Zaburey 146
146
Abadantaa ga yalaafantey faaba
1 Aleluya!
Ay hundoo, ma Abadantaa saabu!
2Kullihinne ay ga huna ay ga Abadantaa saabu,
ay ga don ay Koyoo se kullihinne ay ga bara.
3War masi war naanaa daŋ boŋkoyney ra,
adamize ra kaŋ si hin ka boro hallasi.
4Hundoo ga hun, a ga willi nga laboo ra,
zaari follokaa ra nga tammahãwey ga dere.
5Boraa duu gomni kaŋ Yakuba Koyoo ti nga faabakaa,
kaŋ naataa goo Abadantaa, nga Koyoo ra.
6Nga kaŋ na beenaa nda laboo tee,
nda teekoo nda haya kul kaŋ goo a ra,
nga kaŋ ga laadir hala abada.
7A ga ciiti dunbu borey kaŋ ga kankam se,
a ga heraykoyney noo ŋaayan,
Abadantaa ga kasa-izey feeri.
8Abadantaa ga danawey moɲey feeri,
Abadantaa ga borey kaŋ ga golbi kayandi,
Abadantaa ga baa boro šerrantey.
9Abadantaa ga yawey hawgay,
a ga alyatimoo nda woyoo kaŋ kurɲoo buu faaba,
amma a ga boro laala dabarey hasara.
10Abadantaa ga laama hala abada,
Siyoŋ koyraa, ni Koyoo ga laama zaman ka koy zaman!
Aleluya!
Currently Selected:
Zaburey 146: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
