2 Korɛntɛ̀n anmàn-bɔ̀ 13
13
Ɛmɛẅitrɔ ankà-bi-dɔ̀ mán ebinyan
1Andɛ̀n anhɔnmɛ̀n de mɛ lɛ vá ny'edúyri nɔn. Hán ɔmu le ye merɛ́n nɔn: “Ke ji le yɛ dɔ́ ankà totɔtɔ̀n lɔ fɛn anwrɔn anhyrɛ̀ mán anhɔ̀n kè di dalɛfuɛ ankà lɔ mɛ̀n.” 2Mɛ̀n ẅɛn ankà-bi-dɔ̀ tɔ̀n mɛ lɛ tán anwrɔn hɔ̀n léyi hán ɛgbàn ɛnbiɛhɛ́n vra mán yɔ ndɔ hɔ̀n lɔ fɛn; mɛ́n gɔ̀ dɔ́ ankà ndɔ lɔ ɛnvra léyi mɛ̀n dú nyɛ̀n ɛmɛ̀n m'anhyrɛmɛ̀n yri và lɔ mɛ̀n ny'edúyri, tɛ́n mɛ̀n vru mɛ dɔ́ nyɛ̀n zɛtɛ̀ lɔ le mɛ́n sɩ̀ dú nyɛ̀n ɛmɛ̀n: ɛnbì nyàntɛn léyi mɛ lɛ và mɛ̀n kán nyɛ̀n nɔn, mɛ́n sɩ̀ wú ɔwrɔn zriɛmɛ́n ɛnhyɔ̀bɔ̀. 3Nye ji eci-hán léyi ke yé le Krisì kɛ dɔ́ ankà m'ɔmùan wú, kɩ nyɛ lɛ cɔ́ nɛ̀n. Krisì kè sɩ̀ dù ɛjɛ mɛ̀n ny'ɛtɛ̀sɛ̀n, tɛ́n ne yé n'ɛkɔrɛ̀-srɔn lɔ ny'anwanzi. 4Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.
5Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n. 6Tɛ́n, mɛ̀n ẅɛn esɛ́ le, nye le nyrì le, bɔ́ tɛ́n bɔ̀ sɩ̀ dù ɛzɛ́n mɛ̀n. 7Bɔ́ sɛ́n Ɔwɔ, ô nyɛ́n bɩ́ hán eci gbangbàn zriɛmɛ́n; bɔ́ sɩ́ ji bɔ̀ yé nanvrɛn lɔ, bɔ́ eci-anvrɛnvrɛn-hán, tɛ́n bɔ́ ji bɔ̀ kán nyɛ̀n nyɛ́n hán eci anvrɛnvrɛn, kɩ ke dú kɛ bɔ́ dú ɛzɛ́n mɛ̀n mán. 8Ɔmuhi bɔ́ sɩ̀ hán eci zriɛmɛ́n kɛ̀ kɛ́n Ɔwɔ ankà annanwɔrɛ lɔ ezì, n'eci de ke ji le bɔ̀ hán nɔn. 9Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n. 10Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.
11Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.
12Nyɛ́n bi ny'edomɛ̀n nyɛ́n nyan ɔwrɔn-nɛ́n-muan-ẅì mùan-sɔ́n mɛ̀n.
Ankaẅì-bùtan-ẅɛn-bɔ̀ lɔ fɛn ke yüre nyɛ̀n y'ebinyan.
13Ɛẅɛnwrɔn Zhezü Krisì nboafɔ̀n, Ɔwɔ cüɛ̀n mán Ɛnhɛ́n Prɔnprɔn bɔ̀sɔ̀ kɛ̀ cɔ́ nyɛ̀n mɛhi nyɛ́n dù.
Currently Selected:
2 Korɛntɛ̀n anmàn-bɔ̀ 13: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
2 Korɛntɛ̀n anmàn-bɔ̀ 13
13
Ɛmɛẅitrɔ ankà-bi-dɔ̀ mán ebinyan
1Andɛ̀n anhɔnmɛ̀n de mɛ lɛ vá ny'edúyri nɔn. Hán ɔmu le ye merɛ́n nɔn: “Ke ji le yɛ dɔ́ ankà totɔtɔ̀n lɔ fɛn anwrɔn anhyrɛ̀ mán anhɔ̀n kè di dalɛfuɛ ankà lɔ mɛ̀n.” 2Mɛ̀n ẅɛn ankà-bi-dɔ̀ tɔ̀n mɛ lɛ tán anwrɔn hɔ̀n léyi hán ɛgbàn ɛnbiɛhɛ́n vra mán yɔ ndɔ hɔ̀n lɔ fɛn; mɛ́n gɔ̀ dɔ́ ankà ndɔ lɔ ɛnvra léyi mɛ̀n dú nyɛ̀n ɛmɛ̀n m'anhyrɛmɛ̀n yri và lɔ mɛ̀n ny'edúyri, tɛ́n mɛ̀n vru mɛ dɔ́ nyɛ̀n zɛtɛ̀ lɔ le mɛ́n sɩ̀ dú nyɛ̀n ɛmɛ̀n: ɛnbì nyàntɛn léyi mɛ lɛ và mɛ̀n kán nyɛ̀n nɔn, mɛ́n sɩ̀ wú ɔwrɔn zriɛmɛ́n ɛnhyɔ̀bɔ̀. 3Nye ji eci-hán léyi ke yé le Krisì kɛ dɔ́ ankà m'ɔmùan wú, kɩ nyɛ lɛ cɔ́ nɛ̀n. Krisì kè sɩ̀ dù ɛjɛ mɛ̀n ny'ɛtɛ̀sɛ̀n, tɛ́n ne yé n'ɛkɔrɛ̀-srɔn lɔ ny'anwanzi. 4Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.
5Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n. 6Tɛ́n, mɛ̀n ẅɛn esɛ́ le, nye le nyrì le, bɔ́ tɛ́n bɔ̀ sɩ̀ dù ɛzɛ́n mɛ̀n. 7Bɔ́ sɛ́n Ɔwɔ, ô nyɛ́n bɩ́ hán eci gbangbàn zriɛmɛ́n; bɔ́ sɩ́ ji bɔ̀ yé nanvrɛn lɔ, bɔ́ eci-anvrɛnvrɛn-hán, tɛ́n bɔ́ ji bɔ̀ kán nyɛ̀n nyɛ́n hán eci anvrɛnvrɛn, kɩ ke dú kɛ bɔ́ dú ɛzɛ́n mɛ̀n mán. 8Ɔmuhi bɔ́ sɩ̀ hán eci zriɛmɛ́n kɛ̀ kɛ́n Ɔwɔ ankà annanwɔrɛ lɔ ezì, n'eci de ke ji le bɔ̀ hán nɔn. 9Bɔ́ brá pɔpüɛ̀ ɛnvra léyi bɔ́ dú ɛjɛ mɛ̀n nɔn, tɛ́n nyɛ́n dú ecüì-ẅɛn mɛ̀n. Hɩ le kruhú de bɔ́ sán b'Ɔwɔ-sɛ̀n lɔ mɛ̀n, ô nyɛ́n krɔn kpehɛ́n. 10Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.
11Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.
12Nyɛ́n bi ny'edomɛ̀n nyɛ́n nyan ɔwrɔn-nɛ́n-muan-ẅì mùan-sɔ́n mɛ̀n.
Ankaẅì-bùtan-ẅɛn-bɔ̀ lɔ fɛn ke yüre nyɛ̀n y'ebinyan.
13Ɛẅɛnwrɔn Zhezü Krisì nboafɔ̀n, Ɔwɔ cüɛ̀n mán Ɛnhɛ́n Prɔnprɔn bɔ̀sɔ̀ kɛ̀ cɔ́ nyɛ̀n mɛhi nyɛ́n dù.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.