Maafîu 15
15
Mɛni-ŋai da núu kàrai
(Mâki 7:1-13)
1Faresii-ŋai da gɔlɔ-pɔ̃yɛ-ƃelai da-ni dí kùla Zerusâlɛŋ dí pá Zîsɛ pɔ, dîyɛɛ mai, 2“Ípôlu-ƃelai da ǹúu-pɔlɔ-ŋai tûa-pere karâi, le-mɛni ma? Kpɛ́ni fêi, dífa díyee ŋá wàa dí lɛ́ɛ dílaa miî.”
3Nya ƃe Zîsɛ è díwoo su tòo, ǹyɛɛ diai, “Káaŋ ka Ɣâla ŋɔtɔ̂ŋ-ŋai kàra a gɛɛ ka kátûa-pere pɔlɔ-ŋai mɛi kaa le-mɛni ma? 4Kpɛ́ni fêi, Ɣâla ǹyɛɛ, ‘ƃâa kɛ́ ínâŋ ma da ílee,’ ǹyaŋ, ‘Ǹúui a ǹâŋ kpaa máŋ ǹee láa kàrai, tɔɔ é sáa.’ 5Kɛ́lɛ, ka mò kâa, ‘Ǹúui kélee a mò ǹâŋ ma kpaa máŋ ǹee, Zɛŋ ŋâi pɔ̂ri dɛɛ̂i ípɔ a íkpɔŋ-maai, ŋa dɛɛ Ɣâla pɔi, ve a sɛŋ maa-nuui é ƃâa kɛ́ ǹâŋ ma kpaa máŋ ǹee.’ 6Ka Ɣâla ŋɔwóoi kɛ̀ a volo, kpɛ́ni fêi, ka kátûa-pere pɔlɔ-ŋai tɔ́ɔ duɛ. 7Káai a kíri-ƃelai! M̀ɛnii Ɣâla ŋɔlóno-kɛ-nuui Azaya è mò a kálaai, è mò a ǹɛ́lɛɛ, ǹyɛɛi,
8‘Ǹûai ŋí da ƃâa kɛ̀ ḿâ a díla-gbɔ,
kɛ́lɛ, dílii su kôyaai ḿâ.
9Da ḿvɛ̂li kpɛ́ni-kpɛni,
kpɛ́ni fêi, da núu-kpune ŋɔtɔ̂ŋ-ŋai lɛ̀ a Ɣâla mɛni lɛ́ɛ.’ ”
Zîsɛ è sɛŋ lɛ̂ é pîlaŋ zɛŋ a núu maa tĩa karai ma
(Mâki 7:14-23)
10Nya ƃe Zîsɛ è gbɔŋ-su-ƃelai tòli é m̀ó dîa, ǹyɛɛi, “Ka ŋ́oo mɛni ká ŋá káa. 11Sɛŋ a lɔ̂ núu kponôi va gara. Kɛ́lɛ, zɛŋ a kûla núu lái, ǹyaa ƃa gàra.”
12Nya ƃe ŋɔpôlu-ƃelai dí pà bɔ, dîyɛɛ mai, “Í gɔ́lɔŋ a gɛɛ Faresii-ŋai líi è ŋwàna tãi dí mɛnii ŋi mɛni lai?”
13Kɛ́lɛ, è díwoo su tòo, ǹyɛɛi, “Sí-sɛŋ nyii kélee Ŋáɣâla-taa Naŋ fé zí níi, da pâi múlenîi. 14Ka dílɛɛ naa. Díkaa a ŋɛ́i-pu-ƃela tuɛ-ƃela ŋɛ́i puɔɔ. Ǹyaŋ à kɛ̀ ŋɛ́i-pu-nuu a pere kûla a m̀arâŋ-ŋɛi-pu-nuu, dífeerɛ da pâi toôi lôai.” 15Nya ƃe Pitɛ è ŋ̀óo su tòo, ǹyɛɛ mai, “Záŋ su kula kûɛ.” 16Nya ƃe è zu tòo, ǹyɛɛ, “Káa máŋ káfe niî táre ní zu? 17Káfe gáâi a gɛɛ sɛŋ nyii kélee a lɔ̂ núu lái, a yeŋ goi, é tɛ́ɛ naa é kúla? 18Kɛ́lɛ, sɛŋ a kûla núu lái, a kûla ǹíi su, ǹyaŋ maa-sɛŋ tí ƃa m̀aa-nuui kâra. 19Kpɛ́ni fêi, núu líi su ƃe kili-ŋa-sia nyɔ́mɔɔ-ŋa da kûla naa, núu-paa-mɛni, wulu-wulu-kɛɛ, goyaŋ-wulu-wulu-kɛɛ, ŋuma-mɛni, wôya-sere-faa-kɛ́ɛ, da tɛ-ŋɛi-kɛ́ɛ a Ɣâla. 20Mɛni-ŋai ŋi ƃa núu kàra, kɛ́lɛ, núu láa-miɛɛ a ǹyée ŋá liƃi fa núu kara.”
Keena-nɛnii ŋɔlaa-laai
(Mâki 7:24-30)
21Nya ƃe Zîsɛ è kùla naa é lí Taya da Sidɔŋ kpiniŋ su. 22Keena-nɛni tɔnɔ è kùla gbiniŋ tɔnɔi tí su é pá bɔ é wɔ́lɔ ma, ǹyɛɛi, “Malôŋ káa, Óo Kúnuu-namui, yái íkaa a Deeƃé Ǹóŋ. Nyînaŋ nyɔ́mɔɔ káa ńoŋ-nɛnîi pôlu a gbanaŋɔɔ.”
23Kɛ́lɛ, ve ŋ̀óo su too ni a dɔnɔ kpîŋ. Ŋɔpôlu-ƃelai dí pà dí gbera fé, dîyɛɛ mai, “Gbɛ́, kpɛ́ni fêi, gáa wɔ̂lɔi kúpôlu.”
24Kɛ́lɛ, è díwoo su tòo, ǹyɛɛi, “Dí ńdɛ̀ɛ nɔ́ m̀ála láŋɔɔ-ŋai mɛni ma Eezuɛ-pɛrɛi mu.”
25Nya ƃe nɛnîi è pà é vɛli, ǹyɛɛi, “Kúnuu-namui, kpɔŋ mâ.”
26Kɛ́lɛ, è ŋ̀óo su tòo, ǹyɛɛi, “Vé pere ma a gɛɛ núu é ǹîa-pɛlɛɛi dímii-sɛŋ siɣe é bili ŋ̀îla-ŋai dîɛ.”
27Nya ƃe nɛnîi è mò, ǹyɛɛ, “Tɔ̃yâ ƃe, Kúnuu-namui. É máŋ kɛ́ tí ŋ̀îla-ŋai da mii-sɛŋ pɛnɛi mîi a kûla dínuu-namui ŋɔteƃelei ma é pui.” 28Nya ƃe Zîsɛ è ŋ̀óo su tòo, ǹyɛɛ mai, “Óo nɛnîi, ílaa-lai kɛ́tɛ̂i! Tɔɔ mɛnii ya ŋ̀wɛ̂lii é kɛ́ ímɛni ma.” Ǹyaŋ ŋɔlóŋ-nɛnîi è ƃàlo kpɔ́ nɔ a maa aƃai ti.
Zîsɛ è núu támaa ƃàlo
29Nya ƃe Zîsɛ è kùla naa é pá Galalii Poai kɔlɛ é tɛ́ ǹyéei su é see naa. 30Kpɔŋ kɛ́tɛ è pà bɔ. Gbɔŋ su-ƃelai dámaa dí kɛ̀ a díkɔɔ saá dîa, da-ni ŋoŋo saa dîa, da-ni ŋɛ́i puɔɔ, da-ni kɛ́ɛ a mûgbɛ-ƃela, da ǹúu da kpɛni-ŋa. Dí dísèe gɔ́ɔ mu é díƃalo. 31Gbɔŋ-su-ƃelai lá è kpàla dîa, tãi dí mûgbɛ-ƃelai kâa la díkɛ lono, ŋoŋo-saa maa-ƃelai ƃaloɔɔ, gɔɔ-pu-ƃelai díkɛ sia, ŋɛi-pu-ƃelai díkɛ kwaa kaai. Nya ƃe dí Eezuɛ-ŋai Díɣâlai ŋɔfólo-laai maa tɛ̂.
Zîsɛ è núu wála náaŋ ŋá kɔ̂ŋ
(Mâki 8:1-10)
32Nya ƃe Zîsɛ è ŋɔpôlu-ƃelai tòli, é m̀ó dîa, ǹyɛɛi, “Gbɔŋ malôŋ káa ŋ́gɛ̂i, kpɛ́ni fêi, da ɣele-kuu saaƃa kɛ́ ḿbôlu, mii-sɛŋ da kélee fé díyêei a gɛɛ dí mii. Fa pɔ̂ri dítɛɛ̂i a burii, gɛ̀ ní da pâi foâi berei su.”
33Nya ƃe ŋɔpôlu-ƃelai dí mò ma, dîyɛɛi, “Mí ƃe kwa pâi kpólo-kpâla támaa kâai naa ǹɔii kpâlai ŋí su a gɛɛ é kɛ́ a gula kɛ̂ɛ ƃoɔɔ gbɔŋ kɛ́tɛi ŋí mɛ̂ni ma?”
34Nya ƃe Zîsɛ è dímarê kɛ̀, ǹyɛɛi, “Kpólo-kpâla ɣɛɛlu ƃe káyêei?” Dí mò ma, “Lɔɔlu mɛi feerɛ da nyɛ̃ɛ-loŋ da kuro.”
35Nya ƃe Zîsɛ è gbɔŋ kɛ̀ é see ǹɔii ma. 36È gbólo-kpâla lɔ́ɔlu mɛi feerɛi siɣe da nyɛ̃ɛi é sɛɣɛ̂i-fei tɛɛ é díɣale-ɣale é dítɛɛ ŋɔpôlu-ƃelai pɔ, ŋɔpôlu-ƃelai dí dítɛɛ ǹûai pɔ. 37Nya ƃe díkelee dí mìi dí pela. Dí gbólo-pɛnɛi ŋá tɛ̀ ma é kpɔ̂lɔ lɔ́ɔlu mɛi feerɛ lá fɛ́ɛ. 38Diai dílaa mìi dí kɛ̀ yɛ̂ɛ kpakolo wála náaŋ (4,000), é kúla nɛyâai pôlu da ǹîa-pɛlɛɛi.
39Nya ƃe è ǹûai tɛ̀ɛ dí lí è píli ǹyá ŋá-keleŋ su é lí Magadaŋ kpiniŋ su.
Currently Selected:
Maafîu 15: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 15
15
Mɛni-ŋai da núu kàrai
(Mâki 7:1-13)
1Faresii-ŋai da gɔlɔ-pɔ̃yɛ-ƃelai da-ni dí kùla Zerusâlɛŋ dí pá Zîsɛ pɔ, dîyɛɛ mai, 2“Ípôlu-ƃelai da ǹúu-pɔlɔ-ŋai tûa-pere karâi, le-mɛni ma? Kpɛ́ni fêi, dífa díyee ŋá wàa dí lɛ́ɛ dílaa miî.”
3Nya ƃe Zîsɛ è díwoo su tòo, ǹyɛɛ diai, “Káaŋ ka Ɣâla ŋɔtɔ̂ŋ-ŋai kàra a gɛɛ ka kátûa-pere pɔlɔ-ŋai mɛi kaa le-mɛni ma? 4Kpɛ́ni fêi, Ɣâla ǹyɛɛ, ‘ƃâa kɛ́ ínâŋ ma da ílee,’ ǹyaŋ, ‘Ǹúui a ǹâŋ kpaa máŋ ǹee láa kàrai, tɔɔ é sáa.’ 5Kɛ́lɛ, ka mò kâa, ‘Ǹúui kélee a mò ǹâŋ ma kpaa máŋ ǹee, Zɛŋ ŋâi pɔ̂ri dɛɛ̂i ípɔ a íkpɔŋ-maai, ŋa dɛɛ Ɣâla pɔi, ve a sɛŋ maa-nuui é ƃâa kɛ́ ǹâŋ ma kpaa máŋ ǹee.’ 6Ka Ɣâla ŋɔwóoi kɛ̀ a volo, kpɛ́ni fêi, ka kátûa-pere pɔlɔ-ŋai tɔ́ɔ duɛ. 7Káai a kíri-ƃelai! M̀ɛnii Ɣâla ŋɔlóno-kɛ-nuui Azaya è mò a kálaai, è mò a ǹɛ́lɛɛ, ǹyɛɛi,
8‘Ǹûai ŋí da ƃâa kɛ̀ ḿâ a díla-gbɔ,
kɛ́lɛ, dílii su kôyaai ḿâ.
9Da ḿvɛ̂li kpɛ́ni-kpɛni,
kpɛ́ni fêi, da núu-kpune ŋɔtɔ̂ŋ-ŋai lɛ̀ a Ɣâla mɛni lɛ́ɛ.’ ”
Zîsɛ è sɛŋ lɛ̂ é pîlaŋ zɛŋ a núu maa tĩa karai ma
(Mâki 7:14-23)
10Nya ƃe Zîsɛ è gbɔŋ-su-ƃelai tòli é m̀ó dîa, ǹyɛɛi, “Ka ŋ́oo mɛni ká ŋá káa. 11Sɛŋ a lɔ̂ núu kponôi va gara. Kɛ́lɛ, zɛŋ a kûla núu lái, ǹyaa ƃa gàra.”
12Nya ƃe ŋɔpôlu-ƃelai dí pà bɔ, dîyɛɛ mai, “Í gɔ́lɔŋ a gɛɛ Faresii-ŋai líi è ŋwàna tãi dí mɛnii ŋi mɛni lai?”
13Kɛ́lɛ, è díwoo su tòo, ǹyɛɛi, “Sí-sɛŋ nyii kélee Ŋáɣâla-taa Naŋ fé zí níi, da pâi múlenîi. 14Ka dílɛɛ naa. Díkaa a ŋɛ́i-pu-ƃela tuɛ-ƃela ŋɛ́i puɔɔ. Ǹyaŋ à kɛ̀ ŋɛ́i-pu-nuu a pere kûla a m̀arâŋ-ŋɛi-pu-nuu, dífeerɛ da pâi toôi lôai.” 15Nya ƃe Pitɛ è ŋ̀óo su tòo, ǹyɛɛ mai, “Záŋ su kula kûɛ.” 16Nya ƃe è zu tòo, ǹyɛɛ, “Káa máŋ káfe niî táre ní zu? 17Káfe gáâi a gɛɛ sɛŋ nyii kélee a lɔ̂ núu lái, a yeŋ goi, é tɛ́ɛ naa é kúla? 18Kɛ́lɛ, sɛŋ a kûla núu lái, a kûla ǹíi su, ǹyaŋ maa-sɛŋ tí ƃa m̀aa-nuui kâra. 19Kpɛ́ni fêi, núu líi su ƃe kili-ŋa-sia nyɔ́mɔɔ-ŋa da kûla naa, núu-paa-mɛni, wulu-wulu-kɛɛ, goyaŋ-wulu-wulu-kɛɛ, ŋuma-mɛni, wôya-sere-faa-kɛ́ɛ, da tɛ-ŋɛi-kɛ́ɛ a Ɣâla. 20Mɛni-ŋai ŋi ƃa núu kàra, kɛ́lɛ, núu láa-miɛɛ a ǹyée ŋá liƃi fa núu kara.”
Keena-nɛnii ŋɔlaa-laai
(Mâki 7:24-30)
21Nya ƃe Zîsɛ è kùla naa é lí Taya da Sidɔŋ kpiniŋ su. 22Keena-nɛni tɔnɔ è kùla gbiniŋ tɔnɔi tí su é pá bɔ é wɔ́lɔ ma, ǹyɛɛi, “Malôŋ káa, Óo Kúnuu-namui, yái íkaa a Deeƃé Ǹóŋ. Nyînaŋ nyɔ́mɔɔ káa ńoŋ-nɛnîi pôlu a gbanaŋɔɔ.”
23Kɛ́lɛ, ve ŋ̀óo su too ni a dɔnɔ kpîŋ. Ŋɔpôlu-ƃelai dí pà dí gbera fé, dîyɛɛ mai, “Gbɛ́, kpɛ́ni fêi, gáa wɔ̂lɔi kúpôlu.”
24Kɛ́lɛ, è díwoo su tòo, ǹyɛɛi, “Dí ńdɛ̀ɛ nɔ́ m̀ála láŋɔɔ-ŋai mɛni ma Eezuɛ-pɛrɛi mu.”
25Nya ƃe nɛnîi è pà é vɛli, ǹyɛɛi, “Kúnuu-namui, kpɔŋ mâ.”
26Kɛ́lɛ, è ŋ̀óo su tòo, ǹyɛɛi, “Vé pere ma a gɛɛ núu é ǹîa-pɛlɛɛi dímii-sɛŋ siɣe é bili ŋ̀îla-ŋai dîɛ.”
27Nya ƃe nɛnîi è mò, ǹyɛɛ, “Tɔ̃yâ ƃe, Kúnuu-namui. É máŋ kɛ́ tí ŋ̀îla-ŋai da mii-sɛŋ pɛnɛi mîi a kûla dínuu-namui ŋɔteƃelei ma é pui.” 28Nya ƃe Zîsɛ è ŋ̀óo su tòo, ǹyɛɛ mai, “Óo nɛnîi, ílaa-lai kɛ́tɛ̂i! Tɔɔ mɛnii ya ŋ̀wɛ̂lii é kɛ́ ímɛni ma.” Ǹyaŋ ŋɔlóŋ-nɛnîi è ƃàlo kpɔ́ nɔ a maa aƃai ti.
Zîsɛ è núu támaa ƃàlo
29Nya ƃe Zîsɛ è kùla naa é pá Galalii Poai kɔlɛ é tɛ́ ǹyéei su é see naa. 30Kpɔŋ kɛ́tɛ è pà bɔ. Gbɔŋ su-ƃelai dámaa dí kɛ̀ a díkɔɔ saá dîa, da-ni ŋoŋo saa dîa, da-ni ŋɛ́i puɔɔ, da-ni kɛ́ɛ a mûgbɛ-ƃela, da ǹúu da kpɛni-ŋa. Dí dísèe gɔ́ɔ mu é díƃalo. 31Gbɔŋ-su-ƃelai lá è kpàla dîa, tãi dí mûgbɛ-ƃelai kâa la díkɛ lono, ŋoŋo-saa maa-ƃelai ƃaloɔɔ, gɔɔ-pu-ƃelai díkɛ sia, ŋɛi-pu-ƃelai díkɛ kwaa kaai. Nya ƃe dí Eezuɛ-ŋai Díɣâlai ŋɔfólo-laai maa tɛ̂.
Zîsɛ è núu wála náaŋ ŋá kɔ̂ŋ
(Mâki 8:1-10)
32Nya ƃe Zîsɛ è ŋɔpôlu-ƃelai tòli, é m̀ó dîa, ǹyɛɛi, “Gbɔŋ malôŋ káa ŋ́gɛ̂i, kpɛ́ni fêi, da ɣele-kuu saaƃa kɛ́ ḿbôlu, mii-sɛŋ da kélee fé díyêei a gɛɛ dí mii. Fa pɔ̂ri dítɛɛ̂i a burii, gɛ̀ ní da pâi foâi berei su.”
33Nya ƃe ŋɔpôlu-ƃelai dí mò ma, dîyɛɛi, “Mí ƃe kwa pâi kpólo-kpâla támaa kâai naa ǹɔii kpâlai ŋí su a gɛɛ é kɛ́ a gula kɛ̂ɛ ƃoɔɔ gbɔŋ kɛ́tɛi ŋí mɛ̂ni ma?”
34Nya ƃe Zîsɛ è dímarê kɛ̀, ǹyɛɛi, “Kpólo-kpâla ɣɛɛlu ƃe káyêei?” Dí mò ma, “Lɔɔlu mɛi feerɛ da nyɛ̃ɛ-loŋ da kuro.”
35Nya ƃe Zîsɛ è gbɔŋ kɛ̀ é see ǹɔii ma. 36È gbólo-kpâla lɔ́ɔlu mɛi feerɛi siɣe da nyɛ̃ɛi é sɛɣɛ̂i-fei tɛɛ é díɣale-ɣale é dítɛɛ ŋɔpôlu-ƃelai pɔ, ŋɔpôlu-ƃelai dí dítɛɛ ǹûai pɔ. 37Nya ƃe díkelee dí mìi dí pela. Dí gbólo-pɛnɛi ŋá tɛ̀ ma é kpɔ̂lɔ lɔ́ɔlu mɛi feerɛ lá fɛ́ɛ. 38Diai dílaa mìi dí kɛ̀ yɛ̂ɛ kpakolo wála náaŋ (4,000), é kúla nɛyâai pôlu da ǹîa-pɛlɛɛi.
39Nya ƃe è ǹûai tɛ̀ɛ dí lí è píli ǹyá ŋá-keleŋ su é lí Magadaŋ kpiniŋ su.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in