PROVERBIOS 10
10
Segunda parte
(Caps 10.1—22.16)
1Singiltamsoycaoc ayinyema apvisqui Salomón:
Payjeclhec apvalhoc apyap, apvita inlhojo apquitca aptemaclha apyascamco. Inlingamcoc apvalhoc apyap, apvita aptemaclha apquitca acyeyjamelhma.#Pr 15.20.
2Am cotnajac actamila ingvalhoc, ningansaclho inlhojo asoc cotnaja inganco. Ongmiyovalhcac sat, acyitna inlhojo actamilaycam ingvalhoc.#Pr 11.4.
3Mepqui ninlingaycamco mayic singilaneyo Dios, ayinyema actamilaycam ingvalhoc. Ninlingamcoc mayic ayinyema Dios, acyitna inlhojo nintemaclha acmasom.#Sal 34.10.
4Ningvitac mataa mepqui asoc nincoo, ayinyema mepqui ningiltamjaycam. Ningvitac mataa cotlaycaoc asoc, ayinyema ningilvascapma ningiltamjaycam.
5Ningilvascapma naysicsa acmocjitmaclha acyilhna, ayinyema nintemaclha ningyascamco. Nintiyanma naysicsa acmocjitmaclha acyilhna, ongvenalhcac sat.
6Ongillhocac asoc altamila ayinyema Dios, acyitna inlhojo actamila ingvalhoc. Cotnejic ningvenneycam Dios, acyitna inlhojo ningyimtalhnesomalhco inganco.
7Comasquejec mataa mayayo ningilvisay, acyitna inlhojo actamilaycam ingvalhoc. Comascoc mataa apvisay apanco enlhit, acyitna inlhojo acmasom aptemaclha.
8Inmec mataa ingvalhoc singanamaclha, acyitna inlhojo acyascamco ingvalhoc. Ongiltovasalhcac naysicsa nintemaclha inganco, actomja acyeyjamelhma ingvalhoc.
9Mongacyejec mataa naysicsa ningileyvam, mepqui acsilhnanomalhca ingvalhoc. Ongmalhcac sat nincoo, acyitna inlhojo ningilsilhnanomalhca inganco.
10Onlingamcojoc mataa acyimtalhnama, acyitna inlhojo anit ingvalhoc. Ongiltovasalhcac sat nincoo, acyitna inlhojo acyeyjamelhma ingvalhoc.
11Colhic acyimnatesa apnenyic poc, ayinyema ninlhanma nintemaclha acpeyvomo. Ontimjic ningmasom napato ingmoc, acyitna inlhojo ningyimtalhnesomalhco inganco.
12Nintemaclha ningilatingmomalhca ayinyema actanoncama ingvalhoc. Nintemaclha ningilasicjayquiclha ingmoc ayinyema ayasicjayo ingvalhoc.#Stg 5.20; 1 P 4.8.
13Nintemaclha ningyascamco ayinyema mataa acyascamco ingvalhoc. Colhic sat acyanmongseclho nintemaclha inganco, ayinyema acyeyjamelhma ingvalhoc.
14Mepqui mataa ningyimtalhnesomalhco inganco, ayinyema acyascamco ingvalhoc. Ninlingaycamco acmasom ayinyema ningilyataycam acyeyjamelhma ingvalhoc.
15Mepqui aclingaycamco ingvalhoc ayinyema cascama ningilnatam. Acyivey aclingaycamco ingvalhoc ayinyema mataa mepqui ningilnatam.
16Acyimnatem ingnenyic ayinyema ningvascapma nintemaclha acpeyvomo. Ningilsilhnanomalhca inganco napato Dios ayinyema nintemaclha acmasom.
17Colhic sat acyimnatem ingnenyic, ningyiplovquisa actemaclha singiltamescama. Mongmiyovalhquejec sat mataa mepqui ningyiplovquiscama singiltamescama.
18Ningyilhalhcoc mataa nintanoncama, ayinyema nintemaclha ningmovan amyaa. Nintemaclha ningillhamasomalhca ayinyema acyeyjamelhma ingvalhoc.
19Ningilsilhnanomalhca inganco ayinyema nintemaclha ningillhamasomalhca. Mepqui nintemaclha ningillhamasomalhca ayinyema acyascamco ingvalhoc nincoo.
20Ingvalhoc acpeyvomo cotyapoc sat ningilyataycam acyitsomalhca plata alyinmom. Ingvalhoc acmasom cotyapoc sat actanovmalhca, comalhquejec sat mataa.
21Ingvalhoc acpeyvomo copayesiclhac sat apquilvalhoc ingnaymacoc. Ingvalhoc acyeyjamelhma jingajic sat, yoyam ongitsapoc.
22Singvaticjapquiscama Visqui ingac actomja aclhamasayclha ningilnatam, mepqui inlhojo ningilvascapma.
23Acpayjayclha ingvalhoc ayinyema mataa, acyitna inlhojo acyascamco ingvalhoc. Ningyisapquic mataa ontovacsic asoc, mepqui inlhojo acyascamco ingvalhoc. (Apyispaquic enlhit acyeyjamelhma etvacsic mataa asoc mepqui apcay).
24Ningillhocac asoc aclhanma ingvalhoc, acyitna inlhojo acpeyvomo ingvalhoc. Yitnec sat ancoc apcay enlhit apmapsom, elngamcojoc sat acmasom.
25Ongileyoc sat mataa, acyitna inlhojo acpeyvomo ingvalhoc. Emasquingvomoc sat enlhit apmapsom, acno apyeycajay yatepiyam.
26Apyitsomacpo enlhit coyoyam etnajam, malha asoc acmasca ayasquiscama ingmaoc, najan malha etin ayasquiscama ingataoc, ayinyema coyoyam etnajam.
27Ajolhec mataa ningileyvam, ningiltomja inlhojo ningilayo Visqui ingac. Colhic sat acyavatesa apquileyvam enlhit apquilmapsomcaa.
28Copayjiclhac sat mataa ingvalhoc, acyitna inlhojo acpeyvomo ingvalhoc. Mepqui mataa acpayjayclha apquilvalhoc enlhit apquilmapsomcaa.
29Jingilmeyvoc sat mataa Visqui ingac, ningyiplovquisa inlhojo acpeyvomo. Enatovasacpoc sat apquiltomja apquilmapsomcaa.
30Colhnanmejec mataa ingvalhoc, acyitna inlhojo acpeyvomo ingvalhoc. Comascoc sat apquileyvam as nalhpop enlhit apquilmapsomcaa.
31Colngalhcac sat nintemaclha ningyascamco, acyitna inlhojo acpeyvomo ingvalhoc. Coyatemenalhcac sat apalhcoc enlhit apmopvan amyaa.#Sal 37.30.
32Intipquic mataa nimpayvam actamila, acyitna inlhojo ingvalhoc acpeyvomo. Intipquic mataa appayvam almasomcaa, acyitna inlhojo apvalhoc acmasom.
Currently Selected:
PROVERBIOS 10: ENHL
Highlight
Copy
Compare
Share
Want to have your highlights saved across all your devices? Sign up or sign in
PROVERBIOS 10
10
Segunda parte
(Caps 10.1—22.16)
1Singiltamsoycaoc ayinyema apvisqui Salomón:
Payjeclhec apvalhoc apyap, apvita inlhojo apquitca aptemaclha apyascamco. Inlingamcoc apvalhoc apyap, apvita aptemaclha apquitca acyeyjamelhma.#Pr 15.20.
2Am cotnajac actamila ingvalhoc, ningansaclho inlhojo asoc cotnaja inganco. Ongmiyovalhcac sat, acyitna inlhojo actamilaycam ingvalhoc.#Pr 11.4.
3Mepqui ninlingaycamco mayic singilaneyo Dios, ayinyema actamilaycam ingvalhoc. Ninlingamcoc mayic ayinyema Dios, acyitna inlhojo nintemaclha acmasom.#Sal 34.10.
4Ningvitac mataa mepqui asoc nincoo, ayinyema mepqui ningiltamjaycam. Ningvitac mataa cotlaycaoc asoc, ayinyema ningilvascapma ningiltamjaycam.
5Ningilvascapma naysicsa acmocjitmaclha acyilhna, ayinyema nintemaclha ningyascamco. Nintiyanma naysicsa acmocjitmaclha acyilhna, ongvenalhcac sat.
6Ongillhocac asoc altamila ayinyema Dios, acyitna inlhojo actamila ingvalhoc. Cotnejic ningvenneycam Dios, acyitna inlhojo ningyimtalhnesomalhco inganco.
7Comasquejec mataa mayayo ningilvisay, acyitna inlhojo actamilaycam ingvalhoc. Comascoc mataa apvisay apanco enlhit, acyitna inlhojo acmasom aptemaclha.
8Inmec mataa ingvalhoc singanamaclha, acyitna inlhojo acyascamco ingvalhoc. Ongiltovasalhcac naysicsa nintemaclha inganco, actomja acyeyjamelhma ingvalhoc.
9Mongacyejec mataa naysicsa ningileyvam, mepqui acsilhnanomalhca ingvalhoc. Ongmalhcac sat nincoo, acyitna inlhojo ningilsilhnanomalhca inganco.
10Onlingamcojoc mataa acyimtalhnama, acyitna inlhojo anit ingvalhoc. Ongiltovasalhcac sat nincoo, acyitna inlhojo acyeyjamelhma ingvalhoc.
11Colhic acyimnatesa apnenyic poc, ayinyema ninlhanma nintemaclha acpeyvomo. Ontimjic ningmasom napato ingmoc, acyitna inlhojo ningyimtalhnesomalhco inganco.
12Nintemaclha ningilatingmomalhca ayinyema actanoncama ingvalhoc. Nintemaclha ningilasicjayquiclha ingmoc ayinyema ayasicjayo ingvalhoc.#Stg 5.20; 1 P 4.8.
13Nintemaclha ningyascamco ayinyema mataa acyascamco ingvalhoc. Colhic sat acyanmongseclho nintemaclha inganco, ayinyema acyeyjamelhma ingvalhoc.
14Mepqui mataa ningyimtalhnesomalhco inganco, ayinyema acyascamco ingvalhoc. Ninlingaycamco acmasom ayinyema ningilyataycam acyeyjamelhma ingvalhoc.
15Mepqui aclingaycamco ingvalhoc ayinyema cascama ningilnatam. Acyivey aclingaycamco ingvalhoc ayinyema mataa mepqui ningilnatam.
16Acyimnatem ingnenyic ayinyema ningvascapma nintemaclha acpeyvomo. Ningilsilhnanomalhca inganco napato Dios ayinyema nintemaclha acmasom.
17Colhic sat acyimnatem ingnenyic, ningyiplovquisa actemaclha singiltamescama. Mongmiyovalhquejec sat mataa mepqui ningyiplovquiscama singiltamescama.
18Ningyilhalhcoc mataa nintanoncama, ayinyema nintemaclha ningmovan amyaa. Nintemaclha ningillhamasomalhca ayinyema acyeyjamelhma ingvalhoc.
19Ningilsilhnanomalhca inganco ayinyema nintemaclha ningillhamasomalhca. Mepqui nintemaclha ningillhamasomalhca ayinyema acyascamco ingvalhoc nincoo.
20Ingvalhoc acpeyvomo cotyapoc sat ningilyataycam acyitsomalhca plata alyinmom. Ingvalhoc acmasom cotyapoc sat actanovmalhca, comalhquejec sat mataa.
21Ingvalhoc acpeyvomo copayesiclhac sat apquilvalhoc ingnaymacoc. Ingvalhoc acyeyjamelhma jingajic sat, yoyam ongitsapoc.
22Singvaticjapquiscama Visqui ingac actomja aclhamasayclha ningilnatam, mepqui inlhojo ningilvascapma.
23Acpayjayclha ingvalhoc ayinyema mataa, acyitna inlhojo acyascamco ingvalhoc. Ningyisapquic mataa ontovacsic asoc, mepqui inlhojo acyascamco ingvalhoc. (Apyispaquic enlhit acyeyjamelhma etvacsic mataa asoc mepqui apcay).
24Ningillhocac asoc aclhanma ingvalhoc, acyitna inlhojo acpeyvomo ingvalhoc. Yitnec sat ancoc apcay enlhit apmapsom, elngamcojoc sat acmasom.
25Ongileyoc sat mataa, acyitna inlhojo acpeyvomo ingvalhoc. Emasquingvomoc sat enlhit apmapsom, acno apyeycajay yatepiyam.
26Apyitsomacpo enlhit coyoyam etnajam, malha asoc acmasca ayasquiscama ingmaoc, najan malha etin ayasquiscama ingataoc, ayinyema coyoyam etnajam.
27Ajolhec mataa ningileyvam, ningiltomja inlhojo ningilayo Visqui ingac. Colhic sat acyavatesa apquileyvam enlhit apquilmapsomcaa.
28Copayjiclhac sat mataa ingvalhoc, acyitna inlhojo acpeyvomo ingvalhoc. Mepqui mataa acpayjayclha apquilvalhoc enlhit apquilmapsomcaa.
29Jingilmeyvoc sat mataa Visqui ingac, ningyiplovquisa inlhojo acpeyvomo. Enatovasacpoc sat apquiltomja apquilmapsomcaa.
30Colhnanmejec mataa ingvalhoc, acyitna inlhojo acpeyvomo ingvalhoc. Comascoc sat apquileyvam as nalhpop enlhit apquilmapsomcaa.
31Colngalhcac sat nintemaclha ningyascamco, acyitna inlhojo acpeyvomo ingvalhoc. Coyatemenalhcac sat apalhcoc enlhit apmopvan amyaa.#Sal 37.30.
32Intipquic mataa nimpayvam actamila, acyitna inlhojo ingvalhoc acpeyvomo. Intipquic mataa appayvam almasomcaa, acyitna inlhojo apvalhoc acmasom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in