Maafîu 5
5
Zîsɛ è Ɣâla-woo ƃò ǹûai dîa ǹyéei ma
1Gbɔŋ káa mìi, è tɛ̀ ǹyêei ma. Tãi è sèe lai, ŋɔpôlu-ƃelai dí pà dítinaŋ m̀a. 2Nya ƃe è nâa pɛ̀lɛ lônoi gɛ sɛŋ lɛ dîa, ǹyɛɛi:
Tɔ̃yâ lii-nɛ̃ɛ
(Lûu 6:20-23)
3“Lûwa káa diai dîa díkoloɔ̂i dímɔ̃leŋ sui, kpɛ́ni fêi,
Ŋ̀âla-taa kâloŋ-laai káa a dípɔɔ.
4Lûwa káa diai dîa da wɔ́lɔ̂i,
kpɛ́ni fêi, da pâi díŋa nɛnɛ̂i.
5Lûwa káa diai dîa dílii maa yeŋɔɔ̂i,
kpɛ́ni fêi, dîa ƃe dípɔɔ ƃa ǹɔii.
6Lûwa káa diai dîa puru a díkɛ da kpele-wɛli tɔ̃yâ-laa mɛni mai,
kpɛ́ni fêi, da pâi pelâi.
7Lûwa káa diai dîa maloŋ-kaa káa díyêei,
kpɛ́ni fêi, da pâi maloŋ-kaa sɔlɔ ƃôi.
8Lûwa káa diai dîa dílii su waâi,
kpɛ́ni fêi, da pâi Ɣâla kâai.
9Lûwa káa diai dîa da nûa loai kpɛ̀tɛi,
kpɛ́ni fêi, da pâi dítolîi a Ɣâla lônii.
10Lûwa káa diai dîa da díkpɔara tɔ̃yâ-laa mɛni mai,
kpɛ́ni fêi, Ŋ̀âla-taa kâloŋ-laai káa a dípɔɔ.
11“Lûwa káa kâa, káai da lôno kâa dí kákpɔara, dí wóo nyɔ́mɔɔ támaa ƃó a kálaa a lɛ́ɛ ḿaa mɛni mai. 12Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.
Ǹɔii ŋɔkpolo lîyeŋ
(Mâki 9:50; Lûu 14:34, 35)
13“Káa ƃa ǹɔii ŋɔkpolo-liyeŋ. Kɛ́lɛ, à kɛ̀ gbolo-liyeŋ à ǹíyeŋ làŋ, a pɔ̂ri gɛ̂i leŋ é ǹíyeŋ sɔlɔ ƃo pôlu? Vé ŋɔnɔ lɛlɛ ní sɛŋ da kélee mɛ̂ni ma, fɛ̂ɛ nɔ dí bili núu é ƃɔlɔŋ ma a gɔ́ɔ.
Ǹɔii ŋɔkwaa ponoɔ̂i
14“Káa ƃa ǹɔii ŋɔkwaa-ponoɔɔ. Taa kɛ́tɛ nyii gáa yée mai, va lôo. 15Kpaa máŋ núu fá laŋpo tɔ̀ɔ a gɛɛ e zèe kpɔ̂lɔ mu, kɛ́lɛ, a zèe ɣelêi, à kɛ̀ tí a kwaa-ponoɔɔ tɛ̀ɛ bɛ́rɛi mu-ƃelai kélee pɔ. 16Tɔɔ kákwaa-ponoɔ̂i é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.
Zîsɛ è sɛŋ-lɛ é pîlaŋ dɔ̂ŋ ma
17“Káfe kákili ŋá sía a gɛɛ ŋá pà Mose ŋɔtɔ̂ŋ kara mɛni ma, kpaa máŋ Ɣâla ŋɔlóno-kɛ-ƃelai. Fé pá ní a gɛɛ ŋa díkara. Kɛ́lɛ, ŋá pà a gɛɛ ŋá díŋa-see kɛ́. 18Ŋá m̀ôi kâa a tɔ̃yâ, tãi nɔ́ ŋelei da ǹɔii dí káa nîi la naai, dɔ̂ŋ gbùa tɔ̂nɔ kpîŋ fé pâi kulâi m̀a é lɛ́ɛ la zu mɛni-ŋai kélee ŋa-see é kɛ́. 19Mɛni ma, ǹúui a dɔ̂ŋ-ŋai ŋí guro-têi kàra é maa-pere lɛ́ ǹûai diai, da pâi maa-nuui tólîi a ǹúui guro-têi Ŋ̀âla-taa kâloŋ-laai su. Kɛ́lɛ, ǹúui a díkɛ̀ é tela maa-pere lɛ́ ǹûai diai, da pâi maa-nuui tólîi a ǹúui gɛ́tɛi Ŋ̀âla-taa kâloŋ-laai su. 20Kpɛ́ni fêi, ŋá m̀ó kâa fɛ̂ɛ kátɔ̃yâ-laai é tɛ́ɛ gɔlɔ-pɔ̃yɛ-ƃelai da Faresii-ŋai díwɔ̂i ma, à wàla kɛ́ tí, káfe pâi wɔlɔ liî Ŋ̀âla-taa kâloŋ-laai su.
Zîsɛ è sɛŋ-lɛ é pîlaŋ liî-ŋwana ma
21“Ka m̀ɛnii mɛ̀ni dí wɔlɔ mò kánuu-pɔlɔ-ŋai diai, ‘Ífe núu pàa. Ǹúui kélee a núu pàai, da pâi tɔ̂ŋ kpɛ̂i maa-nuui tí ma.’ 22Kɛ́lɛ, ŋá m̀ôi kâa, ǹúui kélee a ǹíi ŋwâna gɔlɛ-ma-nuui ḿâ kpɛni-kpɛnii, maa nɛ̃ɛ̂i dí tɔ̂ŋ kpɛ́ maa-nuui tí ma. Ǹúui kélee a gɔlɛ-ma-nuui ŋumɛ̂i, maa nɛ̃ɛ̂i maa-nuui tí é tɔ́ɔ mɛni-ŋá-tee-kpɔŋ ŋ́ɛi-tuɛ. Ǹúui kélee a m̀ó, ‘Íƃoɔɔ̂i!’ maa nɛ̃ɛ̂i maa-nuui tí é kɛ́ Dɛ̂ƃele-taa ŋɔŋ ŋɔmɛni-kpɔ̂lui su. 23Mɛni ma yà kɛ̀ pâi a ísama-sɛŋ Ŋ̀âla-teƃelei ḿâ, nàa kíli é tóo íŋa a gɛɛ mɛni nyɔ́mɔɔ káa íkɔlɛ-ma-nuui koi é pîlaŋ yâ, 24ísama-sɛŋ é lɛ́ɛ kpɔ Ŋ̀âla-teƃelei lá mu í lí, ka íkɔlɛ-ma-nuui ká káloai kpɛtɛ fulɔi, à kɛ̀ tí, gɛ̀ ní, pá pôlu í ísama-sɛŋ tɛɛ. 25Maa nɛ̃ɛ̂i a gɛɛ ka íkpɔara-nuui ka mɛnii kpɛtɛ a maa félaa tãi kákaa la berei mai. À wàla kɛ́ tí, íkpɔara-nuui a pâi ítɛɛ̂i mɛni-ŋa-tee-nuui pɔ́, mɛni-ŋa-tee-nuui ǹyaŋ a pâi ítɛɛ̂i gɔkuluƃai pɔ́, dí ípili kpini-pɛrɛ mu. 26Ŋa m̀ôi yâ a tɔ̃yâ, pere kélee da fé pâi kɛ̂i naa a gɛɛ í kúla naa, fɛ̂ɛ zɛŋ-kaoi díkɛ̀ í gɔ̀lɛi, í gélee kɔ́lɛ.
Zîsɛ è sɛŋ-lɛ é pîlaŋ wulu-wulu-kɛɛ ma
27“Ká nyiŋi mɛ̀ni dí wɔlɔ mòi, ‘Ífe wulu-wulu kɛ̀.’ 28Kɛ́lɛ, ŋá m̀ôi kâa, ǹúui kélee a ŋ̀ɛ́i pɛ̀lɛ nɔ nɛnî da ma, ŋ̀wɛ́li é zòŋ a wulu-wulu kɛ́ɛ maa-perei, maa-nuui tí a nâa wulu-wulu kɛ́ ǹíi su-pere. 29Ǹyaŋ ílaa-mii-yee-mɛi ŋɛi-gaoi a íkɛ̀ í too sɔnyɔ̂ŋ su, gula í bíli. Kpɛ́ni fêi, maa nɛɛ̂i, a gɛɛ íkpono gbua da é kara é tɛ́ɛ la íkponoi kélee piliɛɛ ma Dɛ̂ƃele-taa. 30Ǹyaŋ à kɛ̀ ílaa-mii-yee a íkɛ̀ í too sɔnyɔ̂ŋ su, dée yâ í bíli. Kpɛ́ni fêi, ǹɛ́lɛɛ̂i a gɛɛ íkponoi gbua da é kara é tɛ́ɛ la íkponoi kélee kéreŋɔɔ ma Dɛ̂ƃele-taa ŋɔ̂ŋ su ma.
Zîsɛ è sɛŋ-lɛ é pîlaŋ táa-lâa ma
(Maafîu 19:9; Mâki 10:11, 12; Lûu 16:18)
31“Dí mò ŋɔnɔ a gɛɛ ǹúui a ŋɔnɛnîi lɛ̀ɛi, maa nɛɛ̂i é táa-laa-kɔlɔ tɛɛ bɔ. 32Kɛ́lɛ, ŋa m̀ôi kâa, ǹúui kélee a ŋɔnɛnîi lɛ̀ɛ mɛni da kpɛni ma é kúla wulu-wulu kɛ́ɛ pôlui, maa-nuui tí a gɛ̀ ŋɔnɛnîi é wulu-wulu kɛ́. Ǹyaŋ ǹúui kélee a ǹɛnîi nyíi ŋɔsurɔ̂ŋ a ǹɛɛ̂i kula a ŋɔnɛnii, maa-nuui tí a wulu-wulu kɛ́.
Zîsɛ è sɛŋ-lɛ é pîlaŋ núu kɛ́ɛ vóôi ma
33“Ka ŋɔnɔ nyiŋi mɛ̀ni dí wɔlɔ mò nuu pɔlɔ-ŋai diai, ‘Ífe ífòo a wôya-pere, kɛ́lɛ, fɛ̂ɛ í ífòo-wooi ŋa-see kɛ́ nyii í gɛ̀ Ínuu-namui Ɣâla yêei.’ 34Kɛ́lɛ, ŋá m̀ó kâa, Káfe káfoo a dɔnɔ kpîŋ, káfe káfoo a Ɣâla-taa láa, kpɛ́ni fêi, naa ƃa Ɣâla seêi. 35Káfe káfòo a ǹɔii mâ láa, kpɛ́ni fêi, naa káa a Ɣâla kɔ́ɔ tɔɔ̂i. Káfe tela káfoo a Zerusâlɛŋ, kpɛ́ni fêi, gâloŋ kɛ́tɛi ŋɔtaa kɛ́tɛi ká ti. 36Ífe ŋɔnɔ ífòo a íŋuŋ, kpɛ́ni fêi, ífa pɔ̂ri íŋuŋ-leɣa kɛ̂i é kole, kpaa máŋ é tɛi. 37Kɛ́lɛ, tɔɔ íwooi é kɛ́ nɔ́ a ‘Ooei, ooei.’ ‘Kpao, kpao.’ Kpɛ́ni fêi, ŋ̀óo-ŋai díkaa nyii-ŋai ŋí pôlui, da kûla sɔnyɔ̂ŋ-nuu lá.
Zîsɛ è sɛŋ-lɛ̂ é pîlaŋ mɛni kpâ kúlaa ma
(Lûu 6:29, 30)
38“Ká nyiŋi mɛni dí wɔlɔ m̀oi, ‘Ŋɛi-gao a ŋɛi-gao pɔɔ-teei tɛ̀ɛ, nyíŋ kɛ́ nyíŋ pɔɔ-teei tɛ̀ɛ.’ 39Kɛ́lɛ, ŋá m̀ôi kâa, káfe kɔ sɔnyɔ̂ŋ-nuu pɔ. Kɛ́lɛ, núu à ílòkwa ílaa-mii-yee mɛi-komai ḿâ, gbélii tínaŋ bɔ-naa-pere máŋ. 40À kɛ̀ ŋɔnɔ núu da à íkɔlɔ sîɣe é íyɛkɛi kúla íyeêi, ǹɛɛ naa é íkôtii kúla íyeêi máŋ. 41Núu à íkɛ̀ a gɛɛ ka ǹyaa ká lí a máâi tɔnɔ, ka ǹyaa ka lí a máâi feerɛ. 42Núu da à ífɛ̀li sɛŋ da ḿâ, dɛ̀ɛ bɔ. Núu da à kɛ̀ ŋ̀wɛli é kpâ sóŋ íyeêi, ífe ŋ̀ɛ́i kpâla.
Ka kákpɔara-ƃelai wɛ́li
(Lûu 6:27, 28, 32-36)
43“Ká nyiŋi mɛ̀ni dí mòi, ‘Íkɔlɛ-ma-nuui wɛ́li í íkpɔara-nuui kpɔara.’ 44Kɛ́lɛ, ŋá m̀ôi kâa, ka kákpɔara-ƃelai wɛ́li, ká Ɣâla fɛli diai mɛni ma da kákpɔarâi, 45a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋôya-ƃelai dîɛ. 46Kpɛ́ni fêi, à kɛ̀ ka diai wɛ̀li nɔ dí káwɛli níi, lé ƃe ka pâi gulâi zu? Ŋuŋ-fela-fei kula-ƃelai dífa gɛ tí dia máŋ? 47À kɛ̀ ka kála tì nɔ káƃarâai dîa, gɛ̀ ní lé ƃe ka gɛ̀ é tɛɛ káƃarâai dîai? Zɛ̃tai-ŋai dífa gɛ ti dia máŋ? 48Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa Naŋ láa fɛɛ̂i la a wɛli-kɛ-maai.
Currently Selected:
Maafîu 5: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 5
5
Zîsɛ è Ɣâla-woo ƃò ǹûai dîa ǹyéei ma
1Gbɔŋ káa mìi, è tɛ̀ ǹyêei ma. Tãi è sèe lai, ŋɔpôlu-ƃelai dí pà dítinaŋ m̀a. 2Nya ƃe è nâa pɛ̀lɛ lônoi gɛ sɛŋ lɛ dîa, ǹyɛɛi:
Tɔ̃yâ lii-nɛ̃ɛ
(Lûu 6:20-23)
3“Lûwa káa diai dîa díkoloɔ̂i dímɔ̃leŋ sui, kpɛ́ni fêi,
Ŋ̀âla-taa kâloŋ-laai káa a dípɔɔ.
4Lûwa káa diai dîa da wɔ́lɔ̂i,
kpɛ́ni fêi, da pâi díŋa nɛnɛ̂i.
5Lûwa káa diai dîa dílii maa yeŋɔɔ̂i,
kpɛ́ni fêi, dîa ƃe dípɔɔ ƃa ǹɔii.
6Lûwa káa diai dîa puru a díkɛ da kpele-wɛli tɔ̃yâ-laa mɛni mai,
kpɛ́ni fêi, da pâi pelâi.
7Lûwa káa diai dîa maloŋ-kaa káa díyêei,
kpɛ́ni fêi, da pâi maloŋ-kaa sɔlɔ ƃôi.
8Lûwa káa diai dîa dílii su waâi,
kpɛ́ni fêi, da pâi Ɣâla kâai.
9Lûwa káa diai dîa da nûa loai kpɛ̀tɛi,
kpɛ́ni fêi, da pâi dítolîi a Ɣâla lônii.
10Lûwa káa diai dîa da díkpɔara tɔ̃yâ-laa mɛni mai,
kpɛ́ni fêi, Ŋ̀âla-taa kâloŋ-laai káa a dípɔɔ.
11“Lûwa káa kâa, káai da lôno kâa dí kákpɔara, dí wóo nyɔ́mɔɔ támaa ƃó a kálaa a lɛ́ɛ ḿaa mɛni mai. 12Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.
Ǹɔii ŋɔkpolo lîyeŋ
(Mâki 9:50; Lûu 14:34, 35)
13“Káa ƃa ǹɔii ŋɔkpolo-liyeŋ. Kɛ́lɛ, à kɛ̀ gbolo-liyeŋ à ǹíyeŋ làŋ, a pɔ̂ri gɛ̂i leŋ é ǹíyeŋ sɔlɔ ƃo pôlu? Vé ŋɔnɔ lɛlɛ ní sɛŋ da kélee mɛ̂ni ma, fɛ̂ɛ nɔ dí bili núu é ƃɔlɔŋ ma a gɔ́ɔ.
Ǹɔii ŋɔkwaa ponoɔ̂i
14“Káa ƃa ǹɔii ŋɔkwaa-ponoɔɔ. Taa kɛ́tɛ nyii gáa yée mai, va lôo. 15Kpaa máŋ núu fá laŋpo tɔ̀ɔ a gɛɛ e zèe kpɔ̂lɔ mu, kɛ́lɛ, a zèe ɣelêi, à kɛ̀ tí a kwaa-ponoɔɔ tɛ̀ɛ bɛ́rɛi mu-ƃelai kélee pɔ. 16Tɔɔ kákwaa-ponoɔ̂i é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.
Zîsɛ è sɛŋ-lɛ é pîlaŋ dɔ̂ŋ ma
17“Káfe kákili ŋá sía a gɛɛ ŋá pà Mose ŋɔtɔ̂ŋ kara mɛni ma, kpaa máŋ Ɣâla ŋɔlóno-kɛ-ƃelai. Fé pá ní a gɛɛ ŋa díkara. Kɛ́lɛ, ŋá pà a gɛɛ ŋá díŋa-see kɛ́. 18Ŋá m̀ôi kâa a tɔ̃yâ, tãi nɔ́ ŋelei da ǹɔii dí káa nîi la naai, dɔ̂ŋ gbùa tɔ̂nɔ kpîŋ fé pâi kulâi m̀a é lɛ́ɛ la zu mɛni-ŋai kélee ŋa-see é kɛ́. 19Mɛni ma, ǹúui a dɔ̂ŋ-ŋai ŋí guro-têi kàra é maa-pere lɛ́ ǹûai diai, da pâi maa-nuui tólîi a ǹúui guro-têi Ŋ̀âla-taa kâloŋ-laai su. Kɛ́lɛ, ǹúui a díkɛ̀ é tela maa-pere lɛ́ ǹûai diai, da pâi maa-nuui tólîi a ǹúui gɛ́tɛi Ŋ̀âla-taa kâloŋ-laai su. 20Kpɛ́ni fêi, ŋá m̀ó kâa fɛ̂ɛ kátɔ̃yâ-laai é tɛ́ɛ gɔlɔ-pɔ̃yɛ-ƃelai da Faresii-ŋai díwɔ̂i ma, à wàla kɛ́ tí, káfe pâi wɔlɔ liî Ŋ̀âla-taa kâloŋ-laai su.
Zîsɛ è sɛŋ-lɛ é pîlaŋ liî-ŋwana ma
21“Ka m̀ɛnii mɛ̀ni dí wɔlɔ mò kánuu-pɔlɔ-ŋai diai, ‘Ífe núu pàa. Ǹúui kélee a núu pàai, da pâi tɔ̂ŋ kpɛ̂i maa-nuui tí ma.’ 22Kɛ́lɛ, ŋá m̀ôi kâa, ǹúui kélee a ǹíi ŋwâna gɔlɛ-ma-nuui ḿâ kpɛni-kpɛnii, maa nɛ̃ɛ̂i dí tɔ̂ŋ kpɛ́ maa-nuui tí ma. Ǹúui kélee a gɔlɛ-ma-nuui ŋumɛ̂i, maa nɛ̃ɛ̂i maa-nuui tí é tɔ́ɔ mɛni-ŋá-tee-kpɔŋ ŋ́ɛi-tuɛ. Ǹúui kélee a m̀ó, ‘Íƃoɔɔ̂i!’ maa nɛ̃ɛ̂i maa-nuui tí é kɛ́ Dɛ̂ƃele-taa ŋɔŋ ŋɔmɛni-kpɔ̂lui su. 23Mɛni ma yà kɛ̀ pâi a ísama-sɛŋ Ŋ̀âla-teƃelei ḿâ, nàa kíli é tóo íŋa a gɛɛ mɛni nyɔ́mɔɔ káa íkɔlɛ-ma-nuui koi é pîlaŋ yâ, 24ísama-sɛŋ é lɛ́ɛ kpɔ Ŋ̀âla-teƃelei lá mu í lí, ka íkɔlɛ-ma-nuui ká káloai kpɛtɛ fulɔi, à kɛ̀ tí, gɛ̀ ní, pá pôlu í ísama-sɛŋ tɛɛ. 25Maa nɛ̃ɛ̂i a gɛɛ ka íkpɔara-nuui ka mɛnii kpɛtɛ a maa félaa tãi kákaa la berei mai. À wàla kɛ́ tí, íkpɔara-nuui a pâi ítɛɛ̂i mɛni-ŋa-tee-nuui pɔ́, mɛni-ŋa-tee-nuui ǹyaŋ a pâi ítɛɛ̂i gɔkuluƃai pɔ́, dí ípili kpini-pɛrɛ mu. 26Ŋa m̀ôi yâ a tɔ̃yâ, pere kélee da fé pâi kɛ̂i naa a gɛɛ í kúla naa, fɛ̂ɛ zɛŋ-kaoi díkɛ̀ í gɔ̀lɛi, í gélee kɔ́lɛ.
Zîsɛ è sɛŋ-lɛ é pîlaŋ wulu-wulu-kɛɛ ma
27“Ká nyiŋi mɛ̀ni dí wɔlɔ mòi, ‘Ífe wulu-wulu kɛ̀.’ 28Kɛ́lɛ, ŋá m̀ôi kâa, ǹúui kélee a ŋ̀ɛ́i pɛ̀lɛ nɔ nɛnî da ma, ŋ̀wɛ́li é zòŋ a wulu-wulu kɛ́ɛ maa-perei, maa-nuui tí a nâa wulu-wulu kɛ́ ǹíi su-pere. 29Ǹyaŋ ílaa-mii-yee-mɛi ŋɛi-gaoi a íkɛ̀ í too sɔnyɔ̂ŋ su, gula í bíli. Kpɛ́ni fêi, maa nɛɛ̂i, a gɛɛ íkpono gbua da é kara é tɛ́ɛ la íkponoi kélee piliɛɛ ma Dɛ̂ƃele-taa. 30Ǹyaŋ à kɛ̀ ílaa-mii-yee a íkɛ̀ í too sɔnyɔ̂ŋ su, dée yâ í bíli. Kpɛ́ni fêi, ǹɛ́lɛɛ̂i a gɛɛ íkponoi gbua da é kara é tɛ́ɛ la íkponoi kélee kéreŋɔɔ ma Dɛ̂ƃele-taa ŋɔ̂ŋ su ma.
Zîsɛ è sɛŋ-lɛ é pîlaŋ táa-lâa ma
(Maafîu 19:9; Mâki 10:11, 12; Lûu 16:18)
31“Dí mò ŋɔnɔ a gɛɛ ǹúui a ŋɔnɛnîi lɛ̀ɛi, maa nɛɛ̂i é táa-laa-kɔlɔ tɛɛ bɔ. 32Kɛ́lɛ, ŋa m̀ôi kâa, ǹúui kélee a ŋɔnɛnîi lɛ̀ɛ mɛni da kpɛni ma é kúla wulu-wulu kɛ́ɛ pôlui, maa-nuui tí a gɛ̀ ŋɔnɛnîi é wulu-wulu kɛ́. Ǹyaŋ ǹúui kélee a ǹɛnîi nyíi ŋɔsurɔ̂ŋ a ǹɛɛ̂i kula a ŋɔnɛnii, maa-nuui tí a wulu-wulu kɛ́.
Zîsɛ è sɛŋ-lɛ é pîlaŋ núu kɛ́ɛ vóôi ma
33“Ka ŋɔnɔ nyiŋi mɛ̀ni dí wɔlɔ mò nuu pɔlɔ-ŋai diai, ‘Ífe ífòo a wôya-pere, kɛ́lɛ, fɛ̂ɛ í ífòo-wooi ŋa-see kɛ́ nyii í gɛ̀ Ínuu-namui Ɣâla yêei.’ 34Kɛ́lɛ, ŋá m̀ó kâa, Káfe káfoo a dɔnɔ kpîŋ, káfe káfoo a Ɣâla-taa láa, kpɛ́ni fêi, naa ƃa Ɣâla seêi. 35Káfe káfòo a ǹɔii mâ láa, kpɛ́ni fêi, naa káa a Ɣâla kɔ́ɔ tɔɔ̂i. Káfe tela káfoo a Zerusâlɛŋ, kpɛ́ni fêi, gâloŋ kɛ́tɛi ŋɔtaa kɛ́tɛi ká ti. 36Ífe ŋɔnɔ ífòo a íŋuŋ, kpɛ́ni fêi, ífa pɔ̂ri íŋuŋ-leɣa kɛ̂i é kole, kpaa máŋ é tɛi. 37Kɛ́lɛ, tɔɔ íwooi é kɛ́ nɔ́ a ‘Ooei, ooei.’ ‘Kpao, kpao.’ Kpɛ́ni fêi, ŋ̀óo-ŋai díkaa nyii-ŋai ŋí pôlui, da kûla sɔnyɔ̂ŋ-nuu lá.
Zîsɛ è sɛŋ-lɛ̂ é pîlaŋ mɛni kpâ kúlaa ma
(Lûu 6:29, 30)
38“Ká nyiŋi mɛni dí wɔlɔ m̀oi, ‘Ŋɛi-gao a ŋɛi-gao pɔɔ-teei tɛ̀ɛ, nyíŋ kɛ́ nyíŋ pɔɔ-teei tɛ̀ɛ.’ 39Kɛ́lɛ, ŋá m̀ôi kâa, káfe kɔ sɔnyɔ̂ŋ-nuu pɔ. Kɛ́lɛ, núu à ílòkwa ílaa-mii-yee mɛi-komai ḿâ, gbélii tínaŋ bɔ-naa-pere máŋ. 40À kɛ̀ ŋɔnɔ núu da à íkɔlɔ sîɣe é íyɛkɛi kúla íyeêi, ǹɛɛ naa é íkôtii kúla íyeêi máŋ. 41Núu à íkɛ̀ a gɛɛ ka ǹyaa ká lí a máâi tɔnɔ, ka ǹyaa ka lí a máâi feerɛ. 42Núu da à ífɛ̀li sɛŋ da ḿâ, dɛ̀ɛ bɔ. Núu da à kɛ̀ ŋ̀wɛli é kpâ sóŋ íyeêi, ífe ŋ̀ɛ́i kpâla.
Ka kákpɔara-ƃelai wɛ́li
(Lûu 6:27, 28, 32-36)
43“Ká nyiŋi mɛ̀ni dí mòi, ‘Íkɔlɛ-ma-nuui wɛ́li í íkpɔara-nuui kpɔara.’ 44Kɛ́lɛ, ŋá m̀ôi kâa, ka kákpɔara-ƃelai wɛ́li, ká Ɣâla fɛli diai mɛni ma da kákpɔarâi, 45a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋôya-ƃelai dîɛ. 46Kpɛ́ni fêi, à kɛ̀ ka diai wɛ̀li nɔ dí káwɛli níi, lé ƃe ka pâi gulâi zu? Ŋuŋ-fela-fei kula-ƃelai dífa gɛ tí dia máŋ? 47À kɛ̀ ka kála tì nɔ káƃarâai dîa, gɛ̀ ní lé ƃe ka gɛ̀ é tɛɛ káƃarâai dîai? Zɛ̃tai-ŋai dífa gɛ ti dia máŋ? 48Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa Naŋ láa fɛɛ̂i la a wɛli-kɛ-maai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in