Ɔkɔ̀hɔ̀n-wá-bɔ̀ kɔ̀hɔ̀n hán 21
21
Pɔlɛ̀n kɛ hɔ́n Zherüzalɛmɛ̀n
1Ɛnvra léyi yɔ mɛhi bɔ̀ gbɛ́ angranmɛ̀n ɔmùan nɔn, bɔ́ bɩ́ ɛnhyàbri-hɛ̀ bɔ̀ nyrɔn cehɛ́n bɔ̀ hɔ́n Kɔsɛ̀n; ɛcɛ̀n cüe kɩ bɔ̀ bru Rodɛsɛ̀n, kɩ nanvrɛn lɔ, bɔ́ dù bɔ̀ hɔ́n Patara. 2Bɔ̀ cɔ́ ɛnhyàbri-hɛ̀ tɔ̀n nanvrɛn lɔ kɛ hɔ́n Fenisi; bɔ́ bru nɛ̀n ɛmɛ̀n kɩ bɔ́ nan hɔ̀n. 3Ɛnvra léyi bɔ̀ kán Shiprɛ̀n shi vúta lɔ nɔn, bɔ̀ ci nɛ̀n ecüemɛ̀n hɔ́nan kɩ bɔ̀ hɔ́n Siri kpɔsɔ wú. Bɔ̀ kɛ́ Tirɛ̀n, ɔmuhi ɛnhyàbri-hɛ̀ lɔ ke cüe n'ɛnlowrú lɔ nanvrɛn nɔn. 4Tirɛ̀n nanvrɛn lɔ, bɔ̀ cɔ́ ankaẅì-bùtan-ẅɛn-bɔ̀, kɩ bɔ̀ cɔ́ yɔ mɛhi bɔ̀ yɛ́ ɛnbifɔn kru zri. Ɛnhɛ́n Prɔnprɔn bi dɔ́ yɔ kɩ yɔ dɔ́ Pɔlɛ̀n ke bɩ́ hɔ́n Zherüzalɛmɛ̀n anmàn. 5Tɛ́n ɛnvra léyi ɛnbifɔn kru zri lɔ trɔ nɔn, bɔ̀ vru bɔ́ ku ɛnlevri bɔ́ hɔ̀n. Yɔ lɔ fɛn, yɔ hi hɔ̀n mán y'ɛẅì hɔ̀n, yɔ hɔ́n sɩ́ bɔ̀ anmàn kru ɛntrɛ srɔ mɛ̀n. Bɔ̀ shɛ́n ecüe gbàtà-mùan kɩ bɔ́ sɛ́n Ɔwɔ. 6Zɛtɛn, ɛnvra léyi bɔ̀ bi bɔ́ edomɛ̀n bɔ̀ nyan trɔ nɔn, bɔ̀ ku anhɛ́ mɛ̀n, yɔ tɛn yɔ vru ɛmɛẅi yɔ hɔ́n ɛbemɛ̀n. 7Bɔ̀ trɔ bɔ́ ɛyri-hɔ̀n lɔ ecüe wú, ɛnvra léyi bɔ́ dú Tirɛ̀n bɔ́ hɔ́n Ptolemahisɛ̀n nɔn. Ɛnvra léyi, anmàn ndɔ lɔ, bɔ̀ bi bɔ́ muan-ẅì hɔ̀n lɔ bɔ̀ nyan trɔ nɔn, bɔ̀ cɔ́ yɔ mɛhi bɔ̀ yɛ́ ɛnbì zri. 8Ɛcɛ̀n cüe, bɔ̀ vru ɛmɛẅi bɔ́ hɔ̀n kɩ bɔ̀ cɔ́ Sezare. Nanvrɛn lɔ, bɔ̀ bru ɛmɛẅi-ankà-ankrankran-dɔ́-wrɔn Filipɛ̀n, wɔn lɔ mɛ̀n kɩ bɔ̀ dú n'eyri ɛbemɛ̀n. Anwrɔn ɔbɔɛ̀n léyi yɛ mrɛ́n ye bɩ́ Zherüzalɛmɛ̀n nɔn, nɛ̀n dú ɔtɔ̀n. 9Nɛ́n ẅɛn wúyɔ̀-ẅì hɔ̀n anzɔ̀ ke sɩ̀ yiri wúcɔ̀, yɔ dɔ́ Ɔwɔ-mùanwú-ankà. 10Bɔ́ dú nanvrɛn lɔ ɛnbì bobrebe, kɩ Zhüde kpɔsɔ wú lɔ, Ɔwɔ-mùanwú-ankà-dɔ́-wrɔn tɔ̀n nvà, ye bi nɛ̀n Agabüsɛ̀n. 11Nɛ̀n ji bɔ̀ nɛ́n và, nɛ̀n bɩ́ Pɔlɛ̀n pɛtɛ̀n lɔ, kɩ nɛ̀n kora n'edomɛ̀n annan mán ankɔrɛ̀ kɩ nɛ dɔ̀ le: “Nyàn ankà léyi Ɛnhɛ́n Prɔnprɔn kɛ dɔ̀ nɔn: Ɔwrɔn léyi ẅɛn pɛtɛ̀n ndɔ lɔ nɔn, Zhüifɛ̀n-bɔ̀ kɛ lɛ kora nɛ̀n ɔmu zri lɔ Zherüzalɛmɛ̀n anmàn, zɛtɛn yɔ le bɩ́ nɛ̀n yɔ tán nɛ̀nnyàn-bɔ̀.” 12Ɛnvra léyi bɔ̀ yá ankà ndɔ lɔ nɔn, bɔ́ dùku mán bɔ́ muan-ẅì hɔ̀n Sezare-bɔ̀ mɛhi, bɔ̀ sɛ́n Pɔlɛ̀n ke bɩ́ hɔ́n Zherüzalɛmɛ̀n anmàn. 13Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.” 14Ɔmuhi nɛ́n sɩ́ shrí nɛ́n tán bɔ̀ ankà kɔrɛ̀levri nɔn, bɔ́ mán bɔ̀ sɩ̀ ẅɛn nɛ̀n ɛshishiemɛ̀n, kɩ bɔ́ dɔ̀ le: “Ke ji le Ɛẅɛnwrɔn kɔrɛ̀zì-ci lɔ kɛ̀ hán!”
15Ɛnvra léyi bɔ̀ yɛ́ ɛnvra jan nanvrɛn lɔ nɔn, bɔ́ bɔ̀sɔ ɛci kɩ bɔ̀ hɔ́n Zherüzalɛmɛ̀n. 16Sezare sɛ̀nkɛn-bɔ̀ lɔ hɔ́n sɩ́ bɔ̀; yɔ hɔ́n sɩ́ bɔ̀ ɔwrɔn tɔ̀n léyi kɛ lɛ ẅɛn bɔ̀ nɛ̀nnyàn-bɔ̀, hɩ ye bi Mnasɔn, Shiprɛ̀n-wrɔn, nɛ̀n dú ankaẅì-bùtan-ẅɛn-wrɔn ɛnvra sheshe mɛ̀n.
Pɔlɛ̀n hɔ́n nyan Zhakɛ̀n
17Ɛnvra léyi bɔ̀ bru Zherüzalɛmɛ̀n anmàn nɔn, bɔ́ muan-ẅì hɔ̀n lɔ ẅɛn bɔ̀ pɔpüɛ̀ mɛ̀n. 18Ɛcɛ̀n cüe, bɔ́ mán Pɔlɛ̀n mɛhi bɔ̀ hɔ́n Zhakɛ̀n nanvrɛn, ɛyri léyi Ɔwɔ-wɔn-fɛcüè-cüìcüì-bɔ̀ kɛ borɛkru nɔn. 19Pɔlɛ̀n bi yɔ nyan kɩ kɛ dɔ́ yɔ cɛcɛ eci léyi Ɔwɔ hán n'ɔkɔ̀hɔ̀n-hán mɛ̀n lɔ tán anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn. 20Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n. 21Zɛtɛn nyàn ankà léyi yɛ dɔ́ yɔ nɔn: e yé Zhüifɛ̀n-bɔ̀ lɔ fɛn léyi dú fɛcüè nyantɛn mɛ̀n nɔn, kè teze Mohizɛ̀n nyànmàn lɔ; ɛ dɔ́ yɔ, yɔ bɩ́ wí y'ɛẅì hɔ̀n wúcɔ̀ domɛ̀n, ô yɔ bɩ́ hán Zhüifɛ̀n nyànmàn ci-hán-ci. 22Ecitan de bɔ́ lɛ hán nɛ́n? Yɔ lɛ yá le ɛ và. 23Zɛtɛn, ɛ̀ hán eci léyi bɔ́ lɛ yé mɛ́n nɔn. Ɛnu lɔ, bɔ̀ ẅɛn ɔmùan-wá-bɔ̀ anzɔ̀. 24È bɩ́ yɔ nyɛ́n hɔ̀n, ô è dú yɔ ɛmɛ̀n nyɛ́n hán ɛnyànmàn léyi yɛ wá tán nɔn, è di ɔwɔɛ̀n, ô yɛ kua yɔ ɛnkru. Ɔmu lɔ de anwrɔn lɔ fɛn ke le nyrì le ankà léyi yɛ dɔ́ v'ɛwú nɔn dú ɛyɔ̀n, tɛ́n vɛ́n mán è dú Mohizɛ̀n nyànmàn lɔ n'ɛwá mɛ̀n. 25Anwrɔn hɔ̀n léyi kè sɩ̀ dù Zhüifɛ̀n-bɔ̀ hɩ srɔ Zhezü sɛ̀nkɛn-bɔ̀ nɔn, bɔ̀ yüre yɔ owrú bɔ̀ dɔ́ yɔ b'ɔmùan wú ankà: ke sɩ́ ji le yɔ rá ecice nɔ̀n zriɛmɛ́n, ɛnɔ̀n léyi ye wri antamɛ̀n, n'ɛnkrɛ̀ mán, n'anẅia mán, ye bɩ́ rá; kɩ ke ji le yɔ wá y'edomɛ̀n esùva, eci léyi kè sɩ̀ dù eci-hán-ci nɔn tɛ̀sɛ̀n.”
26Zɛtɛn Pɔlɛ̀n bɩ́ ɔmùan-wá-bɔ̀ lɔ hɔ̀n, kɩ ɛnvra léyi ɛcɛ̀n cüe nɔn, nɛ́n mán yɔ mɛhi yɔ hán ɛnyànmàn-ci léyi dú edomɛ̀n fi ci nɔn. Nɛ̀n hɔ́n Ɔwɔ-cice-wɔn lɔ mɛ̀n, ô nɛ̀n dɔ́ yɔ ɛnbì léyi yɔ lɛ hán edomɛ̀n fi ci kɔhɔ̀n lɔ kɛ̀ trɔ nɔn, hɩ mɛ̀n kɛ dɔ̀ le, ɛnvra léyi ɔwrɔn wrɔn kɛ lɛ tán n'eci ceci lɔ nɔn.
Yɛ ẅɛn Pɔlɛ̀n Ɔwɔ-cice-wɔn lɔ mɛ̀n
27Ɛbi ɔbɔ̀ɛn léyi dú ecice kɔhɔ̀n-hán-bì nɔn, n'ɛtrɔmɛ̀n lɔ, Zhüifɛ̀n-bɔ̀ léyi dú Azi kpɔsɔ wú nɔn, kán Pɔlɛ̀n Ɔwɔ-cice-wɔn lɔ mɛ̀n. Yɔ wá fɛcüè ankà, kɩ ẅɛn nɛ̀n, 28kɩ yɔ di bobo yɔ dɔ̀ le: “Izraɛlɛ̀n-bɔ̀, nyɛ́n wá bɔ̀ ɛkɔrɛ̀! Nyàn ɔwrɔn léyi ke yé ɛyri lɔ fɛn anwrɔn ezì-kɛ́n-ankà tán Izraɛlɛ̀n fɛcüè, Mohizì nyànmàn mán Ɔwɔ-cice-wɔn ndɔ lɔ nɔn. Kɩ zɛtɛn nɛ̀n bɩ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, bru Ɔwɔ-cice-wɔn lɔ mɛ̀n, kɩ wá ɛyri prɔnprɔn ndɔ lɔ ɛnbrá edòmɛ̀n!” 29Annànwɔrɛ mɛ̀n, yɔ kán Efɛzɛ̀n-anmàn-wrɔn, Trofimɛ̀n mán Pɔlɛ̀n, anmàn lɔ, kɩ yɔ tro le Pɔlɛ̀n bɩ́ nɛ̀n bru Ɔwɔ-cice-wɔn lɔ mɛ̀n.
30Ɛdrɛ̀-ankà lɔ, bonyi anmàn mumù lɔ fɛn kɩ anwrɔn dú ɛyri lɔ fɛn nvà. Anwrɔn ẅɛn Pɔlɛ̀n kɩ wán nɛ̀n sɩ́ ɛntrɛ, kɩ ɛnvra zri lɔ yɔ sɛ́n Ɔwɔ-cice-wɔn lɔ esù.
31Yɔ ji ɛyri yɔ wri Pɔlɛ̀n, kɩ yɛ vá dɔ́ Rɔmɛ̀n gɔliɛ-bɔ̀ wrɔn cüìcüì lɔ le, Zherüzalɛmɛ̀n anmàn mumù lɔ dú ɛdrɛ̀ hán mɛ̀n. 32Kpatakpata lɔ, ɔwrɔn cüìcüì lɔ, bɩ́ gɔliɛ-bɔ̀ wá edomɛ̀n wrɔ́ fɛcüè hɔ̀n. Ɛnvra léyi yɔ kán gɔliɛ-bɔ̀ wrɔn cüìcüì lɔ mán gɔliɛ-bɔ̀ mɛhi nɔn, yɛ kɛ́n ɛkɔrɛ̀ hɛ́n, ye sɩ̀ vru gorɛ Pɔlɛ̀n hàn. 33Zɛtɛn ɔwrɔn cüìcüì lɔ sɔnba nɛ̀n ɛtɛ̀sɛ̀n, hán yɔ ẅɛn nɛ̀n kɩ wá tán le yɔ bɩ́ gbràka anhyrɛ̀ yɔ kora nɛ̀n; zɛtɛn ne yrɛ ɔwrɔn léyi dú yi mán eci léyi nɛ̀n hàn nɔn. 34Tɛ́n, fɛcüè lɔ mɛ̀n, anwrɔn janbɔ̀ kɛ dɔ́ yɔ tɛn, ndɔ hɔ̀n kɛ dɔ́ ɛnyantɛn. Anwrɔn lɔ mɛ̀n, ɔwrɔn cüìcüì lɔ, ke sɩ́ cɔ́ ankà kru; nɛ̀n wá tán yɔ sɩ́ Pɔlɛ̀n anwɔn-mɛ̀n-wá-wɔn mɛ̀n. 35Ɛnvra léyi Pɔlɛ̀n cɔ́ gbàngbi-mùan nɔn, goliɛ-bɔ̀ ẅɛn nɛ̀n antamɛ̀n 36ɔmuhi fɛcüè dú ɛjɔ̀kɔ̀ vriemɛ̀n, kɩ yɔ di bobo yɔ dɔ̀ le: “Ye wri nɛ̀n!”
Pɔlɛ̀n kɛ dɔ́ ankà tán n'edomɛ̀n
37Ɛnvra léyi yɛ lɛ hán Pɔlɛ̀n ke bru anwɔn-mɛ̀n-wá-wɔn lɔ mɛ̀n nɔn, nɛ dɔ́ goliɛ-bɔ̀ wrɔn cüìcüì lɔ le: “Ɛkɔrɛ̀-levri ke le dù ô mɛ̀n dɔ́ mɛ́n ankà hà?” Gɔliɛ-wrɔn lɔ ke yrɛ nɛ̀n le: “Ɛ yá grɛkɛ̀n hàn? 38È sɩ̀ dù Ezhiptɛ̀n-wrɔn ndɔ léyi ɛnvra buri tɔ̀n mɛ̀n wá ɛdrɛ̀ vri ɛyri, kɩ hán ɛdrɛ̀-hán-bɔ̀ tɛburi-kru anzɔ̀ hɔ́n ɛnnuẅì yɛ́ nɛ́n?” 39Pɔlɛ̀n mrɛ́n ɔmùan le: “Mɛ́n dú Zhüifɛ̀n-wrɔn, ye bî mɛ̀n Tarsɛ̀n anmàn, Silisi Kpɔsɔ wú, anmàn cüìcüì hi wú wrɔn. Ɛ̀ tán mɛ̀n ɛkɔrɛ̀-levri, mɛ sɛ́n mɛ́n, ô mɛ̀n dɔ́ fɛcüè ankà.” 40Gɔliɛ-bɔ̀ wrɔn cüìcüì lɔ tán nɛ̀n ɛkɔrɛ̀-levri. Pɔlɛ̀n, tɔhú nyɔn gbàngbi nán wú, hán fɛcüè ɛkɔrɛ̀ kɛ̀ kɛ́n ɔmùan kɛ̀ hɛ́n. Yɔ lɔ fɛn yɔ kɛ́n ɔmùan hɛ́n kɩ Pɔlɛ̀n dɔ́ yɔ ankà aramehɛ́n mɛ̀n:
Currently Selected:
Ɔkɔ̀hɔ̀n-wá-bɔ̀ kɔ̀hɔ̀n hán 21: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Ɔkɔ̀hɔ̀n-wá-bɔ̀ kɔ̀hɔ̀n hán 21
21
Pɔlɛ̀n kɛ hɔ́n Zherüzalɛmɛ̀n
1Ɛnvra léyi yɔ mɛhi bɔ̀ gbɛ́ angranmɛ̀n ɔmùan nɔn, bɔ́ bɩ́ ɛnhyàbri-hɛ̀ bɔ̀ nyrɔn cehɛ́n bɔ̀ hɔ́n Kɔsɛ̀n; ɛcɛ̀n cüe kɩ bɔ̀ bru Rodɛsɛ̀n, kɩ nanvrɛn lɔ, bɔ́ dù bɔ̀ hɔ́n Patara. 2Bɔ̀ cɔ́ ɛnhyàbri-hɛ̀ tɔ̀n nanvrɛn lɔ kɛ hɔ́n Fenisi; bɔ́ bru nɛ̀n ɛmɛ̀n kɩ bɔ́ nan hɔ̀n. 3Ɛnvra léyi bɔ̀ kán Shiprɛ̀n shi vúta lɔ nɔn, bɔ̀ ci nɛ̀n ecüemɛ̀n hɔ́nan kɩ bɔ̀ hɔ́n Siri kpɔsɔ wú. Bɔ̀ kɛ́ Tirɛ̀n, ɔmuhi ɛnhyàbri-hɛ̀ lɔ ke cüe n'ɛnlowrú lɔ nanvrɛn nɔn. 4Tirɛ̀n nanvrɛn lɔ, bɔ̀ cɔ́ ankaẅì-bùtan-ẅɛn-bɔ̀, kɩ bɔ̀ cɔ́ yɔ mɛhi bɔ̀ yɛ́ ɛnbifɔn kru zri. Ɛnhɛ́n Prɔnprɔn bi dɔ́ yɔ kɩ yɔ dɔ́ Pɔlɛ̀n ke bɩ́ hɔ́n Zherüzalɛmɛ̀n anmàn. 5Tɛ́n ɛnvra léyi ɛnbifɔn kru zri lɔ trɔ nɔn, bɔ̀ vru bɔ́ ku ɛnlevri bɔ́ hɔ̀n. Yɔ lɔ fɛn, yɔ hi hɔ̀n mán y'ɛẅì hɔ̀n, yɔ hɔ́n sɩ́ bɔ̀ anmàn kru ɛntrɛ srɔ mɛ̀n. Bɔ̀ shɛ́n ecüe gbàtà-mùan kɩ bɔ́ sɛ́n Ɔwɔ. 6Zɛtɛn, ɛnvra léyi bɔ̀ bi bɔ́ edomɛ̀n bɔ̀ nyan trɔ nɔn, bɔ̀ ku anhɛ́ mɛ̀n, yɔ tɛn yɔ vru ɛmɛẅi yɔ hɔ́n ɛbemɛ̀n. 7Bɔ̀ trɔ bɔ́ ɛyri-hɔ̀n lɔ ecüe wú, ɛnvra léyi bɔ́ dú Tirɛ̀n bɔ́ hɔ́n Ptolemahisɛ̀n nɔn. Ɛnvra léyi, anmàn ndɔ lɔ, bɔ̀ bi bɔ́ muan-ẅì hɔ̀n lɔ bɔ̀ nyan trɔ nɔn, bɔ̀ cɔ́ yɔ mɛhi bɔ̀ yɛ́ ɛnbì zri. 8Ɛcɛ̀n cüe, bɔ̀ vru ɛmɛẅi bɔ́ hɔ̀n kɩ bɔ̀ cɔ́ Sezare. Nanvrɛn lɔ, bɔ̀ bru ɛmɛẅi-ankà-ankrankran-dɔ́-wrɔn Filipɛ̀n, wɔn lɔ mɛ̀n kɩ bɔ̀ dú n'eyri ɛbemɛ̀n. Anwrɔn ɔbɔɛ̀n léyi yɛ mrɛ́n ye bɩ́ Zherüzalɛmɛ̀n nɔn, nɛ̀n dú ɔtɔ̀n. 9Nɛ́n ẅɛn wúyɔ̀-ẅì hɔ̀n anzɔ̀ ke sɩ̀ yiri wúcɔ̀, yɔ dɔ́ Ɔwɔ-mùanwú-ankà. 10Bɔ́ dú nanvrɛn lɔ ɛnbì bobrebe, kɩ Zhüde kpɔsɔ wú lɔ, Ɔwɔ-mùanwú-ankà-dɔ́-wrɔn tɔ̀n nvà, ye bi nɛ̀n Agabüsɛ̀n. 11Nɛ̀n ji bɔ̀ nɛ́n và, nɛ̀n bɩ́ Pɔlɛ̀n pɛtɛ̀n lɔ, kɩ nɛ̀n kora n'edomɛ̀n annan mán ankɔrɛ̀ kɩ nɛ dɔ̀ le: “Nyàn ankà léyi Ɛnhɛ́n Prɔnprɔn kɛ dɔ̀ nɔn: Ɔwrɔn léyi ẅɛn pɛtɛ̀n ndɔ lɔ nɔn, Zhüifɛ̀n-bɔ̀ kɛ lɛ kora nɛ̀n ɔmu zri lɔ Zherüzalɛmɛ̀n anmàn, zɛtɛn yɔ le bɩ́ nɛ̀n yɔ tán nɛ̀nnyàn-bɔ̀.” 12Ɛnvra léyi bɔ̀ yá ankà ndɔ lɔ nɔn, bɔ́ dùku mán bɔ́ muan-ẅì hɔ̀n Sezare-bɔ̀ mɛhi, bɔ̀ sɛ́n Pɔlɛ̀n ke bɩ́ hɔ́n Zherüzalɛmɛ̀n anmàn. 13Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.” 14Ɔmuhi nɛ́n sɩ́ shrí nɛ́n tán bɔ̀ ankà kɔrɛ̀levri nɔn, bɔ́ mán bɔ̀ sɩ̀ ẅɛn nɛ̀n ɛshishiemɛ̀n, kɩ bɔ́ dɔ̀ le: “Ke ji le Ɛẅɛnwrɔn kɔrɛ̀zì-ci lɔ kɛ̀ hán!”
15Ɛnvra léyi bɔ̀ yɛ́ ɛnvra jan nanvrɛn lɔ nɔn, bɔ́ bɔ̀sɔ ɛci kɩ bɔ̀ hɔ́n Zherüzalɛmɛ̀n. 16Sezare sɛ̀nkɛn-bɔ̀ lɔ hɔ́n sɩ́ bɔ̀; yɔ hɔ́n sɩ́ bɔ̀ ɔwrɔn tɔ̀n léyi kɛ lɛ ẅɛn bɔ̀ nɛ̀nnyàn-bɔ̀, hɩ ye bi Mnasɔn, Shiprɛ̀n-wrɔn, nɛ̀n dú ankaẅì-bùtan-ẅɛn-wrɔn ɛnvra sheshe mɛ̀n.
Pɔlɛ̀n hɔ́n nyan Zhakɛ̀n
17Ɛnvra léyi bɔ̀ bru Zherüzalɛmɛ̀n anmàn nɔn, bɔ́ muan-ẅì hɔ̀n lɔ ẅɛn bɔ̀ pɔpüɛ̀ mɛ̀n. 18Ɛcɛ̀n cüe, bɔ́ mán Pɔlɛ̀n mɛhi bɔ̀ hɔ́n Zhakɛ̀n nanvrɛn, ɛyri léyi Ɔwɔ-wɔn-fɛcüè-cüìcüì-bɔ̀ kɛ borɛkru nɔn. 19Pɔlɛ̀n bi yɔ nyan kɩ kɛ dɔ́ yɔ cɛcɛ eci léyi Ɔwɔ hán n'ɔkɔ̀hɔ̀n-hán mɛ̀n lɔ tán anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn. 20Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n. 21Zɛtɛn nyàn ankà léyi yɛ dɔ́ yɔ nɔn: e yé Zhüifɛ̀n-bɔ̀ lɔ fɛn léyi dú fɛcüè nyantɛn mɛ̀n nɔn, kè teze Mohizɛ̀n nyànmàn lɔ; ɛ dɔ́ yɔ, yɔ bɩ́ wí y'ɛẅì hɔ̀n wúcɔ̀ domɛ̀n, ô yɔ bɩ́ hán Zhüifɛ̀n nyànmàn ci-hán-ci. 22Ecitan de bɔ́ lɛ hán nɛ́n? Yɔ lɛ yá le ɛ và. 23Zɛtɛn, ɛ̀ hán eci léyi bɔ́ lɛ yé mɛ́n nɔn. Ɛnu lɔ, bɔ̀ ẅɛn ɔmùan-wá-bɔ̀ anzɔ̀. 24È bɩ́ yɔ nyɛ́n hɔ̀n, ô è dú yɔ ɛmɛ̀n nyɛ́n hán ɛnyànmàn léyi yɛ wá tán nɔn, è di ɔwɔɛ̀n, ô yɛ kua yɔ ɛnkru. Ɔmu lɔ de anwrɔn lɔ fɛn ke le nyrì le ankà léyi yɛ dɔ́ v'ɛwú nɔn dú ɛyɔ̀n, tɛ́n vɛ́n mán è dú Mohizɛ̀n nyànmàn lɔ n'ɛwá mɛ̀n. 25Anwrɔn hɔ̀n léyi kè sɩ̀ dù Zhüifɛ̀n-bɔ̀ hɩ srɔ Zhezü sɛ̀nkɛn-bɔ̀ nɔn, bɔ̀ yüre yɔ owrú bɔ̀ dɔ́ yɔ b'ɔmùan wú ankà: ke sɩ́ ji le yɔ rá ecice nɔ̀n zriɛmɛ́n, ɛnɔ̀n léyi ye wri antamɛ̀n, n'ɛnkrɛ̀ mán, n'anẅia mán, ye bɩ́ rá; kɩ ke ji le yɔ wá y'edomɛ̀n esùva, eci léyi kè sɩ̀ dù eci-hán-ci nɔn tɛ̀sɛ̀n.”
26Zɛtɛn Pɔlɛ̀n bɩ́ ɔmùan-wá-bɔ̀ lɔ hɔ̀n, kɩ ɛnvra léyi ɛcɛ̀n cüe nɔn, nɛ́n mán yɔ mɛhi yɔ hán ɛnyànmàn-ci léyi dú edomɛ̀n fi ci nɔn. Nɛ̀n hɔ́n Ɔwɔ-cice-wɔn lɔ mɛ̀n, ô nɛ̀n dɔ́ yɔ ɛnbì léyi yɔ lɛ hán edomɛ̀n fi ci kɔhɔ̀n lɔ kɛ̀ trɔ nɔn, hɩ mɛ̀n kɛ dɔ̀ le, ɛnvra léyi ɔwrɔn wrɔn kɛ lɛ tán n'eci ceci lɔ nɔn.
Yɛ ẅɛn Pɔlɛ̀n Ɔwɔ-cice-wɔn lɔ mɛ̀n
27Ɛbi ɔbɔ̀ɛn léyi dú ecice kɔhɔ̀n-hán-bì nɔn, n'ɛtrɔmɛ̀n lɔ, Zhüifɛ̀n-bɔ̀ léyi dú Azi kpɔsɔ wú nɔn, kán Pɔlɛ̀n Ɔwɔ-cice-wɔn lɔ mɛ̀n. Yɔ wá fɛcüè ankà, kɩ ẅɛn nɛ̀n, 28kɩ yɔ di bobo yɔ dɔ̀ le: “Izraɛlɛ̀n-bɔ̀, nyɛ́n wá bɔ̀ ɛkɔrɛ̀! Nyàn ɔwrɔn léyi ke yé ɛyri lɔ fɛn anwrɔn ezì-kɛ́n-ankà tán Izraɛlɛ̀n fɛcüè, Mohizì nyànmàn mán Ɔwɔ-cice-wɔn ndɔ lɔ nɔn. Kɩ zɛtɛn nɛ̀n bɩ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, bru Ɔwɔ-cice-wɔn lɔ mɛ̀n, kɩ wá ɛyri prɔnprɔn ndɔ lɔ ɛnbrá edòmɛ̀n!” 29Annànwɔrɛ mɛ̀n, yɔ kán Efɛzɛ̀n-anmàn-wrɔn, Trofimɛ̀n mán Pɔlɛ̀n, anmàn lɔ, kɩ yɔ tro le Pɔlɛ̀n bɩ́ nɛ̀n bru Ɔwɔ-cice-wɔn lɔ mɛ̀n.
30Ɛdrɛ̀-ankà lɔ, bonyi anmàn mumù lɔ fɛn kɩ anwrɔn dú ɛyri lɔ fɛn nvà. Anwrɔn ẅɛn Pɔlɛ̀n kɩ wán nɛ̀n sɩ́ ɛntrɛ, kɩ ɛnvra zri lɔ yɔ sɛ́n Ɔwɔ-cice-wɔn lɔ esù.
31Yɔ ji ɛyri yɔ wri Pɔlɛ̀n, kɩ yɛ vá dɔ́ Rɔmɛ̀n gɔliɛ-bɔ̀ wrɔn cüìcüì lɔ le, Zherüzalɛmɛ̀n anmàn mumù lɔ dú ɛdrɛ̀ hán mɛ̀n. 32Kpatakpata lɔ, ɔwrɔn cüìcüì lɔ, bɩ́ gɔliɛ-bɔ̀ wá edomɛ̀n wrɔ́ fɛcüè hɔ̀n. Ɛnvra léyi yɔ kán gɔliɛ-bɔ̀ wrɔn cüìcüì lɔ mán gɔliɛ-bɔ̀ mɛhi nɔn, yɛ kɛ́n ɛkɔrɛ̀ hɛ́n, ye sɩ̀ vru gorɛ Pɔlɛ̀n hàn. 33Zɛtɛn ɔwrɔn cüìcüì lɔ sɔnba nɛ̀n ɛtɛ̀sɛ̀n, hán yɔ ẅɛn nɛ̀n kɩ wá tán le yɔ bɩ́ gbràka anhyrɛ̀ yɔ kora nɛ̀n; zɛtɛn ne yrɛ ɔwrɔn léyi dú yi mán eci léyi nɛ̀n hàn nɔn. 34Tɛ́n, fɛcüè lɔ mɛ̀n, anwrɔn janbɔ̀ kɛ dɔ́ yɔ tɛn, ndɔ hɔ̀n kɛ dɔ́ ɛnyantɛn. Anwrɔn lɔ mɛ̀n, ɔwrɔn cüìcüì lɔ, ke sɩ́ cɔ́ ankà kru; nɛ̀n wá tán yɔ sɩ́ Pɔlɛ̀n anwɔn-mɛ̀n-wá-wɔn mɛ̀n. 35Ɛnvra léyi Pɔlɛ̀n cɔ́ gbàngbi-mùan nɔn, goliɛ-bɔ̀ ẅɛn nɛ̀n antamɛ̀n 36ɔmuhi fɛcüè dú ɛjɔ̀kɔ̀ vriemɛ̀n, kɩ yɔ di bobo yɔ dɔ̀ le: “Ye wri nɛ̀n!”
Pɔlɛ̀n kɛ dɔ́ ankà tán n'edomɛ̀n
37Ɛnvra léyi yɛ lɛ hán Pɔlɛ̀n ke bru anwɔn-mɛ̀n-wá-wɔn lɔ mɛ̀n nɔn, nɛ dɔ́ goliɛ-bɔ̀ wrɔn cüìcüì lɔ le: “Ɛkɔrɛ̀-levri ke le dù ô mɛ̀n dɔ́ mɛ́n ankà hà?” Gɔliɛ-wrɔn lɔ ke yrɛ nɛ̀n le: “Ɛ yá grɛkɛ̀n hàn? 38È sɩ̀ dù Ezhiptɛ̀n-wrɔn ndɔ léyi ɛnvra buri tɔ̀n mɛ̀n wá ɛdrɛ̀ vri ɛyri, kɩ hán ɛdrɛ̀-hán-bɔ̀ tɛburi-kru anzɔ̀ hɔ́n ɛnnuẅì yɛ́ nɛ́n?” 39Pɔlɛ̀n mrɛ́n ɔmùan le: “Mɛ́n dú Zhüifɛ̀n-wrɔn, ye bî mɛ̀n Tarsɛ̀n anmàn, Silisi Kpɔsɔ wú, anmàn cüìcüì hi wú wrɔn. Ɛ̀ tán mɛ̀n ɛkɔrɛ̀-levri, mɛ sɛ́n mɛ́n, ô mɛ̀n dɔ́ fɛcüè ankà.” 40Gɔliɛ-bɔ̀ wrɔn cüìcüì lɔ tán nɛ̀n ɛkɔrɛ̀-levri. Pɔlɛ̀n, tɔhú nyɔn gbàngbi nán wú, hán fɛcüè ɛkɔrɛ̀ kɛ̀ kɛ́n ɔmùan kɛ̀ hɛ́n. Yɔ lɔ fɛn yɔ kɛ́n ɔmùan hɛ́n kɩ Pɔlɛ̀n dɔ́ yɔ ankà aramehɛ́n mɛ̀n:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.