Litoonl 15
15
Baah lagin Jerusalam nan a bɔr
1Bijab biba le nan nyan Judiya, ki dan Antiɛg, le ki nan wɔɔn biwonjiɛmin ke: “See ke ni jii ni pun, ke Moziz a siimin kaah wɔɔn man nin, naa ye man ke, naa li kan nŋmarimi.” 2Le Pɔɔl nin Banabasi fa bi limɔkpel nin kinimaŋ. Le bi gann Pɔɔl nin Banabasi nin biwonjiɛm bibam, ke bin jo Jerusalam, ki tan kan itoon nin nin bisanliibin ki jiin nbinbaan nmɔn paam.
3Le biwonjiɛm a laguŋin nan tun bi, le baah nan choon ki nɔɔ Fonisiya nin Samariya nan, le bi bei bi ban kaa ye Juu yaabin kaah kpenn bi binbem ki ta biba ki sei Uwonbɔr man. Tibɔr nmɔn nan mɔŋ biwonjiɛm pam. 4N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.
5Le biwonjiɛm ban nan si Farasii yaab a chaŋin fii sir ki ke, “Ni kpaa le nin ban kaa ye Juu yaabin jii bi pun, ki chee sei Moziz a siimin.”
6Le itoon nin nin bisanliibin lagin tab ki pag ki jiin nbinbaan nmɔn paam. 7Bi nan pag ti ni yuur le Piita nan nan fii sir ki ke, “N nabum, ni nyi ke iyoo yan jon nin, Uwonbɔr nan gannim le ni poolin ke n pag tibɔŋann nin ki sei ban kaa ye Juu yaab, wee bin gbir ki ŋa yada. 8Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin. 9Waa wiɛr tim nin bima, nan bu-n U ŋunn bi sufu le bi yada bu. 10Ke daandaan nan, ba ŋa wee ni ban ni mag Uwonbɔr aa? Wee ki ban ni ta kunaajadaag kan wee tim bee ti baam kaa fir tun ki ta tun biwonjiɛm nan naa? 11Aai! Tim ŋa yada ke ti Yudaau Yisa a nyunyunbasanl bu le ti kan nŋmarim, ke bi mu kaah kan man nin.”
12Le kulaguŋin nmɔn yaab jir ŋmin soon, ki nin pelig Banabasi nin Pɔɔl kaah pag Uwonbɔr kaah ta bi tun ligaril a siɛra nin lijinjeel a toonl man, ban kaa ye Juu yaabin a sisiigin. 13Baah nan pag ki diɛ n-yonn man nin, le Jemisi pag paab ke: “N nabum, ni pelim man. 14Simɔnn bei ti Uwonbɔr a baga kaah be ban kaa ye Juu yaabin bu man na, nin waah nyan bi ni bibam wee bi ye u tɔɔl yaab man na. 15Bilinlem a mɔleen yin chee sei ke naah sɔb man nin na:
16‘Ni bɔɔn bu N li jirin,
Ki mann ŋuun Defid a nanboŋ kan lu-n.
Ki mann tan bii-n,
ki che min sir,
17 #
Emosi 9:11-12
ni bu bininfob ban gur le ban Uyudaan,
nin ban biɛn kaa ye Juu yaab wee ki jɔɔ n yinlin,
Uyudaan wan tun man nmɔn le len man’
18nan wee ti pii nyi ibin yan jon.”
19Le Jemisi ji mann bei bi ke, “Mambu min len le ke ti laa ta nan pɔɔ ki sei ban kaa ye Juu yaab wee ki ban bin ta biba ki jirin Uwonbɔr ban nni. 20Amaa ti li sɔb kugbɔŋ le ki sei bi, ki bei bi wee bi laa ji ibawol a jiiri, ki laa tun iwanchɔgin toon lipiibanlin bee lijabanlin ni, ki laa ŋma kuwankobug kan wee bi ŋmaan ŋmaan ki ku a nann ni, ki laa ji nchami. 21Nan bu-n Moziz a siimin, ti yaajam a yonn le u nan mɔɔn nsiimin kitiŋ biɛn nin, le bi karin nsiim nmɔn tiwonjiɛndirin likpakɔɔl daal biɛn.”
Baah sɔb kugbɔŋ ki sei Yadadam ban kaa ye Juu yaab man
22Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib. 23Le bi nan sɔb kugbɔŋ nan ki tun bi:
Yisa a tooi nin biwonjiɛm a sanliib nin ban ye ni nabum le sɔb kugbɔŋ nan,
Ki tenn nim yadadam ban kaa ye Juu yaab wee ki be Antiɛg nin Siriya nin Silisiya:
Ti poor ni.
24Ti gbir ke ti ni biba dan ni ban le naa ye tim le tun bi, ki jɔɔ tibɔr ti ba ki pag ni, le ni mugir ni ki ŋmarin ni potiɛl. 25Ni bu le ti chee ki gann bininfob biba bi ma nin ti jɔtiib Banabasi nin Pɔɔl ke bin dan ni ban, 26ban junn bi miɛfol ti Yudaau Yisa Masiya a yinl bu-n. 27Nima bu le ti tun Judasi nin Silasi ke bin nan ta bi mɔb ki pag bei ni ta sɔb nan. 28Ni ŋan ki sei Kasi a Naaŋ nin tim wee ti laa che nin mug ni ki jo nsiim man sɔb nan ni: 29Ni laa ji tijiir tan wee bi ta mann ibawoli, ni laa ji nchami, ni laa ŋma kuwankobug kan wee bi ŋmaan ŋmaan ku a nann ni, wee ki laa tun iwanjaab toon lipiibanlin bee lijabanlin ni. Ni pɔɔn niba wee ki nya ni niɛ nan yaan na.
Ni laan paara.
30Le bi tun bi, le bi jon jir Antiɛg, nin yaan le bi lagin biwonjiɛm a laguŋin biɛn ki sei be kugbɔŋin. 31Baah karin kugbɔŋin nin, le ni ŋa bi nmɔn nin baah ta pɔɔninba a kpaan yan ki sei bin bu. 32Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu. 33Baah nan yuur nin yaan wama-n, a bɔɔn bu, le biwonjiɛmin nan chiɛn bi nsan bu nin tikaar nin nposɔɔn, le bi jir kun ban tun bin ban. 34#15:34 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Litoonl 15:34. Amaa le ni mɔŋ Silasi le u paar Antiɛg. 35Amaa le Pɔɔl nin Banabasi nan paar Antiɛg, le bi ma nin bi tab takpem nan mɔɔn tibɔŋann nin ki sei bininfob ki ji wɔɔn bi Uyudaan a bɔr.
Pɔɔl nin Banabasi kaah yiɛr man
36Ni nan yuur wamau le Pɔɔl nan bei Banabasi ke, “Che ti jir tan gɔnn ti nabum ban biɛn be ntim man yaan wee ti nan mɔɔn Uyudaau a bɔr ki sei bi-n, ki kan baah tun man.” 37Le Banabasi nan ban bin ta Jɔnn wan a yinl ji ye Mag ki kpiɛ bi bu, 38amaa le Pɔɔl kaa chee ke bin ta Jɔnn Mag ki kpiɛ, nan bu-n u nan jiɛn bi le Pamfiliya ki labir kun kaa ji kpiɛg bi bu itoon nin yaan ni. 39Bi mɔkpel nmɔn kaah nan pɔɔn bu le nan che Pɔɔl nin Banabasi yiɛr tab. Le Banabasi ta Jɔnn Mag, le bi kɔɔ kuŋaluŋ ki jon Saipuru. 40Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon. 41Le u nɔɔ Siriya nin Silisiya a timin ki pɔɔgir biwonjiɛm a laginn a gbanann.
Currently Selected:
Litoonl 15: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Litoonl 15
15
Baah lagin Jerusalam nan a bɔr
1Bijab biba le nan nyan Judiya, ki dan Antiɛg, le ki nan wɔɔn biwonjiɛmin ke: “See ke ni jii ni pun, ke Moziz a siimin kaah wɔɔn man nin, naa ye man ke, naa li kan nŋmarimi.” 2Le Pɔɔl nin Banabasi fa bi limɔkpel nin kinimaŋ. Le bi gann Pɔɔl nin Banabasi nin biwonjiɛm bibam, ke bin jo Jerusalam, ki tan kan itoon nin nin bisanliibin ki jiin nbinbaan nmɔn paam.
3Le biwonjiɛm a laguŋin nan tun bi, le baah nan choon ki nɔɔ Fonisiya nin Samariya nan, le bi bei bi ban kaa ye Juu yaabin kaah kpenn bi binbem ki ta biba ki sei Uwonbɔr man. Tibɔr nmɔn nan mɔŋ biwonjiɛm pam. 4N-yonn man wee bi foon Jerusalam nan, le biwonjiɛm a laguŋ nin Yisa a toon nin bisanliibin gaa bi kuchɔŋ. Le Pɔɔl nin Banabasi bei bi niwann nan biɛn wee Uwonbɔr che bi tun.
5Le biwonjiɛm ban nan si Farasii yaab a chaŋin fii sir ki ke, “Ni kpaa le nin ban kaa ye Juu yaabin jii bi pun, ki chee sei Moziz a siimin.”
6Le itoon nin nin bisanliibin lagin tab ki pag ki jiin nbinbaan nmɔn paam. 7Bi nan pag ti ni yuur le Piita nan nan fii sir ki ke, “N nabum, ni nyi ke iyoo yan jon nin, Uwonbɔr nan gannim le ni poolin ke n pag tibɔŋann nin ki sei ban kaa ye Juu yaab, wee bin gbir ki ŋa yada. 8Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin. 9Waa wiɛr tim nin bima, nan bu-n U ŋunn bi sufu le bi yada bu. 10Ke daandaan nan, ba ŋa wee ni ban ni mag Uwonbɔr aa? Wee ki ban ni ta kunaajadaag kan wee tim bee ti baam kaa fir tun ki ta tun biwonjiɛm nan naa? 11Aai! Tim ŋa yada ke ti Yudaau Yisa a nyunyunbasanl bu le ti kan nŋmarim, ke bi mu kaah kan man nin.”
12Le kulaguŋin nmɔn yaab jir ŋmin soon, ki nin pelig Banabasi nin Pɔɔl kaah pag Uwonbɔr kaah ta bi tun ligaril a siɛra nin lijinjeel a toonl man, ban kaa ye Juu yaabin a sisiigin. 13Baah nan pag ki diɛ n-yonn man nin, le Jemisi pag paab ke: “N nabum, ni pelim man. 14Simɔnn bei ti Uwonbɔr a baga kaah be ban kaa ye Juu yaabin bu man na, nin waah nyan bi ni bibam wee bi ye u tɔɔl yaab man na. 15Bilinlem a mɔleen yin chee sei ke naah sɔb man nin na:
16‘Ni bɔɔn bu N li jirin,
Ki mann ŋuun Defid a nanboŋ kan lu-n.
Ki mann tan bii-n,
ki che min sir,
17 #
Emosi 9:11-12
ni bu bininfob ban gur le ban Uyudaan,
nin ban biɛn kaa ye Juu yaab wee ki jɔɔ n yinlin,
Uyudaan wan tun man nmɔn le len man’
18nan wee ti pii nyi ibin yan jon.”
19Le Jemisi ji mann bei bi ke, “Mambu min len le ke ti laa ta nan pɔɔ ki sei ban kaa ye Juu yaab wee ki ban bin ta biba ki jirin Uwonbɔr ban nni. 20Amaa ti li sɔb kugbɔŋ le ki sei bi, ki bei bi wee bi laa ji ibawol a jiiri, ki laa tun iwanchɔgin toon lipiibanlin bee lijabanlin ni, ki laa ŋma kuwankobug kan wee bi ŋmaan ŋmaan ki ku a nann ni, ki laa ji nchami. 21Nan bu-n Moziz a siimin, ti yaajam a yonn le u nan mɔɔn nsiimin kitiŋ biɛn nin, le bi karin nsiim nmɔn tiwonjiɛndirin likpakɔɔl daal biɛn.”
Baah sɔb kugbɔŋ ki sei Yadadam ban kaa ye Juu yaab man
22Le itoon nin bisanliibin, nin biwonjiɛmin biɛn lol ki nyan bibam bi ni, ki tun bi ma nin Pɔɔl nin Banabasi le bi jon Antiɛg. Le bi nan gann Judasi, (wan a yinl ye Basabasi) nin Silasi. Bijab bilee nmɔn le nan ye biwonjiɛm nmɔn a sanliib. 23Le bi nan sɔb kugbɔŋ nan ki tun bi:
Yisa a tooi nin biwonjiɛm a sanliib nin ban ye ni nabum le sɔb kugbɔŋ nan,
Ki tenn nim yadadam ban kaa ye Juu yaab wee ki be Antiɛg nin Siriya nin Silisiya:
Ti poor ni.
24Ti gbir ke ti ni biba dan ni ban le naa ye tim le tun bi, ki jɔɔ tibɔr ti ba ki pag ni, le ni mugir ni ki ŋmarin ni potiɛl. 25Ni bu le ti chee ki gann bininfob biba bi ma nin ti jɔtiib Banabasi nin Pɔɔl ke bin dan ni ban, 26ban junn bi miɛfol ti Yudaau Yisa Masiya a yinl bu-n. 27Nima bu le ti tun Judasi nin Silasi ke bin nan ta bi mɔb ki pag bei ni ta sɔb nan. 28Ni ŋan ki sei Kasi a Naaŋ nin tim wee ti laa che nin mug ni ki jo nsiim man sɔb nan ni: 29Ni laa ji tijiir tan wee bi ta mann ibawoli, ni laa ji nchami, ni laa ŋma kuwankobug kan wee bi ŋmaan ŋmaan ku a nann ni, wee ki laa tun iwanjaab toon lipiibanlin bee lijabanlin ni. Ni pɔɔn niba wee ki nya ni niɛ nan yaan na.
Ni laan paara.
30Le bi tun bi, le bi jon jir Antiɛg, nin yaan le bi lagin biwonjiɛm a laguŋin biɛn ki sei be kugbɔŋin. 31Baah karin kugbɔŋin nin, le ni ŋa bi nmɔn nin baah ta pɔɔninba a kpaan yan ki sei bin bu. 32Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu. 33Baah nan yuur nin yaan wama-n, a bɔɔn bu, le biwonjiɛmin nan chiɛn bi nsan bu nin tikaar nin nposɔɔn, le bi jir kun ban tun bin ban. 34#15:34 Chinchinn a sɔbim nin nsɔbim man wee ti num gbee mu terim ki kpiɛ bitinkpegib a siɛra jib kaa jɔɔ Litoonl 15:34. Amaa le ni mɔŋ Silasi le u paar Antiɛg. 35Amaa le Pɔɔl nin Banabasi nan paar Antiɛg, le bi ma nin bi tab takpem nan mɔɔn tibɔŋann nin ki sei bininfob ki ji wɔɔn bi Uyudaan a bɔr.
Pɔɔl nin Banabasi kaah yiɛr man
36Ni nan yuur wamau le Pɔɔl nan bei Banabasi ke, “Che ti jir tan gɔnn ti nabum ban biɛn be ntim man yaan wee ti nan mɔɔn Uyudaau a bɔr ki sei bi-n, ki kan baah tun man.” 37Le Banabasi nan ban bin ta Jɔnn wan a yinl ji ye Mag ki kpiɛ bi bu, 38amaa le Pɔɔl kaa chee ke bin ta Jɔnn Mag ki kpiɛ, nan bu-n u nan jiɛn bi le Pamfiliya ki labir kun kaa ji kpiɛg bi bu itoon nin yaan ni. 39Bi mɔkpel nmɔn kaah nan pɔɔn bu le nan che Pɔɔl nin Banabasi yiɛr tab. Le Banabasi ta Jɔnn Mag, le bi kɔɔ kuŋaluŋ ki jon Saipuru. 40Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon. 41Le u nɔɔ Siriya nin Silisiya a timin ki pɔɔgir biwonjiɛm a laginn a gbanann.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.