Loma 15
15
Kubombidila sambu na vanda na yenge
1Beto ya ikele ngolo fwiti kunata kimbevo ya bankwa lebakana, ye beto diyangidisa ve. 1 Kol. 9:22; Ngal. 6:1
2Bika muntu na muntu mu beto yangidisa bamfinangani ya yandi mu yina ya mbote ku ntungulu. 1 Kol. 10:24; Fili. 2:4
3Kadi Klisto mpe diyangidisaka ve, kansi bonso yo ikele kusonama: Mafingu ya bau ya fingaka nge kubwaka va mono. Nk. 69:9
4Kadi mambu yonso ya sonamaka ntete, sonamaka sambu na kulonga beto, na beto lenda kuvanda na vuvu mu mvibidilu ye mbombolo ya masonukwa. Lom. 4:23; 1 Kol. 10:11; 2 Tim. 3:16
5Bika Nzambi ya mvibidilu ye ya mbombolo pesa beno kuvandana mabanza mosi bonso Klisto Yesu, 1 Kol. 1:10; Fili. 2:2; 3:15
6na beno lenda kukembila Nzambi Tata ya Mfumu ya beto Yesu Klisto mu kintuadi ye mu munoko mosi.
7Mpilayai beno bakana bonso Klisto bakaka beno mpe, ku nkembo ya Nzambi.
8Kadi mono tuba Klisto salwaka sielo kwa bau ya nzengolo sambu na mambu ya kieleka ya Nzambi, na yandi lenda kusiamisa bansilulu ya peswaka kwa batata, Mat. 15:24; 20:28; Bis. 3:25
9na bapaien lenda kukembila Nzambi sambu na nkenda ya yandi, bonso yo ikele kusonama: Sambu na yai, mono tazitisa nge nakati na bapaien ye yimbila nkumbu ya nge.
10Diaka yandi tubaka: Beno bapaien, yangalala sikamosi na bantu ya yandi.
11Diaka: Beno yonso bapaien, sika Mfumu, bika bantu yonso pesa matondo kwa yandi. Nk. 117:1
12Yesaya tubaka diaka: Mwanzi ya Isai tavanda, ye yandi ya tatelema kuyala bapaien, bapaien tatula vuvu mu yandi.
13Bika Nzambi ya vuvu fulusa beno na kiese yonso ye yenge mu lukwikilu, na beno lenda kukula mu vuvu mu ngolo ya Mpeve Yanlongo.
Paulu sabisa bau kisalu ya yandi ye nzila ya yandi takwenda
14Bampangi ya mono, mono kibeni kwikidika sambu na beno, na beno kibeni ikele kufuluka na mambu ya mbote, ye fuluka na nzailu yonso, ye beno lenda kulongana mpe.
15Kansi mu mambu yankaka mono sonika kwa beno mu kikesa, bonso kutula beno mu mbambukilu diaka, sambu na nlemvo ya Nzambi pesaka mono,
16na mono fwiti kuvanda sielo ya Yesu Klisto kwa bapaien, bu mono sala kisalu ya nsamu mbote ya Nzambi, na bapaien bau kibeni lenda kuvanda nkailu ya lunga kubakwa, bu bau kutulwa nlongo mu Mpeve Yanlongo. Lom. 11:13
17Buna mono kuyana mu Klisto Yesu mu mambu ya Nzambi.
18Kadi mono tita kutuba mambu yankaka, kansi kaka yina ya Klisto salaka mu mono sambu na lemvukilu ya bapaien mu ndinga ye bisalu,
19mono sala yai mu ngolo ya bidimbu ye nyitukulu, mu ngolo ya Mpeve Yanlongo, sambu na mono imene kulungisa nsamu mbote ya Klisto tuka Yelusalemi ye ndambu yonso ya yo, ti na Ililiko.
20Mono tula ngolo yonso sambu na kusamuna nsamu mbote sika na nkumbu ya Klisto imene kubingwa ve, na mono tatunga ve va lufulu ya muntu yankaka, 2 Kol. 10:15
21kansi bonso yo ikele kusonama: Bau ya konda samunwa nsangu ya yandi, bau tamona, bau ya konda kuwa tazaba.
Yandi zola bau yindula yandi mu mabanza ya bau bu yandi kanaka kwenda kuna Spania
22Sambu na yai mpe nzila kangwaka mbala mingi sambu na kwiza kwa beno.
23Kansi ntangu yai mono fwiti kuvanda na sika diaka ve mu ndambu yai, ye mvu mingi yai mono vandaka na lutondo kwiza kwa beno. Bis. 19:2; Lom. 1:10
24Buna bu mono kwenda ku Spania, mono ikele na vuvu kumona beno mu nzila, ye beno tasindika mono kuna, kana ntete mono imene kufuluka na kiese ntangu fioti sikamosi na beno.
25Kansi ntangu yai mono kwenda ku Yelusalemi sambu na sadila banlongo. Bis. 20:16; 21:17
26Kadi mu Makedonia ye Akaya bau zolaka kutikisa mbongo sambu na bansukami nakati banlongo ya ikele mu Yelusalemi. Bis. 24:17; 1 Kol. 16:1; 2 Kol. 8:1; 9:1
27Kadi bau zolaka mpilayina, ye bau ikele na mfuka kwa bau. Kadi kana bapaien ikele kubaka kintuadi na bima ya bau ya kimpeve, bau mpe fwiti kusadisa bau mu bima ya kinsuni. 1 Kol. 9:11
28Mpilayai, bu mono imene kumanisa kisalu yai, ye imene kupesa bau matabisi yai, buna mono takwenda kuluta beno ku Spania.
29Ye mono zaba bu mono kwiza kwa beno, mono takwiza mu mfulukisilu ya lusakumunu ya Klisto.
30Bampangi, mono bombidila beno mu Mfumu ya beto Yesu Klisto ye mu zola ya Mpeve, na beno tanwana sikamosi na mono mu lombilu ya beno kwa Nzambi sambu na mono, Kolo. 4:12
31na mono tavuluswa tuka bau ya kolama mu Yuda, ye banlongo tazola kisalu ya lunga ya mono salaka mu Yelusalemi, 2 Tes. 3:2
32na mono lenda kwiza kwa beno mu kiese mu luzolo ya Nzambi, ye baka luvundu sikamosi na beno.
33Bika Nzambi ya yenge vanda na beno yonso. Amen. Fili. 4:9; 1 Tes. 5:23; 2 Tes. 3:16
Currently Selected:
Loma 15: NTK50
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Loma 15
15
Kubombidila sambu na vanda na yenge
1Beto ya ikele ngolo fwiti kunata kimbevo ya bankwa lebakana, ye beto diyangidisa ve. 1 Kol. 9:22; Ngal. 6:1
2Bika muntu na muntu mu beto yangidisa bamfinangani ya yandi mu yina ya mbote ku ntungulu. 1 Kol. 10:24; Fili. 2:4
3Kadi Klisto mpe diyangidisaka ve, kansi bonso yo ikele kusonama: Mafingu ya bau ya fingaka nge kubwaka va mono. Nk. 69:9
4Kadi mambu yonso ya sonamaka ntete, sonamaka sambu na kulonga beto, na beto lenda kuvanda na vuvu mu mvibidilu ye mbombolo ya masonukwa. Lom. 4:23; 1 Kol. 10:11; 2 Tim. 3:16
5Bika Nzambi ya mvibidilu ye ya mbombolo pesa beno kuvandana mabanza mosi bonso Klisto Yesu, 1 Kol. 1:10; Fili. 2:2; 3:15
6na beno lenda kukembila Nzambi Tata ya Mfumu ya beto Yesu Klisto mu kintuadi ye mu munoko mosi.
7Mpilayai beno bakana bonso Klisto bakaka beno mpe, ku nkembo ya Nzambi.
8Kadi mono tuba Klisto salwaka sielo kwa bau ya nzengolo sambu na mambu ya kieleka ya Nzambi, na yandi lenda kusiamisa bansilulu ya peswaka kwa batata, Mat. 15:24; 20:28; Bis. 3:25
9na bapaien lenda kukembila Nzambi sambu na nkenda ya yandi, bonso yo ikele kusonama: Sambu na yai, mono tazitisa nge nakati na bapaien ye yimbila nkumbu ya nge.
10Diaka yandi tubaka: Beno bapaien, yangalala sikamosi na bantu ya yandi.
11Diaka: Beno yonso bapaien, sika Mfumu, bika bantu yonso pesa matondo kwa yandi. Nk. 117:1
12Yesaya tubaka diaka: Mwanzi ya Isai tavanda, ye yandi ya tatelema kuyala bapaien, bapaien tatula vuvu mu yandi.
13Bika Nzambi ya vuvu fulusa beno na kiese yonso ye yenge mu lukwikilu, na beno lenda kukula mu vuvu mu ngolo ya Mpeve Yanlongo.
Paulu sabisa bau kisalu ya yandi ye nzila ya yandi takwenda
14Bampangi ya mono, mono kibeni kwikidika sambu na beno, na beno kibeni ikele kufuluka na mambu ya mbote, ye fuluka na nzailu yonso, ye beno lenda kulongana mpe.
15Kansi mu mambu yankaka mono sonika kwa beno mu kikesa, bonso kutula beno mu mbambukilu diaka, sambu na nlemvo ya Nzambi pesaka mono,
16na mono fwiti kuvanda sielo ya Yesu Klisto kwa bapaien, bu mono sala kisalu ya nsamu mbote ya Nzambi, na bapaien bau kibeni lenda kuvanda nkailu ya lunga kubakwa, bu bau kutulwa nlongo mu Mpeve Yanlongo. Lom. 11:13
17Buna mono kuyana mu Klisto Yesu mu mambu ya Nzambi.
18Kadi mono tita kutuba mambu yankaka, kansi kaka yina ya Klisto salaka mu mono sambu na lemvukilu ya bapaien mu ndinga ye bisalu,
19mono sala yai mu ngolo ya bidimbu ye nyitukulu, mu ngolo ya Mpeve Yanlongo, sambu na mono imene kulungisa nsamu mbote ya Klisto tuka Yelusalemi ye ndambu yonso ya yo, ti na Ililiko.
20Mono tula ngolo yonso sambu na kusamuna nsamu mbote sika na nkumbu ya Klisto imene kubingwa ve, na mono tatunga ve va lufulu ya muntu yankaka, 2 Kol. 10:15
21kansi bonso yo ikele kusonama: Bau ya konda samunwa nsangu ya yandi, bau tamona, bau ya konda kuwa tazaba.
Yandi zola bau yindula yandi mu mabanza ya bau bu yandi kanaka kwenda kuna Spania
22Sambu na yai mpe nzila kangwaka mbala mingi sambu na kwiza kwa beno.
23Kansi ntangu yai mono fwiti kuvanda na sika diaka ve mu ndambu yai, ye mvu mingi yai mono vandaka na lutondo kwiza kwa beno. Bis. 19:2; Lom. 1:10
24Buna bu mono kwenda ku Spania, mono ikele na vuvu kumona beno mu nzila, ye beno tasindika mono kuna, kana ntete mono imene kufuluka na kiese ntangu fioti sikamosi na beno.
25Kansi ntangu yai mono kwenda ku Yelusalemi sambu na sadila banlongo. Bis. 20:16; 21:17
26Kadi mu Makedonia ye Akaya bau zolaka kutikisa mbongo sambu na bansukami nakati banlongo ya ikele mu Yelusalemi. Bis. 24:17; 1 Kol. 16:1; 2 Kol. 8:1; 9:1
27Kadi bau zolaka mpilayina, ye bau ikele na mfuka kwa bau. Kadi kana bapaien ikele kubaka kintuadi na bima ya bau ya kimpeve, bau mpe fwiti kusadisa bau mu bima ya kinsuni. 1 Kol. 9:11
28Mpilayai, bu mono imene kumanisa kisalu yai, ye imene kupesa bau matabisi yai, buna mono takwenda kuluta beno ku Spania.
29Ye mono zaba bu mono kwiza kwa beno, mono takwiza mu mfulukisilu ya lusakumunu ya Klisto.
30Bampangi, mono bombidila beno mu Mfumu ya beto Yesu Klisto ye mu zola ya Mpeve, na beno tanwana sikamosi na mono mu lombilu ya beno kwa Nzambi sambu na mono, Kolo. 4:12
31na mono tavuluswa tuka bau ya kolama mu Yuda, ye banlongo tazola kisalu ya lunga ya mono salaka mu Yelusalemi, 2 Tes. 3:2
32na mono lenda kwiza kwa beno mu kiese mu luzolo ya Nzambi, ye baka luvundu sikamosi na beno.
33Bika Nzambi ya yenge vanda na beno yonso. Amen. Fili. 4:9; 1 Tes. 5:23; 2 Tes. 3:16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.