João 3
3
Ana kaĩ benatikiri Jesusũ Nicodemos yusĩnikiaki, na hãtxarã
1-2Hanua judeubũ itxati hiwe shanẽ ibu betsa fariseu Nicodemos mexu merã hune Jesusbe hãtxai kashũ yuikĩ:
—Yusĩnaã, Deusũ mia merabewamarã, mĩ dami atimaska atirumaki. Haskakenã, Deus anua yusĩnanã, mĩ miaki, ẽ unãnã— aka 3Jesusũ ana yuikĩ:
—Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka
4Nicodemos Jesus nĩkama ana yukakĩ:
—Haskai yura ewabia haskatã ana kaĩtirumẽ? Hawẽ ewã bakẽ nãtiki nanetã ana haska hikikaĩtani ana kaĩtirumẽ?— aka
5-6hanushũ Jesusũ yuikĩ:
—Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki. 7Haskakẽ: “Hau dasibibu ana kaĩ benanũbũwẽ”, iwanã, akĩ ẽ mia yuia xinaĩ: “Haskara betsahairamẽ?” iki Habaa! iyamawe. 8Haska inũ, niwe haikaimas shũku iki dãka imiski. Hakia hawẽ hui nĩkakĩ haniara huai inũ hanira kai mĩ unãmaki. Yushĩ Pepatũ tsuara yura betsa bena wairã, haska keskariki— aka
9Nicodemos nĩkai tapiãmahaira ana yukakĩ:
—Haskatirumẽ, na haska mĩ yuiairã?— aka
10—Israelbu yusĩbiamis haskakĩ ẽ mia yuiai mĩ nĩkamamẽ, tapĩbainamarã?— iwanã 11—Txanima ẽ mia yuiaii. Eskaki, mia yuinũ nĩkawe. Nukũ uĩkĩ inũ tapĩmisshũ Naximanika João inũ eã nũ matu yusĩmiski. Hakia nukũ hãtxa danãkĩ nukukiri shabakabi mã xinãbumaki. 12Haskakẽ yurabukiri ẽ matu yuikubainai ẽ hãtxa mã ikũwãbumawẽ taeshũ Deus anua hamapaikiri ẽ matu yuiairi mã ikũwãtirubumariki. 13Haska inũ, Deuskiri unãtanũ ika Deus anu tsua inatirumaki. Hakia earã, matũ Hutxi Kayabi Iuwatũ matu unãmai Deus anua hua ẽ tashniniki. 14-15Haska inũ, Deusũ nukũ shenipabu yusĩkĩ unãti wamanikiri mia xinãmanũ nĩkawe. Hanu tsua hiweabuma anu Moisés hatu iyuima hanus nukũ shenipabu hiweakeakeakĩ hawẽ hãtxa nĩkabumakẽ Deusũ hatu kupinũ, iwanã, dunu mirima itxawashũ hatu pima isĩ teneaibũ Deusũ Moisés yunua mane damiwakĩ dunu itsa washũ hiki netãshũ nitxiã tsuãra uĩkĩ ikũwaĩ shushanibuki. Habiaskari wakĩ Deusũ ea yubani keyukĩ hiki matũ Hutxi Kayabi Iuwa ea mastãshũ ea benitã ea nitxĩshãkanikiki. Haskawẽ taeshũ tsuabũra ea ikũwãkĩ xinaĩ ebe hiweshãkanikiki, niti ikamarã— iwanã,
Yurabu dasibiwẽ Deus nuihairakĩ Jesus yunua tashninikiaki, na hãtxarã
16Jesusũ ana Nicodemos xinãmakĩ yuikĩ:
—Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã. 17Hanushũ hau ewẽ taeshũ yurabu hatu kupishanũ, iwanã, Deusũ ea hawẽ bake bestitxai ea tashnimama iniki. Hakia Deus daewakĩ hau ewẽ dabanã matũ txakabu buashũkubaĩshanũ, iwanã, Deusũ ea hawẽ bake bestitxai tashnimaniki. 18Haskakẽ tsuãra Deusũ bake ikũwaĩbu Deusũ kupiamaki. Hakia tsuãra hawẽ bake bestitxai ikũwãmawẽ taeshũ Deusũ hatu danãtã kupishanikiki. 19-20Yurabu hamapai txakabuwẽ kemui abukĩ henekatsi ikama Deusũ hãtxa shaba keska danãmisbuki. Hanushũ hatũ xinã txakabuwẽ taeshũ Deusũ hatu kupinũ, iwanã, hawẽ hãtxa shaba keska yunukĩ tashnimaniki. Haskawẽ taeshũ tsuã hawa nĩkama hawẽ bake danãkĩ txakabuwẽ besti kemumisbu Deusũ hatu kupihairashanikiki, niti akamarã. 21Hakia tsuabũra Deusũ hãtxa shaba keska ea nĩkatã betsabu unãmakĩ hãtxa txanima yusĩkubaĩmisbũ habũ Deusũ xinaĩ keska txibãkĩ ea ikũwãmisbuki— aniki.
Naximanika Joãonẽ Jesuskiri ana hatu xinãmanikiaki, na hãtxarã
22Jerusalém anua hãtxa menetã Jesus nukube Judéia mai pakea anu kashũ nuku yusĩayã betsabũ Jesus hãtxai ikũwãkĩ taewaibu nũ hatu naximakubainaya 23-24hanu haskaitiãri João atxishũ bitxiriabuma hanu Jordão hene netsuisma anushũ mae betsa Salim dapi Enom anushũ Naximanika Joãonẽ hãtxa nĩkanũ ika beabu habũ hawẽ yusĩa nĩkatã hatũ xinã betsa wakĩ ikũwaĩbu hatu naximariakubainaya: 25“Ha beya ũpashwẽ txukikĩ Deus shabakabi uĩmai nũ pepamiski”, ikĩ xinaĩ judeu yusĩnã betsabe Joãonẽ tsuma betsabu hatũ beyawẽ taea ha iki yuinamei menetã 26João yuinũ ika hawẽ tsumabu bushũ yuikĩ:
—Yusĩnaã, Jordão hene kesha betsaurishũ nuku yusĩkĩ hakiri mĩ nuku kẽwaĩmatunã, hatũri dasibi hawenabu wakĩ hatu naximaya nĩkatã betxibaĩ hari txibãkanikiki— akabu
27Joãonẽ hatu yuikĩ:
—Huni betsa Deusũ yunuama shanẽ ibu kayabi itirumaki. 28Jerusalém anua beshũ ea yukaibu shabakabi txanima hatu yuikĩ: “Earã, ẽ Cristo Messiasmaki. Hamẽ earã, bebũkiri hakiri ẽ txaninũ Deusũ ea yununiki”, akĩ ẽ hatu yuiai mã nĩkaimarã, xinãkãwẽ. 29Ha inũ, hunĩ txipax bitã aĩwanã, ha besti hawẽ beneki. Hakia hawẽ bene benimai hawẽ aĩbe hãtxai nĩkatã hawẽ haibuaiburi benimatxakayamamisbu keskai eãri Jesus haskai nĩkatã ẽ benimahairariaii. 30Haska inũ, hawẽ kuxipawẽ ea binuĩ Jesus kuxipaya hanua earã, ẽ kuxipa beshtekei ẽ beshmasaii— iwanã,
Joãonẽ Jesuskiri shabakabi hatu yusĩnikiaki, na hãtxarã
31-32ana habias xinãwẽ Joãonẽ hatu yuikĩ:
—Tsuara mai anua baarã, mai anu hiweshũ haska dasibi mai anuari tapĩ hãtxamisbuki. Hakia ha hunirã, Deus anua tashninishũ yurabu dasibi binukĩ Deus anua nĩkakĩ uĩtã haska txanibiaya tsuã hawa nĩkama danãkanikiki. 33Hakia tsuabũra hawẽ bake danãma “Deus txani txakaismaki”, ikĩ hawẽ hãtxa mestẽwãmisbuki. 34Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski. 35Epa Deusũ hawẽ bake abukĩ hau dasibi ibuai shanẽ ibushanũ hawẽ kuxipa dasibi inãniki. 36Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.
Currently Selected:
João 3: cbsBR
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.