Bangandiroo 7
7
Tammaasa huru Irkoy ganakey teɲawey ga
1Woo banda ga, ay dii almalayka taaci kaŋ ga kay aduɲɲa kanje taacaa ga. I na aduɲɲa hew taacaa dii, hala affoo kul masi hẽe laboo ga, a masi hẽe teekoo boŋ, a masi hẽe tuuri kul boŋ. 2Ay dii almalayka tana kaŋ ga žigi ka hun waynahunay here, Irkoy hunantaa tammaasaa goo a kone. A na jinde jer ka kaati almalayka taacaa ga kaŋ duu hini ka ifutu tee laboo nda teekoo se 3ka nee: «War masi ifutu tee laboo, nda teekoo, nda tuurey se hala waati kaŋ ir na tammaasa daŋ ir Irkoy tamey teɲawey ga.» 4Ay maa borey kaŋ tammaasa huru i ga hinnaa: i manʼti kala zenber zangu nda zenber woytaaci cindi taaci (144.000) Izirayel borey alkabiilawey kul ra.
5Žuda alkabiilaa boro zenber woy cindi hinka (12.000) ga tammaasa huru.
Rubeŋ alkabiilaa boro zenber woy cindi hinka (12.000).
Gad alkabiilaa boro zenber woy cindi hinka (12.000).
6Ašer alkabiilaa boro zenber woy cindi hinka (12.000).
Neftali alkabiilaa boro zenber woy cindi hinka (12.000).
Manase alkabiilaa boro zenber woy cindi hinka (12.000).
7Simewoŋ alkabiilaa boro zenber woy cindi hinka (12.000).
Lewi alkabiilaa boro zenber woy cindi hinka (12.000).
Isakar alkabiilaa boro zenber woy cindi hinka (12.000).
8Zabuloŋ alkabiilaa boro zenber woy cindi hinka (12.000).
Isufi alkabiilaa boro zenber woy cindi hinka (12.000).
Benžameŋ alkabiilaa boro zenber woy cindi hinka (12.000).
Alžama beeri kaŋ hun nongoo kul ra
9Woo banda ga, ay dii, nga ne, alžama beeri foo ne kaŋ boro kul si hin kʼa kabu, ganda kul goo a ra, nda alkabiila kul, nda jama dumi kul, nda šenni kul. I ga kay kokoy gorodogoo nda Feeji-izoo jine, darbay beeri kaaray goo jindey ra, teenayɲaa sarbayyaŋ goo kabey ra. 10I ga jinde jer ka kaati ka nee:
«Hallasiroo manʼti kala ir Koyoo
kaŋ ga goro kokoy gorodogoo boŋ nda Feeji-izoo wane.»
11Almalaykey kul kaŋ ga kay ka kokoy gorodogoo, nda boro beerey, nda hundikoyni taacaa kuubi kʼi bere na ngi ndumey sinji laboo ra kokoy gorodogoo jine ka sujudu Irkoy se 12ka nee:
«Amin! Saabu, nda darža, nda lakkal,
nda albarka, nda beeray, nda gaabi, nda sahã
manʼti kala ir Koyoo wane abada hala abada. Amin.»
13Boro beerey affoo na šennoo zaa ka nee ya ne: «Borey wey kaŋ ga darbay beeri kaarawey goo, mayyaŋ no, man ra i hun?» 14Ay nee a se: «Ay koyoo, ni no ma bay.» Waatoo din a duu ka nee ya ne:
«Borey no kaŋ hun zarabiyan beeroo dogoo ra.
I na ngi darbay beerey ɲumay kʼi kaarandi Feeji-izoo kuroo ra.
15Woo se i goo Irkoy kokoy gorodogoo jine kʼa gana cijin nda zaari nga hugoo ra.
Boraa kaŋ ga goro kokoy gorodogoo ra nʼi daŋ nga hukkumoo cire.
16I si yee ka heray, i si yee ka jaw.
Waynaa si yee kʼi kar, konni kul si yee kʼi kar.
17Zama Feeji-izoo kaŋ goo kokoy gorodogoo gamoo ra gʼi kur kʼi gongu
ka koy hunaroo haroo dandidogey ra. Irkoy ga ngi moɲey mundawey kul tuusu.»
Currently Selected:
Bangandiroo 7: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
