Sam 150
150
1Ginda Buyambam tapa inimbaknganong.
Ginu Anututane yotna gwekatang koyuke umana aknga yatangenatnong.
Ginu yekaune enane yuaingga ie inimbaknganong.
2Sike ita puya kekeknga akngata pasikut takngae natake itane umana yatangenatnong.
Sike ginu ita tupan sikngaapa yuke umana kopsa sikngaapa ngang natake itane umana yatangenatnong.
3Ginda pum puyake umana yatangenake
gatu gita zipmake umana yatangenatnong.
4Gatu wakum zipmayuuk kap taike umana yatangenake
gatu gita zipmayuuk kekngagom puyake umana yatangenatnong.
5Gatu dopangu bras ngang yanikainunin zipmaawa gakngae kuwawan Buyambam tapatane umana yatangenatnong.
Ngan, dopangu bras gwenu tanguwa gakngae kapzang yaawan Buyambam tapatane umana yatangenatnong.
6Ginu sanga kayuk yuaingu kuupbamda, Buyambam tapatane umana yatangenatnong.
Buyambam tapae inimbaknganong.
Currently Selected:
Sam 150: wncB
Highlight
Share
Copy
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.