1 Tesalonikɛ̀n anmàn-bɔ̀ 5
5
1Anwrɔn-nɛ́n-muan-ẅì hɔ̀n, ɛci hɔ̀n léyi kɛ lɛ wɔ̀ɛn nɔn hɩ wú lɔ, kè sɩ̀ ẅɛ̀n n'owrú merɛ́n, ô nyɛ́n nyri n'ɛnvra mán nɛ́n wacɛ̀n. 2Ɔmuhi nyɛ́n dùku nyɛ́n nyri anvrɛnvrɛn le, Ɛẅɛnwrɔn vá bì lɔ kɛ lɛ ẅɛn nmù kɛ lɛ hán ɛci-yerɛ-wrɔn léyi kɛ vá ɛnnyran nɔn. 3Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú. 4Tɛ́n nyɛ́n, anwrɔn-nɛ́n-muan-ẅì hɔ̀n, nyɛ́n sɩ̀ dù ɛyri yɔwɔ mɛ̀n kokroho, hɩ ɛnbì ndɔ lɔ ká ẅɛn nyɛ̀n nmù kɛ̀ hán ɛci-yerɛ-wrɔn hɔ́ nɔn. 5Nyɛ lɛ fɛn, annanwɔrɛ mɛ̀n lɔ, nyɛ́n dú ɛyri-kàn kɔrɛ̀levriemɛ̀n, nyɛ́n dú ɛcɛ̀n pupu tɛn. Bɔ̀ sɩ̀ dù ɛnnyran mán ɛyri-yɔwɔ kɔrɛ̀levri wú. 6Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a. 7Ndà-dá-bɔ̀ lɔ, ɛnnyran de yɔ di ndà, kɩ ɛntàn-mi-bɔ̀ lɔ, ɛnnyran de yɔ kɔ́n ɛntàn nɔn. 8Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro. 9Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n. 10Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn. 11Ɔmu lɔ, nyɛ́n yɩ́ ny'edomɛ̀n edù, ô nyɛ́n tán ny'edomɛ̀n ecüì ankaẅì-bùtan mɛ̀n, hán ɔmu le nyɛ́n gɔ̀ hán nɔn.
Ɛmɛẅitrɔ ankà-yé mán ebinyan
12Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn. 13Nyɛ́n yé yɔ ɛcüɛ̀n bobrebe, ɔkɔ̀hɔ̀n léyi yɔ hán nɔn hɩ kruhú. Yɔ mɛhi nyɛ́n dú anwɔwɔ mɛ̀n.
14Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n. 15Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.
16Nyɛ́n dú ɛnvra lɔ fɛn pɔpüɛ̀ mɛ̀n, 17nyɛ́n sɛ́n ɛnvra lɔ fɛn, 18nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.
19Nyɛ́n bɩ́ kɛ́n Ɛnhɛ́n Prɔnprɔn kɔ̀hɔ̀n lɔ nyɛ́n hɛ́n hán; 20nyɛ́n bɩ́ kɔrɔa Ɔwɔ-mùan-ankà-dɔ̀ léyi kɛ vá nyɛ̀n ɛnkruemɛ̀n nɔn. 21Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn, 22ô nyɛ́n wá ny'edomɛ̀n esùva eci-gbàngbàn totɔtɔ̀n lɔ fɛn tɛ̀sɛ̀n.
23Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn. 24Ɔwrɔn léyi ke bi nyɛ̀n nɔn, kɛ lɛ sá eci ndɔ lɔ nmù ɔmuhi nɛ̀n dú ɔmùan-zri-di-wrɔn nɔn.
25Anwrɔn-nɛ́n-muan-ẅì hɔ̀n, bɔ́ mán nyɛ́n sɛ̀n nyɛ́n tán bɔ̀.
26Nyɛ́n tán ɔwrɔn-nɛ́n-muan-ẅì hɔ̀n lɔ fɛn ebinyan ɔwrɔn-nɛ́n-muan-ẅì mùan-sɔ́n mɛ̀n.
27Mɛ sɛ́n nyɛ̀n Ɛẅɛnwrɔn bɩmɛ̀n: nyɛ́n krɛ́ owrú ndɔ lɔ nyɛ́n tán anwrɔn-nɛ́n-muan-ẅì hɔ̀n lɔ fɛn kɛ̀ yá.
28Ɛẅɛnwrɔn Zhezü Krisì shifù lɔ kɛ̀ và dú nyɛ̀n ɛmɛ̀n.
Currently Selected:
1 Tesalonikɛ̀n anmàn-bɔ̀ 5: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Tesalonikɛ̀n anmàn-bɔ̀ 5
5
1Anwrɔn-nɛ́n-muan-ẅì hɔ̀n, ɛci hɔ̀n léyi kɛ lɛ wɔ̀ɛn nɔn hɩ wú lɔ, kè sɩ̀ ẅɛ̀n n'owrú merɛ́n, ô nyɛ́n nyri n'ɛnvra mán nɛ́n wacɛ̀n. 2Ɔmuhi nyɛ́n dùku nyɛ́n nyri anvrɛnvrɛn le, Ɛẅɛnwrɔn vá bì lɔ kɛ lɛ ẅɛn nmù kɛ lɛ hán ɛci-yerɛ-wrɔn léyi kɛ vá ɛnnyran nɔn. 3Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú. 4Tɛ́n nyɛ́n, anwrɔn-nɛ́n-muan-ẅì hɔ̀n, nyɛ́n sɩ̀ dù ɛyri yɔwɔ mɛ̀n kokroho, hɩ ɛnbì ndɔ lɔ ká ẅɛn nyɛ̀n nmù kɛ̀ hán ɛci-yerɛ-wrɔn hɔ́ nɔn. 5Nyɛ lɛ fɛn, annanwɔrɛ mɛ̀n lɔ, nyɛ́n dú ɛyri-kàn kɔrɛ̀levriemɛ̀n, nyɛ́n dú ɛcɛ̀n pupu tɛn. Bɔ̀ sɩ̀ dù ɛnnyran mán ɛyri-yɔwɔ kɔrɛ̀levri wú. 6Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a. 7Ndà-dá-bɔ̀ lɔ, ɛnnyran de yɔ di ndà, kɩ ɛntàn-mi-bɔ̀ lɔ, ɛnnyran de yɔ kɔ́n ɛntàn nɔn. 8Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro. 9Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n. 10Krisì wú bɔ́ kruhú, ô nɛ̀n hán bɔ̀, bɔ́ mán nɛ́n mɛhi bɔ̀ kɔrɛ̀ bɔ̀ dù, ke dú kɛ bɔ́ dú ɔkɔrɛ-bɔ̀ mɛ̀n, kɩ bɔ́ dú owú-bɔ̀ mɛ̀n mán, ɛnvra léyi nɛ lɛ và nɔn. 11Ɔmu lɔ, nyɛ́n yɩ́ ny'edomɛ̀n edù, ô nyɛ́n tán ny'edomɛ̀n ecüì ankaẅì-bùtan mɛ̀n, hán ɔmu le nyɛ́n gɔ̀ hán nɔn.
Ɛmɛẅitrɔ ankà-yé mán ebinyan
12Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn. 13Nyɛ́n yé yɔ ɛcüɛ̀n bobrebe, ɔkɔ̀hɔ̀n léyi yɔ hán nɔn hɩ kruhú. Yɔ mɛhi nyɛ́n dú anwɔwɔ mɛ̀n.
14Bɔ́ wá tán nyɛ̀n, anwrɔn-nɛ́n-muan-ẅì hɔ̀n: nyɛ́n dɔ́ ɛjɛ́-bɔ̀ ankà, nyɛ́n yɩ́ ɛnjansu-bɔ̀ edù, nyɛ́n wá edùka-bɔ̀ ɛkɔrɛ̀, nyɛ́n ẅɛn ɛnbɔrɛ nyɛ́n hɛ́n yɔ lɛ fɛn y'ɛtɛ̀sɛ̀n. 15Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.
16Nyɛ́n dú ɛnvra lɔ fɛn pɔpüɛ̀ mɛ̀n, 17nyɛ́n sɛ́n ɛnvra lɔ fɛn, 18nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.
19Nyɛ́n bɩ́ kɛ́n Ɛnhɛ́n Prɔnprɔn kɔ̀hɔ̀n lɔ nyɛ́n hɛ́n hán; 20nyɛ́n bɩ́ kɔrɔa Ɔwɔ-mùan-ankà-dɔ̀ léyi kɛ vá nyɛ̀n ɛnkruemɛ̀n nɔn. 21Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn, 22ô nyɛ́n wá ny'edomɛ̀n esùva eci-gbàngbàn totɔtɔ̀n lɔ fɛn tɛ̀sɛ̀n.
23Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn. 24Ɔwrɔn léyi ke bi nyɛ̀n nɔn, kɛ lɛ sá eci ndɔ lɔ nmù ɔmuhi nɛ̀n dú ɔmùan-zri-di-wrɔn nɔn.
25Anwrɔn-nɛ́n-muan-ẅì hɔ̀n, bɔ́ mán nyɛ́n sɛ̀n nyɛ́n tán bɔ̀.
26Nyɛ́n tán ɔwrɔn-nɛ́n-muan-ẅì hɔ̀n lɔ fɛn ebinyan ɔwrɔn-nɛ́n-muan-ẅì mùan-sɔ́n mɛ̀n.
27Mɛ sɛ́n nyɛ̀n Ɛẅɛnwrɔn bɩmɛ̀n: nyɛ́n krɛ́ owrú ndɔ lɔ nyɛ́n tán anwrɔn-nɛ́n-muan-ẅì hɔ̀n lɔ fɛn kɛ̀ yá.
28Ɛẅɛnwrɔn Zhezü Krisì shifù lɔ kɛ̀ và dú nyɛ̀n ɛmɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.