1 Korɛntɛ̀n anmàn-bɔ̀ 15
15
Krisì wúemɛ̀n-dùfrɔ́
1Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn. 2N'ɛmɛ̀n de nyɛ lɛ cɔ́ ebɩ̀die, ke dú kɛ nyɛ ẅɛn nɛ̀n nyɛ hɛ́n hán ɔmu le mɛ̀n dɔ́ nyɛ̀n nɔn hɔ́; kè sɩ̀ dù ɔmu lɔ hô, nyɛ lɛ ẅɛn ankaẅì-bùtan woro. 3Eci lɔ fɛn hán mɛ̀n, mɛ̀n tán nyɛ̀n ankà-yé ndɔ léyi mɛ́n mumù mɛ́n cɔ̀ nɔn: Krisì wú bɔ́ ɛgbàn kruhú hán ɔmu le Ɛwrú Prɔnprɔn hɔ̀n ndɔ̀ nɔn; 4yɛ wá nɛ̀n ezhe nànmàn mɛ̀n kɩ nɛ̀n vru nɛ̀n vá ɛwúvà mɛ̀n ɛbi anhɔnmɛ̀n bì lɔ, hán ɔmu le Ɛwrú Prɔnprɔn hɔ̀n ndɔ̀ nɔn; 5Nɛ̀n bɩ́ n'edomɛ̀n nɛ̀n yé Piɛrɛ̀n mán ɔkɔ̀hɔ̀n-wá-bɔ̀ ɛvà-anhyrɛ̀ hɔ̀n lɔ fɛn. 6Zɛtɛn, nɛ̀n vru nɛ̀n bɩ́ n'edomɛn nɛ̀n yé ɛnvra zri lɔ mɛ̀n, n'ɛsɛ̀nkɛn-bɔ̀ ɛkoẅi-ɛnrì-d'ɛnrì nvrán; y'ɛmɛ̀n lɔ ndɔ hɔ̀n dú ɔkɔrɛ-bɔ̀ mɛ̀n, tɛ́n ɛnjanbɔ̀ nwù. 7Zɛtɛn, nɛ̀n bɩ́ n'edomɛ̀n nɛ̀n yé Zhakɛ̀n mán ɔkɔ̀hɔ̀n-wá-bɔ̀ lɔ fɛn. 8Ɔtrɔmɛ̀n lɔ, y'ɛmɛẅi lɔ, nɛ̀n bɩ́ n'edomɛ̀n nɛ̀n yé mɛ̀n, kɩ mɛ́n dù mɛ̀n hán okù-cá-mɛ̀n-ẅì hɔ́. 9Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn. 10Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn. 11Ɔmu lɔ, ke dú mɛ̀n hô, ke dú yɔ hô, nyàn ankà léyi bɔ́ dɔ̀, nyàn ankà léyi nyɛ́n bù tán ankaẅì nɔn.
B'owúemɛ̀n-dùfrɔ́
12Bɔ́ dɔ̀ le Krisì dú owú-bɔ̀ mɛ̀n vru và: anwɔntan de zɛtɛn ny'ɛmɛ̀n lɔ anwrɔn janbɔ̀ kɛ lɛ dɔ̀ le owú-bɔ̀ ke sɩ̀ vru vá ɔkɔrɛ-bɔ̀ mɛ̀n nɛ́n? 13Ke dú kɛ ɔmu lɔ de dù nɔn hô, Krisì mán kè sɩ̀ dù owúemɛ̀n kɛ̀ frɔ́a; 14kɩ ke dú kɛ Krisì kè sɩ̀ dù owúemɛ̀n kɛ̀ frɔ́a hô, bɔ̀ sɩ̀ ẅɛ̀n ankà-dɔ̀ zriɛmɛ́n, kɩ nyɛ́n mán nyɛ́n sɩ̀ ẅɛ̀n ankaẅì-bùtan eci zriɛmɛ́n wú. 15Ɔmu lɔ ke yé tán le bɔ́ dú ɛyɔ̀n-dalɛfuɛ-di-bɔ̀ Ɔwɔ tɛ̀sɛ̀n, ɔmuhi bɔ́ dɔ̀ le nɛ̀n hán Krisì frɔ́; tɛ́n nɛ̀n sɩ̀ hàn eci lɔ, ke dú kɛ annànwɔrɛ mɛ̀n lɔ owú-bɔ̀ ke sɩ́ frɔ́a. 16Ɔmuhi ke dú kɛ owú-bɔ̀ ke sɩ́ frɔ́a hô, Krisì mán kɛ̀ sɩ̀ dù owúemɛ̀n kɛ̀ frɔ́a. 17Kɩ ke dú kɛ Krisì kè sɩ̀ dù owúemɛ̀n kɛ̀ frɔa, ny'ankaẅì-bùtan lɔ dú eci-vàci-ci, kɩ nyɛ́n vru nyɛ́n dú ny'ɛgbàn hɔ̀n wanzi. 18Ke vru kɛ dɔ̀ le anwrɔn hɔ̀n léyi wú Krisì ankaẅì-bùtan mɛ̀n nɔn, dú ɛzrɛ́n-bɔ̀. 19Ke dú kɛ bɔ̀ bɩ́ bɔ́ esɛ́ bɔ̀ wá Krisì mɛ̀n ɛwúvà ndɔ lɔ kruhú kɩ, zɛtɛn bɔ́ nyri ɔmu le bɔ̀ ẅɛn obòtò vrán anwrɔnẅì lɔ fɛn. 20Tɛ́n annanwɔrɛ mɛ̀n lɔ, Krisì dú owú-bɔ̀ mɛ̀n vru vá ɔkɔrɛ-bɔ̀ mɛ̀n, kɩ ɔmu lɔ ne yé tán le anwrɔn hɔ̀n léyi nwù nɔn mán kɛ lɛ frɔ́. 21Ɔmuhi, ɔmu zri léyi owù ci ɔwrɔn tɔ̀n mɛ̀n nvà nɔn, hɩ zri lɔ, owúemɛ̀n-dùfrɔ́ mán ci ɔwrɔn tɔ̀n mɛ̀n nvà. 22Anwrɔnẅì lɔ fɛn ke wù, ɔmuhi yɔ mán Adamɛ̀n mɛhi yɔ bɔsɔ̀, ɔmu zri lɔ yɔ lɛ fɛn yɔ lɛ cɔ́ ɛwúvà, ɔmuhi yɔ dú Krisì bɔ̀sɔ̀ lɔ mɛ̀n nɔn, 23tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn. 24Zɛtɛn ɛmɛẅitrɔ vra kɛ lɛ cɔ̀: Krisì kɛ lɛ jrɛ́ ɛkɔrɛ̀levri lɔ fɛn, ɛkɔrɛ̀levri-yri-ẅɛ̀n lɔ fɛn mán ɛnhɛ́n mɛ̀n kɔrɛ̀srɔn lɔ fɛn, kɩ ne le bɩ́ Ɛnnɛ̀ncüì-dúyri lɔ nɛ̀n wá nɛ́n Zi Ɔwɔ antamɛ̀n. 25Ɔmuhi ke ji le Krisì kɛ̀ ẅɛn ɛyri hàn kɩ kɛ̀ krɔn ɛnvra léyi Ɔwɔ kɛ lɛ hán n'egbri-bɔ̀ lɔ fɛn kè cüe nɛ̀n annantrɛ̀ mɛ̀n hán nɔn. 26Ɛmɛẅitrɔ gbri-wrɔn léyi yɛ lɛ jrɛ́ nɔn dú owù. 27Annanwɔrɛ mɛ̀n lɔ ye merɛ́n le: “Ɔwɔ cüe nɛ̀n eci lɔ fɛn annantrɛ̀ mɛ̀n.” Tɛ́n nyɛ́n nyrì le, ankà-dɔ̀ ndɔ lɔ “Eci lɔ fɛn” ke sɩ́ wá Ɔwɔ ɛmɛ̀n, nɛ́n léyi nɛ wá eci lɔ fɛn Krisì antamɛ̀n nɔn. 28Ɛnvra léyi ɛci hɔ̀n lɔ fɛn ke le dú Krisì kɔrɛ̀levri wú nɔn, zɛtɛn, nɛ́n dùku, ɛnẅì, ne le sɩ́ n'edomɛ̀n ɛnhi nɛ̀n tán Ɔwɔ léyi bɩ́ eci lɔ fɛn wá nɛ̀n antamɛ̀n nɔn; Ɔmu lɔ de Ɔwɔ kɛ lɛ ẅɛn ɛyri anvrɛnvrɛn mɛ̀n eci lɔ fɛn wú nɔn. 29Nyɛ́n vru nyɛ́n tro anwrɔn hɔ̀n léyi kɛ hán yɛ wá yɔ ɛnshi ɛnkru yɔ tán owú-bɔ̀ nɔn y'ankà: esɛ́ ci tán de yɔ lɛ cɔ̀ nɛ́n? Ke dú kɛ annanwɔrɛ mɛ̀n owú-bɔ̀ ke sɩ́ frɔa, cɛci kruhú kɛ yɔ hán yɛ wá yɔ ɛnshi ɛnkru yɔ tán owú-bɔ̀ lɔa? 30Kɩ bɔ́ dùku mán, cɛci kruhú kɛ ɛnvra lɔ fɛn bɔ́ nyɔn ɛgbàn zìwúɛ nɛ́n? 31Anwrɔn-nɛ́n-muan-ẅì hɔ̀n, ɛnbì lɔ fɛn, mɛ nyɔ́n owù zìwú: dú annanwɔrɛ, annanwɔrɛ zri léyi kɛ tán mɛ̀n ɔmùan-gbù ny'ɛwú, bɔ́ Ɛẅɛnwrɔn Zhezü Krisì mɛhi b'ɔbɔ̀sɔ̀ lɔ mɛ̀n nɔn. 32Ke dú kɛ ke dú anwrɔnẅì domɛ̀n ankà kruhú de mɛ lɛ kɔ́n ovú-nɔ̀n anhà, ɛnu Efɛzɛ̀n anmàn, vɔ̀nshɛ́ tán de mɛ lɛ cɔ́ n'ɛwú nɛ́n? Ke dú kɛ owú-bɔ̀ ke sɩ́ frɔ́a, zɛtɛn, hán ɔmu le yɛ dɔ̀ nɔn, “Bɔ́ zî ɛci, ô bɔ́ mi ɛnshi, ɔmuhi ɛnɛ̀n lɔ bɔ́ le wù nɔn”. 33Nyɛ́n bɩ́ zɛ́n ankà ndɔ lɔ mɛ̀n: “Ɛnyrankru sùgbàn gbàngbàn dì dú esùnàn ankrànkràn léyi kɛ hɔ́n ɛjrɛmɛ̀n nɔn.” 34Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.
Ɔfrɔ́-bɔ̀ dùwrú
35Tɛ́n, ye le yrɛ le: “Anwɔntan de ɔwú-bɔ̀ kɛ hán kɛ frɔ́ nɛ́n? Edùwrú tán de yɔ lɛ ẅɛ̀n nɛ́n?” 36Ɔbrɔ̀sà-wrɔn léyi dú mɛ́n nɔn! Ɛnvra léyi ɛ tɛ́ ɛtɛ̀-ẅì tɔ̀n, ɛtɛ̀-ẅì lɔ ke sɩ̀ srɔ ɛtɛ̀ rɔ́, ke dú kɛ nɛ̀n sɩ̀ wù ɛnhibɩ́. 37Eci léyi ɛ tɛ̀ nɔn, dú ɛtɛ̀-ẅì kora tɔ̀n, ke le dú dùdu ẅì, ɛnvra tɔ̀n hô ɛtɛ̀-ẅì nyàntɛn tɔ̀n, kɩ kè sɩ̀ dù ɛtɛ̀ dùku léyi ke le dì nɔn. 38Zɛtɛn, Ɔwɔ kɛ tán ɛtɛ̀-ẅì ndɔ lɔ ɛkɔrɛ̀-levri kɛ srɔ ɛtɛ̀ léyi ne ji nɔn; ɛtɛ̀-ẅì mán n'ɛtɛ̀ mɛhi. 39Ɔkɔrɛ-ci hɔ̀n lɔ fɛn kè sɩ̀ ẅɛ̀n anẅia zri: anwrɔnẅì tɛn lɔ ke sɩ́ cá annɔn hɔ̀n tɛn, ɛnyàntɛn dú annrɛ́n hɔ̀n tɛ́n lɔ, kɩ ɛnyàntɛn vru dú ancàn hɔ̀n tɛn lɔ. 40Anhobɩ́ dùwrú mán ndù kɩ ɛnhibù wú tɛn mán ndù; anhobɩ́ dùwrú hɔ̀n lɔ ẅɛn ɛgbrɛ́n léyi ɛnhibù wú dùwrú kè sɩ̀ ẅɛ̀n hàn nɔn. 41Ɛnbri ẅɛn nɛ́n dùku n'ɛgbrɛ́n, okù ẅɛn ɛnyàntɛn kɩ okùcankrò hɔ̀n mán vru ẅɛn ɛnyàntɛn; kɩ okùcànkrò hɔ̀n mɛ̀n mán, nzri zri ẅɛn y'ɛgbrɛ́n. 42Ke le dù kɛ lɛ hán ɔmu zri lɔ, ɛnvra léyi owú-bɔ̀ kɛ lɛ frɔ́ nɔn. Ɛnvra léyi yɛ wá edùwrú ɛnhibɩ́ nɔn, nɛ̀n dú owú ci; ɛnvra léyi nɛ lɛ frɔ́ nɔn, nɛ́n sɩ̀ vru wùɛ. 43Ɛnvra léyi yɛ wá nɛ̀n ɛnhibɩ́ nɔn, nɛ̀n ẅɛn ɛnhyɔ̀bɔ̀ mán ɛjɛ̀; ɛnvra léyi nɛ lɛ frɔ́ nɔn, ne le dú eci-zrɔ mɛ̀n mán ecüì-ẅɛn mɛ̀n. 44Ɛnvra léyi yɛ wá nɛ̀n ɛnhibɩ́ nɔn, nɛ̀n dú antà-hiẅia; ɛnvra léyi nɛ lɛ frɔ́ nɔn, ke le dú edùwrú léyi Ɛnhɛ́n Prɔnprɔn kɛ tán ɛwúvà nɔn. Antà-hiẅia dùwrú ndù, kɩ antà-hiẅia dùwrú tɔ̀n léyi Ɛnhɛ́n Prɔnprɔn kɛ tán ɛwúvà nɔn vru dù. 45Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn. 46Kè sɩ̀ dù ɛnhɛ́n de kɛ vá kpàkpà mɛ̀n nɔn, tɛ́n antà dùwrú: zɛtɛn ɛnhɛ́n kɛ và. 47Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà. 48Ɛnhibù wú ci kɔrɛkɔrɛ hɔ̀n lɔ dú eci zri lɔ tán ɔwrɔn léyi ye bɩ́ antà-hiwɔ̀n yɛ hán nɔn, tɛ́n anhobɩ́ ci kɔrɛkɔrɛ hɔ̀n lɔ dú eci zri lɔ tán ɔwrɔn léyi dú anhobɩ́ và nɔn. 49Kɩ ɔmu zri léyi bɔ́ dú ɔwrɔn léyi ye bɩ́ antà-hiwɔ̀n yɛ hán nɔn, nɛ́n picɛ̀ nɔn, ɔmu zri lɔ de bɔ́ le dú ɔwrɔn léyi dú anhobɩ́ và nɔn, nɛ́n picɛ̀. 50Anwrɔn-nɛ́n-muan-ẅì hɔ̀n, nyàn ankà léyi me ji mɛ̀n dɔ̀ nɔn: eci léyi ye bɩ́ anẅia mán ɛnkrɛ̀ yɛ hán nɔn, ke sɩ̀ dú Anhobɩ́ Nɛ̀ncüì-dúyri, kɩ eci léyi dú owú ci nɔn, n'ɛwúvà kɛ lɛ trɔ. 51Mɛ lɛ dɔ́ nyɛ̀n ankà-bán-ankà tɔ̀n: bɔ́ lɔ fɛn bɔ́ sɩ̀ wù, tɛ́n yɛ lɛ crɔn bɔ́ lɔ fɛn 52ɛnvra zriemɛ̀n hàn ɔmu le ye nyî anvɛ̀ kɩ yɛ gbɛ̀ nɔn hɔ́, ɛmɛẅitrɔ brɛ̀n-kù-diemɛ̀n. Ɔmuhi ɛnvra léyi ɛbrɛ̀n ke le di nkù nɔn, owú-bɔ̀ kɛ lɛ frɔ́ ô ke bɩ́ vru wúɛ, kɩ yɛ lɛ crɔn bɔ́ lɛ fɛn lɔ. 53Annanwɔrɛ mɛ̀n lɔ, eci léyi dú ɛjrɛ́-ci nɔn, kè bɩ́ eci léyi ke sɩ́ jrɛ́a nɔn kɛ̀ vá edomɛ̀n; eci léyi ke wù nɔn, kè bɩ́ eci léyi kè sɩ̀ dù owú ci nɔn, kɛ̀ vá edòmɛ̀n. 54Ɛnvra léyi eci léyi dú ɛjrɛ́-ci ke le bɩ́ eci léyi ke sɩ́ jrɛ́a kɛ̀ vá edòmɛ̀n nɔn, kɩ eci léyi dú owù ci, ke bɩ́ eci léyi ke sɩ́ wúɛ kɛ vá edomɛ̀n nɔn, zɛtɛn Owrú Prɔnprɔn ankà-dɔ̀ ndɔ lɔ kɛ lɛ sá nmù: “Owù cɔhɔ́; ɔkɔ̀nkà sɛ́n nmù!” 55“Owù v'ɔkɔ̀nkà lɔ towâ? Owù v'ɛkɔrɛ̀srɔn-ci wrì lɔ towâ?” 56Owù cɔ́ ɛkɔrɛ̀srɔn ɛgbàn tamɛ̀n kɛ̀ hán owri-kɔ̀hɔ̀n, kɩ ɛgbàn mán cɔ́ ɛkɔrɛ̀srɔn ɛnyànmàn tamɛ̀n. 57Tɛ́n ɛmrɛ́n dú Ɔwɔ tɛn, nɛ́n léyi nɛ tán ɔkɔ̀nkà bɔ́ Ɛẅɛnwrɔn Zhezü Krisì bɩmɛ̀n! 58Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.
Currently Selected:
1 Korɛntɛ̀n anmàn-bɔ̀ 15: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Korɛntɛ̀n anmàn-bɔ̀ 15
15
Krisì wúemɛ̀n-dùfrɔ́
1Anwrɔn-nɛ́n-muan-ẅì hɔ̀n, me ji mɛ̀n kore nyɛ̀n zɛtɛ̀ lɔ Ɛmɛẅi ankà Ankrankran léyi mɛ̀n tán nyɛ̀n, hɩ nyɛ́n cɔ̀, kɩ nyɛ́n ẅɛn kpankpan nyɛ́n hɛ́n nɔn. 2N'ɛmɛ̀n de nyɛ lɛ cɔ́ ebɩ̀die, ke dú kɛ nyɛ ẅɛn nɛ̀n nyɛ hɛ́n hán ɔmu le mɛ̀n dɔ́ nyɛ̀n nɔn hɔ́; kè sɩ̀ dù ɔmu lɔ hô, nyɛ lɛ ẅɛn ankaẅì-bùtan woro. 3Eci lɔ fɛn hán mɛ̀n, mɛ̀n tán nyɛ̀n ankà-yé ndɔ léyi mɛ́n mumù mɛ́n cɔ̀ nɔn: Krisì wú bɔ́ ɛgbàn kruhú hán ɔmu le Ɛwrú Prɔnprɔn hɔ̀n ndɔ̀ nɔn; 4yɛ wá nɛ̀n ezhe nànmàn mɛ̀n kɩ nɛ̀n vru nɛ̀n vá ɛwúvà mɛ̀n ɛbi anhɔnmɛ̀n bì lɔ, hán ɔmu le Ɛwrú Prɔnprɔn hɔ̀n ndɔ̀ nɔn; 5Nɛ̀n bɩ́ n'edomɛ̀n nɛ̀n yé Piɛrɛ̀n mán ɔkɔ̀hɔ̀n-wá-bɔ̀ ɛvà-anhyrɛ̀ hɔ̀n lɔ fɛn. 6Zɛtɛn, nɛ̀n vru nɛ̀n bɩ́ n'edomɛn nɛ̀n yé ɛnvra zri lɔ mɛ̀n, n'ɛsɛ̀nkɛn-bɔ̀ ɛkoẅi-ɛnrì-d'ɛnrì nvrán; y'ɛmɛ̀n lɔ ndɔ hɔ̀n dú ɔkɔrɛ-bɔ̀ mɛ̀n, tɛ́n ɛnjanbɔ̀ nwù. 7Zɛtɛn, nɛ̀n bɩ́ n'edomɛ̀n nɛ̀n yé Zhakɛ̀n mán ɔkɔ̀hɔ̀n-wá-bɔ̀ lɔ fɛn. 8Ɔtrɔmɛ̀n lɔ, y'ɛmɛẅi lɔ, nɛ̀n bɩ́ n'edomɛ̀n nɛ̀n yé mɛ̀n, kɩ mɛ́n dù mɛ̀n hán okù-cá-mɛ̀n-ẅì hɔ́. 9Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn. 10Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn. 11Ɔmu lɔ, ke dú mɛ̀n hô, ke dú yɔ hô, nyàn ankà léyi bɔ́ dɔ̀, nyàn ankà léyi nyɛ́n bù tán ankaẅì nɔn.
B'owúemɛ̀n-dùfrɔ́
12Bɔ́ dɔ̀ le Krisì dú owú-bɔ̀ mɛ̀n vru và: anwɔntan de zɛtɛn ny'ɛmɛ̀n lɔ anwrɔn janbɔ̀ kɛ lɛ dɔ̀ le owú-bɔ̀ ke sɩ̀ vru vá ɔkɔrɛ-bɔ̀ mɛ̀n nɛ́n? 13Ke dú kɛ ɔmu lɔ de dù nɔn hô, Krisì mán kè sɩ̀ dù owúemɛ̀n kɛ̀ frɔ́a; 14kɩ ke dú kɛ Krisì kè sɩ̀ dù owúemɛ̀n kɛ̀ frɔ́a hô, bɔ̀ sɩ̀ ẅɛ̀n ankà-dɔ̀ zriɛmɛ́n, kɩ nyɛ́n mán nyɛ́n sɩ̀ ẅɛ̀n ankaẅì-bùtan eci zriɛmɛ́n wú. 15Ɔmu lɔ ke yé tán le bɔ́ dú ɛyɔ̀n-dalɛfuɛ-di-bɔ̀ Ɔwɔ tɛ̀sɛ̀n, ɔmuhi bɔ́ dɔ̀ le nɛ̀n hán Krisì frɔ́; tɛ́n nɛ̀n sɩ̀ hàn eci lɔ, ke dú kɛ annànwɔrɛ mɛ̀n lɔ owú-bɔ̀ ke sɩ́ frɔ́a. 16Ɔmuhi ke dú kɛ owú-bɔ̀ ke sɩ́ frɔ́a hô, Krisì mán kɛ̀ sɩ̀ dù owúemɛ̀n kɛ̀ frɔ́a. 17Kɩ ke dú kɛ Krisì kè sɩ̀ dù owúemɛ̀n kɛ̀ frɔa, ny'ankaẅì-bùtan lɔ dú eci-vàci-ci, kɩ nyɛ́n vru nyɛ́n dú ny'ɛgbàn hɔ̀n wanzi. 18Ke vru kɛ dɔ̀ le anwrɔn hɔ̀n léyi wú Krisì ankaẅì-bùtan mɛ̀n nɔn, dú ɛzrɛ́n-bɔ̀. 19Ke dú kɛ bɔ̀ bɩ́ bɔ́ esɛ́ bɔ̀ wá Krisì mɛ̀n ɛwúvà ndɔ lɔ kruhú kɩ, zɛtɛn bɔ́ nyri ɔmu le bɔ̀ ẅɛn obòtò vrán anwrɔnẅì lɔ fɛn. 20Tɛ́n annanwɔrɛ mɛ̀n lɔ, Krisì dú owú-bɔ̀ mɛ̀n vru vá ɔkɔrɛ-bɔ̀ mɛ̀n, kɩ ɔmu lɔ ne yé tán le anwrɔn hɔ̀n léyi nwù nɔn mán kɛ lɛ frɔ́. 21Ɔmuhi, ɔmu zri léyi owù ci ɔwrɔn tɔ̀n mɛ̀n nvà nɔn, hɩ zri lɔ, owúemɛ̀n-dùfrɔ́ mán ci ɔwrɔn tɔ̀n mɛ̀n nvà. 22Anwrɔnẅì lɔ fɛn ke wù, ɔmuhi yɔ mán Adamɛ̀n mɛhi yɔ bɔsɔ̀, ɔmu zri lɔ yɔ lɛ fɛn yɔ lɛ cɔ́ ɛwúvà, ɔmuhi yɔ dú Krisì bɔ̀sɔ̀ lɔ mɛ̀n nɔn, 23tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn. 24Zɛtɛn ɛmɛẅitrɔ vra kɛ lɛ cɔ̀: Krisì kɛ lɛ jrɛ́ ɛkɔrɛ̀levri lɔ fɛn, ɛkɔrɛ̀levri-yri-ẅɛ̀n lɔ fɛn mán ɛnhɛ́n mɛ̀n kɔrɛ̀srɔn lɔ fɛn, kɩ ne le bɩ́ Ɛnnɛ̀ncüì-dúyri lɔ nɛ̀n wá nɛ́n Zi Ɔwɔ antamɛ̀n. 25Ɔmuhi ke ji le Krisì kɛ̀ ẅɛn ɛyri hàn kɩ kɛ̀ krɔn ɛnvra léyi Ɔwɔ kɛ lɛ hán n'egbri-bɔ̀ lɔ fɛn kè cüe nɛ̀n annantrɛ̀ mɛ̀n hán nɔn. 26Ɛmɛẅitrɔ gbri-wrɔn léyi yɛ lɛ jrɛ́ nɔn dú owù. 27Annanwɔrɛ mɛ̀n lɔ ye merɛ́n le: “Ɔwɔ cüe nɛ̀n eci lɔ fɛn annantrɛ̀ mɛ̀n.” Tɛ́n nyɛ́n nyrì le, ankà-dɔ̀ ndɔ lɔ “Eci lɔ fɛn” ke sɩ́ wá Ɔwɔ ɛmɛ̀n, nɛ́n léyi nɛ wá eci lɔ fɛn Krisì antamɛ̀n nɔn. 28Ɛnvra léyi ɛci hɔ̀n lɔ fɛn ke le dú Krisì kɔrɛ̀levri wú nɔn, zɛtɛn, nɛ́n dùku, ɛnẅì, ne le sɩ́ n'edomɛ̀n ɛnhi nɛ̀n tán Ɔwɔ léyi bɩ́ eci lɔ fɛn wá nɛ̀n antamɛ̀n nɔn; Ɔmu lɔ de Ɔwɔ kɛ lɛ ẅɛn ɛyri anvrɛnvrɛn mɛ̀n eci lɔ fɛn wú nɔn. 29Nyɛ́n vru nyɛ́n tro anwrɔn hɔ̀n léyi kɛ hán yɛ wá yɔ ɛnshi ɛnkru yɔ tán owú-bɔ̀ nɔn y'ankà: esɛ́ ci tán de yɔ lɛ cɔ̀ nɛ́n? Ke dú kɛ annanwɔrɛ mɛ̀n owú-bɔ̀ ke sɩ́ frɔa, cɛci kruhú kɛ yɔ hán yɛ wá yɔ ɛnshi ɛnkru yɔ tán owú-bɔ̀ lɔa? 30Kɩ bɔ́ dùku mán, cɛci kruhú kɛ ɛnvra lɔ fɛn bɔ́ nyɔn ɛgbàn zìwúɛ nɛ́n? 31Anwrɔn-nɛ́n-muan-ẅì hɔ̀n, ɛnbì lɔ fɛn, mɛ nyɔ́n owù zìwú: dú annanwɔrɛ, annanwɔrɛ zri léyi kɛ tán mɛ̀n ɔmùan-gbù ny'ɛwú, bɔ́ Ɛẅɛnwrɔn Zhezü Krisì mɛhi b'ɔbɔ̀sɔ̀ lɔ mɛ̀n nɔn. 32Ke dú kɛ ke dú anwrɔnẅì domɛ̀n ankà kruhú de mɛ lɛ kɔ́n ovú-nɔ̀n anhà, ɛnu Efɛzɛ̀n anmàn, vɔ̀nshɛ́ tán de mɛ lɛ cɔ́ n'ɛwú nɛ́n? Ke dú kɛ owú-bɔ̀ ke sɩ́ frɔ́a, zɛtɛn, hán ɔmu le yɛ dɔ̀ nɔn, “Bɔ́ zî ɛci, ô bɔ́ mi ɛnshi, ɔmuhi ɛnɛ̀n lɔ bɔ́ le wù nɔn”. 33Nyɛ́n bɩ́ zɛ́n ankà ndɔ lɔ mɛ̀n: “Ɛnyrankru sùgbàn gbàngbàn dì dú esùnàn ankrànkràn léyi kɛ hɔ́n ɛjrɛmɛ̀n nɔn.” 34Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.
Ɔfrɔ́-bɔ̀ dùwrú
35Tɛ́n, ye le yrɛ le: “Anwɔntan de ɔwú-bɔ̀ kɛ hán kɛ frɔ́ nɛ́n? Edùwrú tán de yɔ lɛ ẅɛ̀n nɛ́n?” 36Ɔbrɔ̀sà-wrɔn léyi dú mɛ́n nɔn! Ɛnvra léyi ɛ tɛ́ ɛtɛ̀-ẅì tɔ̀n, ɛtɛ̀-ẅì lɔ ke sɩ̀ srɔ ɛtɛ̀ rɔ́, ke dú kɛ nɛ̀n sɩ̀ wù ɛnhibɩ́. 37Eci léyi ɛ tɛ̀ nɔn, dú ɛtɛ̀-ẅì kora tɔ̀n, ke le dú dùdu ẅì, ɛnvra tɔ̀n hô ɛtɛ̀-ẅì nyàntɛn tɔ̀n, kɩ kè sɩ̀ dù ɛtɛ̀ dùku léyi ke le dì nɔn. 38Zɛtɛn, Ɔwɔ kɛ tán ɛtɛ̀-ẅì ndɔ lɔ ɛkɔrɛ̀-levri kɛ srɔ ɛtɛ̀ léyi ne ji nɔn; ɛtɛ̀-ẅì mán n'ɛtɛ̀ mɛhi. 39Ɔkɔrɛ-ci hɔ̀n lɔ fɛn kè sɩ̀ ẅɛ̀n anẅia zri: anwrɔnẅì tɛn lɔ ke sɩ́ cá annɔn hɔ̀n tɛn, ɛnyàntɛn dú annrɛ́n hɔ̀n tɛ́n lɔ, kɩ ɛnyàntɛn vru dú ancàn hɔ̀n tɛn lɔ. 40Anhobɩ́ dùwrú mán ndù kɩ ɛnhibù wú tɛn mán ndù; anhobɩ́ dùwrú hɔ̀n lɔ ẅɛn ɛgbrɛ́n léyi ɛnhibù wú dùwrú kè sɩ̀ ẅɛ̀n hàn nɔn. 41Ɛnbri ẅɛn nɛ́n dùku n'ɛgbrɛ́n, okù ẅɛn ɛnyàntɛn kɩ okùcankrò hɔ̀n mán vru ẅɛn ɛnyàntɛn; kɩ okùcànkrò hɔ̀n mɛ̀n mán, nzri zri ẅɛn y'ɛgbrɛ́n. 42Ke le dù kɛ lɛ hán ɔmu zri lɔ, ɛnvra léyi owú-bɔ̀ kɛ lɛ frɔ́ nɔn. Ɛnvra léyi yɛ wá edùwrú ɛnhibɩ́ nɔn, nɛ̀n dú owú ci; ɛnvra léyi nɛ lɛ frɔ́ nɔn, nɛ́n sɩ̀ vru wùɛ. 43Ɛnvra léyi yɛ wá nɛ̀n ɛnhibɩ́ nɔn, nɛ̀n ẅɛn ɛnhyɔ̀bɔ̀ mán ɛjɛ̀; ɛnvra léyi nɛ lɛ frɔ́ nɔn, ne le dú eci-zrɔ mɛ̀n mán ecüì-ẅɛn mɛ̀n. 44Ɛnvra léyi yɛ wá nɛ̀n ɛnhibɩ́ nɔn, nɛ̀n dú antà-hiẅia; ɛnvra léyi nɛ lɛ frɔ́ nɔn, ke le dú edùwrú léyi Ɛnhɛ́n Prɔnprɔn kɛ tán ɛwúvà nɔn. Antà-hiẅia dùwrú ndù, kɩ antà-hiẅia dùwrú tɔ̀n léyi Ɛnhɛ́n Prɔnprɔn kɛ tán ɛwúvà nɔn vru dù. 45Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn. 46Kè sɩ̀ dù ɛnhɛ́n de kɛ vá kpàkpà mɛ̀n nɔn, tɛ́n antà dùwrú: zɛtɛn ɛnhɛ́n kɛ và. 47Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà. 48Ɛnhibù wú ci kɔrɛkɔrɛ hɔ̀n lɔ dú eci zri lɔ tán ɔwrɔn léyi ye bɩ́ antà-hiwɔ̀n yɛ hán nɔn, tɛ́n anhobɩ́ ci kɔrɛkɔrɛ hɔ̀n lɔ dú eci zri lɔ tán ɔwrɔn léyi dú anhobɩ́ và nɔn. 49Kɩ ɔmu zri léyi bɔ́ dú ɔwrɔn léyi ye bɩ́ antà-hiwɔ̀n yɛ hán nɔn, nɛ́n picɛ̀ nɔn, ɔmu zri lɔ de bɔ́ le dú ɔwrɔn léyi dú anhobɩ́ và nɔn, nɛ́n picɛ̀. 50Anwrɔn-nɛ́n-muan-ẅì hɔ̀n, nyàn ankà léyi me ji mɛ̀n dɔ̀ nɔn: eci léyi ye bɩ́ anẅia mán ɛnkrɛ̀ yɛ hán nɔn, ke sɩ̀ dú Anhobɩ́ Nɛ̀ncüì-dúyri, kɩ eci léyi dú owú ci nɔn, n'ɛwúvà kɛ lɛ trɔ. 51Mɛ lɛ dɔ́ nyɛ̀n ankà-bán-ankà tɔ̀n: bɔ́ lɔ fɛn bɔ́ sɩ̀ wù, tɛ́n yɛ lɛ crɔn bɔ́ lɔ fɛn 52ɛnvra zriemɛ̀n hàn ɔmu le ye nyî anvɛ̀ kɩ yɛ gbɛ̀ nɔn hɔ́, ɛmɛẅitrɔ brɛ̀n-kù-diemɛ̀n. Ɔmuhi ɛnvra léyi ɛbrɛ̀n ke le di nkù nɔn, owú-bɔ̀ kɛ lɛ frɔ́ ô ke bɩ́ vru wúɛ, kɩ yɛ lɛ crɔn bɔ́ lɛ fɛn lɔ. 53Annanwɔrɛ mɛ̀n lɔ, eci léyi dú ɛjrɛ́-ci nɔn, kè bɩ́ eci léyi ke sɩ́ jrɛ́a nɔn kɛ̀ vá edomɛ̀n; eci léyi ke wù nɔn, kè bɩ́ eci léyi kè sɩ̀ dù owú ci nɔn, kɛ̀ vá edòmɛ̀n. 54Ɛnvra léyi eci léyi dú ɛjrɛ́-ci ke le bɩ́ eci léyi ke sɩ́ jrɛ́a kɛ̀ vá edòmɛ̀n nɔn, kɩ eci léyi dú owù ci, ke bɩ́ eci léyi ke sɩ́ wúɛ kɛ vá edomɛ̀n nɔn, zɛtɛn Owrú Prɔnprɔn ankà-dɔ̀ ndɔ lɔ kɛ lɛ sá nmù: “Owù cɔhɔ́; ɔkɔ̀nkà sɛ́n nmù!” 55“Owù v'ɔkɔ̀nkà lɔ towâ? Owù v'ɛkɔrɛ̀srɔn-ci wrì lɔ towâ?” 56Owù cɔ́ ɛkɔrɛ̀srɔn ɛgbàn tamɛ̀n kɛ̀ hán owri-kɔ̀hɔ̀n, kɩ ɛgbàn mán cɔ́ ɛkɔrɛ̀srɔn ɛnyànmàn tamɛ̀n. 57Tɛ́n ɛmrɛ́n dú Ɔwɔ tɛn, nɛ́n léyi nɛ tán ɔkɔ̀nkà bɔ́ Ɛẅɛnwrɔn Zhezü Krisì bɩmɛ̀n! 58Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.