PROVERBIOS 8
8
Singiltamescama apvisay apyascamco apanco
1Cayjec appayvam apanco enlhit apyascamco apanco, inlingalhquic appayvam.
2Apvitacpec maa netin inquilhe. Apvitacpec maa alayjemaclha amay.
3Apvitacpec maa atong acyivey, payjoc apatong tingma apvanyam.#Pr 1.20-21.
4Yitnec coo sicpayvam silanya quellhip enlhitaoc.
5¡Quellhip apquilyimnanic melyascamco najan acyeyjamelhma, elyasingvom sat actemaclha acpeyvomo najan acyascamco ingvalhoc!
6Quip elaylhojo sicpayvam, comoc sat apquilvalhoc actomja nasoc anco najan actomja acpeyvomo.
7Nasoc anco sicpayvam, am colcac evalhoc acmovan amyaa.
8Impeyvoc anco sicpayvam, mepqui mataa sicyinimquiscama.
9Inmec mataa apquilvalhoc sicpayvam alpeyvomo, enlhit apquilyascamco.
10Eltingya sat quellhip singiltamescama, noeltingya nasa plata asoc alyinmom. Eltingya sat actemaclha ningyascamco, noeltingya nasa oro asoc acmamnave.
11Actamila anco ningyascamco, am colhno alnatanma alyinmom. Actamila anco acyascamco ingvalhoc, am colhno acyovoclhojo asoc as nalhpop.
12Coo sicvisay nintemaclha ningyascamco, acyascamco anco evalhoc coo. Evanquic oyascasingvomoc yavamlha ontimjic.
13Ningayo Dios Visqui ingac, acvisay nintanoncama asoc acmasom. Actanovquic coo ayajamalhco ingvalhoc najan ningyimtalhnesomalhco inganco, najan ningmovan amyaa najan nintemaclha acmasom.
14Acyiplovcasquic mataa coo aclhanma evalhoc acyascamco, yavamlha ontimjic. Coo sicvisay sicyicpilquemo najan sicyimnatem, ayinyema acyascamco evalhoc.
15Coo ayinyema acyascamco apquilvalhoc apquilviscaa reyes, najan acyascamco apquilvalhoc apquiltamjaycamó lhama apquilviscaa.
16Coo ayinyema acyascamco apquilvalhoc apquilyimtalhnamo, apquilapajascama singanamaclha najan singascamaclha nipyesicsa enlhitaoc.
17Ayasicjavoc mataa enlhit aptomja seyasicjayo sicvisay sicyascamco. Elvitaclhec mataa enlhit aptomja setamsama coo.
18Coo ayinyema sicmescama nasa ningilnatam najan mayayoclha, ellhovamcoc sat enlhitaoc malayo najan acyanmongam apquilvascapma.
19Actamila anco sicmescama nasa, am colhno oro asoc acmamnave. Actamila anco sicmescama nasa, am colhno plata asoc alyinmom.
20Acyiplovcasquic coo mataa nintemaclha acpeyvomo najan ningyicpilquemo.
21Cotlaycaoc sicmescama nasa asoc, apquiltomja selasicjayo coo. Olhamasiclhac sat mataa asoc altamila tingma apancaoc enlhit.
Dios Apquitca
22Siclhoc nat sellanay Tata coo Dios, yicpintama apquillanay aclhamoclhojo asoc.#Ap 3.14.
23Siclhoc nat sellanay Tata coo Dios, yicpintama apquilantipquiscama as nalhpop.
24Siclhoc nat sictiyaycamlha co, yicpintama allanomalhca yingmin acvanyam, najan vatsam, najan actiyapmaclha yingmin.
25Siclhoc nat sictiyaycamlha, yicpintama allanomalhca inquilhe alvinatem.
26Siclhoc nat sictiyaycamlha, yicpintama allanomalhca as nalhpop, amyip najan lhopactic.
27Apquillanac siclhoc nat Dios actemaclha netin, tacjalhit yingmin acvanyam. Acnec siclhoc nat netin apnaclha Tata coo Dios.
28Apquilantipcasquic siclhoc nat yipjopay, najan actiyapmaclha yingmin congne.
29Apcanama siclhoc nat acvamlha navayc acyitnamaclha yingmin acvanyam. Apquilantipcasquic siclhoc nat avjac as nalhpop.#Job 38.8-11; Sal 104.6-9; Jer 5.22.
30Acnec siclhoc nat apnaclha Tata coo Dios. Impayjeclhec nat mataa apvalhoc. Acnayvec siclhoc nat apnaclha Tata coo Dios.
31Acnayvec siclhoc nat coo as nalhpop apquilantipquiscama Tata coo Dios. Impayjeclhec mataa evalhoc sicvita siclhoc anco enlhit.#Job 28.23-27.
32Quip elaylhojo sicpayvam, quellhip eyitquic. Jelvajanaoc sictemaclha coo, colhic sat acpayjayclha apquilvalhoc quellhip.
33Elyiplovcasojo sicpayvam siltamescama, noeltanov nasa actemaclha ningyascamco.
34Apquilinyejemo enlhit apjalhenmo sicpayvam, apquiljalhanma mataa tingma apatong tingma ajac aclhamoclhojo acnim.
35Enlhit setayquiclha coo, colhic sat acyimnatem apnenyic, apyisponcama Dios.
36Enlhit seyamasma coo, elngamcojoc sat acmasom, enlhit setanoncama coo, etac sat apquitsepma.
Currently Selected:
PROVERBIOS 8: ENHL
Highlight
Copy
Compare
Share
Want to have your highlights saved across all your devices? Sign up or sign in
PROVERBIOS 8
8
Singiltamescama apvisay apyascamco apanco
1Cayjec appayvam apanco enlhit apyascamco apanco, inlingalhquic appayvam.
2Apvitacpec maa netin inquilhe. Apvitacpec maa alayjemaclha amay.
3Apvitacpec maa atong acyivey, payjoc apatong tingma apvanyam.#Pr 1.20-21.
4Yitnec coo sicpayvam silanya quellhip enlhitaoc.
5¡Quellhip apquilyimnanic melyascamco najan acyeyjamelhma, elyasingvom sat actemaclha acpeyvomo najan acyascamco ingvalhoc!
6Quip elaylhojo sicpayvam, comoc sat apquilvalhoc actomja nasoc anco najan actomja acpeyvomo.
7Nasoc anco sicpayvam, am colcac evalhoc acmovan amyaa.
8Impeyvoc anco sicpayvam, mepqui mataa sicyinimquiscama.
9Inmec mataa apquilvalhoc sicpayvam alpeyvomo, enlhit apquilyascamco.
10Eltingya sat quellhip singiltamescama, noeltingya nasa plata asoc alyinmom. Eltingya sat actemaclha ningyascamco, noeltingya nasa oro asoc acmamnave.
11Actamila anco ningyascamco, am colhno alnatanma alyinmom. Actamila anco acyascamco ingvalhoc, am colhno acyovoclhojo asoc as nalhpop.
12Coo sicvisay nintemaclha ningyascamco, acyascamco anco evalhoc coo. Evanquic oyascasingvomoc yavamlha ontimjic.
13Ningayo Dios Visqui ingac, acvisay nintanoncama asoc acmasom. Actanovquic coo ayajamalhco ingvalhoc najan ningyimtalhnesomalhco inganco, najan ningmovan amyaa najan nintemaclha acmasom.
14Acyiplovcasquic mataa coo aclhanma evalhoc acyascamco, yavamlha ontimjic. Coo sicvisay sicyicpilquemo najan sicyimnatem, ayinyema acyascamco evalhoc.
15Coo ayinyema acyascamco apquilvalhoc apquilviscaa reyes, najan acyascamco apquilvalhoc apquiltamjaycamó lhama apquilviscaa.
16Coo ayinyema acyascamco apquilvalhoc apquilyimtalhnamo, apquilapajascama singanamaclha najan singascamaclha nipyesicsa enlhitaoc.
17Ayasicjavoc mataa enlhit aptomja seyasicjayo sicvisay sicyascamco. Elvitaclhec mataa enlhit aptomja setamsama coo.
18Coo ayinyema sicmescama nasa ningilnatam najan mayayoclha, ellhovamcoc sat enlhitaoc malayo najan acyanmongam apquilvascapma.
19Actamila anco sicmescama nasa, am colhno oro asoc acmamnave. Actamila anco sicmescama nasa, am colhno plata asoc alyinmom.
20Acyiplovcasquic coo mataa nintemaclha acpeyvomo najan ningyicpilquemo.
21Cotlaycaoc sicmescama nasa asoc, apquiltomja selasicjayo coo. Olhamasiclhac sat mataa asoc altamila tingma apancaoc enlhit.
Dios Apquitca
22Siclhoc nat sellanay Tata coo Dios, yicpintama apquillanay aclhamoclhojo asoc.#Ap 3.14.
23Siclhoc nat sellanay Tata coo Dios, yicpintama apquilantipquiscama as nalhpop.
24Siclhoc nat sictiyaycamlha co, yicpintama allanomalhca yingmin acvanyam, najan vatsam, najan actiyapmaclha yingmin.
25Siclhoc nat sictiyaycamlha, yicpintama allanomalhca inquilhe alvinatem.
26Siclhoc nat sictiyaycamlha, yicpintama allanomalhca as nalhpop, amyip najan lhopactic.
27Apquillanac siclhoc nat Dios actemaclha netin, tacjalhit yingmin acvanyam. Acnec siclhoc nat netin apnaclha Tata coo Dios.
28Apquilantipcasquic siclhoc nat yipjopay, najan actiyapmaclha yingmin congne.
29Apcanama siclhoc nat acvamlha navayc acyitnamaclha yingmin acvanyam. Apquilantipcasquic siclhoc nat avjac as nalhpop.#Job 38.8-11; Sal 104.6-9; Jer 5.22.
30Acnec siclhoc nat apnaclha Tata coo Dios. Impayjeclhec nat mataa apvalhoc. Acnayvec siclhoc nat apnaclha Tata coo Dios.
31Acnayvec siclhoc nat coo as nalhpop apquilantipquiscama Tata coo Dios. Impayjeclhec mataa evalhoc sicvita siclhoc anco enlhit.#Job 28.23-27.
32Quip elaylhojo sicpayvam, quellhip eyitquic. Jelvajanaoc sictemaclha coo, colhic sat acpayjayclha apquilvalhoc quellhip.
33Elyiplovcasojo sicpayvam siltamescama, noeltanov nasa actemaclha ningyascamco.
34Apquilinyejemo enlhit apjalhenmo sicpayvam, apquiljalhanma mataa tingma apatong tingma ajac aclhamoclhojo acnim.
35Enlhit setayquiclha coo, colhic sat acyimnatem apnenyic, apyisponcama Dios.
36Enlhit seyamasma coo, elngamcojoc sat acmasom, enlhit setanoncama coo, etac sat apquitsepma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in