गन्ती 27
27
सलोफादया म्ह्याय्पिं
1सलोफाद हेपेरया काय् खः। हेपेर गिलादया काय् खः। गिलाद माकीरया काय् खः। माकीर मनश्शेया काय् खः, मनश्शे योसेफया काय् खः। सलोफादया न्याम्ह म्ह्याय्पिं दु। इमिगु नां महला, नोअहा, होग्ला, मिल्का व तिर्सा खः। 2इपिं वयाः नापलायेगु पालया ध्वाखाय् मोशा, एलाजार पुजाहारी, नायःत व फुक्क खलःया न्ह्यःने दनाः थथे धाल, 3“जिमि बौ मरुभूमिइ सित। वय्कः परमप्रभुयागु विरोधय् दंम्ह कोरहया पुचलय् मदु। वय्कः थःगु हे पापया हुनिं सित, अले वय्कःया काय्पिं नं मदु। 4काय् मदुगुलिं जिमि बौया नां थःगु वंशपाखें छाय् न्हंकाछ्वयेगु? जिमि बौया थःथितिपिं नापं जिमित नं सम्पत्ति बियादिसँ।”
5इमिगु थ्व खँ मोशां परमप्रभुयाथाय् हल। 6परमप्रभुं वयात थथे धयादिल, 7“सलोफादया म्ह्याय्पिन्सं पिकाःगु खँ पाय्छि जू। छं इमित इमि बौया थःथितिपिं नापं सर्बयकथं सर्बय बीमाः। छं इमिगु ल्हातय् इमि बौयागु सर्बय लःल्हानाब्यु।#गन्ती ३६:२
8“छं इस्राएलीतय्त थथे धा, ‘सुं मनू काय् मदय्क सिनावन धाःसा वयागु सर्बय वया म्ह्याय्यागु हे जुइ। 9वया सुं म्ह्याय् नं मदुसा वयागु सर्बय वया दाजुकिजापिन्त बीमाः। 10वया दाजुकिजापिं मदुसा वयागु सर्बय वया बौया दाजुकिजापिन्त बीमाः। 11वया बौया सुं दाजुकिजा नं मदुसा वयागु सर्बय वया वंशय् दकलय् सतिक थःलाःम्हय्सित ब्यु। अले वं उकियात थःगु यायेमाः। परमप्रभुं मोशायात उजं बियादी थें थ्व इस्राएलीतय्गु निंतिं न्याययागु नियम जुइ।’”
मोशाया थासय् यहोशूयात ल्ययादीगु
व्य ३१:१-८
12परमप्रभुं मोशायात धयादिल, “छ थ्व अबीराम गुँझ्वलय् थहां हुँ। छं अनं जिं इस्राएलीतय्त बियागु देश स्व।#व्य ३:२३-२७; ३२:४८-५२ 13छं व स्वये धुंकाः छ नं छिमि दाजु हारून थें सिनाः थः पुर्खानापं मिलय् जू वनी। 14छाय्धाःसा छिपिं निम्हय्सिनं जीनया मरुभूमिइ जिगु आज्ञाया विरोधय् विद्रोह यात। सकल इस्राएलया मनूतय्सं लःया निंतिं विद्रोह याःबलय् छिमिसं इमित जिगु पवित्रता क्यने मफुत।” (थ्व जीनया मरुभूमिइ मेरीबा कादेशया लखय् जूगु खः।)#गन्ती २०:१२-१३
15अले मोशां परमप्रभुयात धाल, 16“फुक्क प्राणीतय्त सासः बियादीम्ह परमप्रभु परमेश्वरपाखें हे थ्व खलःया च्वय् छम्ह नायः ल्ययादिसँ! 17व इमिगु न्ह्यः न्ह्यः पिहां वनीम्ह व दुहां वइम्ह जुइमा, वं न्ह्यलुवाः जुयाः इमित यंकी, अले इमित दुने हइ। थुकथं परमप्रभुया मनूत जवाः मदुपिं फै थें जुइ मखु।#१ राज २२:१७; इज ३४:५; मत्ती ९:३६; मर्क ६:३४”
18परमप्रभुं मोशायात धयादिल, “थज्याःगु आत्मा दुम्ह नूनया काय् यहोशूयात कयाः छं वयागु छेनय् थःगु ल्हाः ति।#प्रस २४:१३; व्य ३१:१-८ 19अले वयात एलाजार पुजाहारी व फुक्क खलःया न्ह्यःने थँ। इमिगु मिखाया न्ह्यःने हे वयात थ्व ज्या ब्यु। 20इस्राएलया फुक्क खलकं वयात मानय् यायेमाः धकाः छं वयात छंगु छुं अधिकार ब्यु। 21यहोशू पुजाहारी एलाजारया न्ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्यनेगु यायेमाः। यहोशूयागु हे उजंकथं फुक्क इस्राएलीत व नापं हे वयेगु व वनेगु यायेमाः।#प्रस २८:३०; १ शमू १४:४१; २८:६”
22थथे परमप्रभुं उजं बियादीकथं मोशां यात। वं यहोशूयात कयाः एलाजार पुजाहारी व फुक्क खलःया न्ह्यःने थन। 23परमप्रभुं मोशायात उजं बियादी थें वं थःगु ल्हाः यहोशूया छेनय् तल अले वयात मनूतय् नायः जुइगु जिम्मा बिल।#व्य ३१:२३
Currently Selected:
गन्ती 27: NEW
Highlight
Copy
Compare
Share
Want to have your highlights saved across all your devices? Sign up or sign in
© 2024 Nepal Bible Society, Newa Christian
Literature Center and Wycliffe Bible Translators, Inc.
गन्ती 27
27
सलोफादया म्ह्याय्पिं
1सलोफाद हेपेरया काय् खः। हेपेर गिलादया काय् खः। गिलाद माकीरया काय् खः। माकीर मनश्शेया काय् खः, मनश्शे योसेफया काय् खः। सलोफादया न्याम्ह म्ह्याय्पिं दु। इमिगु नां महला, नोअहा, होग्ला, मिल्का व तिर्सा खः। 2इपिं वयाः नापलायेगु पालया ध्वाखाय् मोशा, एलाजार पुजाहारी, नायःत व फुक्क खलःया न्ह्यःने दनाः थथे धाल, 3“जिमि बौ मरुभूमिइ सित। वय्कः परमप्रभुयागु विरोधय् दंम्ह कोरहया पुचलय् मदु। वय्कः थःगु हे पापया हुनिं सित, अले वय्कःया काय्पिं नं मदु। 4काय् मदुगुलिं जिमि बौया नां थःगु वंशपाखें छाय् न्हंकाछ्वयेगु? जिमि बौया थःथितिपिं नापं जिमित नं सम्पत्ति बियादिसँ।”
5इमिगु थ्व खँ मोशां परमप्रभुयाथाय् हल। 6परमप्रभुं वयात थथे धयादिल, 7“सलोफादया म्ह्याय्पिन्सं पिकाःगु खँ पाय्छि जू। छं इमित इमि बौया थःथितिपिं नापं सर्बयकथं सर्बय बीमाः। छं इमिगु ल्हातय् इमि बौयागु सर्बय लःल्हानाब्यु।#गन्ती ३६:२
8“छं इस्राएलीतय्त थथे धा, ‘सुं मनू काय् मदय्क सिनावन धाःसा वयागु सर्बय वया म्ह्याय्यागु हे जुइ। 9वया सुं म्ह्याय् नं मदुसा वयागु सर्बय वया दाजुकिजापिन्त बीमाः। 10वया दाजुकिजापिं मदुसा वयागु सर्बय वया बौया दाजुकिजापिन्त बीमाः। 11वया बौया सुं दाजुकिजा नं मदुसा वयागु सर्बय वया वंशय् दकलय् सतिक थःलाःम्हय्सित ब्यु। अले वं उकियात थःगु यायेमाः। परमप्रभुं मोशायात उजं बियादी थें थ्व इस्राएलीतय्गु निंतिं न्याययागु नियम जुइ।’”
मोशाया थासय् यहोशूयात ल्ययादीगु
व्य ३१:१-८
12परमप्रभुं मोशायात धयादिल, “छ थ्व अबीराम गुँझ्वलय् थहां हुँ। छं अनं जिं इस्राएलीतय्त बियागु देश स्व।#व्य ३:२३-२७; ३२:४८-५२ 13छं व स्वये धुंकाः छ नं छिमि दाजु हारून थें सिनाः थः पुर्खानापं मिलय् जू वनी। 14छाय्धाःसा छिपिं निम्हय्सिनं जीनया मरुभूमिइ जिगु आज्ञाया विरोधय् विद्रोह यात। सकल इस्राएलया मनूतय्सं लःया निंतिं विद्रोह याःबलय् छिमिसं इमित जिगु पवित्रता क्यने मफुत।” (थ्व जीनया मरुभूमिइ मेरीबा कादेशया लखय् जूगु खः।)#गन्ती २०:१२-१३
15अले मोशां परमप्रभुयात धाल, 16“फुक्क प्राणीतय्त सासः बियादीम्ह परमप्रभु परमेश्वरपाखें हे थ्व खलःया च्वय् छम्ह नायः ल्ययादिसँ! 17व इमिगु न्ह्यः न्ह्यः पिहां वनीम्ह व दुहां वइम्ह जुइमा, वं न्ह्यलुवाः जुयाः इमित यंकी, अले इमित दुने हइ। थुकथं परमप्रभुया मनूत जवाः मदुपिं फै थें जुइ मखु।#१ राज २२:१७; इज ३४:५; मत्ती ९:३६; मर्क ६:३४”
18परमप्रभुं मोशायात धयादिल, “थज्याःगु आत्मा दुम्ह नूनया काय् यहोशूयात कयाः छं वयागु छेनय् थःगु ल्हाः ति।#प्रस २४:१३; व्य ३१:१-८ 19अले वयात एलाजार पुजाहारी व फुक्क खलःया न्ह्यःने थँ। इमिगु मिखाया न्ह्यःने हे वयात थ्व ज्या ब्यु। 20इस्राएलया फुक्क खलकं वयात मानय् यायेमाः धकाः छं वयात छंगु छुं अधिकार ब्यु। 21यहोशू पुजाहारी एलाजारया न्ह्यःने दनेगु यायेमाः, एलाजारं वयागु निंतिं परमप्रभुयाके ऊरीमपाखें फैसला न्यनेगु यायेमाः। यहोशूयागु हे उजंकथं फुक्क इस्राएलीत व नापं हे वयेगु व वनेगु यायेमाः।#प्रस २८:३०; १ शमू १४:४१; २८:६”
22थथे परमप्रभुं उजं बियादीकथं मोशां यात। वं यहोशूयात कयाः एलाजार पुजाहारी व फुक्क खलःया न्ह्यःने थन। 23परमप्रभुं मोशायात उजं बियादी थें वं थःगु ल्हाः यहोशूया छेनय् तल अले वयात मनूतय् नायः जुइगु जिम्मा बिल।#व्य ३१:२३
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Nepal Bible Society, Newa Christian
Literature Center and Wycliffe Bible Translators, Inc.