto mona ve, buna beto ikele kuvingila yo mu mvibudulu.
26Mpilayai mpe, Mpeve sadisa lebakana ya beto, kadi beto zaba kulomba ve bonso beto fwiti kulomba, kansi Mpeve, yandi kibeni ikele kutubila beto mu mvumukunu ya lenda kutuba ve.
27Kansi yandi ya yunsa mintima zaba mabanza ya Mpeve, sambu na yandi ikele kutubila banlongo, bonso luzolo ya Nzambi. 1 Lus. 28:9
Kusola ya Nzambi
28Beto zaba, kwa bau ya zola Nzambi mambu yonso sala sikamosi ku mbote, yo ikele kwa bau ya bingwa bonso lukanu ya yandi.
29Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.
30Bau ya yandi solaka ntete, yandi bingaka bau mpe; ye bau ya yandi bingaka, yandi nungisaka bau mpe, ye bau ya yandi nungisaka, yandi kembisaka bau mpe.
Kima ikele ve ya lenda kukabisa nkwa lukwikilu tuka zola ya Klisto
31Buna beto tatuba nki sambu na mambu yai ? Kana Nzambi ikele na beto, nani lenda kuvanda na beto kimbeni. Nk. 56:11; 118:6
32Yandi ya buyaka ve Mwana mosi ya yandi, kansi pesaka yandi sambu na beto yonso, yandi lenda ve mu yandi kupesa beto mpe bima yonso ya matabisi ? Yoa. 3:16; Lom. 4:25; 5:6, 9
33Nani tafunda basolwa ya Nzambi ? Nzambi ikele kunungisa. Yes. 50:8; Lom. 3:26
34Nani ikele kubedisa ? Yo ikele Klisto Yesu, ya kufwaka ye fulukiswaka tuka bafwa mpe, yandi ikele na diboko ya kibakala ya Nzambi, ye ikele kutubila beto ? Eb. 1:3; 7:25; 1 Pet. 3:22
35Nani takaba beto tuka zola kwa Klisto ? Mpasi, keti ntantu, keti nzomono, keti nzala, keti kinkonga, keti mambu ya boma, keti mbele ya mvita ?
36Bonso yo ikele kusonama; Sambu na nge beto ikele kufwa lumbu yamvimba, beto ikele kutangwa bonso mameme ya ikele sambu na kufwa. 2 Kol. 4:11
37Mu mambu yai yonso, beto luta kununga mu yandi ya zolaka beto. 1 Kol. 15:57; 2 Kol. 2:14
38Kadi mono kwikidiswa na lufwa, keti moyo, keti banjo, keti bakimfumu, keti bima ya ikele, keti bima ya takwiza, keti ngolo,
39keti ya zulu, keti mudindu, keti konso nsemono lenda kukabisa beto ve tuka zola ya Nzambi, ya ikele mu Klisto Yesu, Mfumu ya beto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.