Yook 13
13
Yook ambo bi ye karub yeman. Dewid ye yook.
1O Yariman, eb kuu aron komoyiib ne yaa meenaabban?
Aron korem nonondanduwaneewoo?
Aron komoyiib ne yaa angkurom korokbewaneeb?
2Aronkiyiib amnoomiib mimyob wandimain kowe,
aron komoyiib ne inamen aom dabab kandembaraniin?
Aron komoyiib ne bonman kuu ne burudande doraneen?
3O Yariman ne God, ne yaa wedmewe inanduwe.
Ne id yaa aromkono konebko nindob yimin kerok. Kwanaabban kuu angke bobnaniine,
4ne bonmanbed “Ye kuu nembed bidkonaan.” ande yedmaneene
ne bondanbed ne kombaraan yaa kubaniib kii.
5Kumban ne kuu eb womoniyiibban ye mimyob dowaken yaa angkimbaraneen andimain,
kwane ne niindem aom kuu bobni yaa burudande bindi ye kiwaan ebbed ongmewen ye dowad kubimain.
6Ne kuu Yariman yaa wingkaniin,
amborom kuu ye kuu ne yaa amunmo kamoon kowe.
Currently Selected:
Yook 13: yonB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
