PROVERBIOS 4
4
Nintemaclha acpeyvomo ayinyema acyascamco ingvalhoc
1Quellhip apquitcavoc, elaylhojo mataa appayvam tata ingac, colhic sat acyascamco apquilvalhoc quellhip.
2Actamila anco siltamescama quellhip, noeltanov nasa sicpayvam siltamescama sillhicmoscama.
3Eyitcoc alhta nano coo lha, sevanimquiscama alhta meme coo.
4Aptomjac alhta tata seyanya coo: Lhip, coma sat apvalhoc sicpayvam, iyiplovquis sat mataa siyanamaclha, colhic sat lhip acyimnatem apnenyic.
5Iyasingvom sat lhip, coyit sat acyascamco apvalhoc, iyiplovquis coo sicpayvam.
6Noyinyov nasa lhip aptemaclha apyascamco, emyovacpoc sat lhip.
7Itingya sat ayimja amamyi acvisay acyascamco apvalhoc, isavojo sat lhip.
8Ingyasicjojo actemaclha ningyascamco, colhic sat ayaco lhip. Coma sat apvalhoc actemaclha ningyascamco, colhic sat ayaco lhip.
9Enalhimsacpoc sat lhip, malha corona actamila appocanma lhip apyitsicsic — alhta aptomjac tata ingac.
10Aptomjac mocjam tata seyanya coo: Lhip sictamongvoyam, coma sat apvalhoc sicpayvam. Etyisam sat lhip acvoncaclhojo, aclhamoclhojo años.
11Oyantemiclhac sat lhip amay acvisay ningyascamco, amay actamila anco.
12Melngamquejec sat acmasom naysicsa aplhingam najan naysicsa apquinincayam.
13Noyinyov nasa lhip maltamescama, iyiplovquis sat mataa, colhic sat lhip acyimnatem apnenyic.
14Novjaniclhojo nasa apquiltemaclha apquilmapsomcaa, apquilsilhnanomap apanco.
15Nopalhavom nasa apquilmapsomcaa, iyinyov apquilnaclha, itingya asoc actamila.
16Mepqui actamilaycam apquilvalhoc apquilmapsomcaa, najan alhtaa. Apnatovasquic mataa poc, natamin elyitnamcoc yoyam elnateynic.
17Aptoycaoc najan apyinaycaoc acyitsomalhca apquilajem najan asoc acmasom.
18Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.
19Apquileyvec mataa yatescamalhma enlhit apquilmapsomcaa. Apquilpilapacmec naysicsa apquillhingam, melvitay asoc acnaycaoc amay.#Sal 1.6.
20Aptomjac mocjam tata seyanya coo: Lhip sictamongvoyam, coma sat apvalhoc sicpayvam.
21Coma sat apvalhoc sicpayvam. Noyinyov nasa, noncolvonquim nasa sicpayvam.
22Coo sicpayvam actomja malha panatem najan acyimnatescama apnenyic lhip.
23Itamilsojo sat lhip apvalhoc, yoyam cosilhnanalhquejec sat. Ongmiyovalhcac sat mataa, ayinyema actamilaycam ingvalhoc.
24Noyinimquis nasa poc, notne nasa apmopvan amyaa.
25Ilanojo sat mataa acyitnaclha amamyi, mepqui apyitnocjascama.
26Ilanojo sat mataa aplhingam apmamyi amay anco, metejec sat acmamjape.
27Noyinyov nasa amay pac. Notingya nasa amay apancaoc apquilmapsomcaa.
Currently Selected:
PROVERBIOS 4: ENHL
Highlight
Copy
Compare
Share
Want to have your highlights saved across all your devices? Sign up or sign in
PROVERBIOS 4
4
Nintemaclha acpeyvomo ayinyema acyascamco ingvalhoc
1Quellhip apquitcavoc, elaylhojo mataa appayvam tata ingac, colhic sat acyascamco apquilvalhoc quellhip.
2Actamila anco siltamescama quellhip, noeltanov nasa sicpayvam siltamescama sillhicmoscama.
3Eyitcoc alhta nano coo lha, sevanimquiscama alhta meme coo.
4Aptomjac alhta tata seyanya coo: Lhip, coma sat apvalhoc sicpayvam, iyiplovquis sat mataa siyanamaclha, colhic sat lhip acyimnatem apnenyic.
5Iyasingvom sat lhip, coyit sat acyascamco apvalhoc, iyiplovquis coo sicpayvam.
6Noyinyov nasa lhip aptemaclha apyascamco, emyovacpoc sat lhip.
7Itingya sat ayimja amamyi acvisay acyascamco apvalhoc, isavojo sat lhip.
8Ingyasicjojo actemaclha ningyascamco, colhic sat ayaco lhip. Coma sat apvalhoc actemaclha ningyascamco, colhic sat ayaco lhip.
9Enalhimsacpoc sat lhip, malha corona actamila appocanma lhip apyitsicsic — alhta aptomjac tata ingac.
10Aptomjac mocjam tata seyanya coo: Lhip sictamongvoyam, coma sat apvalhoc sicpayvam. Etyisam sat lhip acvoncaclhojo, aclhamoclhojo años.
11Oyantemiclhac sat lhip amay acvisay ningyascamco, amay actamila anco.
12Melngamquejec sat acmasom naysicsa aplhingam najan naysicsa apquinincayam.
13Noyinyov nasa lhip maltamescama, iyiplovquis sat mataa, colhic sat lhip acyimnatem apnenyic.
14Novjaniclhojo nasa apquiltemaclha apquilmapsomcaa, apquilsilhnanomap apanco.
15Nopalhavom nasa apquilmapsomcaa, iyinyov apquilnaclha, itingya asoc actamila.
16Mepqui actamilaycam apquilvalhoc apquilmapsomcaa, najan alhtaa. Apnatovasquic mataa poc, natamin elyitnamcoc yoyam elnateynic.
17Aptoycaoc najan apyinaycaoc acyitsomalhca apquilajem najan asoc acmasom.
18Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.
19Apquileyvec mataa yatescamalhma enlhit apquilmapsomcaa. Apquilpilapacmec naysicsa apquillhingam, melvitay asoc acnaycaoc amay.#Sal 1.6.
20Aptomjac mocjam tata seyanya coo: Lhip sictamongvoyam, coma sat apvalhoc sicpayvam.
21Coma sat apvalhoc sicpayvam. Noyinyov nasa, noncolvonquim nasa sicpayvam.
22Coo sicpayvam actomja malha panatem najan acyimnatescama apnenyic lhip.
23Itamilsojo sat lhip apvalhoc, yoyam cosilhnanalhquejec sat. Ongmiyovalhcac sat mataa, ayinyema actamilaycam ingvalhoc.
24Noyinimquis nasa poc, notne nasa apmopvan amyaa.
25Ilanojo sat mataa acyitnaclha amamyi, mepqui apyitnocjascama.
26Ilanojo sat mataa aplhingam apmamyi amay anco, metejec sat acmamjape.
27Noyinyov nasa amay pac. Notingya nasa amay apancaoc apquilmapsomcaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in