Colossenses 4
4
1Yununikabuũ, maturi xinãmanũ nĩkakãwẽ. Nai anua matũ Shanẽ Ibu yununika maturi mã hayawẽ taeshũ matũ escravo dayarubu parãma hakia hatu duawakĩ piti inũ tari hatuki yauxiyamakubaĩkãwẽ.
Ikũwaĩbu haskai hau hiwenũbũ Paulõ ana hatu yununikiaki, na hãtxarã
2Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã. 3Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã. 4Ha inũ, haska Deusũ abuai eã ẽ hatu shabakabi Cristokiri unãmakĩ ẽ hatu yusĩ kanũ ea yukashũrikãwẽ.
5Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã. 6Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.
Hatis hawẽ henekĩ Paulõ hatu keneshũ yununikiaki, na hãtxarã
7Nukubetã ikũwaĩ nũ habe abunamemis Tíquico txĩtuãma nuku merabewakĩ nuku keskakĩ nukũ Shanẽ Ibu dayashũmistũ ekiri kaka matu bushũkĩ yui kaikiki. 8Haskawẽ taeshũ matu anu ẽ nitxiaiĩ, nukukiri matuki txanikĩ hau matu benimawai kanunã, nũ haska hiweabukiri txanikinã. 9Matũ mae anuari nukũ betsa nũ habe abunameriamis txĩtuĩsmari Onésimo Tíquicobe kaikiki, haska nenu Roma anushũ haska xarabu nuku wabu nũ hiweakiri ha dabe matuki txani bukanikikirã.
10Haska inũ, Aristarco ebe bitximabũ hawẽ hãtxa matu bumariakĩ yuikĩ: “Deusũ hau matu duawakubainũwẽ”, matu waikiki. Barnabẽ txai Marcõs habiaskari hawẽ hãtxa matu bumariaikiki. Marcoskiri ẽ matu yuimaki. Hatiãra matukiri bakĩ matu yusĩ kaya ikĩ pewatã duawashãkãwẽ. 11Jesus hawẽ kena betsa Justõ hawẽ hãtxa habiaskari matu bumaikiki. Habu besti Israelĩ babã Deus dayashũkĩ ea merabewakĩ duawakĩ ea xinã txãkãwãkanikiki. 12Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã. 13Haska nukũ haibu Epafras matu inũ dasibi Laodicéia mae ewapa anuabu inũ Hierápolis mae ewapa anuabuwẽ nuihairai ẽ hawẽ hãtxa nĩkamisshũ ẽ matu yuiaii. 14Huni dauya Lucas nũ habe abunamemis inũ Demasĩ hawẽ hãtxa matu bumariakĩ yuikĩ: “Deusũ hau matu xinã txãkãwanũwẽ”, matu waikiki.
15Ha inũ, nukũ betsabu inũ nukũ puibu Laodicéia mae ewapa anuabu mã itxamisrã, matu xinãkĩ ẽ hãtxa ẽ matu bumaii. Ha dikabi nukũ haibu Ninfa inũ hawẽ hiwe anu itxamisbube ẽ hãtxari ẽ matu bumariaii. 16Na kene ẽ matu bumai uĩkĩ yuikĩ keyutã hanushũ Laodicéia anu itxamisburi hatu yunushãkãwẽ. Hanua kene betsa Laodicéia anu ẽ haturi bumai uĩtã maturi bemaibu matuna uĩaĩbũ hatunari uĩshãkãwẽ. 17Ha inũ, Arquipo yuikĩ: “Nukũ Shanẽ Ibu Jesus Cristõ mia katushũ hawẽ daya mia yununi hawa kaneama hau pe dayashũkũkaĩnũ”, ea yuishũshãkãwẽ.
18Na kene keyukinã, ẽ Paulõ emebi ẽ mekenẽ ẽ hãtxa matu bumakĩ ma ẽ keyuaii, hatũ ea keneshũmistũ akai mebĩtanã. Ea bitxikĩ akawashũ ea neshayamabu ekiri xinãkĩ heneama Deus ea yukashũkubaĩkãwẽ. Nukũ Epa Deusũ hau matu unãnuma hiwemakĩ pewakĩ duawapakekubainũwẽ.
Hatiski, ẽ hãtxarã.
Paulo
Currently Selected:
Colossenses 4: cbsBR
Highlight
Copy
Compare
Share
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
