Apocalipse 15

Yurabu hatu itxakawati sete nai tsumabu haya Joãonẽ uĩnikiaki, na hãtxarã

1Hanushũ hawẽ hatu unãmakĩ itxakawati mese sete hawẽ henea haska nai anua kaĩaĩ ha uĩ e iti txakabuhairawẽ haska nai tsumabũ Deusũ yurabu nuitapawakĩ hatu itxakawashanai sete nai tsumabũ kẽtxa tibiki hawẽ henea Deus sinatamis tsumabu ẽ uĩayã

2hanua ha dukũ iãnẽwã beshnãhaira bixtu keska txiyabi husia hayaki. Haskarã, eskaki. Habũ ha yuinaka mese atimapahaira inũ, hawẽ dami danãkĩ kẽwãbuma inũ, hawenabu hawẽ unãti número kena danãkĩ Deusũ hãtxa txibãkĩ Jesus ikũwãkubaĩkĩ maemaxinabu habu iãnẽwã dapi mapushũ Deusũ mimawati harpa hatu inã tsumabu ẽ uĩshuki. 3Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ:

“Dasibi hamapai dami ewapa tibi akĩ mĩ hatu e imati anirã, mĩ mia bestiki,

Yavé Deus kuxipa dasibi binu keyuarã, mai hirabi yurabũ mĩ Shanẽ Iburã.

Tsua parãma mĩ xinã kayatapiawẽ txanima mĩ nuku pe mekekubaĩmiski.

4Mia besti meribi hiwea mĩ kaneisma unãkĩ

yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki,

mĩ pepawẽ kaneama mĩ akubaĩmiswẽ taeshunã”,

akaibũ

5haskaibu naiuri ẽ uĩayã Deusũ hiwe nai anu bepẽmanakainaya Deus yubakatã Moisés hiwe wamani 6ha meranua sete nai tsumabũ ha tibitũ hawẽ hatu itxakawati tsuma kaĩbiranaibũ habũ tarirã, hushupa txashahaira sawea inũ ouro nanesheketi shutxi putxinĩ kesua sawea mapuabu 7ha hiweabu dabe inũ dabe betsã ha sete nai tsumabu tibi ouro kẽtxaki Deus hiwei ikibi ini hiweatũ hawẽ yurabu kupiti mata hatu inãkeakeaya 8Deus kuxipa duapahaira txi kuĩ keska hawẽ meribi dĩtu mata anua huikiki. Ha sete nai tsumabu habu tibitũ itxakawatiwẽ yurabu itxakawakĩ keyuriabumakẽ Deusũ Templo anu yane hikitirubumaki.

Currently Selected:

Apocalipse 15: cbsBR

Highlight

Copy

Compare