Kpàkpà timote 6
6
1Anwrɔn hɔ̀n léyi dú anwɔ̀n-bɔ̀ nɔn, ke ji le yɔ tán y'ankà-yé-bɔ̀ lɔ ɛwá lɔ fɛn léyi dú yɔ tɛn nɔn, ô ɔwrɔn zriɛmɛ́n ke bɩ́ dɔ́ ɔwɔra-ankà kɛ̀ tán Ɔwɔ bi lɔ mán b'ankà-yé lɔ. 2Ke dú kɛ y'ankà-yé-bɔ̀ lɔ dú ankaẅìbùtan-ẅɛn-bɔ̀, ke sɩ́ ji le y'anwɔ̀n-bɔ̀ lɔ kɛ̀ hán yɔ wawa, ɔmuhi yɔ dú yɔ muan ẅì hɔ̀n nɔn. Tɛ́n ke ji le anwɔ̀n-bɔ̀ lɔ, kè dú y'ankà-yé-bɔ̀ ci-bɩ̀tan-bɔ̀ anvrɛnvrɛn, ɔmuhi y'ankà-yé-bɔ̀ lɔ, dú ankaẅì-bùtan-ẅɛn-bɔ̀ léyi Ɔwɔ kɛ cüɛ̀n nɔn.
Anhyɔ̀n wɔ hɔ̀n ankà-dɔ̀ mán ɛnnɛ̀ncüì-dì annanwɔrɛ
Nyàn eci léyi ke ji le è yé, ô ɛ̀ wá tán nɔn. 3Ke dú kɛ ɔwrɔn tɔ̀n ke yé Ɔwɔ ankà nyantɛn, ke dú kɛ nɛ cɔ́hɔ́ bɔ́ Ɛẅɛnwrɔn Zhezü Krisì ankà-dɔ̀ annanwɔrɛ levri wú mán ankà-yé léyi dú b'ankaẅìbùtan lɔ wú nɔn, 4nɛ̀n dú tùtre-wrɔn mán ɔbrɔ̀sà-wrɔn léyi kɛ̀ sɩ̀ nyrì eci zriɛmɛ́n nɔn. Ecüìwrɔn mán ankà-sí lɔẅiɛ dú nɛ̀n edòmɛ̀n ankà-dɔ̀ wú. Nanvrɛn de yɛ cɔ́ ecüì-hi-kɔ̀n, ɛjìkɔ̀n, ɛwora, ɔwrɔn ankàtro-gbàngbàn-ẅɛ̀n, 5mán ecüìwrɔn léyi kè sɩ̀ ẅɛ̀n ɛnkrutrɔ hɩ dú anwrɔn hɔ̀n léyi ẅɛn ɛyɔ̀n hɛ́n dú angranmɛ̀n, kɩ ankaẅì annànwɔrɛ ankà zrɛ́n yɔ ɛnkruemɛ̀n nɔn. Yɔ tro le, Ɔwɔ mɛ̀n ankaẅì-bùtan ẅɛ̀n lɔ, dú eci léyi kɛ tán ɛnnɛncüì-dì nɔn.
6Annànwɔrɛ mɛ̀n lɔ, Ɔwɔ mɛ̀n ankaẅìbùtan ẅɛ̀n lɔ dú ɛnnɛ̀ncüì-dì vri, ke dú kɛ eci léyi ɛ ẅɛ̀n nɔn kɩ, ke dú v'ɛvɛ̀ cüɛn-ci. 7Annànwɔrɛ mɛ̀n lɔ, bɔ̀ sɩ̀ sɩ̀ eci zriɛmɛ́n ɛnhibù ndɔ lɔ wú, kɩ bɔ̀ sɩ̀ ẅɛ̀n eci zriɛmɛ́n, hɩ b'á bɩ bɔ̀ hɔ̀n nɔn. 8Tɛ́n ke dú kɛ bɔ̀ ẅɛn ɛcizî mán edùkuci, ndɔ lɔ kɛ lɛ krɔn bɔ̀. 9Tɛ́n anwrɔn hɔ̀n léyi ke ji kè di ɛnnɛ̀ncüì nɔn, ke bru ɔwɔɛ̀n-nyan mɛ̀n, kɩ kɛ hán tán, yɔ bru ɔbrɔ̀sà ankà-tro gbàngbàn brobebe tanwrɔn mɛ̀n, kɩ ke sɩ́ anwrɔnẅì ɛmian mɛ̀n mán ɛzrɛ́n mɛ̀n. 10Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.
Ankà wá tán
11Tɛ́n vɛ́n, Ɔwɔ-wrɔn, e bɩ́ hán ndɔ lɔ fɛn. È ji ɛnyrɔnnan, Ɔwɔ-tɛsɛ̀n-sɔ̀nba, ankaẅìbùtan, ɛcüɛ̀n, ɛnbɔrɛ-ẅɛ̀n-hɛ́n mán ɛnbɔrɛ-wɔ̀. 12Ɛ̀ kɔ́n ankaẅìbùtan ankrànkràn jì; è bɩ́ ɛwúvà léyi ke sɩ́ trɔa nɔn, ɔmuhi Ɔwɔ bi mɛ́n ô è nyri ɛwúvà ndɔ lɔ ɛnvra léyi ɛ̀ dɔ́ v'ankaẅìbùtan ẅɛn ankà dalɛfuɛ-di-bɔ̀ bobrebe zìwú nɔn. 13Ɔwɔ zìwú, nɛ́n léyi nɛ tán eci lɔ fɛn ɔkɔrɛ̀ wúvà mán Zhezü Krisì zìwú, nɛ́n léyi Pilatɛ̀n zìwú, nɛ̀n dɔ́ nɛ́n dalɛfue-di ankà ankrankran ankaẅìbùtan ẅɛ̀n wú nɔn, mɛ wá tán mɛ́n le: 14Ɛ̀ wá ɛnyanmàn léyi ɛ cɔ̀ nɔn, ɛ̀ ẅɛn nɛ̀n ɛ̀ hɛ́n ɛfifiemɛ̀n, ɛnbrá ke bɩ́ dú nɛ̀n edomɛ̀n hàn kɩ kɛ̀ cɔ̀ ɛnbɩ̀ léyi bɔ́ Ɛẅɛnwrɔn Zhezü Krisì kɛ lɛ srɔ nɔn. 15Krisì và bì ndɔ lɔ kɛ lɛ cɔ̀, ɛnvra léyi Ɔwɔ wá tán nɔn, nɛ́n léyi nɛ́n dú ɛyri-ẅɛnwrɔn zri lɔ nɔn, ɛnbɔrɛ-bru shi-bɛ́, ɛnnɛ̀ncüì hɔ̀n Nɛ̀ncüì mán ɛẅɛn-bɔ̀ lɔ fɛn y'Ɛẅɛnwrɔn nɔn. 16Nɛ́n zri kɩ nɛ́n sɩ́ wúɛ, nɛ̀n sɔ́n ebɩ́ ɛyrikàn tɔ̀n mɛ̀n, ɛyrikàn léyi ɔwrɔnẅì zriɛmɛ́n ke sɩ̀ sɔ̀nba ɛtɛsɛ̀n rɔ́ nɔn. Ɔwrɔnẅì zriɛmɛ́n kɛ vá kán nɛ̀n mrìmrì kɩ ke sɩ̀ kán nɛ̀n rɔ́. Ɛmrɛ́n mán ɛkɔrɛ̀-srɔn léyi kè sɩ̀ ẅɛ̀n ɛnkrutrɔ nɔn, dú nɛ tɛn! Kè dú ɔmu lɔ.
17Ɛ̀ wá tán anwrɔn hɔ̀n léyi ẅɛn ɛnhibù wú nɛ̀ncüì-di-ci hɔ̀n lɔ nɔn, yɔ bɩ́ hán tùtre ci; ɛ̀ dɔ́ yɔ yɔ bɩ́ bɩ́ y'esɛ́ lɔ yɔ wá ɛnnɛ̀ncüì-di-ci ndɔ hɔ̀n léyi dú eci vàcí ci nɔn mɛ̀n, tɛ́n Ɔwɔ mɛ̀n, nɛ́n léyi nɛ tán eci lɔ fɛn kɩ nɛ́n sɩ́ wɔɛn hán nɔn, ô bɔ́ dú ɛnbɔrɛbruemɛ̀n. 18Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀. 19Ɔmu lɔ, yɔ borɛ anvrɛn hán ankrankran ɛkru, kè dú ɛnvra-trɔ mùan mɛ̀n tɛn, ô yɔ cɔ́ annanwɔrɛ wúvà-kɔrɛ̀. 20Annyran anvrɛn Timote, ɛ̀ hɛ́n esùva-wá mɛ̀n, eci léyi yɛ wá mɛ́n antamɛ̀n nɔn. È teze ɛdrɛ̀ woro hɔ̀n léyi kɛ kɛ́n ankaẅìbùtan ankà ezì nɔn, e bɩ́ mrɛ́n ɔmùan ankà lɔ fɛn mɛ̀n, ɛ dɔ́ le, ɛ̀ ẅɛn ɛnkruemɛ̀n. 21Annànwɔrɛ mɛ̀n lɔ, anwrɔn ndɔ hɔ̀n ke tro le yɔ ẅɛn ɛnkruemɛ̀n, kɩ yɔ cɔ́hɔ́ ankaẅì-bùtan levri wú.
Ɔwɔ boafɔ̀n kɛ̀ và dú nyɛ̀n ɛmɛ̀n.
Currently Selected:
Kpàkpà timote 6: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Kpàkpà timote 6
6
1Anwrɔn hɔ̀n léyi dú anwɔ̀n-bɔ̀ nɔn, ke ji le yɔ tán y'ankà-yé-bɔ̀ lɔ ɛwá lɔ fɛn léyi dú yɔ tɛn nɔn, ô ɔwrɔn zriɛmɛ́n ke bɩ́ dɔ́ ɔwɔra-ankà kɛ̀ tán Ɔwɔ bi lɔ mán b'ankà-yé lɔ. 2Ke dú kɛ y'ankà-yé-bɔ̀ lɔ dú ankaẅìbùtan-ẅɛn-bɔ̀, ke sɩ́ ji le y'anwɔ̀n-bɔ̀ lɔ kɛ̀ hán yɔ wawa, ɔmuhi yɔ dú yɔ muan ẅì hɔ̀n nɔn. Tɛ́n ke ji le anwɔ̀n-bɔ̀ lɔ, kè dú y'ankà-yé-bɔ̀ ci-bɩ̀tan-bɔ̀ anvrɛnvrɛn, ɔmuhi y'ankà-yé-bɔ̀ lɔ, dú ankaẅì-bùtan-ẅɛn-bɔ̀ léyi Ɔwɔ kɛ cüɛ̀n nɔn.
Anhyɔ̀n wɔ hɔ̀n ankà-dɔ̀ mán ɛnnɛ̀ncüì-dì annanwɔrɛ
Nyàn eci léyi ke ji le è yé, ô ɛ̀ wá tán nɔn. 3Ke dú kɛ ɔwrɔn tɔ̀n ke yé Ɔwɔ ankà nyantɛn, ke dú kɛ nɛ cɔ́hɔ́ bɔ́ Ɛẅɛnwrɔn Zhezü Krisì ankà-dɔ̀ annanwɔrɛ levri wú mán ankà-yé léyi dú b'ankaẅìbùtan lɔ wú nɔn, 4nɛ̀n dú tùtre-wrɔn mán ɔbrɔ̀sà-wrɔn léyi kɛ̀ sɩ̀ nyrì eci zriɛmɛ́n nɔn. Ecüìwrɔn mán ankà-sí lɔẅiɛ dú nɛ̀n edòmɛ̀n ankà-dɔ̀ wú. Nanvrɛn de yɛ cɔ́ ecüì-hi-kɔ̀n, ɛjìkɔ̀n, ɛwora, ɔwrɔn ankàtro-gbàngbàn-ẅɛ̀n, 5mán ecüìwrɔn léyi kè sɩ̀ ẅɛ̀n ɛnkrutrɔ hɩ dú anwrɔn hɔ̀n léyi ẅɛn ɛyɔ̀n hɛ́n dú angranmɛ̀n, kɩ ankaẅì annànwɔrɛ ankà zrɛ́n yɔ ɛnkruemɛ̀n nɔn. Yɔ tro le, Ɔwɔ mɛ̀n ankaẅì-bùtan ẅɛ̀n lɔ, dú eci léyi kɛ tán ɛnnɛncüì-dì nɔn.
6Annànwɔrɛ mɛ̀n lɔ, Ɔwɔ mɛ̀n ankaẅìbùtan ẅɛ̀n lɔ dú ɛnnɛ̀ncüì-dì vri, ke dú kɛ eci léyi ɛ ẅɛ̀n nɔn kɩ, ke dú v'ɛvɛ̀ cüɛn-ci. 7Annànwɔrɛ mɛ̀n lɔ, bɔ̀ sɩ̀ sɩ̀ eci zriɛmɛ́n ɛnhibù ndɔ lɔ wú, kɩ bɔ̀ sɩ̀ ẅɛ̀n eci zriɛmɛ́n, hɩ b'á bɩ bɔ̀ hɔ̀n nɔn. 8Tɛ́n ke dú kɛ bɔ̀ ẅɛn ɛcizî mán edùkuci, ndɔ lɔ kɛ lɛ krɔn bɔ̀. 9Tɛ́n anwrɔn hɔ̀n léyi ke ji kè di ɛnnɛ̀ncüì nɔn, ke bru ɔwɔɛ̀n-nyan mɛ̀n, kɩ kɛ hán tán, yɔ bru ɔbrɔ̀sà ankà-tro gbàngbàn brobebe tanwrɔn mɛ̀n, kɩ ke sɩ́ anwrɔnẅì ɛmian mɛ̀n mán ɛzrɛ́n mɛ̀n. 10Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.
Ankà wá tán
11Tɛ́n vɛ́n, Ɔwɔ-wrɔn, e bɩ́ hán ndɔ lɔ fɛn. È ji ɛnyrɔnnan, Ɔwɔ-tɛsɛ̀n-sɔ̀nba, ankaẅìbùtan, ɛcüɛ̀n, ɛnbɔrɛ-ẅɛ̀n-hɛ́n mán ɛnbɔrɛ-wɔ̀. 12Ɛ̀ kɔ́n ankaẅìbùtan ankrànkràn jì; è bɩ́ ɛwúvà léyi ke sɩ́ trɔa nɔn, ɔmuhi Ɔwɔ bi mɛ́n ô è nyri ɛwúvà ndɔ lɔ ɛnvra léyi ɛ̀ dɔ́ v'ankaẅìbùtan ẅɛn ankà dalɛfuɛ-di-bɔ̀ bobrebe zìwú nɔn. 13Ɔwɔ zìwú, nɛ́n léyi nɛ tán eci lɔ fɛn ɔkɔrɛ̀ wúvà mán Zhezü Krisì zìwú, nɛ́n léyi Pilatɛ̀n zìwú, nɛ̀n dɔ́ nɛ́n dalɛfue-di ankà ankrankran ankaẅìbùtan ẅɛ̀n wú nɔn, mɛ wá tán mɛ́n le: 14Ɛ̀ wá ɛnyanmàn léyi ɛ cɔ̀ nɔn, ɛ̀ ẅɛn nɛ̀n ɛ̀ hɛ́n ɛfifiemɛ̀n, ɛnbrá ke bɩ́ dú nɛ̀n edomɛ̀n hàn kɩ kɛ̀ cɔ̀ ɛnbɩ̀ léyi bɔ́ Ɛẅɛnwrɔn Zhezü Krisì kɛ lɛ srɔ nɔn. 15Krisì và bì ndɔ lɔ kɛ lɛ cɔ̀, ɛnvra léyi Ɔwɔ wá tán nɔn, nɛ́n léyi nɛ́n dú ɛyri-ẅɛnwrɔn zri lɔ nɔn, ɛnbɔrɛ-bru shi-bɛ́, ɛnnɛ̀ncüì hɔ̀n Nɛ̀ncüì mán ɛẅɛn-bɔ̀ lɔ fɛn y'Ɛẅɛnwrɔn nɔn. 16Nɛ́n zri kɩ nɛ́n sɩ́ wúɛ, nɛ̀n sɔ́n ebɩ́ ɛyrikàn tɔ̀n mɛ̀n, ɛyrikàn léyi ɔwrɔnẅì zriɛmɛ́n ke sɩ̀ sɔ̀nba ɛtɛsɛ̀n rɔ́ nɔn. Ɔwrɔnẅì zriɛmɛ́n kɛ vá kán nɛ̀n mrìmrì kɩ ke sɩ̀ kán nɛ̀n rɔ́. Ɛmrɛ́n mán ɛkɔrɛ̀-srɔn léyi kè sɩ̀ ẅɛ̀n ɛnkrutrɔ nɔn, dú nɛ tɛn! Kè dú ɔmu lɔ.
17Ɛ̀ wá tán anwrɔn hɔ̀n léyi ẅɛn ɛnhibù wú nɛ̀ncüì-di-ci hɔ̀n lɔ nɔn, yɔ bɩ́ hán tùtre ci; ɛ̀ dɔ́ yɔ yɔ bɩ́ bɩ́ y'esɛ́ lɔ yɔ wá ɛnnɛ̀ncüì-di-ci ndɔ hɔ̀n léyi dú eci vàcí ci nɔn mɛ̀n, tɛ́n Ɔwɔ mɛ̀n, nɛ́n léyi nɛ tán eci lɔ fɛn kɩ nɛ́n sɩ́ wɔɛn hán nɔn, ô bɔ́ dú ɛnbɔrɛbruemɛ̀n. 18Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀. 19Ɔmu lɔ, yɔ borɛ anvrɛn hán ankrankran ɛkru, kè dú ɛnvra-trɔ mùan mɛ̀n tɛn, ô yɔ cɔ́ annanwɔrɛ wúvà-kɔrɛ̀. 20Annyran anvrɛn Timote, ɛ̀ hɛ́n esùva-wá mɛ̀n, eci léyi yɛ wá mɛ́n antamɛ̀n nɔn. È teze ɛdrɛ̀ woro hɔ̀n léyi kɛ kɛ́n ankaẅìbùtan ankà ezì nɔn, e bɩ́ mrɛ́n ɔmùan ankà lɔ fɛn mɛ̀n, ɛ dɔ́ le, ɛ̀ ẅɛn ɛnkruemɛ̀n. 21Annànwɔrɛ mɛ̀n lɔ, anwrɔn ndɔ hɔ̀n ke tro le yɔ ẅɛn ɛnkruemɛ̀n, kɩ yɔ cɔ́hɔ́ ankaẅì-bùtan levri wú.
Ɔwɔ boafɔ̀n kɛ̀ và dú nyɛ̀n ɛmɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.