TAITƆ 1
1
Daali‐mai
1Nài gè ga Pɔɔ gà ga Gala na tii‐ɣɛɛ nu gè ga Ziizɛ Kolai na keela, kɛɛ ʋaa ma niitiɛ Gala zee ƃadogɛi te va gè te maʋaa li ga zee luo vele zee‐la‐mai zu ta ta ɣele‐ɣelegi pilegɛi gaamai nii va solowogɛi Gala tuoi ma. 2Gà nii ɣɛɛzu kì kɛɛ vele ma zɛʋui nii va kwɛ̃ɛ gɛ lɛ ba nii Galagi ɛ́ lɛ wɔlɔ‐wɔlɔ zɛɛ ʋaa woga é maɣi‐to boni ƃɔɔ wɔlɔ. 3Tɔwɔ é maʋai wuloni kɛnɛ ma dáa woi zu mawuu ƃɔɔƃɔɔgi ma. Nii ɣɛɛni Gala goo‐wogai zaala zu. Na ɣa ga nii tògɛi maʋaa ƃawola de valo nui Gala na deʋei mavele ma. 4Gà kɔlɔi nii wonɛzu è wɔ, Taitɔ, yài è ga dùu ƃɔɔƃɔɔ de laa vele ma ga faa zii ɣilagi. Maa‐wõi‐ɣaa ƃɔ‐bai ƃɔga zii‐lai kuloai de ɣeea Gala zeea ta de valo nui Ziizɛ Kolai ta ɣɛ è ʋaa ma fãa.
Taitɔ na tii Kiliti yui zu
5Zaƃui nii ɣa gè è yɛni ma Kiliti yui zu. Na ɣa ga nii nɛpɛ kawɔ‐zu maʋaa va è nà wodɔ. Na ɣa ɣɛɛ na è yee ƃado numaa va taa ɣile‐giledai zu ga Gala pɛlɛ lo‐tuoitiɛ è ɣɛ velei nɔ gè kavelei lɛɛni la ga yìɛ. 6Manumaitiɛ ta ɣɛ ga zinai niitiɛ faa lɛ yɛni te ma, te ga niitiɛ te ŋaza wulola ɣɛɛ nɔ ɣile, te leaitiɛ te ga Kolai maa vea te ga lopaitiɛ nu ɣi gɛ lɛ te va tuo‐vele‐yowũ‐wulo ʋaa zu ɔɔ te ɣɛ ga lopai niitiɛ tɛ lɛ te ɣaa vea woo ɣa. 7Toku ge zei ga è ɣɛ velei Gala pɛlɛ maazu nu é la ga Gala zeea ʋaitiɛ maʋaa‐ƃaso nu, kɛni yá ɣɛ ga nui faa lɛ yɛni ma. Kɛni é ɣɛ ga nui kpɔɔ ʋaa wala lɛ wɔɔlɔni gáazu ɔ́ nɔ ɣɛ ga é ɣɛ ga zii‐ƃadi nu ɔɔ dɔɔ‐ƃoale nu ƃakpa. Ɛ́ lɛ ɣɛɛ ga ƃuulu‐ƃaala faa‐ɣɛɛ nu ɔ́ nɔ ɣɛ ga é ɣɛ ga ŋɛni‐wõi‐kulo nu. 8Kɛ̀ maa nɛɛvɛ é ɣɛ ga nu ƃɔɔ nu, faa vagɔ‐ɣɛɛ wõi ma, siai ƃɔɔ wu, tuo vele ɣaa lɔgɛi, maa wuai yíɛ ƃɔɔ zu zo faa ma. 9Kɛni manui ɣa ɣata gaama woi va è ɣɛ velei maɣala‐bogi woga la la, kɛɛ ʋaa ma é zoo é faa lɛ ga numaa kala‐bogi zu maʋaa ɣaa wuai é lo kɔnɔ zɔitiɛ la ta kala‐bogi maʋaa zakpe.
10Ƃɔvɛlaale zinaa lamaa ta na te maa lɛ woloni te ga faa yãka zu‐wulo vea te wɔnɔ ga nu ɣaa‐wɔlɔ bea, numai niitiɛ te sei‐kpoto‐ma zu ƃulugi zu natiɛ ta dɔ vele ƃɔɔƃɔɔ ma. 11Kɛni nu ɣa te laa ɣɛ mɛ. Toku ge zei ga ta nui ɣaazɔ yii wotesu kaalai taniga zu te ɣala‐bo pele ma tiɛ ga kala‐bogi nii maa lɛ nɛɛni tɔ bo ta wũfe‐bala‐ma ŋɛni‐zɔlɔ‐wo fai ma nɔ. 12Ta ƃɔwɔi te ɣilagi nii ɔ́ faa yɛ ná luo é bo é ɣɛni tea,
“Kiliti veaitiɛ ta ga zɛɛ ʋaa vea ga ɣee nɛpɛ, te ga tuƃo‐vele‐yowũ‐wulo
lɔƃɔ zua ɣavele, te wɔnɔ ga nɔlɔ veai niitiɛ ta daa‐mii kpakpa wo ga
ŋɛni‐wõi pele.”
13Seele woi nii ɣa ga gaama. Na ma yii ɣaa wãla te ya ga gaa wãla, kɛɛ ʋaa ma te ɣɛ ga nui maʋaa za‐su wuai zee‐la‐mai mavele ma. 14Nii ɣa ɣɛ ga ta mu te mɛ lɛ ɣɛ wui tosu kwele‐gitiɛ ma Dusiitiɛ ta too ɔ́ nɔ ɣɛ ga numai niitiɛ te ɣɛlɛzu gaamai va te wui to natiɛ ta leʋe woi ma. 15Taitiɛ te yii zu wuai faa pɛ maa wuovɛ te ɣaazu. Kɛ̀ niitiɛ te yii zu ŋala‐ŋalagɛi tɛ lɛ Kolai ʋaa ziɣini ga gaama, ŋɛni ta nɛpɛ maa lɛ wuoni te ɣaazu. Te ɣigi ƃɔwɔi vɛɛvɛ ta ɣi‐gaa‐ziɛi va te zu ŋala‐ŋalagɛi. 16Ta ƃɔɔ ziɣizu ga te Gala kwɛ̃ni. Kɛ̀ ta Gala maʋaa zakpesu ga te ɣɛɛ‐zɔ yowũi. Ta ga numaitiɛ te vɛlɛ lɛ nu vɛ te ga goo‐mɛni tala vea. Tɛ lɛ kuloni bu faa vagɔ ta nɛpɛ‐kɛɛ ʋaa ma.
Currently Selected:
TAITƆ 1: DN1971
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.
TAITƆ 1
1
Daali‐mai
1Nài gè ga Pɔɔ gà ga Gala na tii‐ɣɛɛ nu gè ga Ziizɛ Kolai na keela, kɛɛ ʋaa ma niitiɛ Gala zee ƃadogɛi te va gè te maʋaa li ga zee luo vele zee‐la‐mai zu ta ta ɣele‐ɣelegi pilegɛi gaamai nii va solowogɛi Gala tuoi ma. 2Gà nii ɣɛɛzu kì kɛɛ vele ma zɛʋui nii va kwɛ̃ɛ gɛ lɛ ba nii Galagi ɛ́ lɛ wɔlɔ‐wɔlɔ zɛɛ ʋaa woga é maɣi‐to boni ƃɔɔ wɔlɔ. 3Tɔwɔ é maʋai wuloni kɛnɛ ma dáa woi zu mawuu ƃɔɔƃɔɔgi ma. Nii ɣɛɛni Gala goo‐wogai zaala zu. Na ɣa ga nii tògɛi maʋaa ƃawola de valo nui Gala na deʋei mavele ma. 4Gà kɔlɔi nii wonɛzu è wɔ, Taitɔ, yài è ga dùu ƃɔɔƃɔɔ de laa vele ma ga faa zii ɣilagi. Maa‐wõi‐ɣaa ƃɔ‐bai ƃɔga zii‐lai kuloai de ɣeea Gala zeea ta de valo nui Ziizɛ Kolai ta ɣɛ è ʋaa ma fãa.
Taitɔ na tii Kiliti yui zu
5Zaƃui nii ɣa gè è yɛni ma Kiliti yui zu. Na ɣa ga nii nɛpɛ kawɔ‐zu maʋaa va è nà wodɔ. Na ɣa ɣɛɛ na è yee ƃado numaa va taa ɣile‐giledai zu ga Gala pɛlɛ lo‐tuoitiɛ è ɣɛ velei nɔ gè kavelei lɛɛni la ga yìɛ. 6Manumaitiɛ ta ɣɛ ga zinai niitiɛ faa lɛ yɛni te ma, te ga niitiɛ te ŋaza wulola ɣɛɛ nɔ ɣile, te leaitiɛ te ga Kolai maa vea te ga lopaitiɛ nu ɣi gɛ lɛ te va tuo‐vele‐yowũ‐wulo ʋaa zu ɔɔ te ɣɛ ga lopai niitiɛ tɛ lɛ te ɣaa vea woo ɣa. 7Toku ge zei ga è ɣɛ velei Gala pɛlɛ maazu nu é la ga Gala zeea ʋaitiɛ maʋaa‐ƃaso nu, kɛni yá ɣɛ ga nui faa lɛ yɛni ma. Kɛni é ɣɛ ga nui kpɔɔ ʋaa wala lɛ wɔɔlɔni gáazu ɔ́ nɔ ɣɛ ga é ɣɛ ga zii‐ƃadi nu ɔɔ dɔɔ‐ƃoale nu ƃakpa. Ɛ́ lɛ ɣɛɛ ga ƃuulu‐ƃaala faa‐ɣɛɛ nu ɔ́ nɔ ɣɛ ga é ɣɛ ga ŋɛni‐wõi‐kulo nu. 8Kɛ̀ maa nɛɛvɛ é ɣɛ ga nu ƃɔɔ nu, faa vagɔ‐ɣɛɛ wõi ma, siai ƃɔɔ wu, tuo vele ɣaa lɔgɛi, maa wuai yíɛ ƃɔɔ zu zo faa ma. 9Kɛni manui ɣa ɣata gaama woi va è ɣɛ velei maɣala‐bogi woga la la, kɛɛ ʋaa ma é zoo é faa lɛ ga numaa kala‐bogi zu maʋaa ɣaa wuai é lo kɔnɔ zɔitiɛ la ta kala‐bogi maʋaa zakpe.
10Ƃɔvɛlaale zinaa lamaa ta na te maa lɛ woloni te ga faa yãka zu‐wulo vea te wɔnɔ ga nu ɣaa‐wɔlɔ bea, numai niitiɛ te sei‐kpoto‐ma zu ƃulugi zu natiɛ ta dɔ vele ƃɔɔƃɔɔ ma. 11Kɛni nu ɣa te laa ɣɛ mɛ. Toku ge zei ga ta nui ɣaazɔ yii wotesu kaalai taniga zu te ɣala‐bo pele ma tiɛ ga kala‐bogi nii maa lɛ nɛɛni tɔ bo ta wũfe‐bala‐ma ŋɛni‐zɔlɔ‐wo fai ma nɔ. 12Ta ƃɔwɔi te ɣilagi nii ɔ́ faa yɛ ná luo é bo é ɣɛni tea,
“Kiliti veaitiɛ ta ga zɛɛ ʋaa vea ga ɣee nɛpɛ, te ga tuƃo‐vele‐yowũ‐wulo
lɔƃɔ zua ɣavele, te wɔnɔ ga nɔlɔ veai niitiɛ ta daa‐mii kpakpa wo ga
ŋɛni‐wõi pele.”
13Seele woi nii ɣa ga gaama. Na ma yii ɣaa wãla te ya ga gaa wãla, kɛɛ ʋaa ma te ɣɛ ga nui maʋaa za‐su wuai zee‐la‐mai mavele ma. 14Nii ɣa ɣɛ ga ta mu te mɛ lɛ ɣɛ wui tosu kwele‐gitiɛ ma Dusiitiɛ ta too ɔ́ nɔ ɣɛ ga numai niitiɛ te ɣɛlɛzu gaamai va te wui to natiɛ ta leʋe woi ma. 15Taitiɛ te yii zu wuai faa pɛ maa wuovɛ te ɣaazu. Kɛ̀ niitiɛ te yii zu ŋala‐ŋalagɛi tɛ lɛ Kolai ʋaa ziɣini ga gaama, ŋɛni ta nɛpɛ maa lɛ wuoni te ɣaazu. Te ɣigi ƃɔwɔi vɛɛvɛ ta ɣi‐gaa‐ziɛi va te zu ŋala‐ŋalagɛi. 16Ta ƃɔɔ ziɣizu ga te Gala kwɛ̃ni. Kɛ̀ ta Gala maʋaa zakpesu ga te ɣɛɛ‐zɔ yowũi. Ta ga numaitiɛ te vɛlɛ lɛ nu vɛ te ga goo‐mɛni tala vea. Tɛ lɛ kuloni bu faa vagɔ ta nɛpɛ‐kɛɛ ʋaa ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Loma New Testament © British and Foreign Bible Society, 1971.