Maafîu 18
18
Gbɛ̂ɛ ƃa ǹúui gɛ́tɛi
(Mâki 9:33-37; Lûu 9:46-48)
1Zîsɛ ŋɔpôlu-ƃelai dí pà bɔ a maa aƃai ti, dîyɛɛ mai, “Gbɛ̂ɛ ŋaŋ ƃa ǹúui gɛ́tɛi Ŋ̀âla-taa kâloŋ-laai su?”
2Nya ƃe è lôloŋ tɔnɔ tòli é zèe dísama, 3é m̀ó, ǹyɛɛi, “Ŋa tɔ̃yâ ƃôi kâa, fɛ̂ɛ ka pene pôlu ká kɛ́ yɛ̂ɛ nîa-pɛlɛɛ. À wàla kɛ́ tí, káfe pâi wɔlɔ lɔ̂i Ŋ̀âla-taa kâloŋ-laai su. 4Mɛni ma, ǹúui nyii a gbîŋ maa yêŋ yɛ̂ɛ ǹôloŋ ŋí, maa-nuui ƃe gáa a ǹúui gɛ́tɛi Ŋ̀âla-taa kâloŋ-laai su. 5Ǹyaŋ ǹúui a ǹyée sèe lôloŋ kɛ́ɛ ŋí mu ńaa sui, a ǹyée sée ḿû.
Zu-kɔɔŋ-ŋai da núu kɛ̀ é sɔnyɔ̂ŋ kɛ́i
(Mâki 9:42-48; Lûu 17:1, 2)
6“Kɛ́lɛ, ǹúui a ǹîa-pɛlɛɛi ŋí, dílaâi a ńyãai, dɔnɔ kɛ̀ é tóo pôlui, maa nɛɛ̂i a gɛɛ dí kɔni kɛ́tɛ ɣíri maa-nuui kɔŋ mâ dí bili ǹyái su. 7Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!
8“À kɛ̀ íyee kpaa íkɔɔ a íkɛ̀ í too sɔnyɔ̂ŋ su, dée yâ í bili. Maa nɛ̃ɛ̂i a gɛɛ í ífulu-laai kɛ́ a íyee tɔnɔ kpaa máŋ íkɔɔ tɔnɔ é tɛ́ɛ la íyee veerɛ kpaa máŋ íkɔɔ veerɛ kɛ́ɛ yâ ma dí ípili ŋ̀ɔ́lɔ-wɔlɔ ŋɔŋ su. 9À kɛ̀ ǹyaŋ íŋɛi dɔnɔ a íkɛ̀ í too sɔnyɔ̂ŋ su, gula í bili. Maa nɛ̃ɛ̂i a gɛɛ í ífulu-laai kɛ́ a íŋɛi dɔnɔ é tɛ́ɛ la íŋɛi veerɛ kɛ́ɛ yâ ma dí ípili Dɛ̂ƃele-taa ŋɔŋ su.
M̀ála láŋɔɔi
(Lûu 15:3-7)
10“Ka gáa a gɛɛ káfe káŋɛi naɣîŋ ǹîa-pɛlɛɛi ŋí dɔnɔ kpîŋ mɛi. Kpɛ́ni fêi, ŋá m̀ó kâa, Díɣâla-taa kela-ŋai díkaa Ɣâla-taai, da Ŋáɣâla-taa Naŋ kâa nɔ a ɣele kélee. [ 11Kpɛ́ni fêi, Núu-kpune Ǹóŋ è pà a gɛɛ é diai ƃálo kɛ̀ a dílaŋɔɔ̂i.]
12“Kákili-ŋa-siai káa léŋ? À kɛ̀ ƃála ŋuŋ tɔ̂nɔ (100) à kɛ̀ núu yêei, dɔnɔ é láŋ, ve pâi m̀ála buu lɔ́ɔlu mɛi náaŋ kao lɔ́ɔlu mɛi náaŋ lɛɛ̂i ǹyée-ŋai ma é lí é dɔnɔi tí kɔ̂ri nyii làŋ? 13Ǹyaŋ à kɛ̀ à gàa, tɔ̃yâ ma, ŋá m̀ó kâa, a pâi lii-nɛ̃ɛ támaa kulâi m̀ɛni ma é tɛ́ɛ buu lɔ́ɔlu mɛi náaŋ kao lɔ́ɔlu mɛi náaŋ ma nyii-ŋai dífe laŋ ni dímaa mɛ̂ni ma. 14Bere nɔ́ ƃé máŋ Káɣâla-taa Naŋ fé ŋ̀wɛli ni la a gɛɛ ǹîa-pɛlɛɛi ŋí dɔnɔ kpîŋ é sáa.
Tãi núu da a sɔnyɔ̂ŋ kɛ̀ lai
15“À kɛ̀ íƃarâŋ nuu à sɔnyɔ̂ŋ kɛ̀ a yá, ǹia-woo ƃó káfeerɛ kwaa ma. A íwoo mɛ̂ni, gɛ̀ ní, gáa niî a íƃarâŋ. 16Kɛ́lɛ, à wàla íwoo mɛ́ni, lí bɔ a núu tɔnɔ kpaa máŋ núu feerɛ a gɛɛ mɛni-ŋai kélee ka pâi môi sêre feerɛ kpaa saaƃa dí kɛ́ ma. 17Kɛ́lɛ, à wàla díwoo mɛ́ni, bú Kôrai-toli-kpɔŋ su-ƃelai ŋɛ́i. A wàla máŋ díwoo mɛni, gɛ̀ ní, zoŋ nɔ nâa yɛ̂ɛ Zɛ̃tai-nuu da ŋuŋ-fela-fei kula-nuu.
M̀ɛnii ka fâa mai, da nyii káfà fâa mai
18“Ŋá tɔ̃yâ ƃói kâa, sɛŋ kélee ka ŋìri ŋ̀éniɛi ŋí sui, a pâi kɛ̀i a ŋiriɛɛ Ɣâla-taa. Sɛŋ kélee ka vùloŋ ŋ̀éniɛi ŋí sui, a pâi kɛ̀i a vúloŋɔɔ Ɣâla-taa.
19“Ŋa ŋɔnɔ mò kâa, à kɛ̀ núu feerɛ da fàa ma kásama ŋ̀éniɛi ŋí su é pîlaŋ la sɛŋ nyii kélee ma da ŋ̀wɛ̂lii dí Ɣâla fɛli mɛni mai, Ŋáɣâla-taa Naŋ a pâi dɛɛ̂i dípɔ. 20Kpɛ́ni fêi, ƃɛi núu feerɛ kpaa máŋ núu saaƃa da díŋa tɛ̀ naa díkîe ma ńaai sui, ŋa pâi kɛ̀i naa dísama.”
Zã́ŋ bîlaŋɔɔi ŋ̀wana-lɔ̂ɔ yee-mu-nuui mai
21Nya ƃe Pitɛ è pà é m̀ó ma ǹyɛɛi, “Kúnuu-namui, ḿarâŋ-nuu à sɔnyɔ̂ŋ kɛ̀ a ńyãa ŋá zu-mɛni lɛɛ la kɛ́ ɣɛɛlu? Fɛ̂ɛ lɔ́ɔlu mɛi feerɛ?”
22Zîsɛ è mò ma, ǹyɛɛ, “Fa mò yâ fɛ̂ɛ lɔ́ɔlu mɛi feerɛ, kɛ́lɛ, fɛ̂ɛ buu lɔ́ɔlu mɛi feerɛ seêi lɔ́ɔlu mɛi feerɛ. 23Mɛni ma Ŋ̀âla-taa kâloŋ-laai káa yɛ̂ɛ kâloŋ tɔnɔ nyii kɛ̀ kpa kpɛ̂i ǹyée-mu-ƃelai diai. 24Tãi è pɛ̀lɛ la nâa gbai kpɛ́ɛ mai, dí pà bɔ a ǹúui dɔnɔ nyii dâla meeyɔŋ tɔnɔ è kɛ̀ ma a kpâi, 25kɛ́lɛ, gɛ́ɛ ve pɔ̂ri ni gbai kpɛɛ̂i, ŋɔnuu-namui è mò a gɛɛ dí gɔlɛ da ŋɔnɛnîi é pɛ́lɛ ŋɔnîa-pɛlɛɛi dîa da zɛŋ kélee gáa ǹyêei a gɛɛ é ŋɔkpâi kpɛ́ɛ. 26Nya ƃe ǹyée-mu-nuui è tòo gɔ́ɔ mu é vɛ̀li, ǹyɛɛi, ‘Ŋánuu-namui, ílii kpele ḿâ, ŋa pâi íkpai kélee kpɛɛ̂i.’ 27Nya ƃe ǹyée mu-nuui tí ŋɔnuu-namui è m̀alôŋ kàa é tée ma é gbai lɛ́ɛ m̀a.
28“Kɛ́lɛ, ǹyée-mu-nuui tí è lì é m̀arâŋ-yee-mu-nuui kaa nyii ŋɔsêleŋ ŋuŋ tɔnɔ (100) è kɛ̀ mai. Nya ƃe è zòŋ a gɔŋ-la, ǹyɛɛ mai, ‘Ŋákpâi gáa yâi gbɛ̀ɛ.’ 29Nya ƃe m̀arâŋ-yee-mu-nuui è tòo gɔ́ɔ mu é gbera fé, ǹyɛɛi, ‘Ílii kpéle mâ, ŋa pâi íkpai kpɛɛ̂i.’ 30Kɛ́lɛ, ve gɛ̀ ní. È lì la é bili kpini-pɛrɛ mu a gɛɛ é lɛ́ɛ naa é lɛ́ɛ la zu é ŋɔkpâi kpɛɛ. 31Tãi m̀arâŋ-yee-mu-ƃelai dí m̀ɛnii kɛ̀ kɛ̂i naa kàa lai, malôŋ è tòo dîa a ŋánaa. Nya ƃe dí lì dí gélee ƃo dínuu-namui ma. 32Nya ƃe ŋɔnuu-namui è dòli é m̀ó ma, ǹyɛɛi, ‘Yái a ŋ̀wana-lɔ̂ɔ yee-mu-nuui! Ŋá íkpai kélee su-mɛni lɛ̀ɛ, kpɛ́ni fêi, í ŋ́gbera fê. 33Maloŋ-kaa fêi pɔ̂ri kɛ̂i íyeêi íƃarâŋ-yee-mu-nuui tí mɛ̂ni ma yɛ̂ɛ berei máŋ ŋá ímalôŋ kàa lai?’ 34Nya ƃe ŋɔnuu-namui líi è ŋwàna é dɛ̀ɛ gbini-pɛrɛ lá-ƃelai pɔ a gɛɛ é lɛ́ɛ díyêei é lɛ́ɛ la zu é gbai kélee kpɛɛ.
35“Bere nɔ́ ƃe máŋ Ŋáɣâla-taa Naŋ a pâi gɛ̂i la a kákelee, à kɛ̀ kà wàla káƃarâai kélee dítɔ̂ŋ-kara-ŋai su-mɛni lɛɛ é kúla kálii su.”
Currently Selected:
Maafîu 18: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 18
18
Gbɛ̂ɛ ƃa ǹúui gɛ́tɛi
(Mâki 9:33-37; Lûu 9:46-48)
1Zîsɛ ŋɔpôlu-ƃelai dí pà bɔ a maa aƃai ti, dîyɛɛ mai, “Gbɛ̂ɛ ŋaŋ ƃa ǹúui gɛ́tɛi Ŋ̀âla-taa kâloŋ-laai su?”
2Nya ƃe è lôloŋ tɔnɔ tòli é zèe dísama, 3é m̀ó, ǹyɛɛi, “Ŋa tɔ̃yâ ƃôi kâa, fɛ̂ɛ ka pene pôlu ká kɛ́ yɛ̂ɛ nîa-pɛlɛɛ. À wàla kɛ́ tí, káfe pâi wɔlɔ lɔ̂i Ŋ̀âla-taa kâloŋ-laai su. 4Mɛni ma, ǹúui nyii a gbîŋ maa yêŋ yɛ̂ɛ ǹôloŋ ŋí, maa-nuui ƃe gáa a ǹúui gɛ́tɛi Ŋ̀âla-taa kâloŋ-laai su. 5Ǹyaŋ ǹúui a ǹyée sèe lôloŋ kɛ́ɛ ŋí mu ńaa sui, a ǹyée sée ḿû.
Zu-kɔɔŋ-ŋai da núu kɛ̀ é sɔnyɔ̂ŋ kɛ́i
(Mâki 9:42-48; Lûu 17:1, 2)
6“Kɛ́lɛ, ǹúui a ǹîa-pɛlɛɛi ŋí, dílaâi a ńyãai, dɔnɔ kɛ̀ é tóo pôlui, maa nɛɛ̂i a gɛɛ dí kɔni kɛ́tɛ ɣíri maa-nuui kɔŋ mâ dí bili ǹyái su. 7Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!
8“À kɛ̀ íyee kpaa íkɔɔ a íkɛ̀ í too sɔnyɔ̂ŋ su, dée yâ í bili. Maa nɛ̃ɛ̂i a gɛɛ í ífulu-laai kɛ́ a íyee tɔnɔ kpaa máŋ íkɔɔ tɔnɔ é tɛ́ɛ la íyee veerɛ kpaa máŋ íkɔɔ veerɛ kɛ́ɛ yâ ma dí ípili ŋ̀ɔ́lɔ-wɔlɔ ŋɔŋ su. 9À kɛ̀ ǹyaŋ íŋɛi dɔnɔ a íkɛ̀ í too sɔnyɔ̂ŋ su, gula í bili. Maa nɛ̃ɛ̂i a gɛɛ í ífulu-laai kɛ́ a íŋɛi dɔnɔ é tɛ́ɛ la íŋɛi veerɛ kɛ́ɛ yâ ma dí ípili Dɛ̂ƃele-taa ŋɔŋ su.
M̀ála láŋɔɔi
(Lûu 15:3-7)
10“Ka gáa a gɛɛ káfe káŋɛi naɣîŋ ǹîa-pɛlɛɛi ŋí dɔnɔ kpîŋ mɛi. Kpɛ́ni fêi, ŋá m̀ó kâa, Díɣâla-taa kela-ŋai díkaa Ɣâla-taai, da Ŋáɣâla-taa Naŋ kâa nɔ a ɣele kélee. [ 11Kpɛ́ni fêi, Núu-kpune Ǹóŋ è pà a gɛɛ é diai ƃálo kɛ̀ a dílaŋɔɔ̂i.]
12“Kákili-ŋa-siai káa léŋ? À kɛ̀ ƃála ŋuŋ tɔ̂nɔ (100) à kɛ̀ núu yêei, dɔnɔ é láŋ, ve pâi m̀ála buu lɔ́ɔlu mɛi náaŋ kao lɔ́ɔlu mɛi náaŋ lɛɛ̂i ǹyée-ŋai ma é lí é dɔnɔi tí kɔ̂ri nyii làŋ? 13Ǹyaŋ à kɛ̀ à gàa, tɔ̃yâ ma, ŋá m̀ó kâa, a pâi lii-nɛ̃ɛ támaa kulâi m̀ɛni ma é tɛ́ɛ buu lɔ́ɔlu mɛi náaŋ kao lɔ́ɔlu mɛi náaŋ ma nyii-ŋai dífe laŋ ni dímaa mɛ̂ni ma. 14Bere nɔ́ ƃé máŋ Káɣâla-taa Naŋ fé ŋ̀wɛli ni la a gɛɛ ǹîa-pɛlɛɛi ŋí dɔnɔ kpîŋ é sáa.
Tãi núu da a sɔnyɔ̂ŋ kɛ̀ lai
15“À kɛ̀ íƃarâŋ nuu à sɔnyɔ̂ŋ kɛ̀ a yá, ǹia-woo ƃó káfeerɛ kwaa ma. A íwoo mɛ̂ni, gɛ̀ ní, gáa niî a íƃarâŋ. 16Kɛ́lɛ, à wàla íwoo mɛ́ni, lí bɔ a núu tɔnɔ kpaa máŋ núu feerɛ a gɛɛ mɛni-ŋai kélee ka pâi môi sêre feerɛ kpaa saaƃa dí kɛ́ ma. 17Kɛ́lɛ, à wàla díwoo mɛ́ni, bú Kôrai-toli-kpɔŋ su-ƃelai ŋɛ́i. A wàla máŋ díwoo mɛni, gɛ̀ ní, zoŋ nɔ nâa yɛ̂ɛ Zɛ̃tai-nuu da ŋuŋ-fela-fei kula-nuu.
M̀ɛnii ka fâa mai, da nyii káfà fâa mai
18“Ŋá tɔ̃yâ ƃói kâa, sɛŋ kélee ka ŋìri ŋ̀éniɛi ŋí sui, a pâi kɛ̀i a ŋiriɛɛ Ɣâla-taa. Sɛŋ kélee ka vùloŋ ŋ̀éniɛi ŋí sui, a pâi kɛ̀i a vúloŋɔɔ Ɣâla-taa.
19“Ŋa ŋɔnɔ mò kâa, à kɛ̀ núu feerɛ da fàa ma kásama ŋ̀éniɛi ŋí su é pîlaŋ la sɛŋ nyii kélee ma da ŋ̀wɛ̂lii dí Ɣâla fɛli mɛni mai, Ŋáɣâla-taa Naŋ a pâi dɛɛ̂i dípɔ. 20Kpɛ́ni fêi, ƃɛi núu feerɛ kpaa máŋ núu saaƃa da díŋa tɛ̀ naa díkîe ma ńaai sui, ŋa pâi kɛ̀i naa dísama.”
Zã́ŋ bîlaŋɔɔi ŋ̀wana-lɔ̂ɔ yee-mu-nuui mai
21Nya ƃe Pitɛ è pà é m̀ó ma ǹyɛɛi, “Kúnuu-namui, ḿarâŋ-nuu à sɔnyɔ̂ŋ kɛ̀ a ńyãa ŋá zu-mɛni lɛɛ la kɛ́ ɣɛɛlu? Fɛ̂ɛ lɔ́ɔlu mɛi feerɛ?”
22Zîsɛ è mò ma, ǹyɛɛ, “Fa mò yâ fɛ̂ɛ lɔ́ɔlu mɛi feerɛ, kɛ́lɛ, fɛ̂ɛ buu lɔ́ɔlu mɛi feerɛ seêi lɔ́ɔlu mɛi feerɛ. 23Mɛni ma Ŋ̀âla-taa kâloŋ-laai káa yɛ̂ɛ kâloŋ tɔnɔ nyii kɛ̀ kpa kpɛ̂i ǹyée-mu-ƃelai diai. 24Tãi è pɛ̀lɛ la nâa gbai kpɛ́ɛ mai, dí pà bɔ a ǹúui dɔnɔ nyii dâla meeyɔŋ tɔnɔ è kɛ̀ ma a kpâi, 25kɛ́lɛ, gɛ́ɛ ve pɔ̂ri ni gbai kpɛɛ̂i, ŋɔnuu-namui è mò a gɛɛ dí gɔlɛ da ŋɔnɛnîi é pɛ́lɛ ŋɔnîa-pɛlɛɛi dîa da zɛŋ kélee gáa ǹyêei a gɛɛ é ŋɔkpâi kpɛ́ɛ. 26Nya ƃe ǹyée-mu-nuui è tòo gɔ́ɔ mu é vɛ̀li, ǹyɛɛi, ‘Ŋánuu-namui, ílii kpele ḿâ, ŋa pâi íkpai kélee kpɛɛ̂i.’ 27Nya ƃe ǹyée mu-nuui tí ŋɔnuu-namui è m̀alôŋ kàa é tée ma é gbai lɛ́ɛ m̀a.
28“Kɛ́lɛ, ǹyée-mu-nuui tí è lì é m̀arâŋ-yee-mu-nuui kaa nyii ŋɔsêleŋ ŋuŋ tɔnɔ (100) è kɛ̀ mai. Nya ƃe è zòŋ a gɔŋ-la, ǹyɛɛ mai, ‘Ŋákpâi gáa yâi gbɛ̀ɛ.’ 29Nya ƃe m̀arâŋ-yee-mu-nuui è tòo gɔ́ɔ mu é gbera fé, ǹyɛɛi, ‘Ílii kpéle mâ, ŋa pâi íkpai kpɛɛ̂i.’ 30Kɛ́lɛ, ve gɛ̀ ní. È lì la é bili kpini-pɛrɛ mu a gɛɛ é lɛ́ɛ naa é lɛ́ɛ la zu é ŋɔkpâi kpɛɛ. 31Tãi m̀arâŋ-yee-mu-ƃelai dí m̀ɛnii kɛ̀ kɛ̂i naa kàa lai, malôŋ è tòo dîa a ŋánaa. Nya ƃe dí lì dí gélee ƃo dínuu-namui ma. 32Nya ƃe ŋɔnuu-namui è dòli é m̀ó ma, ǹyɛɛi, ‘Yái a ŋ̀wana-lɔ̂ɔ yee-mu-nuui! Ŋá íkpai kélee su-mɛni lɛ̀ɛ, kpɛ́ni fêi, í ŋ́gbera fê. 33Maloŋ-kaa fêi pɔ̂ri kɛ̂i íyeêi íƃarâŋ-yee-mu-nuui tí mɛ̂ni ma yɛ̂ɛ berei máŋ ŋá ímalôŋ kàa lai?’ 34Nya ƃe ŋɔnuu-namui líi è ŋwàna é dɛ̀ɛ gbini-pɛrɛ lá-ƃelai pɔ a gɛɛ é lɛ́ɛ díyêei é lɛ́ɛ la zu é gbai kélee kpɛɛ.
35“Bere nɔ́ ƃe máŋ Ŋáɣâla-taa Naŋ a pâi gɛ̂i la a kákelee, à kɛ̀ kà wàla káƃarâai kélee dítɔ̂ŋ-kara-ŋai su-mɛni lɛɛ é kúla kálii su.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in