2 Korɛntɛ̀n anmàn-bɔ̀ 8
8
Eci-tán ɛnbɔrɛ anvrɛnvrɛn mɛ̀n
1Anwrɔn-nɛ́n-muan-ẅì hɔ̀n, bɔ́ ji nyɛ́n nyri ɔmu le Ɔwɔ boafɔ̀n yé n'edomɛ̀n Maseduhanɛ̀n kpɔsɔ wú Wɔ-fɛcüè-bɔ̀ mɛ̀n nɔn. 2Ɔmùan-zri-di-bɔ̀ cɔ́ nanvrɛn lɔ obòtò shishi; tɛ́n yɔ pɔ̀püɛ̀ dú evrisɩemɛ̀n, hán tán kɩ yɔ yé ɛnbɔrɛ anvrɛnvrɛn y'eci-tán mɛ̀n, tɛ́n yɔ dú ɛmian-bɔ̀ vri. 3Mɛ̀n dú yɔ dalɛfuɛ-di-wrɔn, yɔ tán hɩ le krɔn yɔ ɛkɔrɛ̀ mùan nɔn, kɩ vru fɛ ɛwú, kɩ ndɔ lɔ ɛnbɔrɛ zriemɛ̀n. 4Yɔ sɛ́n bɔ̀ bɔ̀ tán yɔ ɛkɔrɛ̀levri, ô yɔ mán yɔ wá ankaẅì-bùtan-ẅɛn-bɔ̀ léyi dú Zhüde kpɔsɔ wú nɔn ɛkɔrɛ̀. 5Yɔ hán vrán hɩ léyi bɔ̀ sɩ̀ sɛ̀ nɔn: yɔ gɔ́ bɩ́ y'edomɛ̀n yɔ tán Ɛẅɛnwrɔn kɩ zɛtɛn Ɔwɔ kɔrɛ̀levri mɛ̀n lɔ, yɔ bɩ́ y'edomɛ̀n yɔ tán bɔ̀. 6Hɩ le kruhú de bɔ̀ sɛ́n Titɛ̀n kɛ̀ hán eci-hán ndɔ lɔ kɛ̀ trɔ ɛnkru anvrɛnvrɛn ny'edúyri kɔrɛ̀-wá kɔ̀hɔ̀n ndɔ lɔ, hán ɔmu le nɛ̀n bú ɛnkru nɔn. 7Nyɛ́n di ɛnnɛ̀ncüì eci lɔ fɛn mɛ̀n: ankaẅì-bùtan, ankà-nyrì-dɔ̀, eci-nyrì, edùyì léyi ke sɩ̀ ẅɛ̀n ɛnkru mán ɛcüɛ̀n léyi bɔ̀ hán dú nyɛ̀n ɛmɛ̀n srɔ nɔn. Hɩ le kruhú de bɔ́ ji le nyɛ́n yé le nyɛ́n di ɛnnɛ̀ncüì ɛnbɔrɛ anvrɛnvrɛn kɔrɛ̀-wá-kɔ̀hɔ̀n ndɔ lɔ mɛ̀n.
8Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ. 9Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.
10Ɔmu lɔ, mɛ tán nyɛ̀n, m'ankà-tro ankà ndɔ lɔ wú: zrɔ tán le nyɛ́n ẅɛn ɛnbɔrɛ-ẅɛn-hɛ́n-sɛ́, nyɛ́n léyi ɛmɛẅi nànwàn lɔ, nyɛ́n dú ezì-hɛ́-bɔ̀, kɩ kè sɩ̀ dù eci-hán mɛ̀n tɛ̀kɩ, tɛ́n eci-wá hán mɛ̀n. 11Tɛ́n zɛtɛ̀ lɔ, nyɛ́n tro ɔkɔ̀hɔ̀n ndɔ lɔ n'ɛhán. Nyɛ́n bɩ́ edùyì anvrɛnvrɛn, nyɛ́n hán nɛ̀n, nɛ̀n trɔ, hán ɔmu le nyɛ́n wá n'ɛhán ci, kɩ ndɔ lɔ ny'ecüì kɔrɛ̀levri ci-hán mɛ̀n. 12Ɔmuhi ke dú kɛ ye bɩ́ ɛnbɔrɛ anvrɛnvrɛn eci-tán mɛ̀n, Ɔwɔ ke bɩ́ ecice lɔ, kɩ kɛ crɛnyan eci léyi yɛ ẅɛ̀n nɔn, kɩ kè sɩ̀ dù hɩ le ye sɩ̀ ẅɛ̀n hàn nɔn.
13Kè sɩ̀ dù hɩ le yɛ lɛ hán nyɛ̀n nyɛ́n dú eci-jiemɛ̀n, ô yɛ wá anwrɔn nyàntɛn ɛkɔrɛ̀, tɛ́n ke ji le eci lɔ fɛn kɛ̀ dú ɔkrɔn mɛ̀n. 14Ɛnvra ndɔ lɔ mɛ̀n, nyɛ́n dú ɛnbɔrɛ-bruemɛ̀n kɩ ɛkɔrɛ̀-levri dù nyɛ lɛ wá anwrɔn hɔ̀n léyi dú eci-jiemɛ̀n nɔn ɛkɔrɛ̀. Zɛtɛn, ke dú kɛ ɛnbí tɔ̀n, nye dú eci-jiemɛ̀n, kɩ yɔ dú ɛnbɔrɛ-bruemɛ̀n, ɛkɔrɛ̀-levri dù yɔ lɛ wá nyɛ̀n ɛkɔrɛ̀. Ɔmu lɔ de ɔkrɔn ke le dú eci lɔ fɛn mɛ̀n, 15hán ɔmu le Owrú Prɔnprɔn dɔ̀ nɔn hɔ́:
“Ɔwrɔn léyi bɔrɛ ɛci bobrebe ɛkru nɔn, nɛ̀n sɩ̀ ẅɛ̀n ɛci kɛ̀ fɛ ɛwú, kɩ ɔwrɔn léyi bɔrɛ ɛẅiɛ ɛkru nɔn, ɛci kè sɩ̀ ẅɛn nɛ̀n ɛmìan.”
Titɛ̀n mán n'ɛkɔrɛ̀-wá-bɔ̀
16Ɛmrɛ́n kè dú Ɔwɔ tɛn, nɛ́n léyi nɛ̀n wá Titɛ̀n edùyì edomɛ̀n, hán bɔ́ hɔ́, ny'ɛkruhú nɔn! 17Titɛ̀n shri bɔ́ eci-sán lɔ; nɛ̀n hán vrán ndɔ lɔ, edùyì yɩ́ nɛ̀n ɛmɛ̀n kɩ nɛ̀n wá ɛnbɔrɛ zri nɛ̀n hɔ́n ny'edúyri. 18Bɔ́ mán nɛ́n mɛhi bo yüre nyɛ̀n ɔwrɔn-nɛ́n-muan-ẅì léyi Ɔwɔ-fɛcüè lɔ fɛn kɛ mrɛ́n n'eci-hán mɛ̀n, Ɛmɛẅi ankà Ankrankran ci-bɩtan-kɔ̀hɔ́n lɔ mɛ̀n nɔn. 19Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.
20Bɔ́ sɩ́ ji yɛ dɔ́ ankà gbàngbàn ye ku bɔ̀ ɛwú, bɔ́ esùva-wá ci-hán ɔkùa vri ndɔ lɔ tɛ̀sɛ̀n. 21Bɔ́ sɩ́ ji bɔ̀ hán eci léyi kɛ cüɛn Ɛẅɛnwrɔn zri kɩ ɛvɛ̀, tɛ́n anwrɔnẅì mán.
22Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú. 23Hɩ le kɛ crɛ-nyan Titɛ̀n nɔn, nɛ̀n dú m'ɛyri-hɔ̀n-sɩ́-wrɔn, mán m'ɛkɔrɛ̀-wá-wrɔn ny'ɛtɛ̀sɛ̀n; kɩ anwrɔn-nɛ́n-muan-ẅì hɔ̀n ndɔ hɔ̀n léyi kɛ hɔ́n sɩ́ nɛ̀n ɛyri nɔn, yɔ dú Ɔwɔ fɛcüè hɔ̀n kɔ̀hɔ̀n-wá-bɔ̀ kɩ yɔ hán eci kè dú Krisì ci-zrɔ tɛn. 24Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.
Currently Selected:
2 Korɛntɛ̀n anmàn-bɔ̀ 8: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
2 Korɛntɛ̀n anmàn-bɔ̀ 8
8
Eci-tán ɛnbɔrɛ anvrɛnvrɛn mɛ̀n
1Anwrɔn-nɛ́n-muan-ẅì hɔ̀n, bɔ́ ji nyɛ́n nyri ɔmu le Ɔwɔ boafɔ̀n yé n'edomɛ̀n Maseduhanɛ̀n kpɔsɔ wú Wɔ-fɛcüè-bɔ̀ mɛ̀n nɔn. 2Ɔmùan-zri-di-bɔ̀ cɔ́ nanvrɛn lɔ obòtò shishi; tɛ́n yɔ pɔ̀püɛ̀ dú evrisɩemɛ̀n, hán tán kɩ yɔ yé ɛnbɔrɛ anvrɛnvrɛn y'eci-tán mɛ̀n, tɛ́n yɔ dú ɛmian-bɔ̀ vri. 3Mɛ̀n dú yɔ dalɛfuɛ-di-wrɔn, yɔ tán hɩ le krɔn yɔ ɛkɔrɛ̀ mùan nɔn, kɩ vru fɛ ɛwú, kɩ ndɔ lɔ ɛnbɔrɛ zriemɛ̀n. 4Yɔ sɛ́n bɔ̀ bɔ̀ tán yɔ ɛkɔrɛ̀levri, ô yɔ mán yɔ wá ankaẅì-bùtan-ẅɛn-bɔ̀ léyi dú Zhüde kpɔsɔ wú nɔn ɛkɔrɛ̀. 5Yɔ hán vrán hɩ léyi bɔ̀ sɩ̀ sɛ̀ nɔn: yɔ gɔ́ bɩ́ y'edomɛ̀n yɔ tán Ɛẅɛnwrɔn kɩ zɛtɛn Ɔwɔ kɔrɛ̀levri mɛ̀n lɔ, yɔ bɩ́ y'edomɛ̀n yɔ tán bɔ̀. 6Hɩ le kruhú de bɔ̀ sɛ́n Titɛ̀n kɛ̀ hán eci-hán ndɔ lɔ kɛ̀ trɔ ɛnkru anvrɛnvrɛn ny'edúyri kɔrɛ̀-wá kɔ̀hɔ̀n ndɔ lɔ, hán ɔmu le nɛ̀n bú ɛnkru nɔn. 7Nyɛ́n di ɛnnɛ̀ncüì eci lɔ fɛn mɛ̀n: ankaẅì-bùtan, ankà-nyrì-dɔ̀, eci-nyrì, edùyì léyi ke sɩ̀ ẅɛ̀n ɛnkru mán ɛcüɛ̀n léyi bɔ̀ hán dú nyɛ̀n ɛmɛ̀n srɔ nɔn. Hɩ le kruhú de bɔ́ ji le nyɛ́n yé le nyɛ́n di ɛnnɛ̀ncüì ɛnbɔrɛ anvrɛnvrɛn kɔrɛ̀-wá-kɔ̀hɔ̀n ndɔ lɔ mɛ̀n.
8Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ. 9Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.
10Ɔmu lɔ, mɛ tán nyɛ̀n, m'ankà-tro ankà ndɔ lɔ wú: zrɔ tán le nyɛ́n ẅɛn ɛnbɔrɛ-ẅɛn-hɛ́n-sɛ́, nyɛ́n léyi ɛmɛẅi nànwàn lɔ, nyɛ́n dú ezì-hɛ́-bɔ̀, kɩ kè sɩ̀ dù eci-hán mɛ̀n tɛ̀kɩ, tɛ́n eci-wá hán mɛ̀n. 11Tɛ́n zɛtɛ̀ lɔ, nyɛ́n tro ɔkɔ̀hɔ̀n ndɔ lɔ n'ɛhán. Nyɛ́n bɩ́ edùyì anvrɛnvrɛn, nyɛ́n hán nɛ̀n, nɛ̀n trɔ, hán ɔmu le nyɛ́n wá n'ɛhán ci, kɩ ndɔ lɔ ny'ecüì kɔrɛ̀levri ci-hán mɛ̀n. 12Ɔmuhi ke dú kɛ ye bɩ́ ɛnbɔrɛ anvrɛnvrɛn eci-tán mɛ̀n, Ɔwɔ ke bɩ́ ecice lɔ, kɩ kɛ crɛnyan eci léyi yɛ ẅɛ̀n nɔn, kɩ kè sɩ̀ dù hɩ le ye sɩ̀ ẅɛ̀n hàn nɔn.
13Kè sɩ̀ dù hɩ le yɛ lɛ hán nyɛ̀n nyɛ́n dú eci-jiemɛ̀n, ô yɛ wá anwrɔn nyàntɛn ɛkɔrɛ̀, tɛ́n ke ji le eci lɔ fɛn kɛ̀ dú ɔkrɔn mɛ̀n. 14Ɛnvra ndɔ lɔ mɛ̀n, nyɛ́n dú ɛnbɔrɛ-bruemɛ̀n kɩ ɛkɔrɛ̀-levri dù nyɛ lɛ wá anwrɔn hɔ̀n léyi dú eci-jiemɛ̀n nɔn ɛkɔrɛ̀. Zɛtɛn, ke dú kɛ ɛnbí tɔ̀n, nye dú eci-jiemɛ̀n, kɩ yɔ dú ɛnbɔrɛ-bruemɛ̀n, ɛkɔrɛ̀-levri dù yɔ lɛ wá nyɛ̀n ɛkɔrɛ̀. Ɔmu lɔ de ɔkrɔn ke le dú eci lɔ fɛn mɛ̀n, 15hán ɔmu le Owrú Prɔnprɔn dɔ̀ nɔn hɔ́:
“Ɔwrɔn léyi bɔrɛ ɛci bobrebe ɛkru nɔn, nɛ̀n sɩ̀ ẅɛ̀n ɛci kɛ̀ fɛ ɛwú, kɩ ɔwrɔn léyi bɔrɛ ɛẅiɛ ɛkru nɔn, ɛci kè sɩ̀ ẅɛn nɛ̀n ɛmìan.”
Titɛ̀n mán n'ɛkɔrɛ̀-wá-bɔ̀
16Ɛmrɛ́n kè dú Ɔwɔ tɛn, nɛ́n léyi nɛ̀n wá Titɛ̀n edùyì edomɛ̀n, hán bɔ́ hɔ́, ny'ɛkruhú nɔn! 17Titɛ̀n shri bɔ́ eci-sán lɔ; nɛ̀n hán vrán ndɔ lɔ, edùyì yɩ́ nɛ̀n ɛmɛ̀n kɩ nɛ̀n wá ɛnbɔrɛ zri nɛ̀n hɔ́n ny'edúyri. 18Bɔ́ mán nɛ́n mɛhi bo yüre nyɛ̀n ɔwrɔn-nɛ́n-muan-ẅì léyi Ɔwɔ-fɛcüè lɔ fɛn kɛ mrɛ́n n'eci-hán mɛ̀n, Ɛmɛẅi ankà Ankrankran ci-bɩtan-kɔ̀hɔ́n lɔ mɛ̀n nɔn. 19Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.
20Bɔ́ sɩ́ ji yɛ dɔ́ ankà gbàngbàn ye ku bɔ̀ ɛwú, bɔ́ esùva-wá ci-hán ɔkùa vri ndɔ lɔ tɛ̀sɛ̀n. 21Bɔ́ sɩ́ ji bɔ̀ hán eci léyi kɛ cüɛn Ɛẅɛnwrɔn zri kɩ ɛvɛ̀, tɛ́n anwrɔnẅì mán.
22Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú. 23Hɩ le kɛ crɛ-nyan Titɛ̀n nɔn, nɛ̀n dú m'ɛyri-hɔ̀n-sɩ́-wrɔn, mán m'ɛkɔrɛ̀-wá-wrɔn ny'ɛtɛ̀sɛ̀n; kɩ anwrɔn-nɛ́n-muan-ẅì hɔ̀n ndɔ hɔ̀n léyi kɛ hɔ́n sɩ́ nɛ̀n ɛyri nɔn, yɔ dú Ɔwɔ fɛcüè hɔ̀n kɔ̀hɔ̀n-wá-bɔ̀ kɩ yɔ hán eci kè dú Krisì ci-zrɔ tɛn. 24Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.