Zaburey 142
142
Irkoy ga nga tamey noo nga lakkaloo
1Woo ti Dawda bayti dooni foo. A manʼa don kala waatoo kaŋ a goo tondi horboo ra. Irkoy ŋaarayyan no.
2Ay ga jinde jer ka Abadantaa cee,
ay ga jinde jer ka kaati ka Abadantaa suurandi.
3Ay ga agay šugulla daŋ a jine,
ay gʼay binemaraa daŋ a jine.
4Nda ay binoo hun,
ni, nʼga fondaa bay kaŋ ga ay goo.
I tugu ka kumsay hirri ya ne
fondaa ga kaŋ ra ay ga dira.
5Ni kabe gumaa heroo guna, ma dii
kaŋ boro kul si kula ay ra,
lanbadoo kul dere ya ne,
boro kul si alhuzun nda ay hundoo.
6Abadantaa, ni no ay ga kaati ka ni cee.
Ay nee: «Ni ti nongoo kaŋ ra ay gʼay boŋ talfi,
ni ti ay bagaa baahunantey laboo ra.»
7Haŋajer ay kaatiroo se,
zama ay sahãa ben,
ay hundoo feeri kʼay kaa borey kaŋ gʼay gaaray kabey ra,
zama i goo nda gaabi ka bisa agay.
8Ay hundoo kaa kasaa ra
hala ya ni maaɲoo šifa.
Boro šerrantey ga kaa kʼay kuubi kʼay bere
waati kaŋ nʼna gomni tee ya ne.
Currently Selected:
Zaburey 142: ses
Highlight
Copy
Compare
Share
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
