Apocalipse 4
4
Nai anushũ Deus kẽwaĩbu Joãonẽ uĩnikiaki, na hãtxarã
1Haska nĩkaxina inũ hati uĩshu naiuri besushũ beputi bepeã uĩtã hui trombeta mimawati kuxipa keskawẽ hawẽ dukũ Jesus hãtxai ẽ nĩkaxina ana habiãwẽri ea hãtxa wakĩ yuikĩ: “Ea anu inayuwe, mĩ inakẽ haskarara ana betsa betsapa inũbariai ẽ mia uĩmairã”, ea watã
2hawaira ea betsa watã ẽ yushĩki dasitã ea uĩma nai anu inashũ ẽ uĩshu matu yuinũ nĩkakãwẽ. Hari Shanẽ Ibu haki tsautiki nukũ Epa Deus tsauwa ẽ uĩshuki. 3Ha tsauwa hawẽ yurarã, jaspe keska kasmai sardônica keska nẽkati karuhaira txashahaira bakamana bakamana ikaya hawẽ tsauti kesukawana namakis nawã bai tapia esmeralda nẽkati nãketapa keska txasha txasha ikikiki. 4Hanua Deus shanẽ ibu haki tsauti anu 24 tsauti betsa hanu serebauna uĩkĩ 24 mekenikabu habu haki tsauwabu tari hushupa sawea shanẽ ibũ ouro mane maiti maiabu ẽ uĩayã 5Deus hanu tsauwa anua kana bakatã tĩ ikaini dãka ikainaya Deusũ besuuri hawẽ merabenã yushĩ sete nãparina bĩ dekua nitxĩbauna txasha keskabuki. 6Haska inũ, tsauti besuuri iãnẽwã beshnãhaira bakamanaya ha dapi hiweabu dabe inũ dabe ha tsauti anu mapubauna habũ besuuri beru sãkã daka inũ hatũ petxiuri beru pesãkã dakabu 7ha dukũ inu ewapa betsa hawẽ yura leão keska ha katxu ina awa bake keska ha katxu betsa hunĩ besuya keska ha katxu betsa tete ewapa nuyai keska 8hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ:
“Mĩ pepahairaki.
Mĩ dasibi kuxipa binuaki.
Mai hayariama nukũ Shanẽ Ibu Deus
dasibi kuxipahaira hiwea haya inũ,
natiã hiwekũkainai inũ,
ana mĩ butushanai nũ unaiĩ”, ikĩ
9Deus niti ikama hiwea ha dabe inũ dabe hiweabũ hamapai pepa hakiri xinãkĩ hawẽ pepakiri yuikĩ kẽwaĩbũ 10ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:
11“Dasibi damiwakĩ
mĩ xinãwẽ hamapai dasibi mĩ damiwani
mĩ nukũ Shanẽ Ibu inũ
mĩ nukũ mekenika yushĩ Deuski.
Haskawẽ taeshũ mia besti kẽwãkĩ
nũ mia duawakubainaii”,
akaibu uĩkĩ ẽ matu keneshunaii.
Currently Selected:
Apocalipse 4: cbsBR
Highlight
Copy
Compare
Share
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
