San Mateo 3
3
1Java lhech nalhus yamey ja Juan Vatnayjayash lhavo' ja cotsjaat ampapu ca nôv'e' yi'shi' ja Judea, pa vanqu'eyjatsjanesh'e cava Dios lhasinôc, 2pa yit'esh:
“¡Atatvaych'aclajshelh pava ajunashelh, lhayaash ti shalhac'oya pa lhanvacleyash pa Dios!”#3.2 Mt 4.17; Mr 1.15.
3Jô lhech Juan jan chayjulh lhapesh pa chiytôyjata pava ti vaclan Isaías ti yisesh'e ti nôque t'ônashesh:
“Chiypeya'e pa t'ôjôj papu tavayey
pa cotsjaat yiey pa ampapu ca nôv'e',
ti yit'esh:
“Asnatshelhem pa lhnôyish pa Lhcaanvacle;
pa atsôôtjatelhem shta pa tsuych'e lhnôyish.”#3.3 Is 40.3.
4T'uyjatshiyesh ja Juan pa camello lhsashanilh, pa lhnucfat'esh shta pa ti'nôj, tuj pava fanjay shi' pa acôyech.*xm* 5Nacheyvatich'e japi Jerusalén lhavos, shi' lhacôm'a japi tôlh'e' ja cotsjaat Judea shi' japi tsitenas'e shalheema ja tovôc Jordán. 6Pa yinajayansha'ne ja Juan papi tatfaclesh pava lhsasch'e yiey ja tovôc Jordán. #3.4 2 R 1.8.
7Taj ti meelh ti yi'van ja Juan ti namey japi acloj fariseos shi' japi saduceos yentaj ca chinajayansha'ne, pa yit'esha ti yiyôjaa: “¡Ajunashelhjulh java tosis! ¿She papi lhpe'yeeshelh ti iseelhjop'am ca aclôtelhc'oya pa uj lhclôyitsjayash tô'lha pa Dios ti namelh'ay jayu?*xn* 8Aniyitelh, ca jaspa chinavanelh jayu ca atatvaych'aclajtajeshelh pava afanishelh'avach. 9Pa ya aj ca aneelhshi acachi'clelh avaatsheelh ca at'eshelh: ‘Yivaatsheelh jatô'lhelha ca Abraham’; pa nôque jayeetshelh'am, lhayaash pa Dios ti istajemjop shta ca nasnatshem pa Abraham navôque utes papi lhcles.*xñ* 10P'alha ti vacalhesh pa namach t'ajuya ca jaspa chint'ôvôseshch'e pava lhfetatsiy pava aacjuy. Pant'ajôôj pava aacjuy niysisa pava lhay, pa chit'ovôôs pa chinu'jam pa itôj.*xo* 11Vooy yivaatsha yijô' ti c'anajayanshelh na yinôôt jaspa chinanôcliteshelh ti lhtatvaych'aclajshelh pava afanishelh'avach; taj ti nijoyich'esha'ne jayu pa ve'lha, pa lhech nanajayanshelh jayu pa Espíritu Santo shi' pa itôj. Lhech lhavaatsha ya'sheshyic'oya ti t'un'in, nivanajulhjatsham shta ca niclanemshi pava t'acfiyis ca yicha'jem. 12P'alha ti yi'shi' lhpôcôt pa joquitaj jaspa yisclanshi jayu pa trigo pa yivenchatc'oya pava lhsashay. Pa yan'ôcji jayu pa trigo pa jpôyich, vooy pava lhsashay yu'jam jayu pa itôj ninmac pa cat'elheesh.” #3.7 Mt 12.34; 23.33. #3.9 Jn 8.33.,#3.10 Mt 7.19.
Pa lhnayjayash pa Jesús
(Mr 1.9-11; Lc 3.21-22)
13Lhech t'aplhuqu'e ti tôlh'e' ja Jesús ja Galilea, pa yamey ja Jordán yiey jan yie'ja Juan, ca jaspa ninajayan. 14Ninteetajesh ja Juan, pa yit'esha ti yiyôjaa ja Jesús:
—Yivaatsha ya suyeshi avaatsha ca asnajayan; ¿vooy avaatsha ta lhayaash ti lhnachtajyi?
15Taj ti yit'esha ja Jesús:
—Tajulhey nôqueesh; yivo'yeshch'e nôque jaspa shtanc'ashamesh nava yit'esh ja Dios.
Pa lhechesh pa yit'esh ja Juan. 16Meelh ti vacalhesh ja Jesús ti chinajayan, pa yich'ôcjilhavôôj pa yinôôt. Pa yalhalha ti tatc'aatsham pa vôôs, pa yivanjulh ja Jesús pa lh'Espíritu pa Dios ti nacheyshicham ti lhjunashjulh pa ofo pa vanajulhjat'apee. 17Pa lhechesh pa chiypeya' pa vat'ôjôj tavaysham pa vôôs, ti yit'esh:
“Nôque Yaôs yenach, uj ti ts'ishamesh.”#3.17 Gn 22.2; Sal 2.7; Is 42.1; Mt 12.18; 17.5; Mr 1.11; Lc 9.35.
Tanc'alhtanchay pa Jesús
(Mr 1.12-13; Lc 4.1-13)
Currently Selected:
San Mateo 3: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
San Mateo 3
3
1Java lhech nalhus yamey ja Juan Vatnayjayash lhavo' ja cotsjaat ampapu ca nôv'e' yi'shi' ja Judea, pa vanqu'eyjatsjanesh'e cava Dios lhasinôc, 2pa yit'esh:
“¡Atatvaych'aclajshelh pava ajunashelh, lhayaash ti shalhac'oya pa lhanvacleyash pa Dios!”#3.2 Mt 4.17; Mr 1.15.
3Jô lhech Juan jan chayjulh lhapesh pa chiytôyjata pava ti vaclan Isaías ti yisesh'e ti nôque t'ônashesh:
“Chiypeya'e pa t'ôjôj papu tavayey
pa cotsjaat yiey pa ampapu ca nôv'e',
ti yit'esh:
“Asnatshelhem pa lhnôyish pa Lhcaanvacle;
pa atsôôtjatelhem shta pa tsuych'e lhnôyish.”#3.3 Is 40.3.
4T'uyjatshiyesh ja Juan pa camello lhsashanilh, pa lhnucfat'esh shta pa ti'nôj, tuj pava fanjay shi' pa acôyech.*xm* 5Nacheyvatich'e japi Jerusalén lhavos, shi' lhacôm'a japi tôlh'e' ja cotsjaat Judea shi' japi tsitenas'e shalheema ja tovôc Jordán. 6Pa yinajayansha'ne ja Juan papi tatfaclesh pava lhsasch'e yiey ja tovôc Jordán. #3.4 2 R 1.8.
7Taj ti meelh ti yi'van ja Juan ti namey japi acloj fariseos shi' japi saduceos yentaj ca chinajayansha'ne, pa yit'esha ti yiyôjaa: “¡Ajunashelhjulh java tosis! ¿She papi lhpe'yeeshelh ti iseelhjop'am ca aclôtelhc'oya pa uj lhclôyitsjayash tô'lha pa Dios ti namelh'ay jayu?*xn* 8Aniyitelh, ca jaspa chinavanelh jayu ca atatvaych'aclajtajeshelh pava afanishelh'avach. 9Pa ya aj ca aneelhshi acachi'clelh avaatsheelh ca at'eshelh: ‘Yivaatsheelh jatô'lhelha ca Abraham’; pa nôque jayeetshelh'am, lhayaash pa Dios ti istajemjop shta ca nasnatshem pa Abraham navôque utes papi lhcles.*xñ* 10P'alha ti vacalhesh pa namach t'ajuya ca jaspa chint'ôvôseshch'e pava lhfetatsiy pava aacjuy. Pant'ajôôj pava aacjuy niysisa pava lhay, pa chit'ovôôs pa chinu'jam pa itôj.*xo* 11Vooy yivaatsha yijô' ti c'anajayanshelh na yinôôt jaspa chinanôcliteshelh ti lhtatvaych'aclajshelh pava afanishelh'avach; taj ti nijoyich'esha'ne jayu pa ve'lha, pa lhech nanajayanshelh jayu pa Espíritu Santo shi' pa itôj. Lhech lhavaatsha ya'sheshyic'oya ti t'un'in, nivanajulhjatsham shta ca niclanemshi pava t'acfiyis ca yicha'jem. 12P'alha ti yi'shi' lhpôcôt pa joquitaj jaspa yisclanshi jayu pa trigo pa yivenchatc'oya pava lhsashay. Pa yan'ôcji jayu pa trigo pa jpôyich, vooy pava lhsashay yu'jam jayu pa itôj ninmac pa cat'elheesh.” #3.7 Mt 12.34; 23.33. #3.9 Jn 8.33.,#3.10 Mt 7.19.
Pa lhnayjayash pa Jesús
(Mr 1.9-11; Lc 3.21-22)
13Lhech t'aplhuqu'e ti tôlh'e' ja Jesús ja Galilea, pa yamey ja Jordán yiey jan yie'ja Juan, ca jaspa ninajayan. 14Ninteetajesh ja Juan, pa yit'esha ti yiyôjaa ja Jesús:
—Yivaatsha ya suyeshi avaatsha ca asnajayan; ¿vooy avaatsha ta lhayaash ti lhnachtajyi?
15Taj ti yit'esha ja Jesús:
—Tajulhey nôqueesh; yivo'yeshch'e nôque jaspa shtanc'ashamesh nava yit'esh ja Dios.
Pa lhechesh pa yit'esh ja Juan. 16Meelh ti vacalhesh ja Jesús ti chinajayan, pa yich'ôcjilhavôôj pa yinôôt. Pa yalhalha ti tatc'aatsham pa vôôs, pa yivanjulh ja Jesús pa lh'Espíritu pa Dios ti nacheyshicham ti lhjunashjulh pa ofo pa vanajulhjat'apee. 17Pa lhechesh pa chiypeya' pa vat'ôjôj tavaysham pa vôôs, ti yit'esh:
“Nôque Yaôs yenach, uj ti ts'ishamesh.”#3.17 Gn 22.2; Sal 2.7; Is 42.1; Mt 12.18; 17.5; Mr 1.11; Lc 9.35.
Tanc'alhtanchay pa Jesús
(Mr 1.12-13; Lc 4.1-13)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.