Ebre-bɔ̀ 8
8
Zhezü b'Ɔwɔ cice-wrɔn cüìcüì
1Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn. 2Nɛ hán n'ɔkɔ̀hɔ̀n Ɔwɔ yri prɔnprɔn, hɩ mɛ̀n kɛ dɔ̀ le, dú ɛcasa-wɔn annanwɔrɛ léyi Ɛẅɛnwrɔn kù nɔn, hɩ kè sɩ̀ dù ɔwrɔnẅì kɔrɛ̀-ci nɔn.
3Ecice-wrɔn cüìcüì totɔtɔ̀n léyi yɛ́ wá nɔn, nɛ hán ɛcice kɔ̀hɔ̀n; ke ji le bɔ́ ecice-wrɔn lɔ, nɛ́n mán nɛ̀n cɔ́ eci nɛ̀n ce. 4Ke dú kɛ nɛ̀n dú ɛnhibù wú, nɛ́n sɩ̀ dú ecice-wrɔn mán, ɔmuhi ecice-bɔ̀ ndɔ hɔ̀n ndù ke ce eci hán ɔmu le Zhüifɛ̀n-bɔ̀ nyanmàn wá nɔn. 5Ɔkɔ̀hɔ̀n léyi ecice-bɔ̀ ndɔ hɔ̀n lɔ kɛ hán nɔn, ndù cá pícɛ̀ tɔ̀n, anhobɩ́ annanwɔrɛ ci-hán lɔ n'ɔwɔ̀n. Ndɔ lɔ ndù hán Mohizì ci-hán lɔ: ɛnvra léyi ne le ku ɛcàsa-wɔn prɔnprɔn lɔ nɔn, Ɔwɔ wá eci-hán tán nɛ̀n: “Ɛ wá esùva, ô v'ɔkɔ̀hɔ̀n lɔ kè dù kɛ̀ hán ndɔ léyi mɛ̀n yé mɛ́n ɛnkpò wú nɔn hɔ́.” 6Tɛ́n zɛtɛ̀ lɔ, Zhezü dú ɔkɔhɔ̀n vri tɔ̀n hán mɛ̀n, ɔmuhi nɛ̀n dú Ɔwɔ mán anwrɔnẅì granmɛ̀n nyɔn wrɔn mìrɛ̀n tɔ̀n anvrɛnvrɛn annanwɔrɛ léyi kɛ tán ɔmùan-wá ankrankran nɔn mɛ̀n.
7Ke dú kɛ kpàkpà mìrɛ̀n lɔ kè dú ɛfifiemɛ̀n hô, ye sɩ̀ vru bɩ́ anhyrɛmɛ̀n tɛn yɛ crɔn nɛ̀n hàn. 8Tɛ́n dú ɛci gbàngbàn hɔ̀n léyi fɛcüè kɛ hán kɩ Ɔwɔ ke sɩ́ cüɛn hán nɔn, ɛnvra léyi nɛ́n dɔ̀ le:
“Ɛẅɛnwrɔn kɛ dɔ̀ le, ɛnbì hɔ̀n kɛ và,
ɛnbì ndɔ lɔ mɛ lɛ wá mìrɛ̀n wrù kè dú Izraɛlɛ̀n fɛcüè mán Zhüda fɛcüè mɛ̀n.
9Mìrɛ̀n ndɔ lɔ, ke sɩ̀ dù kɛ̀ hán hɩ léyi mɛ̀n wá mɛ̀n tán yɔ nancüì hɔ̀n mán mɛ̀n mɛhi nɔn
ɛnvra léyi mɛ̀n ẅɛn yɔ ɛkɔrɛ̀, mɛ̀n hán yɔ, yɔ dú Ezhiptɛ̀n ɛnhi lɔ wú yɔ srɔ ɛntrɛ nɔn.
Yɔ sɩ̀ dì ɔmùan zri mìrɛ̀n ndɔ lɔ wú,
hɩ le kruhú de mɛ̀n sɩ̀ vrù wá y'ankà ɛnkruemɛ̀n, ɔmu lɔ de Ɛẅɛnwrɔn kɛ dɔ̀ nɔn.
10Ɛẅɛnwrɔn kɛ dɔ̀ le: Nyàn eci léyi ke le dú mìrɛ̀n léyi mɛ lɛ wá mɛ̀n mán Izraɛlɛ̀n fɛ̀cüe mɛhi b'angramɛ̀n
ɛnbì hɔ̀n léyi kɛ và nɔn yɔmɛhi;
Me le merɛ́n m'ɛnyanmàn hɔ̀n lɔ mɛ̀n wá y'ɛnkruemɛ̀n
mán ɛnbɔrɛ mɛ̀n:
me le dú y'Ɔwɔ
kɩ yɔ le dú mɛ́n fɛcüè.
11Y'ɛmɛ̀n lɔ ɔwrɔn zriɛmɛ́n ke sɩ̀ yrɛ nɛ́n nyran, nɛ́n muan-ẅì ankà, ô kè yé nɛ̀n ankà,
ɔmuhi yɔ lɛ fɛn yɔ le nyri mɛ̀n,
yɔ lɛ fɛn bukru ɛcɛ hàn mán cɔ́ ecüìcüì.
12Annanwɔrɛ mɛ̀n lɔ, me le bɩ́ y'ɛgbàn hɔ̀n lɔ mɛ̀n ce yɔ,
me le bɩ́ y'ɛgbàn hɔ̀n lɔ mɛ̀n yuru esùva.”
13Mìrɛ̀n wrù tɔ̀n ankà dɔ́ mɛ̀n lɔ, Ɔwɔ bɩ́ mìrɛ̀n gbànvri lɔ srɔ kpàkpà tɛn; tɛ́n eci léyi kɛ srɔ ɛgbànvri, kɩ kɛ srɔ ɛshishi nɔn, dú eci léyi kɛ hɔ́n ɛzrɛ́n mɛ̀n nɔn.
Currently Selected:
Ebre-bɔ̀ 8: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Ebre-bɔ̀ 8
8
Zhezü b'Ɔwɔ cice-wrɔn cüìcüì
1Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn. 2Nɛ hán n'ɔkɔ̀hɔ̀n Ɔwɔ yri prɔnprɔn, hɩ mɛ̀n kɛ dɔ̀ le, dú ɛcasa-wɔn annanwɔrɛ léyi Ɛẅɛnwrɔn kù nɔn, hɩ kè sɩ̀ dù ɔwrɔnẅì kɔrɛ̀-ci nɔn.
3Ecice-wrɔn cüìcüì totɔtɔ̀n léyi yɛ́ wá nɔn, nɛ hán ɛcice kɔ̀hɔ̀n; ke ji le bɔ́ ecice-wrɔn lɔ, nɛ́n mán nɛ̀n cɔ́ eci nɛ̀n ce. 4Ke dú kɛ nɛ̀n dú ɛnhibù wú, nɛ́n sɩ̀ dú ecice-wrɔn mán, ɔmuhi ecice-bɔ̀ ndɔ hɔ̀n ndù ke ce eci hán ɔmu le Zhüifɛ̀n-bɔ̀ nyanmàn wá nɔn. 5Ɔkɔ̀hɔ̀n léyi ecice-bɔ̀ ndɔ hɔ̀n lɔ kɛ hán nɔn, ndù cá pícɛ̀ tɔ̀n, anhobɩ́ annanwɔrɛ ci-hán lɔ n'ɔwɔ̀n. Ndɔ lɔ ndù hán Mohizì ci-hán lɔ: ɛnvra léyi ne le ku ɛcàsa-wɔn prɔnprɔn lɔ nɔn, Ɔwɔ wá eci-hán tán nɛ̀n: “Ɛ wá esùva, ô v'ɔkɔ̀hɔ̀n lɔ kè dù kɛ̀ hán ndɔ léyi mɛ̀n yé mɛ́n ɛnkpò wú nɔn hɔ́.” 6Tɛ́n zɛtɛ̀ lɔ, Zhezü dú ɔkɔhɔ̀n vri tɔ̀n hán mɛ̀n, ɔmuhi nɛ̀n dú Ɔwɔ mán anwrɔnẅì granmɛ̀n nyɔn wrɔn mìrɛ̀n tɔ̀n anvrɛnvrɛn annanwɔrɛ léyi kɛ tán ɔmùan-wá ankrankran nɔn mɛ̀n.
7Ke dú kɛ kpàkpà mìrɛ̀n lɔ kè dú ɛfifiemɛ̀n hô, ye sɩ̀ vru bɩ́ anhyrɛmɛ̀n tɛn yɛ crɔn nɛ̀n hàn. 8Tɛ́n dú ɛci gbàngbàn hɔ̀n léyi fɛcüè kɛ hán kɩ Ɔwɔ ke sɩ́ cüɛn hán nɔn, ɛnvra léyi nɛ́n dɔ̀ le:
“Ɛẅɛnwrɔn kɛ dɔ̀ le, ɛnbì hɔ̀n kɛ và,
ɛnbì ndɔ lɔ mɛ lɛ wá mìrɛ̀n wrù kè dú Izraɛlɛ̀n fɛcüè mán Zhüda fɛcüè mɛ̀n.
9Mìrɛ̀n ndɔ lɔ, ke sɩ̀ dù kɛ̀ hán hɩ léyi mɛ̀n wá mɛ̀n tán yɔ nancüì hɔ̀n mán mɛ̀n mɛhi nɔn
ɛnvra léyi mɛ̀n ẅɛn yɔ ɛkɔrɛ̀, mɛ̀n hán yɔ, yɔ dú Ezhiptɛ̀n ɛnhi lɔ wú yɔ srɔ ɛntrɛ nɔn.
Yɔ sɩ̀ dì ɔmùan zri mìrɛ̀n ndɔ lɔ wú,
hɩ le kruhú de mɛ̀n sɩ̀ vrù wá y'ankà ɛnkruemɛ̀n, ɔmu lɔ de Ɛẅɛnwrɔn kɛ dɔ̀ nɔn.
10Ɛẅɛnwrɔn kɛ dɔ̀ le: Nyàn eci léyi ke le dú mìrɛ̀n léyi mɛ lɛ wá mɛ̀n mán Izraɛlɛ̀n fɛ̀cüe mɛhi b'angramɛ̀n
ɛnbì hɔ̀n léyi kɛ và nɔn yɔmɛhi;
Me le merɛ́n m'ɛnyanmàn hɔ̀n lɔ mɛ̀n wá y'ɛnkruemɛ̀n
mán ɛnbɔrɛ mɛ̀n:
me le dú y'Ɔwɔ
kɩ yɔ le dú mɛ́n fɛcüè.
11Y'ɛmɛ̀n lɔ ɔwrɔn zriɛmɛ́n ke sɩ̀ yrɛ nɛ́n nyran, nɛ́n muan-ẅì ankà, ô kè yé nɛ̀n ankà,
ɔmuhi yɔ lɛ fɛn yɔ le nyri mɛ̀n,
yɔ lɛ fɛn bukru ɛcɛ hàn mán cɔ́ ecüìcüì.
12Annanwɔrɛ mɛ̀n lɔ, me le bɩ́ y'ɛgbàn hɔ̀n lɔ mɛ̀n ce yɔ,
me le bɩ́ y'ɛgbàn hɔ̀n lɔ mɛ̀n yuru esùva.”
13Mìrɛ̀n wrù tɔ̀n ankà dɔ́ mɛ̀n lɔ, Ɔwɔ bɩ́ mìrɛ̀n gbànvri lɔ srɔ kpàkpà tɛn; tɛ́n eci léyi kɛ srɔ ɛgbànvri, kɩ kɛ srɔ ɛshishi nɔn, dú eci léyi kɛ hɔ́n ɛzrɛ́n mɛ̀n nɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.