Rɔmɛ̀n-anmàn-bɔ̀ 14
14
E bɩ́ cí ɔmuan-ẅì ɛmrɛ̀n
1Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì. 2Nyɛ́n nyan ankà ndɔ lɔ: ɔwrɔn tɔ̀n ke tro le ne le zî ɛci lɔ fɛn tɛ̀, kɩ ɔwrɔn nyantɛn tɔ̀n léyi ankaẅì-bùtan cɛcɛ nɔn, ɛẅi-ci kɩ ke zî. 3Ɔwrɔn léyi ke zî ɛci lɔ fɛn nɔn, ke sɩ́ ji le nɛ̀n gbri ɔwrɔn léyi ke sɩ́ rá ɔnɔ̀n nɔn, kɩ ɔwrɔn léyi ke sɩ́ rá ɔnɔ̀n nɔn, ke sɩ́ ji le nɛ̀n ci ɔwrɔn léyi ke zî ɛci lɔ fɛn nɔn ɛmrɛ̀n, ɔmuhi nɛ́n mán Ɔwɔ bɩ́ nɛ̀n nɔn. 4Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.
5Ɔwrɔn tɔ̀n tɛn, ɛnbì jan hɔ̀n ẅɛn vɔ̀nshɛ́ vrán ɛnbì ndɔ hɔ̀n, kɩ ɔwrɔn nyantɛn tɛn ɛnbì hɔ̀n lɔ fɛn dú zri. Ke ji le ɔwrɔnwrɔn kɛ ẅɛn esɛ́ n'ankà-tro mɛ̀n. 6Ɔwrɔn léyi kɛ mrɛ́n ɛnbì ke bɩ, hɩ kɛ tán ɛnbì lɔ vɔ̀nshɛ́ nɔn, nɛ hán eci ndɔ lɔ, ô nɛ̀n mrɛ́n Ɛẅɛnwrɔn; Ɔwrɔn léyi ke zî ɛci lɔ fɛn, nɛ́n mán nɛ hán eci lɔ, ô nɛ̀n mrɛ́n Ɛẅɛnwrɔn, ɔmuhi nɛ tán Ɔwɔ ɔkùɛn n'ɛci-zî lɔ kruhú nɔn. Ɔwrɔn léyi ke sɩ́ zî ɛci lɔ fɛn nɔn, nɛ hán eci lɔ, ô nɛ̀n mrɛ́n Ɔwɔ kɩ nɛ́n mán nɛ tán Ɔwɔ ɔkùɛn. 7Annanwɔrɛ mɛ̀n lɔ, ɔwrɔn zriɛmɛ́n kè sɩ̀ dù ɛwúvà mɛ̀n nɛ́n dùku n'ɛkruhú, kɩ ɔwrɔn zriɛmɛ́n ke sɩ́ wúɛ nɛ́n dùku n'ɛkruhú. 8Ke dú kɛ bɔ́ dù hô, bɔ́ dú Ɛẅɛnwrɔn kruhú, kɩ ke dú kɛ bɔ́ wú hô, bɔ́ wú Ɛẅɛnwrɔn kruhú. Ɔmu lɔ, ke dú kɛ bɔ́ dù, ke dú kɛ bɔ́ wù, bɔ̀ dú Ɛẅɛnwrɔn tɛn. 9Ɔmuhi Krisì nwù kɩ vru vá ɔkɔrɛ-bɔ̀ mɛ̀n, ô kè dú owú-bɔ̀ mán ɔkɔrɛ-bɔ̀ Ẅɛnwrɔn nɔn. 10Tɛ́n vɛ́n, cɛci kruhú kɛ e ci ɔmuan-ẅì ɛmrɛ̀n hàn? Kɩ vɛ́n mán, cɛci kruhú kɛ e gbri ɔmuan-ẅìɛ? Bɔ lɛ fɛn lɔ, bɔ́ lɛ srɔ Ɔwɔ zìwú, ô nɛ̀n ci bɔ̀ ɛmrɛ̀n. 11Ɔmuhi Owrú dɔ̀ le:
“Mɛ̀n, Ɛẅɛnwrɔn kɔrɛkɔrɛ, mɛ dɔ́ annanwɔrɛ mɛ̀n le:
anwrɔnẅì lɔ fɛn kɛ lɛ shran mɛ̀n annankru ezìwúɛ,
kɩ yɔ lɔ fɛn yɔ lɛ brá pɔpüɛ̀ tán Ɔwɔ.”
12Ɔmu lɔ de ɔwrɔnwrɔn, n'eci léyi nɛ́n hán nɔn, nɛ lɛ srɔ Ɔwɔ zìwú, ô nɛ́n dùku nɛ̀n dɔ̀.
E bɩ́ hán ɔmuan-ẅì ke bore hɛ
13Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n. 14Ɛẅɛnwrɔn Zhezü bɩmɛ̀n lɔ, mɛ̀n nyri annanwɔrɛ mɛ̀n le, ɛnbrá-ci zriɛmɛ́n bàdà ɔwrɔn edomɛ̀n. Tɛ́n ke dú kɛ ɔwrɔn tɔ̀n kɛ ẅɛn ankà-tro le eci tɔ̀n dú ɛnbrámɛ̀n-ci, eci lɔ dú ɛnbrá-ci tán nɛ̀n. 15Ke dú kɛ ɛ hán ɔmuan-ẅì kɛ ẅɛn edomɛ̀n bru ankà, ɛci léyi e zî nɔn kruhú, e sɩ́ vru nán esù ɛcüɛ̀n nyànmàn wúɛ. E bɩ́ hán ɔwrɔn léyi Krisì wú n'ɛkruhú nɔn, kɛ hɔ́n ɛzrɛ́n mɛ̀n, ɛci-zî ankà kruhú! 16Eci léyi zrɔ tán nyɛ̀n nɔn, ke sɩ́ ji le eci zri lɔ kɛ srɔ ankà-gbàngbàn-dɔ̀ ke dú nyɛ́n nyran hɔ̀n tɛn. 17Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn. 18Ɔwrɔn léyi ke dú Krisì ci-bɩ̀tan-wrɔn, eci ɔmu lɔ hán mɛ̀n nɔn, nɛ cɔ́ Ɔwɔ cüɛ̀n kɩ anwrɔnẅì ke bɩ́ n'ankà.
19Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn. 20E bɩ́ jrɛ́ Ɔwɔ kɔ̀hɔ̀n ɛci-zî kruhú. Annanwɔrɛ mɛ̀n lɔ, ɛci-zî lɔ fɛn dú ɛci-zî-ci, tɛ́n dú eci-gbangbàn, ɛci léyi ye zî hɩ yɛ hán ɔwrɔn-nɛ́n-muan-ẅì tɔ̀n ke bru ɛzɛ́n mɛ̀n nɔn. 21Hɩ le zrɔ nɔn, dú hɩ le ke sɩ́ ji le yɛ rá ɔnɔn, ye bɩ́ mi ɛntàn wɔnsɛn, ye teze ɛci hɔ̀n lɔ fɛn léyi kɛ lɛ hán ɔwrɔn-nɛ́n-muan-ẅì ke bore ɛgbàn mɛ̀n nɔn. 22Ankà ndɔ lɔ wú, vɛ́n dùku v'ɛnbɔrɛ mɛ̀n ankà-tro lɔ, è bɩ́ nɛ̀n ɛ̀ hɛ́n ke dú vɛ tɛn Ɔwɔ zìwú. Ɔwrɔn léyi ke sɩ́ dú ɔfɔ̀ndɔn mɛ̀n ɛnvra léyi nɛ mrɛ́n eci ne bɩ nɔn, ɛnbɔrɛbru dú nɛ tɛn! 23Tɛ́n Ɔwrɔn léyi kɛ ẅɛn wàwúyɛ gbàngbàn ɛci-zî ankà wú, kɩ ke zî ɛci lɔ nɔn, Ɔwɔ kɛ bo nɛ̀n nwù ɔmuhi n'eci-hán-ci ke sɩ́ nán esù ankaẅì-bùtan wú nɔn. Kɩ eci-hán lɔ fɛn léyi kè sɩ̀ dù ankaẅì-bùtan wú nɔn, dú ɛgbàn.
Currently Selected:
Rɔmɛ̀n-anmàn-bɔ̀ 14: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Rɔmɛ̀n-anmàn-bɔ̀ 14
14
E bɩ́ cí ɔmuan-ẅì ɛmrɛ̀n
1Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì. 2Nyɛ́n nyan ankà ndɔ lɔ: ɔwrɔn tɔ̀n ke tro le ne le zî ɛci lɔ fɛn tɛ̀, kɩ ɔwrɔn nyantɛn tɔ̀n léyi ankaẅì-bùtan cɛcɛ nɔn, ɛẅi-ci kɩ ke zî. 3Ɔwrɔn léyi ke zî ɛci lɔ fɛn nɔn, ke sɩ́ ji le nɛ̀n gbri ɔwrɔn léyi ke sɩ́ rá ɔnɔ̀n nɔn, kɩ ɔwrɔn léyi ke sɩ́ rá ɔnɔ̀n nɔn, ke sɩ́ ji le nɛ̀n ci ɔwrɔn léyi ke zî ɛci lɔ fɛn nɔn ɛmrɛ̀n, ɔmuhi nɛ́n mán Ɔwɔ bɩ́ nɛ̀n nɔn. 4Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.
5Ɔwrɔn tɔ̀n tɛn, ɛnbì jan hɔ̀n ẅɛn vɔ̀nshɛ́ vrán ɛnbì ndɔ hɔ̀n, kɩ ɔwrɔn nyantɛn tɛn ɛnbì hɔ̀n lɔ fɛn dú zri. Ke ji le ɔwrɔnwrɔn kɛ ẅɛn esɛ́ n'ankà-tro mɛ̀n. 6Ɔwrɔn léyi kɛ mrɛ́n ɛnbì ke bɩ, hɩ kɛ tán ɛnbì lɔ vɔ̀nshɛ́ nɔn, nɛ hán eci ndɔ lɔ, ô nɛ̀n mrɛ́n Ɛẅɛnwrɔn; Ɔwrɔn léyi ke zî ɛci lɔ fɛn, nɛ́n mán nɛ hán eci lɔ, ô nɛ̀n mrɛ́n Ɛẅɛnwrɔn, ɔmuhi nɛ tán Ɔwɔ ɔkùɛn n'ɛci-zî lɔ kruhú nɔn. Ɔwrɔn léyi ke sɩ́ zî ɛci lɔ fɛn nɔn, nɛ hán eci lɔ, ô nɛ̀n mrɛ́n Ɔwɔ kɩ nɛ́n mán nɛ tán Ɔwɔ ɔkùɛn. 7Annanwɔrɛ mɛ̀n lɔ, ɔwrɔn zriɛmɛ́n kè sɩ̀ dù ɛwúvà mɛ̀n nɛ́n dùku n'ɛkruhú, kɩ ɔwrɔn zriɛmɛ́n ke sɩ́ wúɛ nɛ́n dùku n'ɛkruhú. 8Ke dú kɛ bɔ́ dù hô, bɔ́ dú Ɛẅɛnwrɔn kruhú, kɩ ke dú kɛ bɔ́ wú hô, bɔ́ wú Ɛẅɛnwrɔn kruhú. Ɔmu lɔ, ke dú kɛ bɔ́ dù, ke dú kɛ bɔ́ wù, bɔ̀ dú Ɛẅɛnwrɔn tɛn. 9Ɔmuhi Krisì nwù kɩ vru vá ɔkɔrɛ-bɔ̀ mɛ̀n, ô kè dú owú-bɔ̀ mán ɔkɔrɛ-bɔ̀ Ẅɛnwrɔn nɔn. 10Tɛ́n vɛ́n, cɛci kruhú kɛ e ci ɔmuan-ẅì ɛmrɛ̀n hàn? Kɩ vɛ́n mán, cɛci kruhú kɛ e gbri ɔmuan-ẅìɛ? Bɔ lɛ fɛn lɔ, bɔ́ lɛ srɔ Ɔwɔ zìwú, ô nɛ̀n ci bɔ̀ ɛmrɛ̀n. 11Ɔmuhi Owrú dɔ̀ le:
“Mɛ̀n, Ɛẅɛnwrɔn kɔrɛkɔrɛ, mɛ dɔ́ annanwɔrɛ mɛ̀n le:
anwrɔnẅì lɔ fɛn kɛ lɛ shran mɛ̀n annankru ezìwúɛ,
kɩ yɔ lɔ fɛn yɔ lɛ brá pɔpüɛ̀ tán Ɔwɔ.”
12Ɔmu lɔ de ɔwrɔnwrɔn, n'eci léyi nɛ́n hán nɔn, nɛ lɛ srɔ Ɔwɔ zìwú, ô nɛ́n dùku nɛ̀n dɔ̀.
E bɩ́ hán ɔmuan-ẅì ke bore hɛ
13Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n. 14Ɛẅɛnwrɔn Zhezü bɩmɛ̀n lɔ, mɛ̀n nyri annanwɔrɛ mɛ̀n le, ɛnbrá-ci zriɛmɛ́n bàdà ɔwrɔn edomɛ̀n. Tɛ́n ke dú kɛ ɔwrɔn tɔ̀n kɛ ẅɛn ankà-tro le eci tɔ̀n dú ɛnbrámɛ̀n-ci, eci lɔ dú ɛnbrá-ci tán nɛ̀n. 15Ke dú kɛ ɛ hán ɔmuan-ẅì kɛ ẅɛn edomɛ̀n bru ankà, ɛci léyi e zî nɔn kruhú, e sɩ́ vru nán esù ɛcüɛ̀n nyànmàn wúɛ. E bɩ́ hán ɔwrɔn léyi Krisì wú n'ɛkruhú nɔn, kɛ hɔ́n ɛzrɛ́n mɛ̀n, ɛci-zî ankà kruhú! 16Eci léyi zrɔ tán nyɛ̀n nɔn, ke sɩ́ ji le eci zri lɔ kɛ srɔ ankà-gbàngbàn-dɔ̀ ke dú nyɛ́n nyran hɔ̀n tɛn. 17Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn. 18Ɔwrɔn léyi ke dú Krisì ci-bɩ̀tan-wrɔn, eci ɔmu lɔ hán mɛ̀n nɔn, nɛ cɔ́ Ɔwɔ cüɛ̀n kɩ anwrɔnẅì ke bɩ́ n'ankà.
19Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn. 20E bɩ́ jrɛ́ Ɔwɔ kɔ̀hɔ̀n ɛci-zî kruhú. Annanwɔrɛ mɛ̀n lɔ, ɛci-zî lɔ fɛn dú ɛci-zî-ci, tɛ́n dú eci-gbangbàn, ɛci léyi ye zî hɩ yɛ hán ɔwrɔn-nɛ́n-muan-ẅì tɔ̀n ke bru ɛzɛ́n mɛ̀n nɔn. 21Hɩ le zrɔ nɔn, dú hɩ le ke sɩ́ ji le yɛ rá ɔnɔn, ye bɩ́ mi ɛntàn wɔnsɛn, ye teze ɛci hɔ̀n lɔ fɛn léyi kɛ lɛ hán ɔwrɔn-nɛ́n-muan-ẅì ke bore ɛgbàn mɛ̀n nɔn. 22Ankà ndɔ lɔ wú, vɛ́n dùku v'ɛnbɔrɛ mɛ̀n ankà-tro lɔ, è bɩ́ nɛ̀n ɛ̀ hɛ́n ke dú vɛ tɛn Ɔwɔ zìwú. Ɔwrɔn léyi ke sɩ́ dú ɔfɔ̀ndɔn mɛ̀n ɛnvra léyi nɛ mrɛ́n eci ne bɩ nɔn, ɛnbɔrɛbru dú nɛ tɛn! 23Tɛ́n Ɔwrɔn léyi kɛ ẅɛn wàwúyɛ gbàngbàn ɛci-zî ankà wú, kɩ ke zî ɛci lɔ nɔn, Ɔwɔ kɛ bo nɛ̀n nwù ɔmuhi n'eci-hán-ci ke sɩ́ nán esù ankaẅì-bùtan wú nɔn. Kɩ eci-hán lɔ fɛn léyi kè sɩ̀ dù ankaẅì-bùtan wú nɔn, dú ɛgbàn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.