Loma 10
10
Mbedoso ya baYuda ikele mambu ya bau
1Bampangi, lutondo ya ntima ya mono ye lombilu ya mono kwa Nzambi sambu na Isaeli, ikele na bau tavuluswa.
2Kadi mono tubila bau kitemo, na bau ikele kutula ngolo kwa Nzambi, kansi mu nzailu ve. Bis. 22:3
3Kadi bu bau konda kuzaba lunungu ya Nzambi, bau sosaka kusikidisa lunungu ya bau kibeni, buna bau lemvukaka ve ku lunungu ya Nzambi. Lom. 9:31; Fili. 3:9
4Kadi Klisto ikele nsuka ya nsiku mu lunungu kwa konsonani ya kwikila. Ngal. 3:24; Eb. 9:28—10:15
5Kadi Mose sonikaka na muntu ya sala lunungu ya ikele ya nsiku tavanda na moyo, sambu na yo.
6Kansi lunungu ya katuka na lukwikilu ikele kutuba mpilayai: Tuba mu ntima ya nge ve: Nani tatomboka ku zulu ? Ikele mpilamosi kulumuna Klisto.
7Keti: Nani takulumuka mu dibulu ya konda nsuka ? Ikele kutombola Klisto tuka bafwa.
8Kansi yo tuba nki ? Mambu ikele mfinama na nge, mu munoko ya nge ye mu ntima ya nge, ikele mambu ya lukwikilu ya beto ikele kusamuna.
9Sambu na kana nge tuba kitemo na munoko ya nge Yesu ikele Mfumu, ye kwikila mu ntima ya nge na Nzambi fulukisaka yandi tuka bafwa, buna nge tavuluswa. Mat. 10:32
10Kadi mu ntima muntu ikele kukwikila ku lunungu, kansi mu munoko muntu ikele kutuba kitemo ku mpulusu.
11Kadi masonukwa tuba: Konsonani ya kwikila mu yandi tamoniswa nsoni ve. Nk. 25:3; 62:5; 91:1
12Kadi diswaswana ikele ve na muYuda ye muElene, kadi Mfumu mosi ikele Mfumu ya bau yonso, ye yandi ikele kimvwama kwa bau yonso ya bombidila yandi. Bis. 15:9; Lom. 3:22, 29
13Kadi konsonani ya bombidila nkumbu ya Mfumu tavuluswa.
Bau lenda ve kubuya yau
14Mpila nki bau tabombidila yandi ya bau konda kukwikila ? Mpila nki bau takwikila mu yandi ya bau imene kuwa ve ? Mpila nki bau takuwa kana bau konda nsamuni ?
15Mpila nki bau tasamuna kana bau fidiswa ve ? Bonso yo ikele kusonama: Makulu ya bau ya twala nsamu mbote ya mambu ya mbote ikele kitoko mingi. Yes. 52:7; Neh 2:1
16Kansi bau yonso ndimaka ve kwa nsamu mbote, kadi Yesaya tubaka: Mfumu, nani imene kukwikila nsangu ya beto. Yes. 53:1
17Mpilayai, lukwikilu kwiza sambu na kuwa, ye kuwa sambu na mambu ya Klisto.
18Kansi mono tuba: Bau kuwaka ve ? Bau kuwaka kieleka. Ndinga ya bau kwendaka mu nsi yonso, ye mambu ya bau ti nsuka ya bansi ya ikele na bantu.
19Kansi mono tuba: Isaeli zabaka ve ? Mose tubaka ntete: Mono tatula kimpala nakati na nge ye bau ya ikele kikanda ve, ye mono tasala nge makasi kwa kikanda ya konda ngangu.
20Yesaya vandaka na kikesa ya ngolo ye tubaka: Mono monwaka kwa bau ya sosaka mono ve, mono monikaka kwa bau ya yuvulaka sambu na mono ve.
21Kansi kwa Isaeli, yandi tubaka: Lumbu yamvimba mono lambulaka maboko ya mono kwa bantu ya kolama ye ya kilau. Yes. 65:2
Currently Selected:
Loma 10: NTK50
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Loma 10
10
Mbedoso ya baYuda ikele mambu ya bau
1Bampangi, lutondo ya ntima ya mono ye lombilu ya mono kwa Nzambi sambu na Isaeli, ikele na bau tavuluswa.
2Kadi mono tubila bau kitemo, na bau ikele kutula ngolo kwa Nzambi, kansi mu nzailu ve. Bis. 22:3
3Kadi bu bau konda kuzaba lunungu ya Nzambi, bau sosaka kusikidisa lunungu ya bau kibeni, buna bau lemvukaka ve ku lunungu ya Nzambi. Lom. 9:31; Fili. 3:9
4Kadi Klisto ikele nsuka ya nsiku mu lunungu kwa konsonani ya kwikila. Ngal. 3:24; Eb. 9:28—10:15
5Kadi Mose sonikaka na muntu ya sala lunungu ya ikele ya nsiku tavanda na moyo, sambu na yo.
6Kansi lunungu ya katuka na lukwikilu ikele kutuba mpilayai: Tuba mu ntima ya nge ve: Nani tatomboka ku zulu ? Ikele mpilamosi kulumuna Klisto.
7Keti: Nani takulumuka mu dibulu ya konda nsuka ? Ikele kutombola Klisto tuka bafwa.
8Kansi yo tuba nki ? Mambu ikele mfinama na nge, mu munoko ya nge ye mu ntima ya nge, ikele mambu ya lukwikilu ya beto ikele kusamuna.
9Sambu na kana nge tuba kitemo na munoko ya nge Yesu ikele Mfumu, ye kwikila mu ntima ya nge na Nzambi fulukisaka yandi tuka bafwa, buna nge tavuluswa. Mat. 10:32
10Kadi mu ntima muntu ikele kukwikila ku lunungu, kansi mu munoko muntu ikele kutuba kitemo ku mpulusu.
11Kadi masonukwa tuba: Konsonani ya kwikila mu yandi tamoniswa nsoni ve. Nk. 25:3; 62:5; 91:1
12Kadi diswaswana ikele ve na muYuda ye muElene, kadi Mfumu mosi ikele Mfumu ya bau yonso, ye yandi ikele kimvwama kwa bau yonso ya bombidila yandi. Bis. 15:9; Lom. 3:22, 29
13Kadi konsonani ya bombidila nkumbu ya Mfumu tavuluswa.
Bau lenda ve kubuya yau
14Mpila nki bau tabombidila yandi ya bau konda kukwikila ? Mpila nki bau takwikila mu yandi ya bau imene kuwa ve ? Mpila nki bau takuwa kana bau konda nsamuni ?
15Mpila nki bau tasamuna kana bau fidiswa ve ? Bonso yo ikele kusonama: Makulu ya bau ya twala nsamu mbote ya mambu ya mbote ikele kitoko mingi. Yes. 52:7; Neh 2:1
16Kansi bau yonso ndimaka ve kwa nsamu mbote, kadi Yesaya tubaka: Mfumu, nani imene kukwikila nsangu ya beto. Yes. 53:1
17Mpilayai, lukwikilu kwiza sambu na kuwa, ye kuwa sambu na mambu ya Klisto.
18Kansi mono tuba: Bau kuwaka ve ? Bau kuwaka kieleka. Ndinga ya bau kwendaka mu nsi yonso, ye mambu ya bau ti nsuka ya bansi ya ikele na bantu.
19Kansi mono tuba: Isaeli zabaka ve ? Mose tubaka ntete: Mono tatula kimpala nakati na nge ye bau ya ikele kikanda ve, ye mono tasala nge makasi kwa kikanda ya konda ngangu.
20Yesaya vandaka na kikesa ya ngolo ye tubaka: Mono monwaka kwa bau ya sosaka mono ve, mono monikaka kwa bau ya yuvulaka sambu na mono ve.
21Kansi kwa Isaeli, yandi tubaka: Lumbu yamvimba mono lambulaka maboko ya mono kwa bantu ya kolama ye ya kilau. Yes. 65:2
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.