1 Korɛntɛ̀n anmàn-bɔ̀ 13
13
Ɛcüɛ̀n
1Bɔ̀ tro ke dú kɛ mɛ vrá anwrɔnẅì brɛ̀, kɩ mɛ vrá Ɔwɔ-kùyüre-bɔ̀ brɛ̀ mán: ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n, mɛ́n dù mɛ̀n cá pritù-ẅì léyi ke shrì mán yaka léyi ke di nkù nɔn hɔ́. 2Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n. 3Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.
4Ɔwrɔn léyi ẅɛn ɛcüɛ̀n nɔn, nɛ̀n dú ɛnbɔrɛ-ẅɛ̀n-hɛ́n-wrɔn kɩ nɛ̀n zrɔ, ɔwrɔn-ci ke sɩ́ cüɛn nɛ̀n ɛvɛ̀, nɛ́n sɩ́ gbú ɔmùan kɩ nɛ́n sɩ́ hán ɛgbúgbú-ci; 5Ɔwrɔn léyi ẅɛn ɛcüɛ̀n nɔn, nɛ́n sɩ́ hán anvɛvrà-ci, nɛ̀n sɩ̀ ẅɛ̀n kɔtɛ̀, nɛ́n sɩ́ bɩ́ ɛmɛ̀nhyì kɩ nɛ́n sɩ́ wá ankà ɛmɛ̀ntɛ̀ mɛ̀n; 6Ɔwrɔn léyi ẅɛn ɛcüɛ̀n nɔn, nɛ́n sɩ́ brá ɛgbàn pɔpüɛ̀, nɛ brá annanwɔrɛ pɔpüɛ̀. 7Ɔwrɔn léyi ẅɛn ɛcüɛ̀n nɔn, nɛ ẅɛn ɛnbɔrɛ hɛ́n eci lɔ fɛn mɛ̀n, kɩ nɛ ẅɛn ankaẅì-bùtan, esɛ́ mán ɛnbɔrɛ-ẅɛ̀n-hɛ́n ɛnvra lɔ fɛn mɛ̀n.
8Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n. 9Annanwɔrɛ mɛ̀n lɔ, bɔ́ eci-nyrì lɔ kè sɩ̀ sɛ́n nmù kɩ b'Ɔwɔ mɛẅi ankà-dɔ̀ ẅɛn ɔvɔ̀n; 10Tɛ́n ɛnvra léyi nmù-sá ci lɔ kɛ lɛ và nɔn, eci léyi kè sɩ̀ sɛ̀n nmù nɔn kɛ lɛ zrɛ́n.
11Ɛnvra léyi mɛ̀n dú ɛnẅì-cɛ nɔn, mɛ dɔ́ ankà, me tro ankà kɩ me bú ankà ɛnkruemɛ̀n kɛ hán ɛnẅì-cɛ hɔ́; tɛ́n ɛnvra léyi mɛ̀n srɔ ɛcüìcüì nɔn, mɛ́n teze ɛnẅì-cɛ ci-hán-ci lɔ fɛn. 12Zɛtɛ̀ lɔ, bɔ́ kán picɛ̀ tɔ̀n kɛ hán tùhɔ̀n kɛ cá zɛnci gbànvri mɛ̀n picɛ̀ hɔ́; kɩ zɛtɛn bɔ́ lɛ kán b'anvɛẅìemɛ̀n kpete. Zɛtɛ̀ lɔ m'eci-nyrì kè sɩ̀ sɛ́n nmù; kɩ zɛtɛn, me le nyri Ɔwɔ kokrohô, kɛ lɛ hán ɔmu le nɛ́n dùku mán nɛ̀n nyri mɛ̀n nɔn hɔ́.
13Zɛtɛ̀ lɔ, ɛci anhɔ̀n ndɔ hɔ̀n lɔ ndù; ankaẅì-bùtan, esɛ́ mán ɛcüɛ̀n; tɛ́n yɔ, ɛci anhɔ̀n lɔ, y'ecüìcüì dú ɛcüɛ̀n.
Currently Selected:
1 Korɛntɛ̀n anmàn-bɔ̀ 13: ƐAA03
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Korɛntɛ̀n anmàn-bɔ̀ 13
13
Ɛcüɛ̀n
1Bɔ̀ tro ke dú kɛ mɛ vrá anwrɔnẅì brɛ̀, kɩ mɛ vrá Ɔwɔ-kùyüre-bɔ̀ brɛ̀ mán: ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n, mɛ́n dù mɛ̀n cá pritù-ẅì léyi ke shrì mán yaka léyi ke di nkù nɔn hɔ́. 2Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n. 3Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.
4Ɔwrɔn léyi ẅɛn ɛcüɛ̀n nɔn, nɛ̀n dú ɛnbɔrɛ-ẅɛ̀n-hɛ́n-wrɔn kɩ nɛ̀n zrɔ, ɔwrɔn-ci ke sɩ́ cüɛn nɛ̀n ɛvɛ̀, nɛ́n sɩ́ gbú ɔmùan kɩ nɛ́n sɩ́ hán ɛgbúgbú-ci; 5Ɔwrɔn léyi ẅɛn ɛcüɛ̀n nɔn, nɛ́n sɩ́ hán anvɛvrà-ci, nɛ̀n sɩ̀ ẅɛ̀n kɔtɛ̀, nɛ́n sɩ́ bɩ́ ɛmɛ̀nhyì kɩ nɛ́n sɩ́ wá ankà ɛmɛ̀ntɛ̀ mɛ̀n; 6Ɔwrɔn léyi ẅɛn ɛcüɛ̀n nɔn, nɛ́n sɩ́ brá ɛgbàn pɔpüɛ̀, nɛ brá annanwɔrɛ pɔpüɛ̀. 7Ɔwrɔn léyi ẅɛn ɛcüɛ̀n nɔn, nɛ ẅɛn ɛnbɔrɛ hɛ́n eci lɔ fɛn mɛ̀n, kɩ nɛ ẅɛn ankaẅì-bùtan, esɛ́ mán ɛnbɔrɛ-ẅɛ̀n-hɛ́n ɛnvra lɔ fɛn mɛ̀n.
8Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n. 9Annanwɔrɛ mɛ̀n lɔ, bɔ́ eci-nyrì lɔ kè sɩ̀ sɛ́n nmù kɩ b'Ɔwɔ mɛẅi ankà-dɔ̀ ẅɛn ɔvɔ̀n; 10Tɛ́n ɛnvra léyi nmù-sá ci lɔ kɛ lɛ và nɔn, eci léyi kè sɩ̀ sɛ̀n nmù nɔn kɛ lɛ zrɛ́n.
11Ɛnvra léyi mɛ̀n dú ɛnẅì-cɛ nɔn, mɛ dɔ́ ankà, me tro ankà kɩ me bú ankà ɛnkruemɛ̀n kɛ hán ɛnẅì-cɛ hɔ́; tɛ́n ɛnvra léyi mɛ̀n srɔ ɛcüìcüì nɔn, mɛ́n teze ɛnẅì-cɛ ci-hán-ci lɔ fɛn. 12Zɛtɛ̀ lɔ, bɔ́ kán picɛ̀ tɔ̀n kɛ hán tùhɔ̀n kɛ cá zɛnci gbànvri mɛ̀n picɛ̀ hɔ́; kɩ zɛtɛn bɔ́ lɛ kán b'anvɛẅìemɛ̀n kpete. Zɛtɛ̀ lɔ m'eci-nyrì kè sɩ̀ sɛ́n nmù; kɩ zɛtɛn, me le nyri Ɔwɔ kokrohô, kɛ lɛ hán ɔmu le nɛ́n dùku mán nɛ̀n nyri mɛ̀n nɔn hɔ́.
13Zɛtɛ̀ lɔ, ɛci anhɔ̀n ndɔ hɔ̀n lɔ ndù; ankaẅì-bùtan, esɛ́ mán ɛcüɛ̀n; tɛ́n yɔ, ɛci anhɔ̀n lɔ, y'ecüìcüì dú ɛcüɛ̀n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.