Rɔmɛ̀n-anmàn-bɔ̀ 5
5
Anwɔwɔ mɛ̀n bɔ́ mán Ɔwɔ mɛhi
1Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n. 2Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn. 3Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n, 4ɛnbɔrɛ-ẅɛ̀n-hɛ́n kɛ tán bìakpa-ẅɛ̀n ɔwɔɛ̀n-nyan mɛ̀n, kɩ bìakpa-ẅɛ̀n kɛ tán esɛ́. 5Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.
6Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn. 7Sɔ́ tán ɔwrɔn léyi dú ɛnyrɔnnan mɛ̀n nɔn, ye wú n'ɛkruhú. Ɔwrɔn tɔ̀n kɛ lɛ ẅɛn edùyì tɛ̀ kè wú anvrɛn-hán-wrɔn tɔ̀n kruhú. 8Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn. 9N'owù gbànkàn cice lɔ mɛ̀n, zɛtɛ̀ lɔ bɔ̀ srɔ ɛnyrɔnnan-bɔ̀ Ɔwɔ zìwú; annànwɔrɛ mɛ̀n lɔ, ke dú kɛ Ɔwɔ ke bɩ́ ɛmɛ̀nhyì mán, ne le bɩ́ bɔ̀ tɛ̀ nɛ̀n die. 10Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn. 11Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.
Adamɛ̀n mán Krisì
12Ɛgbàn vá ɛnhibù wú ɔwrɔn zri kruhú, Adamɛ̀n, kɩ ɛgbàn sɩ́ owù. Kɩ ɔmu lɔ de, owù cɔ́ anwrɔnẅì lɔ fɛn, ɔmuhi yɔ lɔ fɛn yɔ hán ɛgbàn nɔn. 13Ɛgbàn dú ɛnhibù wú yakɛ Ɔwɔ tán Mohizì ɛnyànmàn, tɛ́n, ɔmuhi ɛnyànmàn kɛ vá dù nɔn, Ɔwɔ kè sɩ̀ mrɛ̀n ɛgbàn ankà zriɛmɛ́n. 14Ɔmu tɛ̀kɩ, bukru Adamɛ̀n vra hàn kɩ cɔ́ Mɔhizì vra lɔ nɔn, owù bɩ́ n'ɛkɔrɛ̀srɔn lɔ yé anwrɔn hɔ̀n léyi kè sɩ̀ hàn ɛgbàn kɛ̀ hàn Adamɛ̀n léyi fɔndɔn Ɔwɔ-nyànmàn nɔn.
Adamɛ̀n dú Ɔwrɔn léyi kɛ lɛ và nɔn nɛ́n picɛ̀. 15Tɛ́n ye sɩ̀ bɩ́ Adamɛ̀n gbàn lɔ yɛ krɔn Ɔwɔ cice-ci kora lɔ nɛ́n vɔ̀nshɛ́. Annanwɔrɛ mɛ̀n lɔ, bobrebe hɔ̀n wú ɔwrɔn zri ndɔ lɔ n'ɛgbàn lɔ kruhú; tɛ́n Ɔwɔ-boafɔ̀n lɔ sevri kɩ n'ecice-ci léyi nɛ̀n tán anwrɔn bobrebe hɔ̀n ankora, ɔwrɔn zri, Zhezü Krisì bɩmɛ̀n nɔn, vru ẅɛn vɔ̀nshɛ́ sevri. 16Kɩ Ɔwɔ cice-ci lɔ ẅɛn ecüì tɔ̀n vrán ɔwrɔn zri gbàn; ɛmrɛ̀ncì léyi ɔwrɔn zri gbàn kɛ wá sɩ́ nɔn, nɛ́n vɔ̀nshɛ́ dú nwù-bɔ̀, tɛ́n ecice-ci kora léyi Ɔwɔ kɛ tán ngàshi-gbàn bobrebe hɔ̀n mɛẅi nɔn, nɛ́n vɔ̀nshɛ́ dú esrú-ze. 17Annànwɔrɛ mɛ̀n lɔ, owù yé n'ɛkorɛ̀-srɔn lɔ ɔwrɔn zri gbàn kruhú, ɔwrɔn zri ndɔ lɔ n'ɛkruhú; tɛ́n Zhezü Krisì zri ndɔ lɔ bɩ́mɛ̀n, bɔ́ cɔ̀ cüɛn: anwrɔn hɔ̀n lɔ fɛn léyi kɛ cɔ́ ɔwɔ-boafɔ̀n bobrebe mán n'ɔkɔ̀hɔ̀n-cice léyi dú bɔ́ ɛnkrukɔrɛ̀ nɔn, ke le dú ɛwúvà-kɔrɛ̀ mɛ̀n kɩ yɛ lɛ ẅɛn ɛyri Krisì kruhú.
18Ɔmu lɔ de, ɔwrɔn zri gbàn, Adamɛ̀n, sɩ́ anwrɔnẅì lɔ fɛn owúemɛ̀n; ɔmu zri lɔ, ɔwrɔn zri nyrɔnnan-kɔhɔ̀n, Zhezü Krisì mrɛ́n anwrɔnẅì lɔ fɛn owú mrɛ̀nciemɛ̀n sɔhɔ́ kɩ tán yɔ ɛwúvà-kɔrɛ̀. 19Ɔwrɔn zri fɔndɔ̀n hán anwrɔn bobrebe bore ɛgbàn mɛ̀n; ɔmu zri lɔ de ɔwrɔn zri anhyɛyì léyi ẅɛn Ɔwɔ tɛ̀sɛ̀n nɔn, anwrɔn bobrebe hɔ̀n cɔ́ ɛnyrɔnnan Ɔwɔ zìwú. 20Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n. 21Zɛtɛn ɔmu zri léyi ɛgbàn ke yé n'owù kɔrɛ̀-srɔ̀n lɔ nɔn, ɔmu zri lɔ de Ɔwɔ-boafɔ̀n ke yé n'ɛnkrukɔrɛ̀ kɔrɛ̀srɔn lɔ, ô nɛ̀n nyrɔn bɔ̀ nɛ̀n sɩ́ ɛwúvà léyi ke sɩ́ trɔa nɔn mɛ̀n, Zhezü Krisì, bɔ́ Ɛẅɛnwrɔn bɩ́mɛ̀n.
Currently Selected:
Rɔmɛ̀n-anmàn-bɔ̀ 5: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Rɔmɛ̀n-anmàn-bɔ̀ 5
5
Anwɔwɔ mɛ̀n bɔ́ mán Ɔwɔ mɛhi
1Ɔmu lɔ de bɔ̀ srɔ ɛnyrɔnnan-bɔ̀ Ɔwɔ zìwú, b'ankaẅì-bùtan-ẅɛ̀n kruhú, kɩ zɛtɛ̀ lɔ bɔ́ dú anwɔwɔmɛ̀n bɔ́ mán Ɔwɔ mɛhi, bɔ́ Ɛẅɛnwrɔn Zhezü Krisì bɩmɛ̀n. 2Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn. 3Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n, 4ɛnbɔrɛ-ẅɛ̀n-hɛ́n kɛ tán bìakpa-ẅɛ̀n ɔwɔɛ̀n-nyan mɛ̀n, kɩ bìakpa-ẅɛ̀n kɛ tán esɛ́. 5Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.
6Annanwɔrɛ mɛ̀n lɔ, ɛnvra léyi bɔ́ sɩ́ nyri ɔmu le bɔ́ lɛ hán bɔ̀ dú ɛgbàn mɛ̀n bɔ̀ srɔ nɔn, Krisì wú ɛgbàn-hán-bɔ̀ kruhú ɛnvra léyi Ɔwɔ wá tán nɔn. 7Sɔ́ tán ɔwrɔn léyi dú ɛnyrɔnnan mɛ̀n nɔn, ye wú n'ɛkruhú. Ɔwrɔn tɔ̀n kɛ lɛ ẅɛn edùyì tɛ̀ kè wú anvrɛn-hán-wrɔn tɔ̀n kruhú. 8Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn. 9N'owù gbànkàn cice lɔ mɛ̀n, zɛtɛ̀ lɔ bɔ̀ srɔ ɛnyrɔnnan-bɔ̀ Ɔwɔ zìwú; annànwɔrɛ mɛ̀n lɔ, ke dú kɛ Ɔwɔ ke bɩ́ ɛmɛ̀nhyì mán, ne le bɩ́ bɔ̀ tɛ̀ nɛ̀n die. 10Bɔ́ dú Ɔwɔ-gbri-bɔ̀, tɛ́n Ɔwɔ wɔ́ bɔ̀ angranmɛ̀n nɛ́n mán bɔ́ mɛhi n'Ɛnẅì Zhezü Krisì wù lɔ mɛ̀n. Annanwɔrɛ mɛ̀n lɔ, zɛtɛ̀ léyi bɔ́ mán nɛ́n mɛhi angranmɛ̀n wɔ́ bɔ̀ nɔn, n'Ɛnẅì wúvà lɔ mɛ̀n de ne bɩ́ bɔ̀ nɛ̀n die nɔn. 11Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.
Adamɛ̀n mán Krisì
12Ɛgbàn vá ɛnhibù wú ɔwrɔn zri kruhú, Adamɛ̀n, kɩ ɛgbàn sɩ́ owù. Kɩ ɔmu lɔ de, owù cɔ́ anwrɔnẅì lɔ fɛn, ɔmuhi yɔ lɔ fɛn yɔ hán ɛgbàn nɔn. 13Ɛgbàn dú ɛnhibù wú yakɛ Ɔwɔ tán Mohizì ɛnyànmàn, tɛ́n, ɔmuhi ɛnyànmàn kɛ vá dù nɔn, Ɔwɔ kè sɩ̀ mrɛ̀n ɛgbàn ankà zriɛmɛ́n. 14Ɔmu tɛ̀kɩ, bukru Adamɛ̀n vra hàn kɩ cɔ́ Mɔhizì vra lɔ nɔn, owù bɩ́ n'ɛkɔrɛ̀srɔn lɔ yé anwrɔn hɔ̀n léyi kè sɩ̀ hàn ɛgbàn kɛ̀ hàn Adamɛ̀n léyi fɔndɔn Ɔwɔ-nyànmàn nɔn.
Adamɛ̀n dú Ɔwrɔn léyi kɛ lɛ và nɔn nɛ́n picɛ̀. 15Tɛ́n ye sɩ̀ bɩ́ Adamɛ̀n gbàn lɔ yɛ krɔn Ɔwɔ cice-ci kora lɔ nɛ́n vɔ̀nshɛ́. Annanwɔrɛ mɛ̀n lɔ, bobrebe hɔ̀n wú ɔwrɔn zri ndɔ lɔ n'ɛgbàn lɔ kruhú; tɛ́n Ɔwɔ-boafɔ̀n lɔ sevri kɩ n'ecice-ci léyi nɛ̀n tán anwrɔn bobrebe hɔ̀n ankora, ɔwrɔn zri, Zhezü Krisì bɩmɛ̀n nɔn, vru ẅɛn vɔ̀nshɛ́ sevri. 16Kɩ Ɔwɔ cice-ci lɔ ẅɛn ecüì tɔ̀n vrán ɔwrɔn zri gbàn; ɛmrɛ̀ncì léyi ɔwrɔn zri gbàn kɛ wá sɩ́ nɔn, nɛ́n vɔ̀nshɛ́ dú nwù-bɔ̀, tɛ́n ecice-ci kora léyi Ɔwɔ kɛ tán ngàshi-gbàn bobrebe hɔ̀n mɛẅi nɔn, nɛ́n vɔ̀nshɛ́ dú esrú-ze. 17Annànwɔrɛ mɛ̀n lɔ, owù yé n'ɛkorɛ̀-srɔn lɔ ɔwrɔn zri gbàn kruhú, ɔwrɔn zri ndɔ lɔ n'ɛkruhú; tɛ́n Zhezü Krisì zri ndɔ lɔ bɩ́mɛ̀n, bɔ́ cɔ̀ cüɛn: anwrɔn hɔ̀n lɔ fɛn léyi kɛ cɔ́ ɔwɔ-boafɔ̀n bobrebe mán n'ɔkɔ̀hɔ̀n-cice léyi dú bɔ́ ɛnkrukɔrɛ̀ nɔn, ke le dú ɛwúvà-kɔrɛ̀ mɛ̀n kɩ yɛ lɛ ẅɛn ɛyri Krisì kruhú.
18Ɔmu lɔ de, ɔwrɔn zri gbàn, Adamɛ̀n, sɩ́ anwrɔnẅì lɔ fɛn owúemɛ̀n; ɔmu zri lɔ, ɔwrɔn zri nyrɔnnan-kɔhɔ̀n, Zhezü Krisì mrɛ́n anwrɔnẅì lɔ fɛn owú mrɛ̀nciemɛ̀n sɔhɔ́ kɩ tán yɔ ɛwúvà-kɔrɛ̀. 19Ɔwrɔn zri fɔndɔ̀n hán anwrɔn bobrebe bore ɛgbàn mɛ̀n; ɔmu zri lɔ de ɔwrɔn zri anhyɛyì léyi ẅɛn Ɔwɔ tɛ̀sɛ̀n nɔn, anwrɔn bobrebe hɔ̀n cɔ́ ɛnyrɔnnan Ɔwɔ zìwú. 20Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n. 21Zɛtɛn ɔmu zri léyi ɛgbàn ke yé n'owù kɔrɛ̀-srɔ̀n lɔ nɔn, ɔmu zri lɔ de Ɔwɔ-boafɔ̀n ke yé n'ɛnkrukɔrɛ̀ kɔrɛ̀srɔn lɔ, ô nɛ̀n nyrɔn bɔ̀ nɛ̀n sɩ́ ɛwúvà léyi ke sɩ́ trɔa nɔn mɛ̀n, Zhezü Krisì, bɔ́ Ɛẅɛnwrɔn bɩ́mɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.