Maafîu 28
28
Zîsɛ è mu-siɣe saa-yêei
(Mâki 16:1-10; Lûu 24:1-12; Zɔ̂ŋ 20:1-10)
1Ǹaa pôlu mâ lɔɔkuui kɔ́ɔ-pîlaŋ ɣele-wala-pɛpɛ, nyii kɛ̀ a Vii-tɔɔ-ɣelei pôlu-ma-ɣelei, Mere Madalini da Mere da kpɛ́nii dí pà a gɛɛ dí m̀olôŋ lá káa. 2Ǹɔii è kpɛ̃liŋ kpɔ́ a ŋánaa. Kpɛ́ni fêi, Kúnuu-namui ŋɔkélai dɔnɔ è kùla Ɣâla-taa é pá é gɔnii kílîŋ é gúla m̀olôŋ lá é see mɛi. 3Ŋ̀ɛ́i è kɛ̀ fóloi yɛ̂ɛ ŋ̀ele-gbâna ŋɔmãla-mãla. Ŋɔseɣei kɛ́ kole yɛ̂ɛ yee fũa. 4Gɔkuluƃa-ŋai dí yào ma díkɛ kpɛ̃liŋ. Dí nâa kɛ̀ nɔ́ yɛ̂ɛ saa-ƃela.
5Nya ƃe Ŋ̀âla-taa kelai è mò nɛyâai dîa, ǹyɛɛi, “Káfe yao. Kpɛ́ni fêi, ŋá gɔ́lɔŋ kákaa Zîsɛ kɔ́rîi nyii dí gbamo zaa-wuruii mai. 6Vé ƃɛ́. Aâ mu síɣe saa yêei, yɛ̂ɛ berei nɔ́ è mò lai. Ka pá ká ƃɛ́i káa è kɛ̀ laa ni naai. 7Ka lí a maa félaa ká m̀ó ŋɔpôlu-ƃelai dîa a gɛɛ aâ mu siɣe saa yêei. A liî Galalii kátuɛ. Nàa ƃe ka pâi gáâi naa. Ǹyaŋ ŋa nâa m̀ó kâa.”
8Nya ƃe dí kùla m̀olôŋ lá a maa félaa a yao da lii-nɛ̃ɛ kɛ́tɛ. Dí kîrɛ sìɣe dí li ŋɔpôlu-ƃelai pɔ naa a gɛɛ dí m̀o dîa.
9Dí kɛ́ɛ liî Zîsɛ è kùla dîa, é ǹá tí dîa. Nya ƃe dí pà dí gɔ́ɔ sóŋ dí vɛ̀li. 10Zîsɛ è mò dîa, ǹyɛɛi, “Káfe yao. Ka lí ká m̀ó ŋáwɛli-kɛ-maa-ƃelai dîa a gɛɛ dí lí Galalii. Nàa ƃe da pâi ŋ́gaâi naa.”
Gɔkuluƃa-ŋai dí díkoraŋ-mo
11Dí kɛ́ɛ liî, gɔkuluƃa-ŋai da-ni dí pà daai sú zâla láa soŋ-ƃela kpaya-kpayai pɔ naa dí mɛni-ŋai nyii-ŋai kɛ̀i kélee ƃó dîa. 12Tãi dí díŋa tɛ̀ la díkîe ma da nuu-pɔlɔ-ŋai, dí díŋuŋ ma pìlaŋ dí sɛŋ-kao támaa tɛ́ɛ gɔkuluƃa-ŋai pɔ́, 13dîyɛɛ díai, “Ka m̀ó kâa, ‘Ŋɔpôlu-ƃelai dí pà a kpíni dí boma ŋúma tãi kú kɛ́ nyiî lai.’ 14Ǹyaŋ à kɛ̀ gɔmɛnɛ-nuu kɛ́tɛi à nyiŋi mɛ̀ni, gɛ̀ ní, kwa pâi ǹíi ŋá yeŋ-woo ƃôi, kú kákula m̀ɛnii su.”
15Nya ƃe dí zɛŋ-kaoi sòŋ dí m̀o nɔ́ yɛ̂ɛ berei dí mò la dîa a gɛɛ dí mói. Ǹyaŋ m̀ɛnii ŋí duŋ è tàa-taa kpɔ́ Zûu-ŋai sama, gáa niî naa sâai ŋí sú.
Zîsɛ è gbîŋ lɛ̀ ŋɔpôlu-ƃelai dîa
(Mâki 16:14-18; Lûu 24:36-49; Zɔ̂ŋ 20:19-23; Zia-ƃelai Kɛ́-mɛni-ŋai 1:6-8)
16Zîsɛ ŋɔpôlu-ƃela puu kao tɔnɔɔi dí lì Galalii, ǹyéei ma Zîsɛ è ǹaa lɛ̀ diai. 17Tãi dí gàa lai, dí vɛ̀li. Kɛ́lɛ, díta-ni dífe laa ni la. 18Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma. 19Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú. 20M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”
Currently Selected:
Maafîu 28: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 28
28
Zîsɛ è mu-siɣe saa-yêei
(Mâki 16:1-10; Lûu 24:1-12; Zɔ̂ŋ 20:1-10)
1Ǹaa pôlu mâ lɔɔkuui kɔ́ɔ-pîlaŋ ɣele-wala-pɛpɛ, nyii kɛ̀ a Vii-tɔɔ-ɣelei pôlu-ma-ɣelei, Mere Madalini da Mere da kpɛ́nii dí pà a gɛɛ dí m̀olôŋ lá káa. 2Ǹɔii è kpɛ̃liŋ kpɔ́ a ŋánaa. Kpɛ́ni fêi, Kúnuu-namui ŋɔkélai dɔnɔ è kùla Ɣâla-taa é pá é gɔnii kílîŋ é gúla m̀olôŋ lá é see mɛi. 3Ŋ̀ɛ́i è kɛ̀ fóloi yɛ̂ɛ ŋ̀ele-gbâna ŋɔmãla-mãla. Ŋɔseɣei kɛ́ kole yɛ̂ɛ yee fũa. 4Gɔkuluƃa-ŋai dí yào ma díkɛ kpɛ̃liŋ. Dí nâa kɛ̀ nɔ́ yɛ̂ɛ saa-ƃela.
5Nya ƃe Ŋ̀âla-taa kelai è mò nɛyâai dîa, ǹyɛɛi, “Káfe yao. Kpɛ́ni fêi, ŋá gɔ́lɔŋ kákaa Zîsɛ kɔ́rîi nyii dí gbamo zaa-wuruii mai. 6Vé ƃɛ́. Aâ mu síɣe saa yêei, yɛ̂ɛ berei nɔ́ è mò lai. Ka pá ká ƃɛ́i káa è kɛ̀ laa ni naai. 7Ka lí a maa félaa ká m̀ó ŋɔpôlu-ƃelai dîa a gɛɛ aâ mu siɣe saa yêei. A liî Galalii kátuɛ. Nàa ƃe ka pâi gáâi naa. Ǹyaŋ ŋa nâa m̀ó kâa.”
8Nya ƃe dí kùla m̀olôŋ lá a maa félaa a yao da lii-nɛ̃ɛ kɛ́tɛ. Dí kîrɛ sìɣe dí li ŋɔpôlu-ƃelai pɔ naa a gɛɛ dí m̀o dîa.
9Dí kɛ́ɛ liî Zîsɛ è kùla dîa, é ǹá tí dîa. Nya ƃe dí pà dí gɔ́ɔ sóŋ dí vɛ̀li. 10Zîsɛ è mò dîa, ǹyɛɛi, “Káfe yao. Ka lí ká m̀ó ŋáwɛli-kɛ-maa-ƃelai dîa a gɛɛ dí lí Galalii. Nàa ƃe da pâi ŋ́gaâi naa.”
Gɔkuluƃa-ŋai dí díkoraŋ-mo
11Dí kɛ́ɛ liî, gɔkuluƃa-ŋai da-ni dí pà daai sú zâla láa soŋ-ƃela kpaya-kpayai pɔ naa dí mɛni-ŋai nyii-ŋai kɛ̀i kélee ƃó dîa. 12Tãi dí díŋa tɛ̀ la díkîe ma da nuu-pɔlɔ-ŋai, dí díŋuŋ ma pìlaŋ dí sɛŋ-kao támaa tɛ́ɛ gɔkuluƃa-ŋai pɔ́, 13dîyɛɛ díai, “Ka m̀ó kâa, ‘Ŋɔpôlu-ƃelai dí pà a kpíni dí boma ŋúma tãi kú kɛ́ nyiî lai.’ 14Ǹyaŋ à kɛ̀ gɔmɛnɛ-nuu kɛ́tɛi à nyiŋi mɛ̀ni, gɛ̀ ní, kwa pâi ǹíi ŋá yeŋ-woo ƃôi, kú kákula m̀ɛnii su.”
15Nya ƃe dí zɛŋ-kaoi sòŋ dí m̀o nɔ́ yɛ̂ɛ berei dí mò la dîa a gɛɛ dí mói. Ǹyaŋ m̀ɛnii ŋí duŋ è tàa-taa kpɔ́ Zûu-ŋai sama, gáa niî naa sâai ŋí sú.
Zîsɛ è gbîŋ lɛ̀ ŋɔpôlu-ƃelai dîa
(Mâki 16:14-18; Lûu 24:36-49; Zɔ̂ŋ 20:19-23; Zia-ƃelai Kɛ́-mɛni-ŋai 1:6-8)
16Zîsɛ ŋɔpôlu-ƃela puu kao tɔnɔɔi dí lì Galalii, ǹyéei ma Zîsɛ è ǹaa lɛ̀ diai. 17Tãi dí gàa lai, dí vɛ̀li. Kɛ́lɛ, díta-ni dífe laa ni la. 18Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma. 19Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú. 20M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in