PROVERBIOS 13
13
1Ningyispaquic mataa singiltamescama tata ingac, acyitna inlhojo acyascamco ingvalhoc nincoo. Colcac mataa ingvalhoc singiltamescama tata ingac, acyitna inlhojo acyeyjamelhma ingvalhoc nincoo.
2Ningyispaquic mataa altamila nimpayvam,#Pr 12.14; 18.20. alyitsomalhca altamila acyilhna. Avanjec ayitsepma apnenyaoc enlhit apquilyinimquiscama, malha mayic alnapma.
3Mepqui ninlhamasayclha nimpayvam acvisay nintemaclha ningiltamilcasomalhco inganco. Onlingamcojoc sat acyimtalhnama, acyitna inlhojo ningillhamasomalhca.
4Onlingamcojoc mataa mayic naysicsa ningmoncalhneycam, ayinyema coyoyam nintamjaycam. Monlingamquejec mataa mayic, coytic sat nintom, nintingya inlhojo nintamjaycam.
5Ningiltanovquic mataa acmovan amyaa ningilvisay ningilpeyvomo. Enlhit apmapsom ayinyema aptemaclha apmanquescama najan apvennéycam poc.
6Actemaclha acpeyvomo actomja singmasma, acyitna inlhojo actamila ingvalhoc. Etvasacpoc mataa enlhit apmapsom ayinyema aptemaclha meyascalhma.
7Napocja enlhit mepqui apquilnatam, apquillhenacpo apanco acma apquilnatam. Napocja enlhit acma apquilnatam, apquillhenacpo apanco mepqui apquilnatam.
8Apyinyovquic acyanmongam enlhit acma apquilnatam, yoyam emyovacpoc. Mepqui mataa apyamasma acyanmongam enlhit mepqui apquilnatam, yoyam emyovacpoc.
9Ningyitsomalhca nincoo ayitsasquiscamalhma, ningilvisay ningilpeyvomo. Apquilyitsomacpo calevascama acsapona, apquilvisay enlhit apquilmapsomcaa.
10Nintemaclha ningilnapomalhca ayinyema ayajamalhco ingvalhoc. Nintemaclha ningyascamco ayinyema conjamalhca ingilvalhoc.#Pr 11.2.
11Casilhtojoc sat ningilnatam, ningilpecjesa inlhojo ningansayclha mataa. Colhamiclhac sat ningilnatam, mepqui inlhojo nimpecjescama ningansayclha.
12Inlingamcoc mataa ingvalhoc, ayinyema ningiljalhanma acvoncaclhojo. Ningillhoy asoc aclhanma ingvalhoc actomja acyimnatescama ingnenyic.
13Mongmiyovalhquejec nincoo, mepqui inlhojo ningyiplovquiscama singanamaclha. Ongmiyovalhcac sat, acyitna inlhojo ningyiplovquiscama singanamaclha.
14Acyimnatem ingnenyic ayinyema singillhicmoscama enlhit apyascamco. Mongmalhquejec sat trampa singilmam, ongilvomsalhcac sat tap.#Pr 14.27.
15Intasic mataa acyascamco ingvalhoc, yoyam ongyiplovcasojo. Elmasquingvomoc sat enlhit apquilyinimquiscama.
16Apyascamco enlhit, acyitna inlhojo acyascamco apvalhoc. Meyascalhma nac aptemaclha apanco enlhit acyeyjamelhma.
17Ninlingaycamco acmasom ayinyema apsoycam amyaa apmapsom. Asilhtec ninlingaycamco acmasom ayinyema apsoycam amyaa aptamila.
18Mepqui asoc nincoo, acyiplomo ningmancactama, ningiltanova inlhojo singiltamescama. Colhic sat singaco, acyitna inlhojo ningyiplovquiscama.
19Payjeclhec ingvalhoc, ningvita inlhojo asoc aclhanma mataa ingvalhoc. Jingilyacmoc ongilvatsamcoc acmasom, acyitna inlhojo acyeyjamelhma ingvalhoc.
20Coyangvomoc sat ningyascamco, ningilpalhavocmo inlhojo nipyesicsa apquilyascamco. Coyangvomoc sat acyeyjamelhma, ningilpalhavocmo inlhojo nipyesicsa acyeyjamelhma apquilvalhoc.
21Malha singminlhinaycam actomja mongilyascalhma, onlingamcojoc sat acmasom. Ongvitac sat acyanmongam nintemaclha acpeyvomo, ongillhocac sat maa.
22Apquilmayclha ningilnatam ellhovamcoc sat intovana, ningilvisay ningilpeyvomo. Apquilnatam enlhit meyascalhma, ellhovamcoc sat enlhit apquilpeyvomo.
23Cotlaycaoc acyilhna ayinyema amyip apanco enlhit mepqui apquilnatam. Colhnanmoc sat mataa acyilhna, mepqui inlhojo nintemaclha acpeyvomo.
24Aplingamcoc ningyicpilhqueteycaoc nintamongvoyam, ayinyema ningasicjayo. Mepqui ningasicjayo nintamongvoyam, melngamquejec ningyicpilhqueteycaoc.
25Coytic mataa nintom mepqui ninsovjomo, acyitna inlhojo nintemaclha acpeyvomo. Mepqui mataa nintom, acyitna inlhojo nintemaclha acmasom.
Currently Selected:
PROVERBIOS 13: ENHL
Highlight
Copy
Compare
Share
Want to have your highlights saved across all your devices? Sign up or sign in
PROVERBIOS 13
13
1Ningyispaquic mataa singiltamescama tata ingac, acyitna inlhojo acyascamco ingvalhoc nincoo. Colcac mataa ingvalhoc singiltamescama tata ingac, acyitna inlhojo acyeyjamelhma ingvalhoc nincoo.
2Ningyispaquic mataa altamila nimpayvam,#Pr 12.14; 18.20. alyitsomalhca altamila acyilhna. Avanjec ayitsepma apnenyaoc enlhit apquilyinimquiscama, malha mayic alnapma.
3Mepqui ninlhamasayclha nimpayvam acvisay nintemaclha ningiltamilcasomalhco inganco. Onlingamcojoc sat acyimtalhnama, acyitna inlhojo ningillhamasomalhca.
4Onlingamcojoc mataa mayic naysicsa ningmoncalhneycam, ayinyema coyoyam nintamjaycam. Monlingamquejec mataa mayic, coytic sat nintom, nintingya inlhojo nintamjaycam.
5Ningiltanovquic mataa acmovan amyaa ningilvisay ningilpeyvomo. Enlhit apmapsom ayinyema aptemaclha apmanquescama najan apvennéycam poc.
6Actemaclha acpeyvomo actomja singmasma, acyitna inlhojo actamila ingvalhoc. Etvasacpoc mataa enlhit apmapsom ayinyema aptemaclha meyascalhma.
7Napocja enlhit mepqui apquilnatam, apquillhenacpo apanco acma apquilnatam. Napocja enlhit acma apquilnatam, apquillhenacpo apanco mepqui apquilnatam.
8Apyinyovquic acyanmongam enlhit acma apquilnatam, yoyam emyovacpoc. Mepqui mataa apyamasma acyanmongam enlhit mepqui apquilnatam, yoyam emyovacpoc.
9Ningyitsomalhca nincoo ayitsasquiscamalhma, ningilvisay ningilpeyvomo. Apquilyitsomacpo calevascama acsapona, apquilvisay enlhit apquilmapsomcaa.
10Nintemaclha ningilnapomalhca ayinyema ayajamalhco ingvalhoc. Nintemaclha ningyascamco ayinyema conjamalhca ingilvalhoc.#Pr 11.2.
11Casilhtojoc sat ningilnatam, ningilpecjesa inlhojo ningansayclha mataa. Colhamiclhac sat ningilnatam, mepqui inlhojo nimpecjescama ningansayclha.
12Inlingamcoc mataa ingvalhoc, ayinyema ningiljalhanma acvoncaclhojo. Ningillhoy asoc aclhanma ingvalhoc actomja acyimnatescama ingnenyic.
13Mongmiyovalhquejec nincoo, mepqui inlhojo ningyiplovquiscama singanamaclha. Ongmiyovalhcac sat, acyitna inlhojo ningyiplovquiscama singanamaclha.
14Acyimnatem ingnenyic ayinyema singillhicmoscama enlhit apyascamco. Mongmalhquejec sat trampa singilmam, ongilvomsalhcac sat tap.#Pr 14.27.
15Intasic mataa acyascamco ingvalhoc, yoyam ongyiplovcasojo. Elmasquingvomoc sat enlhit apquilyinimquiscama.
16Apyascamco enlhit, acyitna inlhojo acyascamco apvalhoc. Meyascalhma nac aptemaclha apanco enlhit acyeyjamelhma.
17Ninlingaycamco acmasom ayinyema apsoycam amyaa apmapsom. Asilhtec ninlingaycamco acmasom ayinyema apsoycam amyaa aptamila.
18Mepqui asoc nincoo, acyiplomo ningmancactama, ningiltanova inlhojo singiltamescama. Colhic sat singaco, acyitna inlhojo ningyiplovquiscama.
19Payjeclhec ingvalhoc, ningvita inlhojo asoc aclhanma mataa ingvalhoc. Jingilyacmoc ongilvatsamcoc acmasom, acyitna inlhojo acyeyjamelhma ingvalhoc.
20Coyangvomoc sat ningyascamco, ningilpalhavocmo inlhojo nipyesicsa apquilyascamco. Coyangvomoc sat acyeyjamelhma, ningilpalhavocmo inlhojo nipyesicsa acyeyjamelhma apquilvalhoc.
21Malha singminlhinaycam actomja mongilyascalhma, onlingamcojoc sat acmasom. Ongvitac sat acyanmongam nintemaclha acpeyvomo, ongillhocac sat maa.
22Apquilmayclha ningilnatam ellhovamcoc sat intovana, ningilvisay ningilpeyvomo. Apquilnatam enlhit meyascalhma, ellhovamcoc sat enlhit apquilpeyvomo.
23Cotlaycaoc acyilhna ayinyema amyip apanco enlhit mepqui apquilnatam. Colhnanmoc sat mataa acyilhna, mepqui inlhojo nintemaclha acpeyvomo.
24Aplingamcoc ningyicpilhqueteycaoc nintamongvoyam, ayinyema ningasicjayo. Mepqui ningasicjayo nintamongvoyam, melngamquejec ningyicpilhqueteycaoc.
25Coytic mataa nintom mepqui ninsovjomo, acyitna inlhojo nintemaclha acpeyvomo. Mepqui mataa nintom, acyitna inlhojo nintemaclha acmasom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in