1 Korɛntɛ̀n anmàn-bɔ̀ 2
2
Yɛ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà
1Anwrɔn-nɛ́n-muan-ẅì hɔ̀n, ɛnvra léyi mɛ̀n hɔ́n nyɛ̀n ɛnyan-yri, ô mɛ̀n sɩ́ Ɔwɔ ankɔ́nda-ci-hán ankà-bán-ankà lɔ ɛwú mɛ̀n tán nyɛ̀n nyɛ́n nyrì nɔn, mɛ̀n sɩ̀ dɔ́ nyɛ̀n ankà ɛnbrɛ̀ shishiemɛ̀n mán ankà-nyrì vriemɛ̀n. 2Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn. 3Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú; 4m'ankà-yé mán m'ankà-dɔ̀ ke sɩ́ cá anwrɔnẅiemɛ̀n ankà-nyrì ankà-dɔ̀, tɛ́n Ɔwɔ Hɛ́n Prɔnprɔn kɔrɛ̀-srɔn de kɛ tán ankà-yé ndɔ lɔ n'ankaẅì-bùtan nɔn. 5Ɔmu lɔ de, ny'ankaẅì-bùtan lɔ kè sɩ̀ dù anwrɔnẅì ankà-nyri mɛ̀n kɛ̀ vá, tɛ́n Ɔwɔ kɔrɛ̀-srɔn mɛ̀n.
Ɔwɔ ankà-nyrì
6Kɩ, Ɔwɔ ankà-nyrì de me yé Krisì-sɛ̀nkɛn-bɔ̀ léyi Ɛnhɛ́n Prɔnprɔn mɛ̀n anvɛmɛ̀n cüe nɔn. Tɛ́n kè sɩ̀ dù ɛnhibù wú ankà-nyrì mán ɛkɔrɛ̀-srɔn-bɔ̀ ankà-nyrì léyi ẅɛn ɛyri ɛnhibù ndɔ lɔ wú, hɩ dú eci-jrɛ́-ci nɔn. 7Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn. 8Ɛnhibù ndɔ lɔ n'ɛkɔrɛ̀-srɔn hɔ̀n lɔ nzriɛmɛ́n kɛ vá nyri ankà-nyrì ndɔ lɔ. Kè dú kɛ́ yɔ nyri nɛ̀n hô, yɔ sɩ̀ gɔ́n eci-zrɔ nɛ́n zi léyi dú Ɛẅɛnwrɔn nɔn yɛ brɛ́ ɛgbàn-hán-tɛ̀ domɛ̀n. 9Tɛ́n, hán ɔmu le Owrú Prɔnprɔn kɛ dɔ̀ nɔn:
“Eci léyi ɔwrɔnẅì zriɛmɛ́n kɛ vá kàn, hɩ kɛ vá yá,
ankà léyi ɔwrɔnẅì zriɛmɛ́n kɛ vá tro,
Ɔwɔ hán tán anwrɔn hɔ̀n léyi ẅɛn n'ɛcüɛ̀n nɔn.”
10Tɛ́n, bɔ́ de Ɔwɔ yé bɔ̀ ankà-bán-ankà ndɔ lɔ Ɛnhɛ́n Prɔnprɔn cüìemɛ̀n nɔn. Annanwɔrɛ mɛ̀n lɔ, Ɛnhɛ́n Prɔnprɔn ẅɛn ɛkɔrɛ̀-levri kɛ lɛ crɛ́n Ɔwɔ mùan-wá-ci hɔ̀n lɔ mɛ̀n, annannan le yɔ hɔ̀n léyi zeze dú ɛbán vriemɛ̀n nɔn. 11Ɔwrɔnẅì mɛ̀n lɔ, nɛ́n dùku n'ɛnhɛ́n zri kɩ nyri ankà-tro hɔ̀n léyi dú nɛ̀n ɛmɛ̀n; ɔmu zri lɔ, Ɔwɔ Hɛ́n zri kɩ nyri Ɔwɔ ankà-tro hɔ̀n lɔ. 12Bɔ́ tɛn, bɔ̀ sɩ̀ cɔ̀ ɛnhibù ndɔ lɔ n'ɛnhɛ́n; tɛ́n bɔ̀ cɔ́ ɛnhɛ́n léyi dú Ɔwɔ yri và nɔn, ô bɔ̀ nyri anvrɛn hɔ̀n léyi Ɔwɔ tán bɔ̀ nɔn. 13Kɩ bɔ́ dɔ́ n'ankà, kɩ kè sɩ̀ dù ɛnbrɛ̀ léyi ɔwrɔnẅì ankà-nyrì ke yé nɔn hɩ mɛ̀n, tɛ́n ɛnbrɛ̀ léyi Ɔwɔ Hɛ́n ke yé nɔn, hɩ mɛ̀n. Ɔmu lɔ de bɔ́ dɔ́ anwrɔn hɔ̀n léyi ẅɛn Ɛnhɛ́n ndɔ lɔ nɔn, Ɛnhɛ́n Prɔnprɔn ankà annanwɔrɛ hɔ̀n lɔ fɛn, hɩ mɛ̀n ankà nɔn.
14Ɔwrɔn léyi ke sɩ́ ẅɛn esɛ́ nɛ́n dùku n'ankà-nyrì wú nɔn, ɔwrɔn ndɔ lɔ ke sɩ̀ bɩ́ annanwɔrɛ ankà hɔ̀n léyi Ɔwɔ Hɛ́n ke yüre nɛ̀n nɔn: Ɔwɔ Hɛ́n annanwɔrɛ ankà ndɔ lɔ dú nmù-ci-hán tán nɛ̀n; nɛ́n sɩ̀ nyri hɩ ɛmɛ̀n rɔ́, ɔmuhɩ, Ɔwɔ Hɛ́n mɛ̀n de ye le nyri n'ɛmɛ̀n nɔn. 15Ɔwrɔn léyi ẅɛn Ɔwɔ Hɛ́n nɔn, ke le nyri eci lɔ fɛn, tɛ́n ɔwrɔnẅì zriɛmɛ́n ke sɩ̀ ci nɛ̀n ɛmrɛ̀n rɔ́. 16Annanwɔrɛ mɛ̀n lɔ, ye merɛ́n le:
“Antɔnwrɔn nyri Ɛẅɛnwrɔn ankà-tro hɛ̀?
Antɔnwrɔn de kɛ lɛ kran ankà kè yé nɛ̀n nɛ́n?”
Tɛ́n bɔ́, bɔ̀ ẅɛn Krisì ankà-tro lɔ.
Currently Selected:
1 Korɛntɛ̀n anmàn-bɔ̀ 2: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Korɛntɛ̀n anmàn-bɔ̀ 2
2
Yɛ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà
1Anwrɔn-nɛ́n-muan-ẅì hɔ̀n, ɛnvra léyi mɛ̀n hɔ́n nyɛ̀n ɛnyan-yri, ô mɛ̀n sɩ́ Ɔwɔ ankɔ́nda-ci-hán ankà-bán-ankà lɔ ɛwú mɛ̀n tán nyɛ̀n nyɛ́n nyrì nɔn, mɛ̀n sɩ̀ dɔ́ nyɛ̀n ankà ɛnbrɛ̀ shishiemɛ̀n mán ankà-nyrì vriemɛ̀n. 2Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn. 3Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú; 4m'ankà-yé mán m'ankà-dɔ̀ ke sɩ́ cá anwrɔnẅiemɛ̀n ankà-nyrì ankà-dɔ̀, tɛ́n Ɔwɔ Hɛ́n Prɔnprɔn kɔrɛ̀-srɔn de kɛ tán ankà-yé ndɔ lɔ n'ankaẅì-bùtan nɔn. 5Ɔmu lɔ de, ny'ankaẅì-bùtan lɔ kè sɩ̀ dù anwrɔnẅì ankà-nyri mɛ̀n kɛ̀ vá, tɛ́n Ɔwɔ kɔrɛ̀-srɔn mɛ̀n.
Ɔwɔ ankà-nyrì
6Kɩ, Ɔwɔ ankà-nyrì de me yé Krisì-sɛ̀nkɛn-bɔ̀ léyi Ɛnhɛ́n Prɔnprɔn mɛ̀n anvɛmɛ̀n cüe nɔn. Tɛ́n kè sɩ̀ dù ɛnhibù wú ankà-nyrì mán ɛkɔrɛ̀-srɔn-bɔ̀ ankà-nyrì léyi ẅɛn ɛyri ɛnhibù ndɔ lɔ wú, hɩ dú eci-jrɛ́-ci nɔn. 7Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn. 8Ɛnhibù ndɔ lɔ n'ɛkɔrɛ̀-srɔn hɔ̀n lɔ nzriɛmɛ́n kɛ vá nyri ankà-nyrì ndɔ lɔ. Kè dú kɛ́ yɔ nyri nɛ̀n hô, yɔ sɩ̀ gɔ́n eci-zrɔ nɛ́n zi léyi dú Ɛẅɛnwrɔn nɔn yɛ brɛ́ ɛgbàn-hán-tɛ̀ domɛ̀n. 9Tɛ́n, hán ɔmu le Owrú Prɔnprɔn kɛ dɔ̀ nɔn:
“Eci léyi ɔwrɔnẅì zriɛmɛ́n kɛ vá kàn, hɩ kɛ vá yá,
ankà léyi ɔwrɔnẅì zriɛmɛ́n kɛ vá tro,
Ɔwɔ hán tán anwrɔn hɔ̀n léyi ẅɛn n'ɛcüɛ̀n nɔn.”
10Tɛ́n, bɔ́ de Ɔwɔ yé bɔ̀ ankà-bán-ankà ndɔ lɔ Ɛnhɛ́n Prɔnprɔn cüìemɛ̀n nɔn. Annanwɔrɛ mɛ̀n lɔ, Ɛnhɛ́n Prɔnprɔn ẅɛn ɛkɔrɛ̀-levri kɛ lɛ crɛ́n Ɔwɔ mùan-wá-ci hɔ̀n lɔ mɛ̀n, annannan le yɔ hɔ̀n léyi zeze dú ɛbán vriemɛ̀n nɔn. 11Ɔwrɔnẅì mɛ̀n lɔ, nɛ́n dùku n'ɛnhɛ́n zri kɩ nyri ankà-tro hɔ̀n léyi dú nɛ̀n ɛmɛ̀n; ɔmu zri lɔ, Ɔwɔ Hɛ́n zri kɩ nyri Ɔwɔ ankà-tro hɔ̀n lɔ. 12Bɔ́ tɛn, bɔ̀ sɩ̀ cɔ̀ ɛnhibù ndɔ lɔ n'ɛnhɛ́n; tɛ́n bɔ̀ cɔ́ ɛnhɛ́n léyi dú Ɔwɔ yri và nɔn, ô bɔ̀ nyri anvrɛn hɔ̀n léyi Ɔwɔ tán bɔ̀ nɔn. 13Kɩ bɔ́ dɔ́ n'ankà, kɩ kè sɩ̀ dù ɛnbrɛ̀ léyi ɔwrɔnẅì ankà-nyrì ke yé nɔn hɩ mɛ̀n, tɛ́n ɛnbrɛ̀ léyi Ɔwɔ Hɛ́n ke yé nɔn, hɩ mɛ̀n. Ɔmu lɔ de bɔ́ dɔ́ anwrɔn hɔ̀n léyi ẅɛn Ɛnhɛ́n ndɔ lɔ nɔn, Ɛnhɛ́n Prɔnprɔn ankà annanwɔrɛ hɔ̀n lɔ fɛn, hɩ mɛ̀n ankà nɔn.
14Ɔwrɔn léyi ke sɩ́ ẅɛn esɛ́ nɛ́n dùku n'ankà-nyrì wú nɔn, ɔwrɔn ndɔ lɔ ke sɩ̀ bɩ́ annanwɔrɛ ankà hɔ̀n léyi Ɔwɔ Hɛ́n ke yüre nɛ̀n nɔn: Ɔwɔ Hɛ́n annanwɔrɛ ankà ndɔ lɔ dú nmù-ci-hán tán nɛ̀n; nɛ́n sɩ̀ nyri hɩ ɛmɛ̀n rɔ́, ɔmuhɩ, Ɔwɔ Hɛ́n mɛ̀n de ye le nyri n'ɛmɛ̀n nɔn. 15Ɔwrɔn léyi ẅɛn Ɔwɔ Hɛ́n nɔn, ke le nyri eci lɔ fɛn, tɛ́n ɔwrɔnẅì zriɛmɛ́n ke sɩ̀ ci nɛ̀n ɛmrɛ̀n rɔ́. 16Annanwɔrɛ mɛ̀n lɔ, ye merɛ́n le:
“Antɔnwrɔn nyri Ɛẅɛnwrɔn ankà-tro hɛ̀?
Antɔnwrɔn de kɛ lɛ kran ankà kè yé nɛ̀n nɛ́n?”
Tɛ́n bɔ́, bɔ̀ ẅɛn Krisì ankà-tro lɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.