PROVERBIOS 16
16
1Nincoo ayinyema aclhanma ingilvalhoc yavamlha ontimjic. Apyasamcoc Visqui ingac actomjaclha nelha ningiltomjaclha.#Pr 16.9; 19.21; Ec 9.1.
2Ninganayquic mataa nincoo, actomja actamila nintemaclha inganco. Apyasamcoc Dios actemaclha ingvalhoc, epquiniclhac ayalhnaclhojo ingvalhoc.#Pr 21.2.
3Ongiltimnacsic sat Dios acyovoclhojo aclhanma mataa ingvalhoc.#Sal 37.5. Memyovejec sat Visqui ingac actomjaclha aclhanma ingilvalhoc.
4Apquilantipcasquic nic nat Dios aclhamoclhojo asoc, apyasamcoc yavamlha etnejic. Eyanmongsiclhac sat apquiltemaclha apancaoc apquilmapsomcaa, acvoya inlhojo acnim apanco.
5Ingiltanovquic mataa Dios, apvita inlhojo ayajamalhco ingvalhoc. Nasoc anco eyanmongsiclhac sat nintemaclha inganco.
6Comascosalhcac sat mongyascalhma, acyitna inlhojo ningasicjayo najan nasoc anco nintemaclha ningyiplovquiscama. Colhic sat ayaco Visqui ingac, ningyinyova inlhojo actemaclha acmasom.
7Apyispaquic sat ancoc Visqui ingac nintemaclha acpeyvomo, etnesquisic sat, yoyam jingilasicjiclhojo mocjam nincoo cotnaja ingmoc.
8Actamila anco nintingyey anit asoc acyiplomo nintemaclha acpeyvomo, am colhna nintingyey cascama asoc, acyiplomo nintemaclha mepqui acpeyvomo.
9Nincoo ayinyema mataa aclhanma ingvalhoc, yavamlha ontimjic. Dios ayinyema mataa singillhinquiscama, yavamlha ongyiplovcasojo.#Pr 16.1; 19.21; Ec 9.1.
10Aplingasquic apvisqui rey appayvam ayinyema Dios. Melhnanmejec mataa naysicsa apyicpilquemo nintemaclha najan apquiltemaclha enlhit.
11Apyasamcoc Visqui ingac actemaclha balanza, actemaclha ningiljanma nincoo. Apquillanac nic nat Visqui ingac acvamlha moclhama pesas ningiljanma.
12Aptanovquic mataa apvisqui rey apquiltemaclha enlhit apquilmapsomcaa. Apvisqui aptemaclha apyimtalhnamo ayinyema mataa aptemaclha appeyvomo.
13Apyispaquic mataa apvisqui rey nintemaclha mepqui ningyinimquiscama najan ninlhanma actomja nasoc anco.
14Apvisqui rey aplom pac conyemac sat, yoyam ematong enlhit apmapsom. Apvanquic enlhit apyascamco ingyimjapacsic apvalhoc, comascoc aplom pac.
15Acpayjayclha apvalhoc apvisqui rey actomja singyimnatescama. Actamilaycam apvalhoc acyitsomalhca yipjopay, ayinyemayaclha yingmin acmamay.
16Acmamnave anco nintemaclha ningyascamco, am colhno oro acmamnave. Acmamnave anco nintemaclha ningyicpilquemo, am colhno plata acmamnave.
17Incaymalhquic ongyinyoc actemaclha acmasom, ongiltimjic sat ningilpeyvomo. Ongmiyovalhcac sat nincoo, acyitna inlhojo ningiltamilcasomalhco inganco.
18Onlingamcojoc singiltovascama, acyitna inlhojo ningyimtalhnesomalhco inganco. Ongillhnanmoc sat mataa, acyitna inlhojo ayajamalhco ingvalhoc.
19Intasi nac actamilaycam ingvalhoc nipyesicsa enlhit mepqui apquilnatam, am colhno cascama ningilnatam nipyesicsa enlhit ayajamalhco apquilvalhoc.
20Ongmiyovalhcac sat, ningyiplovquisa inlhojo singanamaclha Visqui ingac. Ningilinyejemo nincoo, acyitna inlhojo ningyiplovquiscama appayvam Visqui ingac.
21Ningilvisay ningyascamco, acyitna inlhojo acyascamco ingvalhoc nincoo. Ninlhanma altamila nimpayvam, actomja almam apquilvalhoc ingnaymacoc.
22Acyascamco ingvalhoc actomja ayinyemayaclha acyimnatem ingneyic. Onlingamcojoc mataa acmasom, acyitna inlhojo acyeyjamelhma ingvalhoc.
23Altamila mataa ningilyataycam, ayinyema acyascamco ingilvalhoc. Colmoc sat apquilvalhoc ingnaymacoc actemaclha ningiltimnascama.
24Ningilyataycam actamila colhojoc sat pa'pac yamyovjene, colhic sat acyimantesa ingvalhoc najan ingyimpejic.
25Ninganayquic mataa acpeyvomo amay ningyiplayclha. Yitne inyicje ningitsepma actamongvamlha nelha.#Pr 14.12.
26Ningilpecjam mataa ongiltamjam, ayinyema singilpecjescama ingvalhoc. Nintingyac mataa nintamjaycam, ayinyema singilpecjescama mayic.
27Nintemaclha acmasom acyitsomalhca malhic aclaneyo acmasom. Asquejec mataa ninlhanma ningilpayvam naysicsa nintemaclha inganco, malha talha intomjac.#Stg 3.6.
28Ningilatingmomalhca ayinyema acyeyjamelhma ingilvalhoc. Ningiltanovmalhca najan ningilinmelhamalhca ayinyema nintipquiscama apvisay ingmoc.
29Ningyinimcasquic nincoo ingmoc, acyitna inlhojo ningyimtalhnesomalhco inganco. Eyantamacpoc sat ingmoc amay acmasom.
30Colhenic ingvalhoc actemaclha acmasom, acyitna inlhojo nintiyinquiscama ingataoc. Yiplovcoc ningilasmescama, nimpenesa inlhojo ningiltomjaclha acmasom.
31Acmopoy ingva acyitsomalhca nimpocanma corona, ayinyema nintemaclha ningiltamilcasomalhco inganco aclhamoclhojo años.
32Apyispaquic Dios actamilaycam ingvalhoc, am colhno ningvascapma ningilnapomalhca. Apyispaquic Dios ningiltamilcasomalhco inganco, am colhno ningilimpocjay tingma apquilvanyam.
33Nincoo nintemaclha sicas suerte. Visqui ingac eyca jingiltimnacsic yavamlha ontimjic.
Currently Selected:
PROVERBIOS 16: ENHL
Highlight
Copy
Compare
Share
Want to have your highlights saved across all your devices? Sign up or sign in
PROVERBIOS 16
16
1Nincoo ayinyema aclhanma ingilvalhoc yavamlha ontimjic. Apyasamcoc Visqui ingac actomjaclha nelha ningiltomjaclha.#Pr 16.9; 19.21; Ec 9.1.
2Ninganayquic mataa nincoo, actomja actamila nintemaclha inganco. Apyasamcoc Dios actemaclha ingvalhoc, epquiniclhac ayalhnaclhojo ingvalhoc.#Pr 21.2.
3Ongiltimnacsic sat Dios acyovoclhojo aclhanma mataa ingvalhoc.#Sal 37.5. Memyovejec sat Visqui ingac actomjaclha aclhanma ingilvalhoc.
4Apquilantipcasquic nic nat Dios aclhamoclhojo asoc, apyasamcoc yavamlha etnejic. Eyanmongsiclhac sat apquiltemaclha apancaoc apquilmapsomcaa, acvoya inlhojo acnim apanco.
5Ingiltanovquic mataa Dios, apvita inlhojo ayajamalhco ingvalhoc. Nasoc anco eyanmongsiclhac sat nintemaclha inganco.
6Comascosalhcac sat mongyascalhma, acyitna inlhojo ningasicjayo najan nasoc anco nintemaclha ningyiplovquiscama. Colhic sat ayaco Visqui ingac, ningyinyova inlhojo actemaclha acmasom.
7Apyispaquic sat ancoc Visqui ingac nintemaclha acpeyvomo, etnesquisic sat, yoyam jingilasicjiclhojo mocjam nincoo cotnaja ingmoc.
8Actamila anco nintingyey anit asoc acyiplomo nintemaclha acpeyvomo, am colhna nintingyey cascama asoc, acyiplomo nintemaclha mepqui acpeyvomo.
9Nincoo ayinyema mataa aclhanma ingvalhoc, yavamlha ontimjic. Dios ayinyema mataa singillhinquiscama, yavamlha ongyiplovcasojo.#Pr 16.1; 19.21; Ec 9.1.
10Aplingasquic apvisqui rey appayvam ayinyema Dios. Melhnanmejec mataa naysicsa apyicpilquemo nintemaclha najan apquiltemaclha enlhit.
11Apyasamcoc Visqui ingac actemaclha balanza, actemaclha ningiljanma nincoo. Apquillanac nic nat Visqui ingac acvamlha moclhama pesas ningiljanma.
12Aptanovquic mataa apvisqui rey apquiltemaclha enlhit apquilmapsomcaa. Apvisqui aptemaclha apyimtalhnamo ayinyema mataa aptemaclha appeyvomo.
13Apyispaquic mataa apvisqui rey nintemaclha mepqui ningyinimquiscama najan ninlhanma actomja nasoc anco.
14Apvisqui rey aplom pac conyemac sat, yoyam ematong enlhit apmapsom. Apvanquic enlhit apyascamco ingyimjapacsic apvalhoc, comascoc aplom pac.
15Acpayjayclha apvalhoc apvisqui rey actomja singyimnatescama. Actamilaycam apvalhoc acyitsomalhca yipjopay, ayinyemayaclha yingmin acmamay.
16Acmamnave anco nintemaclha ningyascamco, am colhno oro acmamnave. Acmamnave anco nintemaclha ningyicpilquemo, am colhno plata acmamnave.
17Incaymalhquic ongyinyoc actemaclha acmasom, ongiltimjic sat ningilpeyvomo. Ongmiyovalhcac sat nincoo, acyitna inlhojo ningiltamilcasomalhco inganco.
18Onlingamcojoc singiltovascama, acyitna inlhojo ningyimtalhnesomalhco inganco. Ongillhnanmoc sat mataa, acyitna inlhojo ayajamalhco ingvalhoc.
19Intasi nac actamilaycam ingvalhoc nipyesicsa enlhit mepqui apquilnatam, am colhno cascama ningilnatam nipyesicsa enlhit ayajamalhco apquilvalhoc.
20Ongmiyovalhcac sat, ningyiplovquisa inlhojo singanamaclha Visqui ingac. Ningilinyejemo nincoo, acyitna inlhojo ningyiplovquiscama appayvam Visqui ingac.
21Ningilvisay ningyascamco, acyitna inlhojo acyascamco ingvalhoc nincoo. Ninlhanma altamila nimpayvam, actomja almam apquilvalhoc ingnaymacoc.
22Acyascamco ingvalhoc actomja ayinyemayaclha acyimnatem ingneyic. Onlingamcojoc mataa acmasom, acyitna inlhojo acyeyjamelhma ingvalhoc.
23Altamila mataa ningilyataycam, ayinyema acyascamco ingilvalhoc. Colmoc sat apquilvalhoc ingnaymacoc actemaclha ningiltimnascama.
24Ningilyataycam actamila colhojoc sat pa'pac yamyovjene, colhic sat acyimantesa ingvalhoc najan ingyimpejic.
25Ninganayquic mataa acpeyvomo amay ningyiplayclha. Yitne inyicje ningitsepma actamongvamlha nelha.#Pr 14.12.
26Ningilpecjam mataa ongiltamjam, ayinyema singilpecjescama ingvalhoc. Nintingyac mataa nintamjaycam, ayinyema singilpecjescama mayic.
27Nintemaclha acmasom acyitsomalhca malhic aclaneyo acmasom. Asquejec mataa ninlhanma ningilpayvam naysicsa nintemaclha inganco, malha talha intomjac.#Stg 3.6.
28Ningilatingmomalhca ayinyema acyeyjamelhma ingilvalhoc. Ningiltanovmalhca najan ningilinmelhamalhca ayinyema nintipquiscama apvisay ingmoc.
29Ningyinimcasquic nincoo ingmoc, acyitna inlhojo ningyimtalhnesomalhco inganco. Eyantamacpoc sat ingmoc amay acmasom.
30Colhenic ingvalhoc actemaclha acmasom, acyitna inlhojo nintiyinquiscama ingataoc. Yiplovcoc ningilasmescama, nimpenesa inlhojo ningiltomjaclha acmasom.
31Acmopoy ingva acyitsomalhca nimpocanma corona, ayinyema nintemaclha ningiltamilcasomalhco inganco aclhamoclhojo años.
32Apyispaquic Dios actamilaycam ingvalhoc, am colhno ningvascapma ningilnapomalhca. Apyispaquic Dios ningiltamilcasomalhco inganco, am colhno ningilimpocjay tingma apquilvanyam.
33Nincoo nintemaclha sicas suerte. Visqui ingac eyca jingiltimnacsic yavamlha ontimjic.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in