Zaburey 150
150
Haya kul kaŋ ga hunsar ma Abadantaa saabu!
1 Aleluya!
Wa Irkoy saabu nga nongu henanantaa ra,
wʼa saabu beenaa ra kaŋ ga nga hinoo cebe!
2Wʼa saabu nga teegoy albarkantey maaganda,
wʼa saabu ka sawa nda nga beeray beeroo!
3Wʼa saabu nda hilli hẽeni,
wʼa saabu nda kurbu nda kuntiji!
4Wʼa saabu nda dunduŋ nda gaaniyaŋ,
wʼa saabu nda hooray jinay linjikoyni nda laati!
5Wʼa saabu nda guuruyaŋ kaŋ ga kara-kara,
wʼa saabu nda guuruyaŋ kaŋ ga kobi!
6Yala haya kul kaŋ ga hunsar ma Abadantaa saabu!
Aleluya!
Currently Selected:
Zaburey 150: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
