2 Tesalonikɛ̀n anmàn-bɔ̀ 3
3
Nyɛ́n sɛ̀n nyɛ́n tán bɔ̀
1Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn. 2Nyɛ́n vru nyɛ́n sɛ́n Ɔwɔ kɛ̀ mrɛ́n bɔ̀ anwrɔn gbàngbàn hɔ̀n mán anbɔrɛ-bɔ̀ tamɛ̀n kɛ̀ sɔhɔ́. Ɔmuhi kè sɩ̀ dù anwrɔn lɔ fɛn de kè shrì ankaẅì-bùtan ankà lɔ kè bɩ́ɛ nɔn.
3Tɛ́n Ɛẅɛnwrɔn dú ɔmùan-zri-di-wrɔn. Nɛ lɛ tán nyɛ̀n edùsɔ kɩ nɛ lɛ mrɛ́n nyɛ̀n Ɔwrɔn gbàngbàn tamɛ̀n nɛ̀n sɔhɔ́. 4Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.
5Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.
Ɔkɔ̀hɔ̀n-hán dú ankà-krugbɔ
6Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci. 7Nyɛ́n dùku mán nyɛ́n nyri ɔmu le, ke ji le nyɛ́n bɩ́ bɔ́ sɛnpò lɔ. Ɔmuhi bɔ̀ sɩ̀ yɛ̀ ɛjɛmɛ̀n ny'anmàn lɔ nɔn. 8Bɔ̀ sɩ̀ sàn ɔwrɔn zriɛmɛ́n ɛci-zî kora; tɛ́n, bɔ̀ shri ɛgbànkàn mán edùkà, bɔ̀ hán ɔkɔ̀hɔ̀n ɛnnyran mán ɛcɛ̀n, ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n ny'ɛmɛ̀n lɔ. 9Bɔ̀ hán eci ndɔ lɔ, kè sɩ̀ dù hɩ le bɔ́ sɩ̀ ẅɛ̀n ny'ɛkɔrɛ̀-wá kɔrɛ̀levri, tɛ́n bɔ́ ji bɔ̀ tán nyɛ̀n sɛnpò léyi nyɛ lɛ nán esù ɛwú nɔn. 10Annanwɔrɛ mɛ̀n lɔ, ɛnvra léyi bɔ̀ dú ny'anmàn nɔn, bɔ́ bi-dɔ́ nyɛ̀n le: “Ɔwrɔn léyi ke sɩ́ ji kɛ hán ɔkɔ̀hɔ̀n nɔn, ke sɩ́ ji le nɛ̀n zî ɛci mán.”
11Tɛ́n bɔ́ yá le ny'ɛmɛ̀n lɔ, ndɔ hɔ̀n ẅɛn ɛjɛ́-wúvà, ke sɩ́ hán eci zriɛmɛ́n, ke dú kɛ kè sɩ̀ dù anwrɔn nyàntɛn ankà-mɛ̀n-bru kɔ̀hɔ̀n kɩ yɔ hán. 12Anwrɔn ɔmu hɔ̀n lɔ bɔ́ sán yɔ, bɔ́ wá tán yɔ eci-hán ndɔ lɔ Ɛẅɛnwrɔn Zhezü Krisì bɩmɛ̀n: yɔ hán ɔkɔ̀hɔ̀n ɛnvra lɔ fɛn, ô yɔ cɔ́ y'ɔmùanmɛ̀n ci-zî.
13Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n. 14Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn. 15Kɩ, nyɛ́n bɩ́ hán nɛ̀n egbri-wrɔn ci, tɛ́n nyɛ́n bi-dɔ́ nɛ̀n ɔwrɔn-nɛ́n-muan-ẅì mɛ̀n.
Ɛnshifù mán ebinyan
16Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.
17Mɛ́n dùku de mɛ̀n merɛ́n owrú ndɔ lɔ nɔn: Pɔlɛ̀n binyan. Nyàn ɔmu lɔ de me wá m'ɛwrú hɔ̀n lɔ fɛn ɛkɔrɛ̀ ɛmɛ̀n nɔn; Ɔmu lɔ de me merɛ́n owrú nɔn.
18Bɔ́ Ɛẅɛnwrɔn Zhezü Krisì nboafɔ̀n lɔ kè dú nyɛ̀n ɛmɛ̀n.
Currently Selected:
2 Tesalonikɛ̀n anmàn-bɔ̀ 3: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
2 Tesalonikɛ̀n anmàn-bɔ̀ 3
3
Nyɛ́n sɛ̀n nyɛ́n tán bɔ̀
1Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn. 2Nyɛ́n vru nyɛ́n sɛ́n Ɔwɔ kɛ̀ mrɛ́n bɔ̀ anwrɔn gbàngbàn hɔ̀n mán anbɔrɛ-bɔ̀ tamɛ̀n kɛ̀ sɔhɔ́. Ɔmuhi kè sɩ̀ dù anwrɔn lɔ fɛn de kè shrì ankaẅì-bùtan ankà lɔ kè bɩ́ɛ nɔn.
3Tɛ́n Ɛẅɛnwrɔn dú ɔmùan-zri-di-wrɔn. Nɛ lɛ tán nyɛ̀n edùsɔ kɩ nɛ lɛ mrɛ́n nyɛ̀n Ɔwrɔn gbàngbàn tamɛ̀n nɛ̀n sɔhɔ́. 4Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.
5Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.
Ɔkɔ̀hɔ̀n-hán dú ankà-krugbɔ
6Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci. 7Nyɛ́n dùku mán nyɛ́n nyri ɔmu le, ke ji le nyɛ́n bɩ́ bɔ́ sɛnpò lɔ. Ɔmuhi bɔ̀ sɩ̀ yɛ̀ ɛjɛmɛ̀n ny'anmàn lɔ nɔn. 8Bɔ̀ sɩ̀ sàn ɔwrɔn zriɛmɛ́n ɛci-zî kora; tɛ́n, bɔ̀ shri ɛgbànkàn mán edùkà, bɔ̀ hán ɔkɔ̀hɔ̀n ɛnnyran mán ɛcɛ̀n, ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n ny'ɛmɛ̀n lɔ. 9Bɔ̀ hán eci ndɔ lɔ, kè sɩ̀ dù hɩ le bɔ́ sɩ̀ ẅɛ̀n ny'ɛkɔrɛ̀-wá kɔrɛ̀levri, tɛ́n bɔ́ ji bɔ̀ tán nyɛ̀n sɛnpò léyi nyɛ lɛ nán esù ɛwú nɔn. 10Annanwɔrɛ mɛ̀n lɔ, ɛnvra léyi bɔ̀ dú ny'anmàn nɔn, bɔ́ bi-dɔ́ nyɛ̀n le: “Ɔwrɔn léyi ke sɩ́ ji kɛ hán ɔkɔ̀hɔ̀n nɔn, ke sɩ́ ji le nɛ̀n zî ɛci mán.”
11Tɛ́n bɔ́ yá le ny'ɛmɛ̀n lɔ, ndɔ hɔ̀n ẅɛn ɛjɛ́-wúvà, ke sɩ́ hán eci zriɛmɛ́n, ke dú kɛ kè sɩ̀ dù anwrɔn nyàntɛn ankà-mɛ̀n-bru kɔ̀hɔ̀n kɩ yɔ hán. 12Anwrɔn ɔmu hɔ̀n lɔ bɔ́ sán yɔ, bɔ́ wá tán yɔ eci-hán ndɔ lɔ Ɛẅɛnwrɔn Zhezü Krisì bɩmɛ̀n: yɔ hán ɔkɔ̀hɔ̀n ɛnvra lɔ fɛn, ô yɔ cɔ́ y'ɔmùanmɛ̀n ci-zî.
13Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n. 14Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn. 15Kɩ, nyɛ́n bɩ́ hán nɛ̀n egbri-wrɔn ci, tɛ́n nyɛ́n bi-dɔ́ nɛ̀n ɔwrɔn-nɛ́n-muan-ẅì mɛ̀n.
Ɛnshifù mán ebinyan
16Ɛẅɛnwrɔn léyi dú anwɔwɔ shi-bɛ nɔn, kɛ̀ tán nyɛ̀n nɛ́n dùku anwɔwɔ ɛnvra lɔ fɛn mɛ̀n mán eci lɔ fɛn mɛ̀n. Ɛẅɛnwrɔn kè dú nyɛ̀n ɛmɛ̀n.
17Mɛ́n dùku de mɛ̀n merɛ́n owrú ndɔ lɔ nɔn: Pɔlɛ̀n binyan. Nyàn ɔmu lɔ de me wá m'ɛwrú hɔ̀n lɔ fɛn ɛkɔrɛ̀ ɛmɛ̀n nɔn; Ɔmu lɔ de me merɛ́n owrú nɔn.
18Bɔ́ Ɛẅɛnwrɔn Zhezü Krisì nboafɔ̀n lɔ kè dú nyɛ̀n ɛmɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.