Maafîu 10
10
Zîsɛ ŋɔpôlu-ƃela puu kao feerɛi
(Mâki 3:13-19; Lûu 6:12-16)
1Nya ƃe è ŋɔpôlu-ƃela puu kao feerɛi tòli é wala-wala-laa tɛɛ dípɔ nyînaŋ nyɔ́mɔɔ-ŋa mɛi a gɛɛ dí díkpɛ dí kɔlɔ-fela sii kélee ƃalo da mɛni-soli sii kélee. 2Ǹyaŋ ŋɔpôlu-ƃela puu kao feerɛi láa ka ŋí: Maa-ŋuŋ ƃa Samaŋ, nyii da kɛ̂ ma Pitɛi, ǹêɣe Aŋdulu, Zɛƃɛdi ǹóŋ Zĩi da ǹêɣe Zɔ̂ŋ, 3Fele da Batâlomio, Tama da ŋuŋ-fela-fei kula-nuui Maafîu, Afîa ǹóŋ Zĩi da Tâadia, 4Samaŋ nyii kɛ̀ a ŋɔlɔii wɛ́liɛɛi, da Zudasi Sekaria, nyii kùla bôlui.
Zîsɛ ŋɔpôlu-ƃela puu kao feerɛi dítii
(Mâki 6:7-13; Lûu 9:1-6)
5Núu puu kao feerɛi ŋí Zîsɛ è dítɛ̀ɛi, è mò dîa, ǹyɛɛi, “Káfe li Zɛ̃tai-ŋai pɔ-naa-pere, káfe tela li Sameria-ƃelai dítaa kpaya-kpayai da su. 6Kɛ́lɛ, ka lí m̀ála láŋɔɔ-ŋai pɔ diai díkaa a Eezuɛ-ŋai dísuui su-ƃelai. 7Ka lí ká Ɣâla-woo ƃó kâai, ‘Ŋ̀âla-taa kâloŋ-laai a lɛɣɛ.’ 8Ka kɔlɔ-fela-ƃela ƃálo, ká saa-ƃela mu siɣe saa yêei, ka gbôdo-ƃela ƃálo, ká nyînaŋ nyɔ́mɔɔ-ŋa kpɛ́. Berei ká zɔlɔ ƃô la kpɛni-kpɛni, ka dɛɛ nɔ́ tí kpɛni-kpɛni. 9Káfe gôo, kpaa sɛŋ-kao kole, kpaa máŋ kane sìɣe Kábɛ̂bɛ-ŋai su. 10Káfe kolâ siɣe kásiai mɛni ma, kpaa yɛkɛ feerɛ, kpaa máŋ kpaŋ-kpali, kpaa máŋ sia-wuru. Kpɛ́ni fêi, maa nɛɛ̂i dii-kɛ-nuui é gɔ́nɔŋ sɔlɔ ƃó.
11“Taa kɛ́tɛ kélee ka tɛ̂ zui, kpaa kpanâŋ kélee, ka ǹúui kɔ́ri nyii zɔŋ lɛ́lɛɛ̂i, kakɛ bɔ naa é lɛ́ɛ la zu ká kúla naa ma. 12Kà lɔ̀ bɛ́rɛi mu, ka laa-ti-maa kɛ́. 13À kɛ̀ bɛ́rɛi mu-ƃelai sɔŋ lɛ́lɛɛ̂i, kálii-sêei é kɛ́ dîa. Kɛ́lɛ, à kɛ̀ dísɔŋ fé lɛlɛ ni, kálii-sêei é pá pôlu kápɔ. 14Núu da kélee a wàla ǹyée see kámu, kpaa máŋ da wàla díwoli tɔ́ɔ káwoo ma, gɛ̀ ní, kà kɛ̀ kulâi maa-pɛrɛi mu kpaa maa-taai su, ka muluŋ kpɛ́mɛŋ kákɔɔ ŋá. 15Ŋá tɔ̃yâ ƃôi kâa, m̀aa taai tí ŋɔsɔnyɔ̂ŋ a pâi kɛ̂i a dɛ́ɛ Sodɔŋ da Gomora lɔii ŋɔi ma a mɛni-ŋa tée tãi.
Kpɔara káa pâi
(Mâki 13:9-13; Lûu 21:12-17)
16“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ. 17Kɛ́lɛ, ka kámɛi káa a núu-kpune-ŋa. Kpɛ́ni fêi, da pâi kátɛɛ̂i koyâŋ-ŋa su, dí kálôkwa a ŋánaa Díɣâla-fɛli kêre-ŋai mu. 18Da pâi kátɔɔ̂i ǹúu-laa-tuɛ ƃelai ŋ́ɛi-tuɛ da kâloŋ-ŋa, ḿaa-mɛni ma a gɛɛ ka sêre-faa kɛ́ díŋɛi da Zɛ̃tai-ŋai. 19Kɛ́lɛ, da lì a kâa, kálii fé sɛlɛŋ m̀ɛnii ḿâ ka pâi m̀ôi da berei ka pâi m̀ôi lai. Kpɛ́ni fêi, m̀ɛnii ka pâi m̀ôi, da pâi doôi kákili ŋá a maa aƃai tí. 20Kpɛ́ni fêi, káa fé pâi ǹónôi kɛ̂i, kɛ́lɛ Kánâŋ Ŋɔmɔ̂leŋ nyii gáa kákponôi ƃe pâi lônoi.
21“Lia-nuu da leɣe-nuu da pâi díkîe tɛɛ̂i saa pɔ. Nàŋ-nuu kɛ́ ǹóŋ tɛ̀ɛ máŋ. Nîa-pɛlɛɛ da pâi tɔɔ̂i díkaa-ƃela dîa dí dípaa. 22Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi. 23A kɛ̀ da kákpɔ̀ara taa kɛ́tɛi tɔnɔ su, ká kula naa ká lí da kpɛni su. Ŋa tɔ̃yâ ƃôi kâa, káfe pâi serîi Eezuɛ-taa-ŋai kélee su é lɛ́ɛ la zu Núu-kpune Ǹóŋ é pá.
24“Núu-polu-nuu fé tɛɛ ní ŋɔsɛŋ-lɛ-nuui ma, kpaa máŋ yée-mu-nuu fé tɛɛ ní ŋɔnuu-namui ma. 25Maa nɛɛ̂i núu-polu-nuu é kɛ́ nɔ́ yɛ̂ɛ ŋɔsɛŋ-lɛ-nuui, kpaa máŋ yée-mu-nuu é kɛ́ nɔ́ yɛ̂ɛ ŋɔnuu-namui. À kɛ̀ dí bɛ́rɛ-mɛi-nuui tòli a Bɛɛziƃɔ, gɛ̀ ní, da pâi laa-nyɔŋ seêi ŋɔpɛ́rɛi-mu-ƃelai dîa máŋ.
Ǹúui gáa a sɛŋ kú yao mai
(Lûu 12:2-7)
26“Mɛni ma, káfe yao dîa, kpɛ́ni fêi, sɛŋ da fé naa mɛi pɛlɛɛ̂i nyii mɛi fé pâi siɣêi, kpaa máŋ noɔɔ nyii dífe pâi gɔ́lɔnîi. 27M̀ɛnii ŋá mò kâa kpínii, ka m̀ó pono ŋá. M̀ɛnii ka mɛ̂ni a káwolii, ka doo a lolo. 28Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai. 29Dífa lîyeŋ feerɛ kɔ̀lɛ a kâpa tɔnɔ? Ǹyaŋ dɔnɔ kpîŋ fa too ǹɔii ma Kánâŋ ŋɛ́i pôlu. 30Kɛ́lɛ, káŋuŋ-leɣai kpîŋ káŋûai gélee lónoɔ̂i. 31Mɛni ma káfe yao. Kámaa mɛni kpanaŋɔɔ̂i é tɛ́ɛ lîyeŋ támaa ma.
Núu yée seɛɛ mu da bôlu tɔ́ɔ Zîsɛ ma
(Lûu 12:8, 9)
32“Mɛni ma, ǹúui kélee a ḿaa mɛni ƃò nûa ŋɛi, ńyãa máŋ ŋa pâi m̀aa mɛni ƃôi Ŋáɣâla-taa Naŋ ŋɛ́i. 33Kɛ́lɛ, ǹúui kélee a ḿaa sîa tòo ǹûa ŋɛi, ńyãa máŋ ŋa pâi m̀aa sîa toôi Ŋáɣâla-taa-Naŋ ŋɛ́i.
Fé pá ní a lii-sêe, fɛ̂ɛ ƃóa-sɔ̂kpɔ
(Lûu 12:51-53; 14:26, 27)
34“Káfe kákili ŋá sia a gɛɛ ŋá pà a gɛɛ ŋá lii see tɛɛ ǹɔii pɔ. Fé pá ní a gɛɛ ŋá lii-sêe tɛɛ ǹɔii pɔ, fɛ̂ɛ ƃóa-sɔkpɔ. 35Kpɛ́ni fêi, ŋá pà a gɛɛ ŋá lóŋ-surɔŋ kɛ́ é tɔ́ɔ ǹâŋ ma, ŋá lóŋ-nɛni kɛ́ é tɔ́ɔ ǹee ma, ŋa lóŋ-nɛni kɛ́ é tɔ́ɔ ǹyuâra ma. 36Núu ŋɔkpɔara-ƃela da pâi kɛ̂i a ŋɔpɛ́rɛi mu-ƃela.
37“Ǹúui a ǹâŋ kpaa ǹee wɛ̀li é tɛ́ɛ ḿâi, m̀aa fé nɛ̃ɛ ní maa-nuui é kɛ́ a ḿbôlu-nuui da. Ǹúui a ǹóŋ-surɔŋ kpaa máŋ ǹóŋ-nɛnii wɛ̀li é tɛ́ɛ ḿâi, m̀aa fé nɛ̃ɛ ní maa-nuui é kɛ́ a ḿbôlu-nuui da. 38Ǹúui va ŋɔsaa-wuruii siɣe é lɛ́ɛ ḿbôlui, m̀aa fé nɛ̃ɛ ní maa-nuui é kɛ́ a ŋápôlu-nuui da. 39Ǹúui a ŋɔfúlu-laai kɔ̀rii, a pâi ǹánîi. Ǹúui a ŋɔfúlu-laai laŋ ḿaa-mɛni mai, a pâi gáâi.
Sama-sãa
(Mâki 9:41)
40“Ǹúui a ǹyée sèe kámui, maa-nûui a ǹyée sée ḿû. Ǹyaŋ ǹúui a ǹyée sèe ḿûi, a ǹyée sée ǹúui mù ńdɛ̀ɛi. 41Ǹúui a ǹyée sèe Ɣâla ŋɔlóno-kɛ-nuu mu, kpɛ́ni fêi, gáa a Ɣâla ŋɔlóno-kɛ-nuui, maa-nûui a pâi Ɣâla ŋɔlóno-kɛ-nuui ŋɔsama-sɛŋ sɔlɔ ƃôi. Ǹúui a ǹyée sèe tɔ̃yâ-nuu mu, kpɛ́ni fêi gáa a tɔ̃yâ-nuui, a pâi tɔ̃yâ-nuu ŋɔsama-sɛŋ sɔlɔ ƃôi. 42Ǹyaŋ ǹúui kélee a ya-laɣi kɔpu tɔnɔ kpîŋ tɛ̀ɛ ǹîa-pɛlɛɛi ŋí dɔnɔ pɔ a gɛɛ é gbèle, kpɛ́ni fêi, gáa a ŋápôlu-nuui, tɔ̃yâ ma, ŋá m̀ó kâa, maa-nuui tí fé pâi ŋɔfela-féi lánîi a dɔnɔ kpîŋ.”
Currently Selected:
Maafîu 10: KWB
Highlight
Copy
Compare
Share
Want to have your highlights saved across all your devices? Sign up or sign in
Maafîu 10
10
Zîsɛ ŋɔpôlu-ƃela puu kao feerɛi
(Mâki 3:13-19; Lûu 6:12-16)
1Nya ƃe è ŋɔpôlu-ƃela puu kao feerɛi tòli é wala-wala-laa tɛɛ dípɔ nyînaŋ nyɔ́mɔɔ-ŋa mɛi a gɛɛ dí díkpɛ dí kɔlɔ-fela sii kélee ƃalo da mɛni-soli sii kélee. 2Ǹyaŋ ŋɔpôlu-ƃela puu kao feerɛi láa ka ŋí: Maa-ŋuŋ ƃa Samaŋ, nyii da kɛ̂ ma Pitɛi, ǹêɣe Aŋdulu, Zɛƃɛdi ǹóŋ Zĩi da ǹêɣe Zɔ̂ŋ, 3Fele da Batâlomio, Tama da ŋuŋ-fela-fei kula-nuui Maafîu, Afîa ǹóŋ Zĩi da Tâadia, 4Samaŋ nyii kɛ̀ a ŋɔlɔii wɛ́liɛɛi, da Zudasi Sekaria, nyii kùla bôlui.
Zîsɛ ŋɔpôlu-ƃela puu kao feerɛi dítii
(Mâki 6:7-13; Lûu 9:1-6)
5Núu puu kao feerɛi ŋí Zîsɛ è dítɛ̀ɛi, è mò dîa, ǹyɛɛi, “Káfe li Zɛ̃tai-ŋai pɔ-naa-pere, káfe tela li Sameria-ƃelai dítaa kpaya-kpayai da su. 6Kɛ́lɛ, ka lí m̀ála láŋɔɔ-ŋai pɔ diai díkaa a Eezuɛ-ŋai dísuui su-ƃelai. 7Ka lí ká Ɣâla-woo ƃó kâai, ‘Ŋ̀âla-taa kâloŋ-laai a lɛɣɛ.’ 8Ka kɔlɔ-fela-ƃela ƃálo, ká saa-ƃela mu siɣe saa yêei, ka gbôdo-ƃela ƃálo, ká nyînaŋ nyɔ́mɔɔ-ŋa kpɛ́. Berei ká zɔlɔ ƃô la kpɛni-kpɛni, ka dɛɛ nɔ́ tí kpɛni-kpɛni. 9Káfe gôo, kpaa sɛŋ-kao kole, kpaa máŋ kane sìɣe Kábɛ̂bɛ-ŋai su. 10Káfe kolâ siɣe kásiai mɛni ma, kpaa yɛkɛ feerɛ, kpaa máŋ kpaŋ-kpali, kpaa máŋ sia-wuru. Kpɛ́ni fêi, maa nɛɛ̂i dii-kɛ-nuui é gɔ́nɔŋ sɔlɔ ƃó.
11“Taa kɛ́tɛ kélee ka tɛ̂ zui, kpaa kpanâŋ kélee, ka ǹúui kɔ́ri nyii zɔŋ lɛ́lɛɛ̂i, kakɛ bɔ naa é lɛ́ɛ la zu ká kúla naa ma. 12Kà lɔ̀ bɛ́rɛi mu, ka laa-ti-maa kɛ́. 13À kɛ̀ bɛ́rɛi mu-ƃelai sɔŋ lɛ́lɛɛ̂i, kálii-sêei é kɛ́ dîa. Kɛ́lɛ, à kɛ̀ dísɔŋ fé lɛlɛ ni, kálii-sêei é pá pôlu kápɔ. 14Núu da kélee a wàla ǹyée see kámu, kpaa máŋ da wàla díwoli tɔ́ɔ káwoo ma, gɛ̀ ní, kà kɛ̀ kulâi maa-pɛrɛi mu kpaa maa-taai su, ka muluŋ kpɛ́mɛŋ kákɔɔ ŋá. 15Ŋá tɔ̃yâ ƃôi kâa, m̀aa taai tí ŋɔsɔnyɔ̂ŋ a pâi kɛ̂i a dɛ́ɛ Sodɔŋ da Gomora lɔii ŋɔi ma a mɛni-ŋa tée tãi.
Kpɔara káa pâi
(Mâki 13:9-13; Lûu 21:12-17)
16“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ. 17Kɛ́lɛ, ka kámɛi káa a núu-kpune-ŋa. Kpɛ́ni fêi, da pâi kátɛɛ̂i koyâŋ-ŋa su, dí kálôkwa a ŋánaa Díɣâla-fɛli kêre-ŋai mu. 18Da pâi kátɔɔ̂i ǹúu-laa-tuɛ ƃelai ŋ́ɛi-tuɛ da kâloŋ-ŋa, ḿaa-mɛni ma a gɛɛ ka sêre-faa kɛ́ díŋɛi da Zɛ̃tai-ŋai. 19Kɛ́lɛ, da lì a kâa, kálii fé sɛlɛŋ m̀ɛnii ḿâ ka pâi m̀ôi da berei ka pâi m̀ôi lai. Kpɛ́ni fêi, m̀ɛnii ka pâi m̀ôi, da pâi doôi kákili ŋá a maa aƃai tí. 20Kpɛ́ni fêi, káa fé pâi ǹónôi kɛ̂i, kɛ́lɛ Kánâŋ Ŋɔmɔ̂leŋ nyii gáa kákponôi ƃe pâi lônoi.
21“Lia-nuu da leɣe-nuu da pâi díkîe tɛɛ̂i saa pɔ. Nàŋ-nuu kɛ́ ǹóŋ tɛ̀ɛ máŋ. Nîa-pɛlɛɛ da pâi tɔɔ̂i díkaa-ƃela dîa dí dípaa. 22Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi. 23A kɛ̀ da kákpɔ̀ara taa kɛ́tɛi tɔnɔ su, ká kula naa ká lí da kpɛni su. Ŋa tɔ̃yâ ƃôi kâa, káfe pâi serîi Eezuɛ-taa-ŋai kélee su é lɛ́ɛ la zu Núu-kpune Ǹóŋ é pá.
24“Núu-polu-nuu fé tɛɛ ní ŋɔsɛŋ-lɛ-nuui ma, kpaa máŋ yée-mu-nuu fé tɛɛ ní ŋɔnuu-namui ma. 25Maa nɛɛ̂i núu-polu-nuu é kɛ́ nɔ́ yɛ̂ɛ ŋɔsɛŋ-lɛ-nuui, kpaa máŋ yée-mu-nuu é kɛ́ nɔ́ yɛ̂ɛ ŋɔnuu-namui. À kɛ̀ dí bɛ́rɛ-mɛi-nuui tòli a Bɛɛziƃɔ, gɛ̀ ní, da pâi laa-nyɔŋ seêi ŋɔpɛ́rɛi-mu-ƃelai dîa máŋ.
Ǹúui gáa a sɛŋ kú yao mai
(Lûu 12:2-7)
26“Mɛni ma, káfe yao dîa, kpɛ́ni fêi, sɛŋ da fé naa mɛi pɛlɛɛ̂i nyii mɛi fé pâi siɣêi, kpaa máŋ noɔɔ nyii dífe pâi gɔ́lɔnîi. 27M̀ɛnii ŋá mò kâa kpínii, ka m̀ó pono ŋá. M̀ɛnii ka mɛ̂ni a káwolii, ka doo a lolo. 28Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai. 29Dífa lîyeŋ feerɛ kɔ̀lɛ a kâpa tɔnɔ? Ǹyaŋ dɔnɔ kpîŋ fa too ǹɔii ma Kánâŋ ŋɛ́i pôlu. 30Kɛ́lɛ, káŋuŋ-leɣai kpîŋ káŋûai gélee lónoɔ̂i. 31Mɛni ma káfe yao. Kámaa mɛni kpanaŋɔɔ̂i é tɛ́ɛ lîyeŋ támaa ma.
Núu yée seɛɛ mu da bôlu tɔ́ɔ Zîsɛ ma
(Lûu 12:8, 9)
32“Mɛni ma, ǹúui kélee a ḿaa mɛni ƃò nûa ŋɛi, ńyãa máŋ ŋa pâi m̀aa mɛni ƃôi Ŋáɣâla-taa Naŋ ŋɛ́i. 33Kɛ́lɛ, ǹúui kélee a ḿaa sîa tòo ǹûa ŋɛi, ńyãa máŋ ŋa pâi m̀aa sîa toôi Ŋáɣâla-taa-Naŋ ŋɛ́i.
Fé pá ní a lii-sêe, fɛ̂ɛ ƃóa-sɔ̂kpɔ
(Lûu 12:51-53; 14:26, 27)
34“Káfe kákili ŋá sia a gɛɛ ŋá pà a gɛɛ ŋá lii see tɛɛ ǹɔii pɔ. Fé pá ní a gɛɛ ŋá lii-sêe tɛɛ ǹɔii pɔ, fɛ̂ɛ ƃóa-sɔkpɔ. 35Kpɛ́ni fêi, ŋá pà a gɛɛ ŋá lóŋ-surɔŋ kɛ́ é tɔ́ɔ ǹâŋ ma, ŋá lóŋ-nɛni kɛ́ é tɔ́ɔ ǹee ma, ŋa lóŋ-nɛni kɛ́ é tɔ́ɔ ǹyuâra ma. 36Núu ŋɔkpɔara-ƃela da pâi kɛ̂i a ŋɔpɛ́rɛi mu-ƃela.
37“Ǹúui a ǹâŋ kpaa ǹee wɛ̀li é tɛ́ɛ ḿâi, m̀aa fé nɛ̃ɛ ní maa-nuui é kɛ́ a ḿbôlu-nuui da. Ǹúui a ǹóŋ-surɔŋ kpaa máŋ ǹóŋ-nɛnii wɛ̀li é tɛ́ɛ ḿâi, m̀aa fé nɛ̃ɛ ní maa-nuui é kɛ́ a ḿbôlu-nuui da. 38Ǹúui va ŋɔsaa-wuruii siɣe é lɛ́ɛ ḿbôlui, m̀aa fé nɛ̃ɛ ní maa-nuui é kɛ́ a ŋápôlu-nuui da. 39Ǹúui a ŋɔfúlu-laai kɔ̀rii, a pâi ǹánîi. Ǹúui a ŋɔfúlu-laai laŋ ḿaa-mɛni mai, a pâi gáâi.
Sama-sãa
(Mâki 9:41)
40“Ǹúui a ǹyée sèe kámui, maa-nûui a ǹyée sée ḿû. Ǹyaŋ ǹúui a ǹyée sèe ḿûi, a ǹyée sée ǹúui mù ńdɛ̀ɛi. 41Ǹúui a ǹyée sèe Ɣâla ŋɔlóno-kɛ-nuu mu, kpɛ́ni fêi, gáa a Ɣâla ŋɔlóno-kɛ-nuui, maa-nûui a pâi Ɣâla ŋɔlóno-kɛ-nuui ŋɔsama-sɛŋ sɔlɔ ƃôi. Ǹúui a ǹyée sèe tɔ̃yâ-nuu mu, kpɛ́ni fêi gáa a tɔ̃yâ-nuui, a pâi tɔ̃yâ-nuu ŋɔsama-sɛŋ sɔlɔ ƃôi. 42Ǹyaŋ ǹúui kélee a ya-laɣi kɔpu tɔnɔ kpîŋ tɛ̀ɛ ǹîa-pɛlɛɛi ŋí dɔnɔ pɔ a gɛɛ é gbèle, kpɛ́ni fêi, gáa a ŋápôlu-nuui, tɔ̃yâ ma, ŋá m̀ó kâa, maa-nuui tí fé pâi ŋɔfela-féi lánîi a dɔnɔ kpîŋ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in